لعلمك

لعلمك

إقرأ لي

دخلوا بكليك شمال :D

Blog Archive

الثلاثاء، مارس 18، 2008

postheadericon انا مش ليلى .. أنا ســـــــــارة ..


شفت بلوج كلنا ليلى ، وعجبتنى الفكرة بجد لأنى حسيتها ايجابية وهادفة وفعلا ناس عايزة تغير حاجة ..


كمان عجبتنى الاسئلة اوى وحستنى عايزة اسألها لنفسى واجاوبها ..


جاوبت الاسئلة واتمنى ان (( كلمتى )) و (( موجودة أنا === منمن )) يجاوبوها


بس انا بقول انا مش ليلى (( والله انا فاهمة الاسم جه منين )) بس متغاظة ، كل ماحد يعوز يكتب حاجة يكتب عن ليلى وكأن مافيش اسم بنت فى الدنيا اسمه سارة



ههههههههههه



المهم ادى الاسئلة وادى اجاباتى وشمرت ومستعده للحرب اللى هتنزل على دماغى من كل بلوجر ذكورى هههههههههه


• ليلى ونقد/معرفة الذات : هل أنت سعيدة كفتاة في مناحي حياتك؟
- لأ للاسف ، لأنى نفسى اعمل حاجات كتيرة اوى ومش بينفع لانى
بنت ، المشكلة انى فعلا مقتنعة انه ما ينفعش .. مثلا ما ينفعش بنت
مسلمة محترمة تجرى فى الشارع ما ينفعش اعمل حاجات كتيييييير
اوى ..
لكن بردو فى حاجات المجتمع هو اللى حرمنى منها ، والاسرة بحكم
خوفها عليا واقتناعها انى ما ينفعش اعمل كده علشان بنت ..

هل تحبين نفسك أم تتظاهرين بالقوة؟
- بحب نفسى جدا ، واكتشفت انى قوية فعلا مش بتظاهر بكده ..
هل تعرفين دورك في الحياة أم تتسابقين وتلعبين أدوارا مرسومة
وفقط؟

- طول سنين عمرى اللى فاتت كنت بحاول اعرف دورى ، او بمعنى
ادق اختاره وفعلا اختارت الدور اللى بتمنى اقوم بيه وبحاول اقوم بيه
..
هل مستعدة أن تدافعي عن وجهة نظرك عموما أم تجبنين عند
المواجهة؟
- لأ ، الحمد لله بقدر ادافع عن وجهة نظرى ، وبقدر اواجه المجتمع
وبقنعهم فعلا ً .. بس لازم اكون انا متأكدة انى صح فى الاول علشان
اقدر اقنعهم بكده ..
وهل ترين جبنك سمة شخصية أم يغذيها من حولك؟
- اعترف انى احيانا بكون جبانة .. بس دا نتيجة للجبن اللى بيزرعه
اهالينا فينا من واحنا صوغيرين ..
• ما مشاكل ليلى الملحة في المجتمع من وجهة نظرك؟
- يوووووووووووه ما تعدييييييييش مشاكل كتيييييييرة اوى ، بتبدأ بعدم مساوتها مع الرجل (( حتى لو اتظاهر انه متساوى معاها الا انه بيحقر من شأنها جواه )) ولحد ما تموت ليلى فى مشاكل
ما مصدرها؟
- مصدرها اعتقاد الرجل ان الكون اتخلق علشانه وان الانثى اتخلقت علشان تخدمه وتطيعه وبس .. والاعتقاد دا اتنقل للمرأة ، وبقت بترضعه لبناتها واولادها مع اول رشفات اللبن ..
هل يمكن حلها؟
- ممكن جدا ، لو قدرت البنت انها تواجه المجتمع ، وتقنع الرجل انها تقدر تكون احسن .. حتى لو ما اقنعتوش تعمل اللى تقدر بيه تدحض اى حجة عنده بان البنت اقل منه ..
وهل عندك موقف شخصى من واقع الحياة؟
- ايوة كتير ، كتير بيتبصلى على اساس انى بنت هعمل ايه يعنى ؟؟! والحمد لله بقدر اعرف اللى قدامى انى انسان ، انسان ذكى كمان قبل ما اتصنف بنت او ولد
هل ترى المرأة أقل من الرجل في أي
مستوى من المستويات؟
- خالص ، انا ارفض اصلا ان يتم تصنيف الناس كده ، كلنا بشر كل واحد اقل او اعلى من حد تانى يبقى بعمله وجهده وبس مش حاجة تانية ..
هل يساهم الإعلام في ترسيخ صورة نمطية عن
المرأة؟

- اووووووووى ، دايما الاعلام بيصور المرأة انها عايشة علشان تحب وتتجوز وبس ، مهما كانت .. لو حتى كانت عالمة ذرة بردو هى عايشة علشان تحب وتتجوز وخلاص .. وانها ما بتبدأش تفكر تكون حاجة الا لو اللى بيعولها مات ..

أول خطوات تغيير : اقتراحات لألف باء حلول منطقية وسهلة التنفيذ
لمشاكل طرحت بالأعلى بالإضافة إلى حلول للمدى البعيد..
- ان البنت تؤمن انها فعلا تقدر تغير .. وبس

4 بوينتس أوف فيو:

sendrlla يقول...

سارة دى أول مرة ازورك فيها ونا مبسوطة جدا من زيارتك لية وتعليقك وكان نفسى تعلقى على موضوع أحسن من كده لان اكيد رأيك يهمنى

أحمد منتصر يقول...

خلاص يا كلنا سارة أدينا بنتابع البلوج وحنشوف آخرتها إيه

:)

سارورة يقول...

حبيبتى السندريلا بجد انا انبسطت جدا فى مدونتك اوووووووى وحسيتك انسانة طيبة جدا ربنا يحميكى حبيبتى واكيد باذن الله هعلق على باقى المواضيع يا جميل دا يشرفنى .. ميرسى جدا ياقمر على تشريفك وزيارتك الجميلة دى

سارورة يقول...

هههههههههه تصدق لايقة كلنا سارة دى يا احمد هههههههههههههههه

ميرسى لتشريفك ووعدك بالمتابعة

المتابعون

اعتبرها بيتك ♥

وِش القفص

خليك ورايا

دليفري..