2008-03-08

انتى ما بتتهديش ؟؟!!!!

" انتى ما بتتهديش ؟!!!"
اول مرة سمعتها اتصدمت ، لأنى كنت فاكرة انها بتتقال للناس المفترية الظالمة
او للمفسدين فى الارض زى ما بيقولوا .. وانا ولله الحمد عمرى ماكنت كده ..
بالعكس انا كل اللى بعمله انى بحاول اساعد ، وبحاول اكتسب خبرات واتعلم ،
وبفضفض بقلمى عن اللى جوايا ... الخ .. فازبهليت وانصدمت حبة كده ..
وجالى شوية اكتئاب واتهديت شوية وبعدين رجعت ريما لعادتها القديمة ..
ولما اتكرر الموضوع وسمعتها كتير فى المدرسة وبعدين الجامعة وبعدين على النت
فى المنتديات وفى المدونة وفى اماكن كتييييييير مابقتش تفرق اوى ..
بالعكس احياناً كنت بستمر إمعاناً فى فرسة وحرقة دم اللى عايزنى اتهد .
. المشكلة بقى اللى ماحدش قادر يفهمنى فيها ، هى ان انا ما بتهدش لسبب انى حاسة
دايما انى فى صراع مع الزمن والوقت والعمر ..
عايزة الحق اعمل اى حاجة قبل ما اموت ،
او قبل ما الاحوال تتقندل اكتر ماهى متقندلة ..
بس بينى وبينك احيانا بحس انى هتهد ، وههمد غصب عنى ..
وساعتها بجد ممكن اموت .. يااااااااااااااارب ما اتهد .....

هناك 3 تعليقات:

  1. و كمان اكون صاحب اول تعليق

    ده شرف كبير جدا منحهولي البلوج

    يا ستي بعد الشر عليكي

    و ان شاء الله ما تتهدي ولا تهدي

    ردحذف
  2. الشرف ليا انا بجد ، ميرسى جدا ليك وياااااااااااااااارب يسمع منك يااااااااااارب

    ردحذف
  3. مش ععارفة ليه حسييت اني انا اللي كتبت الكلام دة
    انا علي طول بقولولي الكلمة دي بس طبعا بدلهم واحد هويييس متيين و بعيش حياتي زي ما انا شايفاها

    ... عبير عوني ...

    ردحذف

Say something...