لعلمك

لعلمك

إقرأ لي

دخلوا بكليك شمال :D

Blog Archive

الخميس، مارس 20، 2008

postheadericon لوووووووووولوووووووووووولى اول تااااااااااااااج

يااااااااه نفسويتى كانت بدأت تتعب علشان مش لقيت حد عبرنى باى تاج (( ال يعنى دا حد عبرنى بيه ))
واذ فجأةً كده وانا معدية على بوست فى مدونة الجميلة منى و هير هوبس لقيتها وزعت التاج دا على الشعب
وادى التاج

اسمك؟
سارة

اسم الدلع المشهورة بيه وسط أصحابك؟ا
صحابى لما بيكونوا رايقين احيانا يقولولى يا سوسو ، سارورة ، لاسعة ، غزال (( لأنى لقبى المفضل على النت غزال الرافدين )) واحيانا مهرة اما اكتر اسم دلع بعشقه وبحسه بيرجعنى لاحلى ايامى هو ثوثة
كنت طالب شاطر في المدرسة؟
هو انا طول عمرى طالبة ذكية .. بس كسولة يعنى بنجح وبجيب مجموع كبير بس لو ذاكرت كان ممكن اجيب اكتر منه
مجال دراستك.؟
اداب قسم اعلام وان شاء الله اتخصص صحافة
ايه كانت أحب مادة ليك في المدرسة و الكلية؟
احب مادة ليا فى المدرسة كانت الرسم والانجلش ودلوقتى فى الكلية الترجمة وامممممممممممم مافيش تانى

كنت عايز تطلع ايه و انت صغير؟
كنت عايزة اطلع ظابطة مخابرات ومذيعة وممثلة وصحفية
اسم مدونتك؟
بنوتة لاسعة
لماذا اخترته؟
كنت بكتب عادى زى مابكتب وبعدين خطرت فى بالى فكرة لو مالسعتش ماحدش هيحس بيك وحسيتها منطقية .. فجات منها بنوتة لاسعة يعنى مختلفة ومجنونة
و ما هي نيتك من اختياره؟
علشان يعبر عنى بجد وعلشان كمان يثير الفضول ويجذب الانتباه
صورتك في المدونة ... رمزيتها؟
صورة بنوتة حالمة وهادية لأنى شكلى هادية بس من جوايا فى براكين من ثورة
هل فكرت في اغلاق مدونتك؟
لا خاااااااااااااااالص
والسبب؟
لأنى بتنفس هنا
لماذا دخلت عالم التدوين من الأساس؟
بصى انا كنت الاول بشارك برأيي وكتاباتى فى منتديات بس نتيجة ان المنتدى بيبقى زى العيلة والمجتمع ونتيجة ان الناس اخدت عليا اوى وعرفنا بعض اوى حصلت مشاكل فحسيت انى زهقت وعايزة اقول اى كلام من غير ماحد يقولى انتى بتقولى ايه ولا حد يكون عارفنى فرحت للتدوين وارتحتله اوى علشان المدونة بتبقى عالم خاص بيك لوحدك

حد قل أدبه في التعليق .. عملت ايه؟
لا الحمدلله ماحصلتش وانا احطياطى مفعلة الاشراف على التعليقات

إيه اللي هيحصل لايميلك لما تموت؟
مش عارفة اختى معاها الباسورد مش عارفة هتفتحه ولا لأ
فكرتونى هبقى اقولها لما اموت افتحيه وتابعى اخبار الدنيا
اديت الباسورد لحد قبل كدة؟ايه كانت علاقتك بيه؟
اه ، اختى وتوأم روحى
شخصيتك... نوعها ايه؟
متقلبة .. طيبة .. مترددة .. شكاكة .. متمردة .. غيووووووووورة .. عصبية .. مجنونة .. انا نفسى مش فاهماها
مودك ايه؟
قلقااااااااااااااانة وزعلاااااااااااااااااااانة اوووووووى

الأكلة المفضلة؟
اتفضحت واللى كان كاااااان
احم هى مش اكلة دا مطعم ههههههههههههه
بصى
المكرونة بالبشاميل ، الرقاق ، التكة ، السجق ، السمك ،البسلة ........ الخ الخ

السفر بالنسبة لك؟
متعة ...
صفات أخدتها من بابا؟
العصبية ، الدقة فى العمل وحب العمل ، قوة الملاحظة والذاكرة

صفات أخدتها من ماما؟
الطيبة

أكتر 6 حاجات بتكرهها؟
الغباء .. الغدر .. العدس .. الخوف .. الظلم .. الجرح

أكتر 6 حاجات بتحبها؟
الطيبة .. الذكاء .. الدنيا ..القطط .. الكمبيوتر .. النت .. القراءة
الشغل بالنسبة لك؟
متعة .. متعة .. متعة
تمرر التاج لمين؟
كل حد يعدى على مدونتى اياك حد يستعبط ويعمل نفسه معداااااااااش انا حاطة كاميرات بقولكم اهو هههههههههه

8 بوينتس أوف فيو:

واد غلبان يقول...

ان ماى بوينت اوف فيو:
الاول:حصلنا الويلكم كله
ثانيا:كل الاكل دة ولم يذكر المحشى
يا لفاجعة الفواجع
تحياتى
اوة,بليز بي مى ا فيزيت
جود باى

My Hope$ يقول...

