لعلمك

لعلمك

إقرأ لي

دخلوا بكليك شمال :D

Blog Archive

الخميس، يونيو 05، 2008

postheadericon نعم يا أبى احبه !!

نعم يا أبى احبه ، لمَ اللوم ؟!
أحبه يا أبى فقد اهتم بى ومنحنى من وقته ما ضننت انت به عليَّ ..

احبه فقد اهتم بكل حرف انطقه ولم يعتبره سخافات اطفال ..

بل واهتم بما لم انطقه بعد ..

اهتم بكل تفصيلة فى حياتى اهتم بفرحى ، بحزنى ، بجدى ولهوى اهتم أن يتمنى لى نهاراً مشرقاً ..

واهتم ان يتمنى لى احلاماً سعيدة

يخدعنى ؟!!

لا يهم على الاقل هو اهتم بخداعى ،

على الاقل منحنى لحظات من السعادة شعرت انها صادقة ..
منحنى الكثير من المشاعر التى طالما حلمت بها وهذا يكفينى يا أبى ..
يكفينى ان هناك من شعر بوجودى فى هذه الدنيا يكفينى ان هناك من يدرك انى لم أعد طفلة ..
ان هناك من يهتم بمعرفة آمالى واحلامى

ولا يعتبرها ضرباً من ضروب الخيال بل هو منحنى ما يكفى من الثقة

التى تشعرنى انى بإمكانى الوصول الى المحال
احبه يا ابى ولا اخجل وانا اقولها لك ..
فحين احتجت حضنك الدافئ لم تخجل وانت تقول لي

" ابتعدى ، ليس لدى من الوقت ما اضيعه "

ولم تخجل وانت تقف امام الله كل صلاة دون ان ترعانى

لأ اخجل كما لم تخجل انت وانت منصت لكل حرف يصدر عن التلفاز وتصم اذنك عنى وتعرض عنى بوجهك ..
________________________

دى مش وجهة نظرى الخاصة ..

دى وجهة نظر بنات كتير بيعملوا حاجات غلط

مش بس حب ،

وانا بصراحة مش شايفة الحب الطاهر غلط

لكن المشكلة فى اللى بيعملوه تحت اسم الحب

المهم بيعملوا حاجات كتير غلط

ويقولوا اهلنا اهملونا وكانوا السبب

عن نفسى شايفة ان للموضوع دا دور مهم جدا فى ان الاولاد يقعوا فى الغلط لكن ..

مش شايفة انه مبرر او انه حاجة تنفى مسؤلية الابناء فى ارتكاب الغلط ..

ياترى ايه رأيكم ؟!!

هل اهمال الاب مبرر للبنت انها تدور برة على اللى فقدته ؟!!

هل انتوا شايفين معايا ان البنت دى شايفة انها كده بتعاقب والدها وبتنتقم منه علشان اهملها ؟؟

- يعنى دا من وجهة نظرها ، هى شايفة انها بتعاقبه -
وياترى ليه لما فى اهالى كتيييير بتهمل اولادها مش كل الولاد بتنحرف ؟؟

اتمنى اشوف تفاعل لأن بجد رأيكم يهمنى

13 بوينتس أوف فيو:

د/أبويحيى وادم يقول...

السلام عليكم ورحمه الله وبركاته

فعلا الان دل هذا الموضوع على اسم المدونه
بنوتة لاسعه جداً
دعينا نرى التالى بدون ترتيب
الاول
اهم بكل تفصيله فى حياتى وكل احلامى ووووو......تحت اى مسمى اهتامه وما صورة .. ما اسهلها من كلامات تقال ولكن هل هناك من افعال ؟
الامر الثانى
أن كنتى تعلمى انه يخدعك ايعقل ان نلهث وراء الخداع بدل من البحث عن الحقيقة فى انفسنا اولا ؟؟

