2008-05-19

ميلودى تتحدى الأدب

لم أتخيل ان يأتى اليوم الذى اخجل فيه من مشاهدة اعلان مع ابى او اخى ..
اعلان !! وليس فيلماُ للكبار فقط ..
ومع كل مرة اشاهد فيها هذه القناة واعلاناتها ، اتأكد من انها لا تتحدى الا الادب ..
تتحدى الادب بل وتحاربه بكافة الاشكال ...
فهى تسخر من كبار السن ، تسخر من الاهل ، تسخر من المدرسين
بل وتسخر ممن اعترضوا على الافكار السخيفة لإعلاناتها المملة ، وتهينهم فى " بجاحة " واضحة ..
هذا فضلا عن البذاءات التى تقال فى الاعلانات ، واخيرا ..
الفتاة التى تصلح لملهى ليلى وليس لإعلان يدخل كل البيوت فى كل لحظة بدون سابق انذار ..
الموضوع لا يجب ان يمر هكذا ، لا يجب ان نستسلم بكل سهولة لهذه الاعلانات ..
يجب ان نعترض ونحاربها بكل الوسائل ، حتى لو وصلت لمقاطعة القناة ..
واقسم اننا لن نخسر شيئا بمقاطعتها ، فكل افلامها مملة ومكررة واغلبها غير محترم ..
اتمنى ان تقابل الدعوة صدى ، وان اجد من يريد الانضمام لحملة مقاطعة ميلودى
حتى تكف عن اذاعة هذه الاعلانات وانتاج مثلها ..

هناك 13 تعليقًا:

  1. يا فندم الموضوع أبسط من كده..بكل بساطة غيري المحطة...حضرتك مش مجبرة إنك تتفرجي عليها

    شخصيا مش بتفرج ع القناة دي إلا فيما ندر، لأنها زي ما قولتي أفلامها قديمة ومكررة.

    ردحذف
  2. إللي مش عاجبه حاجة بلاش يتفرج عليها، وإللي عاجبه ممكن يتفرج

    ماسمهاش "مقاطعة"، دي إسمها إختيار القناة إللي تعجبك

    ردحذف
  3. SOLITUDE
    انى اغير القناة دا لو الفيلم مش عاجبنى لو بتقدم اى حاجة فيها اذواق .. لكن دى بتحارب قيم ومثل ومش المفروض نسكت كوننا نغير القناة دا ونسكت سلبية ، يعنى لو عرفت ان فى قناة بتذيع حاجات تشوه تاريخ مصر او بتشوه شخصية محترمة ورمز تاريخى هل هتقول نغير القناة ونسكت ؟؟ وبعدين خلى بالك ممكن اوى اطفال يجيبوا القناة او يجي الاعلان قدامهم ودول لسة مايفهموش يعنى ايه حاجة مخلة يبقى نغير القناة .. نورتنى وشرفتنى يا
    SOLITUDE

    ردحذف
  4. غير معرف .. ردى عليك زى ردى السابق .. دى اسمها سلبية مش المفروض ابداً ان الاعلانات تبقى بالشكل دا

    ردحذف
  5. الصراحة يا سارة اتفق معاكى تماما

    بس موضوع تتحدى الادب ده نكتة
    هههههههه

    بجد افضل و صف اسمعه للاسفاف بتاع ميلودى هو بتاع تتحدى الادب ده

    تعرفى افضل حاجة الواحد ممكن يعملها مع القناة دى...غير المقاطعة..لان المقاطعة فى نظام السموات المفتوحة ممكن ما تجيبش نتيجة اوى

    افضل حاجة هى السخرية اللاذعة من القناة و اسفافها او زى ماتقولى كده التريقة عليها و الحقيقة هى مش هتبقى تريقة بقدر ماهاتكون كشفها على حقيقتها و ابراز هى اد ايه قنا تافهة

    بس لقيتها

    احنا نوصى اشرف توفيق بتاع اخف دم على ميلودى و هو هايقوم بالواجب و بصراحة الراجل ايده تتلف فى حرير و ممكن يقفل القناة ببوست واحد منه

    تحياتى
    هش

    ردحذف
  6. عندك حق يا سارة
    القنوات الفضائية اغلبها بقى كانه بيشجع على الرزيلة مش بيعرض فكر او راى

    وللاسف هما مقتنعين باللى بيعملوه لان ده اللى بيجيب دخل للقناه واعلانات

    انا عن نفسى مقاطعه لميلودى ومزيكا وشبيهاتها بس للاسف ده لوحده مش حل

    تحياتى ليكى

    ردحذف
  7. تقريبا بتوع ميلودي دول مابيحسوش ومابيفهموش، معمولين من حاجة تانية غير باقي البني آدمين اللى زينا، عشان كده مهما الناس اعترضت ولا بيهمهم. والاعتراض مش بس على العري أو الأفكار المقرفة اللى في الإعلانات...هي أصلا إعلانات مقززة لو أي حد من اللي بيقول لك "ما تغيري القناة" اتفرج عليها وهو بياكل هايرجع...ملابس داخلية وشتايم و حاجات تانية كده في الإعلانات القديمة...والمفروض إن احنا نضحك.
    بلا نيلة

    ردحذف
  8. الأخت سارورة

    أنا باسجل معاكي احتجاجي على ميلودي

    لكن لحد المزه المؤدبه المتربيه اللي تصلح لملهى ليلي دي و نقف .. دي تسيبوهالي و أنا هاتصرف معاها :) .. تحياتي

    سلام عليكم

    ردحذف
  9. هشام ربنا يخليك يارب .. صدقنى انا دا اسم ميلودى عندى من زماااااااان ههههههههه
    بالنسبة لاستاذ اشرف توفيق فوالله فاتحته فى الموضوع فى حفلة توقيع مدونات مصرية للجيب .. بس ما ردش عليا بأه او لأ ممكن يكون ما اخدتش باله اوى ..
    بس تفتكر هم عندهم دم وهيحسوا ؟؟ استاذ اشرف حمدى هاريهم كاركاتيرات بجد تنقط لو كانوا بيحسوا ..

    ردحذف
  10. اهدو دا عيبة .. بجد سعيييييييييدة جدا انك نورتى مدونتى ودا بجد شرف ليا على فكرة انا بحبك جدا وموضوعك اللى اتشر فى الكتاب بجد تحفة .. للاسف مقصرة فى زيارة مدونتك علشا نالامتحانات ..
    بالنسبة للموضوع فعلا
    هم واخدين الموضوع تجارة
    ولو ان فى حالة ساويرس حاسة ان الموضوع اكبر من فكرة تجارة

    ردحذف
  11. والله بجد معاكى حق يا وايلد هارت .. بجد ما بيحسوش ولا بيفهموا ..
    وفعلا انا بحس باشمئزاز وانا بتفرج عليها .. مش عارفة اصلا اللى بيعملوا بيهم الاعلانات دى بيجبوهم منين ناس استغفر الله العظيم

    ردحذف
  12. هههههههههههههههه
    خلاص يا اتربى .. نوقف القناة ونخلى المزة المتربية تقدم برامج اطفال ههههههههههه

    ردحذف
  13. محمد عبد الرافع14 أبريل 2009 في 2:38 ص

    للأسف كتير من الناس بقوا بيحبو النوع ده من القنوات السخيفة
    وعلى نفس الوزن فضائيات كتير

    "دي أزمة مجتمع"
    بس ممكن نعمل ايه عشان نوقفهم؟

    ردحذف

Say something...