لعلمك

لعلمك

إقرأ لي

دخلوا بكليك شمال :D

Blog Archive

السبت، مارس 15، 2008

postheadericon العدد اليتيم من مجلة الاصدقاء ..

( مجلة الاصدقاء ) اول مجلة عملتها فى حياتى ..
كنت وقتها فى رابعة ابتدائى ..
العدد اليتيم منها كان فى ( 4 ابريل 1999 م ) ( 19 ذى الحجة 1419 هـ )
كنت انا رئيس تحريرها ومحررينها وقرائها كمان هههههههههههه
اسيبكم مع صور العدد


افتكر وقتها انى جيت اعمل مقدمة للعدد .. فاحترت اكتب ايه

رحت جبت كتاب كبير من المكتبة و نقلت التقديم بتاعه ..

الكتاب كان دينى علشان كده التقديم جه كده :


ان الحمد لله نحمده ونستعين به ونستغفره ونعوذ به من شرور


انفسنا ومن سيئات اعمالنا ونساله تبارك وتعالى الثبات


على الحق والعون على كل خير اما بعد ..

----------

بعدين بقى المقدمة اللى انا كتبتها :


" يسعدنى ان اقدم لكم مجلة الاصدقاء وستجد فيها التسلية والثقافة والجد واللعب والمرح والضحك والاناشيد والقصص الخيالية والقصص العلمية والقصص الدينية والاحاديث الشريفة "

وبعدين علشان اوحى باهمية اللى كتباه جبت قلم كحل ((( علشان يكون اسود عريض وكتبت )))

فى مجلة الاصدقاء المتعة والثقافة والتربية


مع تحيات سارة عبد الفتاح ...

-----------
هههههههههههههههههه

لو حد ركز فى الكلام هيفطس من الضحك على الحاجات اللى بالبولد

لأن المجلة كلها كانت عبارة عن 7 صفحات





صورة مقدمة العدد


==================


ودى اول صفحة كان فيها نشيد




بردو من تأليفى


طيورى طيورى طيرى وعودى

سمائك فضائك اشجارك اغصانك
طيرى فى السماء عودى من الفضاء

جمل الله سمائك وسع الله فضائك

طيورى طيورى طيرى وعودى
==============

والله لحد دلوقتى نفسى افهم معنى للبتاع دا

هههههههههههه

--------

بعد كده قصة مصورة على حلقات اسمها سموكة وملك البحار


وكان فشلى فى تكملة القصة دى من اكبر الاسباب اللى خلت العدد دا يتيم هههههههههههههههههههه

-----------------------


بعد كده المسابقة الكبرى



والله كنت فظيعة .. الفت كلمات متقاطعة وكنت حطاها فيها بس للاسف الورقة دى ضاعت


------------

ودى بقى اخر صفحة كان فيها رسوم الاصدقاء




هنا بنلاحظ تجلى موهبة الفبركة الصحفية هههههههههههههههههههههه
انا اللى رسمت كل الرسومات والفت الاسماء والبلاد

فاكرة كويس اوى انى كنت بتعب جدا عقبال ما افبرك اسم شخص

9 بوينتس أوف فيو:

My Hope$ يقول...

هههههههههههههههههههههههههه
عسل
والله
ههههه نتوقعلك مستقبل باهر
مش معقول بعد كل المواهب دي تكوني دخلتي تخصص تاني
انت يابنتي ولدتي لكي تكوني رئيس تحرير ومؤلفة خيالك واااااااااسع
سعيدة بمعرفتك
وكنت اتمني اشوف تعليقك
ياريت تبقي تقري موضوعاتي وانا كمان هبقي اقرا وهضيفك عندي اوكش
سلام
مني

S@rOra يقول...

ههههههههههههه ما انا قلت كده بردو ودرست الاعلام يا منونة

هههههههههههههههههه

ميرسى حبيبتى لمرورك الجميل وانا الاسعد والاكثر شرفاً بمعرفتك وبمرورك ياقمر

أحمد منتصر يقول...

هههههههههههه كل الكتاب الكبار على فكرة كانوا بيعملوا كده وهما صغيرين

فكرتيني بالذي مضى

أيام وحاجات لذيذة جدا

تحياتي :)

سارورة يقول...

ههههههههههه

دا انت ماتشوفنيش فى رابعة ابتدائى والمدرس بتاعنا بيطنطط علينا ويقولنا العقاااااد يا بهاااااايم كان مألف كتاب وهو فى ابتدائى رحت اتحمقت قوى وقلتله وايه يعنى ما انا عاملة مجلة ههههههههههههه

ربنا يبشرك بالخير يا احمد ويسمع منك

ميرسى لمرورك الجميل

Alaa El-Shaikh يقول...

عسل يا سارة ههههههههههههههههه جميلة بجد

Alaa El-Shaikh يقول...

ههههههههههههه بجد عاوزة اشوف المجلة دي

ياسمين حميد يقول...

لذيذة جداً

محمد أبوسنة يقول...

ههههههههههه
مش أنت لوحدك
كنت عامل مجلة بس
هي قصة مصورة بس << معنديش موهبة الفبركة
كان أسمها حامي الخير
و كانت مبنية على قصة أنا ألي مألفها بردو << دمااااااااااااغ مش كدا هههه
و القصة مأخوذة من كرتون أسمة داي
يعني من الأخر كنت أهبل رسمي << ولا زلت طبعاً

samar aboubakr يقول...

والله العظيم انتى عسسسسسسسسسسسسسسسل
مشكله يابنتى
انا بحسب لسعانك ده من قريب
اتضح انه من زمااااااااان

المتابعون

اعتبرها بيتك ♥

وِش القفص

خليك ورايا

دليفري..