2008-04-13

علشان خاطرى قلب كويس

كتير اوى مش بقلب الشاى كويس ، واجى اشربه الاقيه مش مسكر ومش مظبوط ، وبكسل اجيب سكر تانى
فبضطر اشربه كده .. اللى بيضايقنى بقى انى بعد ما اخلص شرب الشاى بلاقى السكر مركون تحت
يعنى لو كنت قلبت شوية كان زمانى شربت شاى مظبوط ..
تعالى كده نفصص المشكلة دى
اول حاجة المشكلة ايه :
( انى ما عرفتش اشرب شاى مظبوط )
طيب وايه السبب ؟!
( 1 ) انى ما قلبتش الشاى كويس وانا بعمله ..
(( يعنى استهترت وانا بعمل الحاجة ))
(2) انى كسلت اجيب سكر تانى
(( يعنى اتكاسلت عن حل المشكلة رغم انها فى ايدى ))
طيب والنتيجة ايه (( نتيجة المشكلة والاسباب اللى ادت ليها ))
- النتيجة انى ما استمتعتش بالشاى ..
- وانى ضيعت مجهودى وما وصلتش للنتيجة اللى عايزاها
_____________________________
عارفين ان كلنا بنعمل الحركة دى بطرق مختلفة ؟؟
كتيييييييييييييييييير اوى بنستهتر واحنا بنعمل شغلنا ..
وكتيييييييييييييييييير اوى بنكسل نحل المشاكل رغم ان حلها فى ايدينا
وبعد دا كله نندم وندور على حلول صعبة ومتعبة رغم ان الحل اصلا فى ايدينا وجوا الكوباية
علشان كده علشان خااااااااااااااااااطرى اضغط على نفسك وابقى قلب كويس
قلب كويس واعمل كل حاجة كويس
حتى لو تعبت فى الاول بس صدقنى النتيجة هتفرق كتير

هناك 9 تعليقات:

  1. ياه المثال ده بسيط اوى بس معبر جدا
    بيعبر فعلا عن حالنا فى تعاملنا مع الامور والمشاكل
    ينقصنا فعلا التركيز والاتقان وحنا بنشتغل
    وبنقابل المشاكل الى ناتجه عن كده بالكسل
    بوست حلو اوى ياساروره

    ردحذف
  2. السؤال
    هو انتى بتحبى طعم الاشاى ولا السكر

    ردحذف
  3. شكلك بتشجعي نفسك ع المذاكرة هع هع :)

    ردحذف
  4. عمو احمد ، على فكرة كل حياتنا بحسها بتتكرر بشكلين واحد معقد وواحد بسيط فعلشان نفهم المعقد حلو ندور على البسيط وهنفهم كل الدنيا .. ميرسى لمرورك وسعيدة انى فكرتى الملخبطة قدرت توصل ، كنت خايفة لكون كتبتها عك

    ردحذف
  5. ههههههههههههههههه صوت من مصر ، اوت المرة دى بردو ياباشا مش اول كومنت ههههههههههههه

    بالنسبة لسؤالك سؤال جميل بجد ، انا اوك بحب طعم الشاى لكن السكر هو اللى بيخلى الشاى مظبوط .. فهمت قصدى ؟

    ردحذف
  6. احمد منتصر فااااااااااااااااهمنى .. هههههههه فعلا كنت بقنع نفسى اذاكر بس المحاولة فشلت .. بس ادينى طلعت منها بحكمة للزمن ههههههه

    ردحذف
  7. سيبك انتي من كونك لاسعه
    بس والله العظيم سكره
    علي فكره بقي والله مابعاكس يعني اوعي تفهمنيني صح ههههههههههههههه
    وعلي العموم انا معاكي في منتدي اف ام
    وبجد الموقع بتاعك جااااااااااااااامد
    واستمري في لسعانك
    لحد مابلغ عنك الصرايا الصفرا ههههههههه

    ردحذف
  8. abodimah يقول...
    سيبك انتي من كونك لاسعه
    بس والله العظيم سكره
    علي فكره بقي والله مابعاكس يعني اوعي تفهمنيني صح ههههههههههههههه
    وعلي العموم انا معاكي في منتدي اف ام
    وبجد الموقع بتاعك جااااااااااااااامد
    واستمري في لسعانك
    لحد مابلغ عنك الصرايا الصفرا ههههههههه

    ____________________________

    مييييييييييييرسى بجد ليك ، نوووووووورتنى حقيقى وشرفتنى وياسيدى افهمك صح ازااااااااى هو فى حد بيعاكس اخته ههههههههه نورتنى وشرفتنى ويارب تبقى زيارتك ليا عادة

    ردحذف

Say something...