لعلمك

لعلمك

إقرأ لي

دخلوا بكليك شمال :D

Blog Archive

الخميس، مارس 06، 2008

postheadericon جربت تصلح القربة قبل ما تنفخ فيها ؟!!

جربت تصلح القربة قبل ما تنفخ فيها ؟؟ والله مش بتريق ، كلنا بنشتكى من اننا لما بنيجى نصلح حاجة فى المجتمع بنكون كأننا بننفخ فى قربة مخرومة .. وماحدش بيخطر فى باله ابداً انه يصلح القربة وبعدين ينفخها علشان يوفر على نفسه المجهود والنفخ على الفاضى والاحباط كمان .. هوضح الفكرة اكتر شوية ، دلوقتى انت عايز تحارب التدخين فى المجتمع ، وقعدت تقول لواحد بسيط على قد حاله من ناحية العلم ، وقعدت تشرحله البلاوى اللى التدخين بيعملهاله فى جسمه كله ، وانت انسان متمكن ومتعلم وقاعد تقوله اسامى الامراض بالانجليزى ، او حتى بالعربية الفصحى مش العامية ، طبعا ً هو مش هيكون فاهم ايه الامراض دى ، ولا فى دماغه .. مش هيحس بالخطر لأنه بالنسبة له غامض او مجهول او حاجة مايعرفهاش ولا يعرف هى يعنى بتعمل ايه ، فعمره ما هيقتنع بالكلام اللى بتقوله وهتبقى فعلا بتنفخ فى قربة مخرومة
طب والحل ؟!!
الحل انك اما ترتقى بفكر اللى قاعد جنبك دا ، ودا صعب خصوصا ان التعليم فى الكبر كالنقش على الحجر ، أو انك تنزل لمستواه وتدور على مصطلحات وحاجات قريبة منه وبلغة ابن البلد كده تفهمه وتعرفه ، كده الرؤية عنده هتتضح اكتر وهيبدأ يقتنع بكلامك ومبروووووك عليك صلحت القربة ونفخت فيها فجابت نتيجة ...
اقولك حاجة تانى اسهل واوضح
انت عايز تقنع الناس يرشدوا استهلاك المواد الغذائية
بمعنى انهم ما يجيبوش حاجات فوق احتياجاتهم
لازم الاول تصلح فى تفكيرهم العادات الشرائية الغلط ، زى التفاخر والمنظرة بالشرا ، وفكرة الاوكازيون اللى واكلة دماغ البشر .. وعرفهم ان قيمة الانسان ما بتتحددش بكمية مشترواته .. وبعدها بقى طالبهم بترشيد الاستهلاك هتلاقيهم قادرين يتقبلوا منك الفكرة وينفذوها ..
وخلى بالك الميكانيكى الانف الانتوك اللى بيستكبر ينزل تحت العربية عمره ما هيصلحها ، تواضع وانزل لتحت بفكرك شوية علشان تاخد بايد الناس البسيطة وتطلع ويطلع معاك المجتمع كله لفوق .. وصدقنى لو فضلت لفوق الانحطاط الفكرى من حواليك هيخلك تتدهور وتنحدر انت كمان .. انا بقولك اهو علشان ما تقولش انا مااااااااااااااالى

0 بوينتس أوف فيو:

المتابعون

اعتبرها بيتك ♥

وِش القفص

خليك ورايا

دليفري..