أليس من يحب احد ويهتم به يكون حريص كل الحرص على الحفاظ عليه ؟؟ اترى ماهو عليه الان يحافظ به على من امامه ؟
الامر ال التالى ما رايك لو اعطيتك جوهرة ثمينه هذه الجوهره ماذا تفعلى بها لو هى غاليه لديك جدا ؟؟ الن تضعيها فى افخم وارق علب المجوهرات وتحافظى عليها من اى ذرة غبار قد تاتى عليها ؟؟
ــــــــــــــــــــــــــــــــــ
ننتقل للامر التالى
مسؤلية الاباء
معك فيما قلت ولكن اهذا مبرر للغلط ؟
رأيت ما رأيت فى حياتى وتربيتى ولكن بأى حق أعاقب نفسى بوضعها فى ؟أماكن خاطئه تحت دعوى انهم من قصروا وأخطاؤا فى حقى ؟؟؟؟ اين عقلى اين فكرى ؟؟ اين طموحى انا ومحاوله البحث عن ما افتقده اابحث عن اجمل الاشياء وسط حطام وركام بدون اى دليل ؟؟
ــــــــــــــــــــــــــــــــــ
من قال أن الحب الطاهر غلط ولكن ماهو الحب الطاهر ؟؟
الحب الذى لايغضب الله عز وجل
الحب الذى ان كان فى القلب تقدم صاحبه لاهلها وطلبها على الفور ولم يصرح به فى عالم الهراء كل يوم وليله الف مره ومره دون خطوة واحده
لما لا يتقدم وان كان هناك ظروف وضحها واستعان بالله عليها ولو صادقا لن يضيعه الله ما دام يبتغى رضاه
أيهما يقدم حب الله ورضاه أم حب الحبيب وهواه؟؟؟!!!!!!!!!!
ـــــــــــــــــ
يعقل أن مثلا زوجتى اغضبتنى اذهب واخونها ؟؟ باى صورة ولو نظره او كلمه او مجرد تفكير؟؟؟
اذا فباى حق يفكر هؤلاء فى محاوله البحث عن ما افتقدوه فى الحرام
نعم حرام مادام ليس هناك اى صفه شرعيه ولو كلمه واحده للاهل ؟
ــــــــــــــــــــــــــــــ
باى حق ايه الابن تقدم على معاقبة والديك ؟؟ ااصبح ليدك من الحكمة والعل الان لتحكم عليهما بها انهما خطا وارتكب جرائم فى حقك ؟؟ ان كانا قد فعلا فأين دعائك الله والعمل بوصاية ؟ حتى وأن وصل الامر ان دفعاك الى الشرك
قال تعالى
(وصاحبهما فى الدينا معروفا )
فكيف بمن يتمنى لك الخير دوما ولكنه قد يفقد الطريقه المثلى فى التعامل معك ؟
ــــــــــــــــــــــــــــــــ
الذكى الفطن هو الذى يتعلم مما راى وأن شاء الله يصححه فى حياته وبيته ويتجنب اياه بدل ان يحاول ان يحبط نفسه دائما بكلمات الياس والبكاء على الماضى الاليم فيضيع الحاضر فى تذكر الماضى وبالتالى لن يكون هناك مستقبل
ـــــــــــــــــــــــــــ
الكلام كثير لدى والموضوع كبير وياتى ان شاء الله لاحقا لدى فى المدونه
وفقكم الله لما يحبه ويرضاه
والسلام عليكم

Unique يقول...

انا متفقة معاكي ان دي اصبحت طريقة تفكير عند كتير من البنات ومش هم بس
كمان لما حد من الزوجين بيخون بيرمي اللوم على الطرف التاني ولما الابن بينحرف لادمان او سرقة بيقول اهلي هم السبب ولما البلد بتخرب كلنا بنقول الحكومة هي السبب
نرجع لموضوعنا تاني .. في رايي ان مش مبرر ابدا للبنت ان ابوها مهملها او امها مش متواصلة معاها لان هي لو بتعمل حاجة غلط هتكون بتضر نفسها قبل اي حد
فكرة انها بكدة بتعاقبه دي فكرة ضدها هي وضد النضوج اللي هي بتدعيه .. معنى انها كبرت انها لازم تتحمل مسؤولية نفسها
وبعدين احنا حوالينا نماذج كتير لبنات لا عندها اب ولا ام ( ربنا توفاهم ) وما بتفكرش كدة بالعكس بتكون مثال للالتزام والجدية وعلى الطرف التاني ممكن واحدة تكون في بيت مثالي واب متفهم
وبرضو تتصرف غلط
يعني بلاش نصطنع اعذار ..النهاردة اللي عايز يعمل حاجة بيعملها

بحييكي على الطرح الجميل .. مودتي

حاتم عرفه يقول...

