لعلمك

لعلمك

إقرأ لي

دخلوا بكليك شمال :D

Blog Archive

الجمعة، مارس 21، 2008

postheadericon لهذه الاسباب اعشق السادات

بصراحة انا بحب السادات من يوم ما اتولدت ..
حب السادات من الحاجات الاساسية فى بيتنا
ولما كبرت ولاقيت ناس بتكرهه استغربت
ازاااااااااااى .. ولأنى لمضة فقررت انى ادور على الاسباب اللى تخلينى احب السادات
علشان لما اتلامض مع حد اعرف ارد واقدر اقنعه بوجهة نظرى
وبقيت بدور بنهم فظيع عن اى حاجة عن السادات
وجمعت الاسباب دى فى كام نقطة واليكم البيان :
1 - الذكاء : كان انسان بيتميز بذكاء رهيب ، ذكاء اجتماعى وسياسى وحربى وكل حاجة .. وانا مابقدرش اكن لاى حد ذكى الا كل احترام حتى لو كان عدو ليا ، فمبالك بحد بحبه اصلا
2 - التميز : كان انسان متميز ، اتميز عن كل اللى سبقوه وعن اللى جه بعده ، وكان بيعيش حياته بطريقته الخاصة وما يهموش اى حاجة ، كان عندى ليه صوورة وهو بيمارس اليوجا وبيسمع موسيقى وعمره ما اعترض على نشر صورته وقال ازاى انا رئيس والكلام الفاضى دا
3 - معاملته المحترمة لزوجته ، وايمانه بدور المرأة فى المجتمع ..
4 - بساطته وتواضعه مع الناس و دى كل الناس تشهد بيها
5 - يكفينى انه مات شهيد علشان احبه ..
6 - النهضة اللى شهدتها البلد على ايده ، فى ناس هتقول دا هو اللى بدأ الانفتاح وجر بلاوى على البلد هقول اقسم لكم لو كان عايش كان قدر يمسك العصاية من النص وكان هيوازن بين نهضة مصر وبين الانفتاح ..
7 - انه كان صحفى ، ودى بجد كانت مفجأة بالنسبة لى ..ا نا اعشق كل ما يمت للصحافة بصلة فعرفت انه كان صحفى وعاشق للصحافة وعرفت اد ايه كان بيحترم الصحفيين وبيعاملهم كويس جدا والكلام دا انكتب واتقال بعد موته علشان كده واثقة انه خالى تماما من اى نفاق او رياء


انا عرضت اسبابى ومستعدة لأى نقاش واى هجوم لأنى عارفة ان فى ناس كتير جدا بيكرهوا السادات وبيعتبروه خاين كمان .. مع كامل احترامى لرأيهم بقول انا بحب السادات وبعتز بيه وبفخر انه كان رئيس البلد دى فى يوم من الايام وبتمنى لو كان عايش لحد دلوقتى وواثقة انه لو كان موجود كان فى حاجات كتير اوى اتغيرت ..

وعارفة انه رمى ناس فى معتقلات واكيد كانت ليه سلبيات بس اللى بيقول كده عايزة يبص لكل رئيس ويشوفه كان بيعامل شعبه ازاى وكان حالة البلد ايامها ايه .. وبس خلاص

18 بوينتس أوف فيو:

My Hope$ يقول...

انا بموت في حاجة اسمها السادات
بحبة جدا
زي ما انت قولتي اي رائيس لية اوسلبيات
بس دة فعلا اجابياتة فظيعة يكفي حرب اكتوبر
وانةكان عصرة كان نصر للمسلمين
ربنا يرحمة
سلام

كلمتى يقول...

ازيك ياحبيبتى
وحشتينى مووووووووووووووووووووووووت
انا طبعاً معاكى لأنى بمووووووووت فيه
واكتر حاجه حباها فيه مواقفه الجريئه
كنت بحس انه لسه فى كرامه عند المصريين وغير كده ذى ما قولتى تواضعه الجميل
اما العيوب فلكل انسان عيوبه لأننا مش ملايكه
فرحمة الله على السادات وعلى الكرامه

صحفى مصرى مشاغب يقول...