هههههههه اجابات لذيذة
بقولك اية
ليكي عندي تااج تاني لسة جديد تعالي خدية
سلام

صانعة الحرية يقول...

ساروزه
ازيك يا قمر
اولا اجابات التاج جميله
وحلوه المطعم ده
هههههههه
---------
بصى يا سوسو لو انتى فى مجمع سبرباى
ياريت نشوفك يوم الاحد الساعه السادسه مساء فى جمعية صناعالحياه
لو عاوزه تشاركى معانا فى حملة حمايه
ودا العنوان
العنوان
5 شارع شهاب بجوار طنطا سكان
على الناصيه بتاع الجمعيه فى مغسله اسمها دراى كلين
والناحيه الاخرى فى معرض سيارات مكتوب عليه جمال العبد
ادخلوا بقى الشارع ده اللى بين المغسله والمعرض
هنتظرك

أحمد منتصر يقول...

معرفش إيه حكاية التاجات دية إللي الناس بتحب تجاوبها

عموما أنا مبحبش أتسئل ف حياتي الشخصية كتير

ححاول أبقى أرد عليه ف مدونتي

تحياتي :)

سارورة يقول...

ان ماى بوينت اوف فيو:
الاول:حصلنا الويلكم كله
ثانيا:كل الاكل دة ولم يذكر المحشى
يا لفاجعة الفواجع
تحياتى
اوة,بليز بي مى ا فيزيت
جود باى

-----------

دا انا اللى حصلى الويلكم والله

ثانيا : للاسف المحشى مش بحبه اوى ، بس تصدق بحب ورق العنب والباذنجان .. يلا معلش سقط سهواً منى يا سيدى ههههههه

نورتنى يا غلبان وشرفتنى

سارورة يقول...

هههههههه اجابات لذيذة
بقولك اية
ليكي عندي تااج تاني لسة جديد تعالي خدية
سلام

----------

ههههههههههههههه ياعسل انتى يا مظبطانى يا منمن ههههههههههه

حاضر ياقمر من عونيااااااااا مش حرمانى من حاجة انتى هههههههه


نورتينى يا قمراية

سارورة يقول...

ساروزه
ازيك يا قمر
اولا اجابات التاج جميله
وحلوه المطعم ده
هههههههه
---------
هههههههههههههههههه

تسلميلى يا حبيبتى انتى الاجمل

===================
بصى يا سوسو لو انتى فى مجمع سبرباى
ياريت نشوفك يوم الاحد الساعه السادسه مساء فى جمعية صناعالحياه
لو عاوزه تشاركى معانا فى حملة حمايه
ودا العنوان
العنوان
5 شارع شهاب بجوار طنطا سكان
على الناصيه بتاع الجمعيه فى مغسله اسمها دراى كلين
والناحيه الاخرى فى معرض سيارات مكتوب عليه جمال العبد
ادخلوا بقى الشارع ده اللى بين المغسله والمعرض
هنتظرك


----------------------

والله نفسى يا قمر بس فى اكتر من مشكلة

نمبر وان : انى مش من طنطا نفسها فبالتالى التواجد فى طنطا الساعة 6 مساءا ولسة كمان هنعمل الحملة وكده فدا ممكن يخلينى اروح بيتنا الساعة عشرة وانا بيقولوا انى بنت يعنى وما ينفعش (( هما اللى بيقولوا بس انا مش مصدقة هههههه ))

نمبر توو : انى مش بنزل الكلية غير ايام الثلاثاء والاربعاء والخميس ، فبالتالى اقول لبابا رايحة اشارك فى حملة حماية فهيقولى على الله تخرجى من البيت هقتلك انتى عايزة تتحبسى ولا ايه

نمبر ثرى ودا الانقح : عندى برنامج اذاعى يوم الاحد بالليل فطبعاً دا التزام ومش هقدر


يااااااااااااااريت ماتبخليش عليا بالمواعيد التانية وان شاء الله لو عرفت اتصرف واجى اجى .. ولو فى اى نشاطات تانية يشرفنى اشترك بجد لأنى نفسى اعمل حاجة

نورتينى يا قمراية وشرفتينى

سارورة يقول...

معرفش إيه حكاية التاجات دية إللي الناس بتحب تجاوبها

عموما أنا مبحبش أتسئل ف حياتي الشخصية كتير

ححاول أبقى أرد عليه ف مدونتي

تحياتي :)

----------

عارف يا احمد انا زمان كنت بخاف اوووى من موضوع انى اتحط على كرسى اعتراف او اجاوب على اسئلة شخصية .. بس صدقنى وصلت لمرحلة من التخبط واللخبطة جوايا لدرجة انى محتاجة حد يسألنى علشان اقدر ارتب افكارى جوايا واعرف نفسى اكتر .. تعرف بحس برااااااااحة منقطعة النظير بعد ما اجاوب واحس ان الحيرة مشيت حبة ..

وماتتهربش عايزة اشوف اجاباتك منورة مدونتك كده وبالشفا ياباشا هههههههههههه

المتابعون

اعتبرها بيتك ♥

وِش القفص

خليك ورايا

دليفري..