لعلمك

لعلمك

إقرأ لي

دخلوا بكليك شمال :D

Blog Archive

السبت، أبريل 05، 2008

postheadericon وداعاً يا شتائى الحبيب

برغم انك لا تحمل الروائح العطرية الرائعة التى يسحرنى بها الربيع الا اننى سافتقدك جداً ..
سأفتقد تقلباتك التى تجعلنى اطمئن بأنى لست المجنونة الوحيدة فى هذا العالم ..
سأفتقد امطارك التى تغسل روحى من الهموم ،
امطارك التى تعيدنى كل قطرة منها عام الى الوراء حتى اعود الى طفولتى الحبيبة ..
سأفتقد لسعاتك الباردة التى تنعش روحى وتعيدها الى الحياة ..
ومعطفى الحبيب ، الذى يشعرنى انى فى حصن حصين ..
سأفتقد ملمسه الدافئ الذى يذكرنى بفراء قطى الراحل ..
سأفتقد كل هذه الاشياء التى تندمج معاُ لتجعل حياتى رائعة ..
وداعاً شتائى الحبيب ، سأنتظرك بكل الشوق ،
ساتحمل الصيف والخريف برحابة صدر ماداموا الضريبة التى يجب ان ادفعها حتى القاك ثانية ....

10 بوينتس أوف فيو:

في حب مصر يقول...

كل سنة وانتي طيبة بمناسبة فصل الربيع

وبعدين انتي زعلانة ليه على الفصل اللي فات، ما تخافيش هيجي تاني وتاني وبعدين تلاقي نفسك وعدى بيكي العمر في ثواني.. ما تزعليش نفسك

وكل فصل وانتي بخير يا سارورة

سارورة يقول...

فى حب مصر : ميرسى جدا ليك ، انا زعلانة لأنى فعلا بمووووووووووت فى حاجة اسمها الشتاء ، بس على رايك بكرة العمر يعدى ثوانى .. نورتنى وشرفتنى

استراحة محمد يقول...

ودعى الشتا فصلك المفضل
واحسدينى لأن الصيف فصلى المفضل داخل اهه
خمسة وخميسة

عمو احمد يقول...

عادى ربنا يدينا ويديكى طوله العمر ونشوف الشتا الى جاى والى بعده والى بعده
بصراحه انا مبحبش الشتا
بحس ان روحى بتبقى مسجونه فيه

سارورة يقول...

استراحة محمد : يا بختــــــــــــــك بجد هتعيييييييييش اجازة بقى وكده فى الفصل اللى بتحبه .. مش انا الامتحانات والمذاكرة وكل دا فى الشتا .. يلا هاااااااااااانت كلها سنتين وهاخد اجازة فى الشتا هههههههه منور يا محمد

سارورة يقول...

عمو احمد ، ياااااااااااارب اللهم اميييين ، على فكرة ناس كتير بتحس انها مسجونة علشان البرد مكتفها .. بس انا العكس بحس الحر هو اللى بيخنق روحى وببقى مش طايقة نفسى .. وجهات نظر

FaceMoon يقول...

جميل كلامك بجد انا بموت فى الشتا وبحس فعلا ان الصيف بيقيدنى وبيخنقنى وبيجيلى اكتئاب فيه كتير اصلا يارب الشتا يجى بالسلامة وبسرعة بقى

no4denmark يقول...

طبعا يا بنتى
عندك حق ... هو فيه احلى من االشتاء
والمطره
انا بجد بعشق اليوم اللى يكون فيه مطره
بس الصيف فيه ميزه بقى بجد بتخليه ساعات احسن من الشتا ولمدة اسبوعين بس مش اكتر
وهما الأسبوعين اللى بروح فيهم اسكندريه وابقى قاعد فيهم كده على البحر
بس بما انى السنادى شكلى مش رايح علشان التدريب الصيفى
فالسنادى الصيف هيبقى اخنق صيف هيمر على الواحد :((

سارورة يقول...

فيس مون حبيبتى بصرة يا قمراية ، عموماً اطمنى يا قمر الصيف لسة هيجي على 20 يونيو انا سمعت كده فى 90 دقيقة امبارح .. الربيع منطقة وسطى بقى بين الشتا اللى بموت فيه وبين الصيف اللى بيخنقنا نستحمله بقى وعوضنا على الله ههههههه

سارورة يقول...

طيب ياعم نو انت بتروح اسكندرية فى الصيف وبتتظبط ، انا بقى فى الصيف بروح القاهرة والشقة بتاعتنا هناك ساونا ههههههههههههه يعنى كل صيف عندى خنيق زى ما الصيف السنة دى خنيق عندك

بس تعرف احسسسسسسن عليا وعلى اصدقائى هههههههههههههههه

المتابعون

اعتبرها بيتك ♥

وِش القفص

خليك ورايا

دليفري..