حضرة الاستاذة الصحفية
بارك الله فيك
مدونة لذيذة بالطبع
وان شاء الله تكوني زي هيكل بس علي بناتي شوية
أما موضوع السادات فلنا مع بعض صولات وجولات كثيرة فيه

سمعت كثيرا ممن عايشوه عن قرب وقرأت أكثر
سواءا له أو عنه أو ضده


وطبعا حضرتك شرفتي ونورتي مدونتي وشدي حيلك يا صحافجية

أحمد منتصر يقول...

سارة أنا حبعتلك ردي عشان كاتبه ف ملف كتابيّ وجيت أعمله لصق ههنا منفعش

يا ريت تخلي التعليقات من إعدادات التعليقات ف نافذة مستقلة عشان أقدر أكتب بره براحتي وألصق عندك هنا

أنا كتبت رد طويل نسبيا حبعته ليكي ع المسنجر

تحياتي

أحمد منتصر يقول...

يا سلام بوستين ف اليوم واحد بالنهار وواحد بالليل ده على أساس إننا مقطعين المدونة قراية أو بنصحى على كلامك وننام على كلامك؟ هع هع :)

السادات كرئيس: عادي. مصر معداش عليها إلا أربع رؤساء واحد ملحقش والتاني حاول يطبق فكر غريب والتالت كان صريح فخبط ف الدين والرابع علم الناس تقول كفاية. كون إنك تختاري واحد من الأربعة لأسبابك فده شيء عادي لأن مفيش غيرهم أساسا

السادات كإنسان كان لذيذ فعلا: مرن. بيحب الحرية. معتز بمصريته. بيحب السلام

من وجهة نظري من هو أفضل رئيس مصري؟
مممممممم والله البلد دية عايزه مية سنة ممارسة ديمقراطية حقيقية عبال ما يخرج منها رئيس جيد

تحياتي

سارورة يقول...

انا بموت في حاجة اسمها السادات
بحبة جدا
زي ما انت قولتي اي رائيس لية اوسلبيات
بس دة فعلا اجابياتة فظيعة يكفي حرب اكتوبر
وانةكان عصرة كان نصر للمسلمين
ربنا يرحمة
سلام
--------------
على رأيك يكفى حرب اكتوبر ..
ربنا ياااااااااارب يرحمه ويدخله فسيح جناته يارب اللهم امييييييييييين

نورتينى يا منونتى

سارورة يقول...

ازيك ياحبيبتى
وحشتينى مووووووووووووووووووووووووت
-----------------------------
دودو حبيبة قلبى وحشاااااااااااااااااااااااااااااااانى قد الدنيا يا قمراية

================
انا طبعاً معاكى لأنى بمووووووووت فيه
واكتر حاجه حباها فيه مواقفه الجريئه
كنت بحس انه لسه فى كرامه عند المصريين وغير كده ذى ما قولتى تواضعه الجميل
اما العيوب فلكل انسان عيوبه لأننا مش ملايكه
فرحمة الله على السادات وعلى الكرامه

---------------

معاكى حق ، كان فعلا جرئ فى الحق وكان على ايامه المصريين ليهم هيبة وشنة ورنة ، فعلا الله يرحمه يااااااااارب

سارورة يقول...

حضرة الاستاذة الصحفية
--------------
يااااااااااااارب يسمع منك يا استاذ احمد ياااااااااااارب
=============
بارك الله فيك
مدونة لذيذة بالطبع

----------------
ربنا يخليك يارب دا من ذوقك

=========================
وان شاء الله تكوني زي هيكل بس علي بناتي شوية

---------------

بلاااااااااااااااااش هيكل مش بحبه ، قول موسى صبرى ، ابراهيم عيسى لكن هيكل ماعرفش ليه قلبى مش مرتاحله

(((( بتأمر حضرتى ههههههه )))
======================
أما موضوع السادات فلنا مع بعض صولات وجولات كثيرة فيه

