لعلمك

لعلمك

إقرأ لي

دخلوا بكليك شمال :D

Blog Archive

الاثنين، أبريل 07، 2008

postheadericon المقروضة دى هتكمل 19 سنة بكرة .. انا مش مصدقة


المقروضة اللى انتوا شايفنها فى الصورة دى تبقى وبكل فخر
(( أنــــــــــــــــــــــــــا ))
وانا عندى لسة سنة ، انا لحد دلوقتى مش متخيلة
ان نفس البنت الصغنونة اللى ضحكتها كانت ملعلعة دى تبقى انا
ولا مصدقة بردو انى كبرت وعجزت وهتم بكرة 19 سنة
ياااااااااااااااااااااااه مش متخيلة انى عشت 19 سنة بحالهم ...
يمكن 16 سنة منهم عدوا وانا لسة عبيطة وطفلة وماعرفش حاجة فى الدنيا
لكن بجد بجد اكتر سنتين بدأت فيهم افهم الدنيا السنتين اللى فاتوا
19 سنة بحلوهم ومرهم .. عملوا سارة
ياترى المقروضة اللى فى الصورة اللى فوق دى كانت متخيلة انها هتبقى انا ؟؟
متخيلة الفرح والجرح اللى هتشوفه فى الدنيا دى ؟؟
مش عارفة
يلا كل سنة وانا طيبة
كل سنة وانا لاسعة
كل سنة وانا غزال الرافدين
ويا جماعة كلكم معزومين على عيد ميلادى بكرة
هعمله فى الكلية جايبة بلالين ومصاصة بالهبولى
اللى مش هيجي هو الخسران
ههههههههههههه

26 بوينتس أوف فيو:

Wael يقول...

Happy Birthday 2 YOU


* * *
| | |
_|_|_|__
_|_________|_
_|_____________|_
|_________________|


فين ازازة البيبس ؟ اناهاجى تانى اخدها D:

أحمد منتصر يقول...

كل سنة وإنتي طيبة يا جميل :)

mnoon يقول...

كـــــــــــــ سنه ـــــــل
وإنتى طيبه يامقروضه
مينفعش تأجلى الحفله دى يومين تلاته
علشان أعرف أجى
ولا أقولك إبعتى ليا المصاصه مع دودو
وأنا هبعتلك كلمتين حلوين معاها
سلاااااااااااام

في حب مصر يقول...

كل سنة وانتي طيبة يا سارورة
كل سنة وانتي لاسعة

انا جيت اهو
فين نصيبي من التورتة

انا عايز بس اعرف
ليه غزال الرافدين دي
انتي عراقية ولا ايه

maryooom يقول...

كل سنه وإنتي طيبه يا جميل

سمراء يقول...

كل سنة وانتى طيبة حبيبتى وعقبال ما تحققى كل اللى بتتمنيه
وتتهنى بشبابك
واشوفك صحفية قد الدنيااا

هاتى المصاصة بقى انا تعبت وانا بكتبلك الكلمتين دول ههههههههههههه

سارورة يقول...

ميرسىىىىىىىى اوى يا وائل على التورتة الجميلة دى بجد ميرسى .. اما بالنسبة للبيبس فاحم احم .. انا مقاطعة البيبسى ، واى حاجة ساقعة بتبوظ الصحة وانا مايخلصنيش اضركم

علشان كده كفاية عليك المصاصة انت هتطمع ههههههههههه

سارورة يقول...

وانت طيب يا احمد ميرسى ليك وعقبالك يارب ما تتم 9999 سنة ان شاء الله ، واكون انا كمان عايشة علشان اهنيك ههههههههه

سارورة يقول...

منمن حبيبة قلبى انا بعتلك المصاصة والله وصلت ولا دودو طمعت فيها ؟؟ هههههههههههه وانتى طيبة يا حبيبة قلبى بس بجد كان نفسى اشوفك النهاردة علشان يبقى عيدين

سارورة يقول...

وانت طيب يا ( فى حب مصر ) ميرسى اوى ليك انا هعمل نفسى ما شفتش حوارات التورتة والكلام دا هههههههههههههه

بالنسبة لأنا عراقية دا ، فأنا عراقية المولد مصرية المنشأ عربية الانتماء والقلب .. اتولد فى العراق ولظروف معينة بيجرى فى دمى دم عراقيين على مصريين مع كمان انى بحب كاظم علشان كده عجبنى اسم غزال الرافدين ولاكتر من سنتين وانا اسمى كده على المنتديات فالاسم ليه ذكريات غالية عليا وبث خلاص

شفت انا مش رغاية خالص هههههههههه

سارورة يقول...

وانتى طيبة يا احلى مريومة ، على فكرة اسمك غالى عليا يا قمر ، نورتى مدونتى

سارورة يقول...

ياااااااااااااااااارب اللهم اميييييييين يا احلى سمراء فى الدنيا ، تعالى بس انتى يا قمر ومصاصتك فى الحفظ والصون خايفة ابعتها فى البوسطة يطمعوا فيها هههههههههههههههههههههههههه

استراحة محمد يقول...

كل سنة وانتى اجمل
كل سنة وانتى احلى
كل سنة وانتى طيبة
وياااااااااااارب السنة الجاية تيجى ومدونتك لسه منورة وندخل برضه عليكى ونقولك كل سنة وانتى طيبة

صحفى مصرى مشاغب يقول...

