لعلمك

لعلمك

إقرأ لي

دخلوا بكليك شمال :D

Blog Archive

الاثنين، مارس 17، 2008

postheadericon أيوة انا اللى هغير الكون ..

كل ما اجى اعمل حاجة اصحح بيها وضع غلط ...
او كل ما اطلب من حد يعمل كده ، ويغير ويرفض الوضع الغلط اللى احنا عايشينه
يقوم يقولى : " ياستى يعنى انا ولا انتى اللى هنغير الكون ؟؟!! "
ياستى طنشى .. طنش تعيش تاكل قراقيش
بس انا بجد زهقت .. زهقت من اكل القراقيش اللى وجعت سنانى
زهقت من الحال المايل اللى احنا رافضين نعدله ..
علشان كده قررت ارفع شعار ايوة انا اللى هغير الكون ..
والحمد لله فعلا بطلت اطنش وبدأت اصلح
اى حاجة احس انى اقدر اصلحها لو صغيرة
بقالى سنتين رافعة الشعار دا والحمد لله قدرت اعمل حاجات متهيألى انها تتحط فى ميزان حسناتى :
اول حاجة : قدرت اعلم اصحابى ماحدش يرمى اى حاجة فى الارض ، حتى لو الارض دى كانت مقلب قمامة
ودى عملتها بانى ما ارميش اى حاجة ، ورقة منديل ورقة شيبسى اى حاجة ، بطبقها واحطها فى الشنطة او وسط الكشاكيل لحد ما اروح ..
الاول عملت كده مع نفسى وبس وبعدين اصحابى بدأوا يسألونى ليه بتعملى كده ؟؟ !! قلتلهم علشان ما اوسخش الارض
وبعد كده بدأت كل واحدة ماشية معايا قبل ما ترمى حاجة فى الارض اقعد اقولها محااااااااضرة علشان ماترميش حاجة
واقعد اناقشها واشرحلها فكرتى ، فان لو كل واحد بدأ بنفسه وقال مش علشان الباقيين غلط ابقى انا كمان غلط هنلاقى الوضع بقى احسن جدا بعد فترة قليلة .. وفعلا صحباتى اقتنعوا وبقوا يعملوا كده فى الاول تجنباً للمحاضرة وبعد كده بقى عن اقتناع بجد ولاقيت كل واحدة تشوف واحدة بترمى حاجة تقولها لأ وترمى فى الباسكت لحد ما الحمد لله 90 % من القسم بتاعى فى الكلية بقوا بيعملوا كده ..
تانى موقف : انى قدرت اخلى واحد يبطل تدخين فى القطر ، ودى معجزة اولاً لأنه ولد مش محترم
وثانيا لأن حتى كمسرى القطر مش مقتنع ان التدخين ممنوع فى القطر
بس الحمد لله باصرارى وتصميمى على موقفى قدرت اخليه يطفى السيجارة
الموقف دا شجعنى انى بعد كده ما اسكتش ابدا على التدخين ..
نفسى انت كمان تحط ايدك فى ايدك وترفع شعار ايوة انا اللى عغير الكون
وصدقنى هتحسه بيتغير وهتحس بمتعة وانت شايفه بيتغير
وافتكر دايما تلات حاجات :
1 - لا يغير الله ما بقوم حتى يغيروا ما بأنفسهم ، ودا مش كلامى دا كلام ربنا
2 - طول ما انت على حق ربنا هيقويك ويقف معاك
3 - اوعى تحاول تكسب رضا الناس بالغلط ، لأنك كده هتفقد احترام الناس المحترمة اللى عارفة الصح ، وهتفقد احترامك لنفسك .. وصدقنى مهما طال الوقت الغلط بيبان ..

8 بوينتس أوف فيو:

كلمتى يقول...

ازيك يا أحلى لسعه عرفتها
بجد لو كل الاسعين كده يبقى ياريت بلدنا بحالها تلسع
لو فى كلمه اكتر من ممتازه كنت قلتهالك
معاكى ياساروره
معاكى وكلى حماس
كفايانا سلبيه بقى
سلام يااحلى ساروره

صوت من مصر يقول...

الغلط مش فينا الغلط جوانا يعنى منعرفش نصححه ابدا الا لو كلنا كنا ايد واحد
وبعدين شكرا على زيارتك عندى وانا بعمل اعلان سجاير مصريه ؟
شجع منتج بلدك

سارورة يقول...

ازيك يا احلى دودو وحشاااااااااانى موووووووت يا بنوتة ، ميرسى اوى على كلامك الجميل دا ياقمر ويااااااااارب نلاقى كل الناس رفعت شعار انا اللى هغير الكون وحالنا يتغير بجد ميرسى ليكي ياقمراية

سارورة يقول...