سمعت كثيرا ممن عايشوه عن قرب وقرأت أكثر
سواءا له أو عنه أو ضده

-----------------

يااااااااااااااااااااريت يا استاذ احمد تنزل موضوع مفصل عن السادت ماله وماعليه لأنى فعلا مهتمة بالموضوع .. فياريت لما وقت حضرتك يسمح تعمل موضوع عنه
=====================
وطبعا حضرتك شرفتي ونورتي مدونتي وشدي حيلك يا صحافجية

------------
انا حصلى الشرف بجد بزيارة مدونة حضرتك ، ياريت ماتبقاش تغيب عنها كتير وتنورها دايما بمواضيعك المهمة

شرفتنى ونورتنى بجد

سارورة يقول...

سارة أنا حبعتلك ردي عشان كاتبه ف ملف كتابيّ وجيت أعمله لصق ههنا منفعش

يا ريت تخلي التعليقات من إعدادات التعليقات ف نافذة مستقلة عشان أقدر أكتب بره براحتي وألصق عندك هنا

أنا كتبت رد طويل نسبيا حبعته ليكي ع المسنجر

تحياتي

-----------------

متشوقة جدا اقرا الفايل دا
بس موضوع اعدادات التعليق دا هدعبس كده واحاول اوصله ان شاء الله

سارورة يقول...

يا سلام بوستين ف اليوم واحد بالنهار وواحد بالليل ده على أساس إننا مقطعين المدونة قراية أو بنصحى على كلامك وننام على كلامك؟ هع هع :)


----------------------

نقوا بقى نقوا ايدى هتنكسر هههههههه لأ بجد مش عارفة فى ايه انا بكتب كتير بطريقة مستفزة والله انا عملت الموقع التانى علشان انزل فيه الحاجات الجديدة وبعدين بعد شوية ابقى انزلها هنا

=======================

السادات كرئيس: عادي. مصر معداش عليها إلا أربع رؤساء واحد ملحقش والتاني حاول يطبق فكر غريب والتالت كان صريح فخبط ف الدين والرابع علم الناس تقول كفاية. كون إنك تختاري واحد من الأربعة لأسبابك فده شيء عادي لأن مفيش غيرهم أساسا
-------------

ياعم احمد ، احمد ربنا ان احنا عدا علينا اربعة امال ليبيا يعملوا ايه ههههههههههه

==============

السادات كإنسان كان لذيذ فعلا: مرن. بيحب الحرية. معتز بمصريته. بيحب السلام

-----------------

تماااااااااااام

===============
من وجهة نظري من هو أفضل رئيس مصري؟
مممممممم والله البلد دية عايزه مية سنة ممارسة ديمقراطية حقيقية عبال ما يخرج منها رئيس جيد

تحياتي

----------------

بس روحنا فى دااااااااااااااااااااااااهية

بس بجد كلامك صح ..

ميرسى جدا يا احمد نوووووووووووورتنى وشرفتنى

Ahmed يقول...

إنت عارفة إن عندنا بسوريا كان بيعلمونا نكره السادات من لما كنا في الحضانة ؟؟
كان عندنا كتاب اسمه التربية القومية وحصة أسبوعيًا عن الحياة البعثية والطليعية ..

وكانت المدرسة (اسمها الأنسة عواطف وكنا بناديلها الأنسة عواصف) بتقول دايمًا عن السادات انه الزعيم الخائن السادات ..

معلش بقى ..

أنا ؟؟ أنا معرفوش كويس .. قابلته ناس من عيلته الحمد لله وتعرفت عليهم وهما ناس كويسين اوي .. وبحب الناس دي .. بس هو بصراحة مدرستوش كويس ولا اعرف عنه حاجات كتير علشان احبه أو أكرهه ..

سارورة يقول...

إنت عارفة إن عندنا بسوريا كان بيعلمونا نكره السادات من لما كنا في الحضانة ؟؟
كان عندنا كتاب اسمه التربية القومية وحصة أسبوعيًا عن الحياة البعثية والطليعية ..