كل سنة وانت طيبة يا حضرة الصحفية
وعقبال مليون سنة
وعقبال باقي التهاني لباقي المناسبات
مثلا رئيسة تحرير الاهرام
لأ بلاش الاهرام انت بتكرهيها
رئيسة تحرير المصري اليوم
بس مجدي ممكن يزعل
رئيسة تحرير اي حاجة
وباقي المناسبات السعيدة
:):):)

حبيبـــــــة القمـــــر يقول...

كل سنه وانتي طيبه ياقمرايه وعقبال 1578215621 سنه كلهم شقاوة وعفرته وجنان ...... ركزي عالجنان دا عشان هو احلى حاجه فيكي ههههههههههههه

lonlysmily يقول...

كل سنه وانتى طيوبه يا سارة وعقبال 988562321454857 سنه:D:D
ومش تزعلى اوى كدا انك بقيتى 19 لسه العمر ادامك بطوله واحمدى ربنا انك عرفتى انك بقيتى تكبرى وتفهمى فى لسه غيرك كتيييير فاكر نفسه صغنن
يلا ان شاء الله تكون سنه سعيده عليكى وتحققى كل اللى انتى عيزاه
وتبقى هاتى شويه جاتوو وكانزوحوطيهم فى جمب كدا لزوار المدونه واللى مش هيعرفوا يجيوا الكليه:)

سارورة يقول...

استراحة محمد ربنا يكرمك ياااااارب ميرسى بجد ليك وياااااااااارب يسمع منك وماتزهقوش منى على السنة الجاية كده وتقولوا خلاص بقى زهقنا من البت الرغاية دى هههههههههه

سارورة يقول...

استاذ احمد بجد بجد مش عارفة اشكرك ازاى

وانت طيب ياااااااااااارب ويارب يسمع منك ، ماتخافش انا بكره الاهرام وهسيب المصرى اليوم لمجدى ، الواحد بيفكر يعمل لنفسه جريدة ويبقى رئيس تحريرها ويخلص ههههههههههههه

سارورة يقول...

حبيبة ، حبيبة قلبى نووووووووووووووورتى مدونتى يا قمراية ، ميرسى بجد ليكي ياقمر عارفة انا انى كلى على بعضى حلوة واجنن بس انتى خايفة تقولى علشان الحسد هههههههههههههههههههههههه ميرسى ياقمر

عمو احمد يقول...

كل سنه وانتى لسعاااااااااا
كل سنه وانتى فرحانه وسعيده
كل سنه وقلمك بيكتب ويلعلع
كل سنه وانتى طيبه ياساروره
اكيد حقى محفوظ فى المصاصه

سارورة يقول...

lonlysmily يقول...
كل سنه وانتى طيوبه يا سارة وعقبال 988562321454857 سنه:D:D
ومش تزعلى اوى كدا انك بقيتى 19 لسه العمر ادامك بطوله
___________________

لأ بردو يا قمر الواحد حس انه عجز مابقاش كتكوت بقى كده ، دا العيال فى الكلية بيقولولى انتى ادينا مصروف بعد كده ههههههههههههههههه

=====================

واحمدى ربنا انك عرفتى انك بقيتى تكبرى وتفهمى فى لسه غيرك كتيييير فاكر نفسه صغنن
________________
على رايك والله
==========================
يلا ان شاء الله تكون سنه سعيده عليكى وتحققى كل اللى انتى عيزاه
وتبقى هاتى شويه جاتوو وكانزوحوطيهم فى جمب كدا لزوار المدونه واللى مش هيعرفوا يجيوا الكليه:)

_________________________________

احم احم ما انتى كنتى ماشية حلو ياقمرههههههههههههههههههههه

منورة مدونتى يا جميل وان شاء الله البيبسى والتورت هيبقوا فى مدونة شاى بلبن

سارورة يقول...

وانت طيب يا عمو احمد مييييييييييييييرسى بجد ليك على الكلام الحلو دا كله ، يارب اكون عند حسن ظنك وابقى ربعه حتى .. بالنسبة للمصاصة ماتخافش شايلة حبة لزوم الاستعمال الشخصى بس مش مشكلة ماتغلاش عليك واحدة .. واحدة ها لحسن انا بتذل عقبال ما بشتريها ههههههههههه

ليكوريكا يقول...

ايه ده ايه ده

كده تعملي عيد ميلادك من ةغير متقوليلي

ماشي يا ساروره

ياللي عندك 19 سنه بحالهم

(فين ايام الواحد اما كان عنده 19 سنه ! )

كل سنه وانتي طيبه

وتحققي كل احلامك يارب

كل سنه وانتي أكثر لسعانا

كل سنه وانتي حواليكي كل اللي بتحبوهم وبيحبوكي

سارورة يقول...

ليكوووووو والله ماعملته من وراك دا انا عملت فضيحة والناس كلها عرفت انى عجزت وبقيت 19 ):

عموماً ماتزعلش والله ماكنش فى لا بيبسى ولا تورت ههههههههههههههههههههههههه

kafrawy يقول...

كل 19 سنة و انتى طيبة

سارورة يقول...

ااه يا كفراوى يا اروووووب ، وفرت على نفسك 19 كل سنة وانا طيبة ههههههههههه وانت طيب يا كفرواى وبجد بتمنى من ربنا انى اعيش كمان 19 سنة

المتابعون

اعتبرها بيتك ♥

وِش القفص

خليك ورايا

دليفري..