الغلط مش فينا الغلط جوانا يعنى منعرفش نصححه ابدا الا لو كلنا كنا ايد واحد

--------------
بس على فكرة يا محمد فى مشكلة كبيرة فى بلدنا ان كل واحد مستنى يشوف واحد بدأ ، تخيل لو انت اللى بدأت والناس اقتنعت بيك وبقدرتك على التصليح والتغيير هيعملوا زيك كلهم وتخيل ثواب كام واحد هتاخده لأنك استنيت سنة حسنة ؟؟!! وانت ماخسرتش حاجة بالعكس الحرب والصراع متعة بجد


==============
وبعدين شكرا على زيارتك عندى وانا بعمل اعلان سجاير مصريه ؟
شجع منتج بلدك

--------

لا شكر على واجب يا محمد على فكرة مدونتك عجبتنى جدا ، بس الحاجة الوحيدة اللى استفزتنى اووووووى هى شجع منتج بلدك دا

بجد اصلا كليوباترا دى عااااااار على مصر

نورتنى يا محمد وشرفتنى

kafrawy يقول...

ع فكرة انا كمان بطلت تدخين

بس مكانش ف القطر

هههههههههه

سلام يا جميل

kikooooooooo يقول...

سلامووووووووووو عليكووووووووو

كلامك حلو ولذيذ ورائع وساعات .. ساعات بنفذه

بس في حاجة أنا مثلا كنت زيك كده لو معايا حاجة ما ارضاش أرميها لحد ما أروح

بس اكتشفت حاجة إني لما روحت ورميتها في الباسكت في البيت عشان طبعا مفيش باسكت في الشوارع اليومين دول

فلاقي الباسكت كلها بتترمي في الشارع تاني ومجلس المدينة بيجي كل كام شهر ولا حاجة يلم الزبالة

بالذمة ده حال يشجع ع التغييير

تاني حاجة موضوع السجاير ده ما اقولكيش .. أنا بقفل مع أي واحد مش محترم ما يحترمش الناس اللي معاه ويشرب سجاير في الميكروباص ولا حاجة

بس المصيبة السودة إنك تلاقي السواق بجلاله قدره بيشرب سجاير ومصمم ويقولك دي عربيتي ويعزم كمان ع اللي جانبه

ربنا معاكي ومعانا ويتولانا

بس بجد الحال غير مشجع

بس مبادرة حلوة

كان معكم ..,
كيكووووووووووووو

سارورة يقول...

والله قوة ارادة احييك عليها يا كفرواى بجد ربنا يثبتك يارب اللهم اميييييييين

ميرسى لمرورك السريع دا ياكفراوى نورتنى

سارورة يقول...

سلامووووووووووو عليكووووووووو

كلامك حلو ولذيذ ورائع وساعات .. ساعات بنفذه

بس في حاجة أنا مثلا كنت زيك كده لو معايا حاجة ما ارضاش أرميها لحد ما أروح

بس اكتشفت حاجة إني لما روحت ورميتها في الباسكت في البيت عشان طبعا مفيش باسكت في الشوارع اليومين دول

فلاقي الباسكت كلها بتترمي في الشارع تاني ومجلس المدينة بيجي كل كام شهر ولا حاجة يلم الزبالة


==========

لأ بصراحة يا كيكو عندنا مجلس المدينة بيجى يلم كل حاجة

وكمان هقولك على حاجة ، لو هم رموها فى الشارع هتبقى جزء واحد كده كده هيتوسخ لكن لو كل واحد يرمى مكانه سورى هتقلب حظيرة حيوانات !!!


انا بجد بحييك على ايجابيتك وبتمنى انك ما تيأسش

======================================
بالذمة ده حال يشجع ع التغييير

تاني حاجة موضوع السجاير ده ما اقولكيش .. أنا بقفل مع أي واحد مش محترم ما يحترمش الناس اللي معاه ويشرب سجاير في الميكروباص ولا حاجة

بس المصيبة السودة إنك تلاقي السواق بجلاله قدره بيشرب سجاير ومصمم ويقولك دي عربيتي ويعزم كمان ع اللي جانبه

ربنا معاكي ومعانا ويتولانا

بس بجد الحال غير مشجع

بس مبادرة حلوة

كان معكم ..,
كيكووووووووووووو

----

بصراحة فعلا السواق مش بقدر افتح بقى معاه

بس تعرف اخويا بيعملها وبيقوله مات تدخنش لو سمحت

بس انا بخاف يقل ادبه ويهينى وانا بنت فماينفعش يعنى برستيجى وكرامتى والذى منه يعنى هههههههههه

ميرسى لمرورك المشرف دا يا كيكو وميرسى بجد الف مليون مرة لأنك ايجايبى وياااااااااااااااااااااريت ما تيأسش

المتابعون

اعتبرها بيتك ♥

وِش القفص

خليك ورايا

دليفري..