وكانت المدرسة (اسمها الأنسة عواطف وكنا بناديلها الأنسة عواصف) بتقول دايمًا عن السادات انه الزعيم الخائن السادات ..


-----------------

العرب اغلبهم اعتبروا السادات خائن علشان معاهدة السلام ، لكن دلوقتى بيندموا مليون الف مرة على انهم ماوافقوش على المعاهدة .. والفلسطينين لما رفضوا الجزء اللى السادات قدر يجبهلهوم بالسلم دلوقتى مش قادرين ياخدوا حتى نصه .. كمان هو حقن دماء مصريين كتير .. اصل العرب كانوا قاعدين فى بيوتهم والمصريين هما اللى بيموتوا علشان كده بيقولوا عليه خائن .. الله يسامحهم بقى
=======================
معلش بقى ..

أنا ؟؟ أنا معرفوش كويس .. قابلته ناس من عيلته الحمد لله وتعرفت عليهم وهما ناس كويسين اوي .. وبحب الناس دي .. بس هو بصراحة مدرستوش كويس ولا اعرف عنه حاجات كتير علشان احبه أو أكرهه ..

-----------------

بصراحة انا بردو ما اعرفوش كويس اوى بس دايما اللى بحبه او اكرهه بيبقى نتيجة احساس روحى بيه .. مش عارفة انا روحى مرتحاله على رأى عمور دياب

هههههههههههه

نورتنى بجد يا احمد بتعليقك ومرورك الجميل

عمو احمد يقول...

انا كمان من المعجبين جدا بالراحل انور السادات واحب اضيف انه وصوله للسلطه كان ماشى تبع التدرج الصحيح,الراجل اشتغل جميع الشغلانات من عتال لسواق
من الاخر خدها من شرقها لغربها

سارورة يقول...

انا كمان من المعجبين جدا بالراحل انور السادات واحب اضيف انه وصوله للسلطه كان ماشى تبع التدرج الصحيح,الراجل اشتغل جميع الشغلانات من عتال لسواق
من الاخر خدها من شرقها لغربها


-------------
فعلا كلام مظبوط جدا

عارف بحس انه علشان كده كان حاسس بالناس اوووووووووى ولما وصل للرئاسة مانساش الناس اللى تحت عايشين ازاى

kafrawy يقول...

هههههههههههه

يا سادات يا كبير

انت الشعب و انت النيل

سارورة يقول...

الله بجد شعار جاااااااااامد جدا يا كفراوووى تسلم كيبوردك بجد

غير معرف يقول...

هاااااااايلة يا سوسو ...
انا كمان من الناس اللى بتحترم السادات جدا وبيعجبنى فيه انه استخدم ذكاؤه في انه يرفع شأن البلد دى ويحرق دم اخوانا البعدا
ومنبهره جدا بفصاحته وتمسكة باللغة العربية .....وياريت كل الناس تقرا عنه لأنه فعلا حد يستاهل
تسلم ايدك يا سوسو.

غير معرف يقول...

ده اول مره ادخل مدونتك ويمكن تالت مره ادخل مدونات اصلا بس انت شدتيني جدا اسم المدونه اسلوبك طريقتك والاكيد تناول لحبك للسادات انا باعشقه وعلي فكره انا سني كبير يعني كنت في اولي ثانوي لما مات وزعلت عليه جدا لانه زي ماانت بتقولي .
وفوق كلامك كان راجل وواضح وله مواقف مع الغرب والعرب علي السواءعامل لمصر كرامه وفوق كل ده عمل اكتوبر ورجع ارضنا ويمكن الفلسطنين لو كملوا معاه ماكانوش وصلوا للي هما فيه دلوقت اتمني لك كل توفيق وياريت اعرف سنك وكليتك علشان اعرف انت كده ازاي
وشكرا لك

المتابعون

اعتبرها بيتك ♥

وِش القفص

خليك ورايا

دليفري..