بتفق مع Unique جدا .. مش بس في أمور الحب بس .. في كل كل حاجة ..
اللي بيكون عاوز يغلط .. بيغلط .. أيا كانت الحجة اللى بيتحجج بيها .. غالبا بتكون هى الخطوة التانية بعد الغلط .. إنه يدور على حجة ..
بالنسبة لكلماتك نفسها بقى لما انتحلتي شخصية البنت اللى من النوع ده وكتبتي كتبتي كويس جدا.. وحسيستينا بمشاعرها قوي بس مين الأب ده اللي بيعمل في بنته كده؟؟ عن نفسي ألوم على الإثنين وعلى الأب أكثر..

وكفاية كدة بقى - شدي حيلك في المذاكرة وكلنا لها .. ربنا يفك سجنك .. إبقى قوليلى صحيح إيه الحاجة اللى نزلتلك فى كتاب المدونات عشان كنت عاوز أقراها؟

لك التقدير لكلماتك ..

نرجو التواصل

http://hatempilot.maktoobblog.com/

http://hatempilot.blogspot.com/

cherif ismail يقول...

لا داعي لاستعمال كلمات غير لائقه ضد اكبر منتدي عربي علي الانترنت

انتي لست بمصر حتي تتوعدين وتطلقين التهديدات

سارورة يقول...

السلام عليكم ورحمه الله وبركاته

فعلا الان دل هذا الموضوع على اسم المدونه
بنوتة لاسعه جداً
--------------------
اتمنى دا يكون بمعنى لاسعة اللى اقصده يا دكتور
_____________

دعينا نرى التالى بدون ترتيب
الاول
اهم بكل تفصيله فى حياتى وكل احلامى ووووو......تحت اى مسمى اهتامه وما صورة .. ما اسهلها من كلامات تقال ولكن هل هناك من افعال ؟
--------------
معاك حق
وحتى هى بردو شايفه انه بيخدعها بس من كتر اليأس مش هاممها
_______________
الامر الثانى
أن كنتى تعلمى انه يخدعك ايعقل ان نلهث وراء الخداع بدل من البحث عن الحقيقة فى انفسنا اولا ؟؟

أليس من يحب احد ويهتم به يكون حريص كل الحرص على الحفاظ عليه ؟؟ اترى ماهو عليه الان يحافظ به على من امامه ؟
-------------
مظبوط كلامك يا دكتور
فعلا المفروض انه يخاف عليها ودا يبقى ابسط دليل على حسن نيته
__________________________

الامر ال التالى ما رايك لو اعطيتك جوهرة ثمينه هذه الجوهره ماذا تفعلى بها لو هى غاليه لديك جدا ؟؟ الن تضعيها فى افخم وارق علب المجوهرات وتحافظى عليها من اى ذرة غبار قد تاتى عليها ؟؟
-----------------------
مظبوط يا دكتور ، ودى غلطة ابوها بردو
ماحافظش على الجوهرة
عارف يمكن هى صغيرة او لسة مش عاقلة بالدرجة الكافية
انا مش ببرر موقفها لكن صدقنى الاتنين غلطانين
_______________________
ننتقل للامر التالى
مسؤلية الاباء
معك فيما قلت ولكن اهذا مبرر للغلط ؟
رأيت ما رأيت فى حياتى وتربيتى ولكن بأى حق أعاقب نفسى بوضعها فى ؟أماكن خاطئه تحت دعوى انهم من قصروا وأخطاؤا فى حقى ؟؟؟؟ اين عقلى اين فكرى ؟؟ اين طموحى انا ومحاوله البحث عن ما افتقده اابحث عن اجمل الاشياء وسط حطام وركام بدون اى دليل ؟؟
----------------------
تمااااااااااااام يا دكتور هو دا اللى كنت مستنية حد يقوله لأن دا رأيي وكنت حابة اعرف انا صح ولا غلط
ــــــــــــــــــــــــــــــــــ
من قال أن الحب الطاهر غلط ولكن ماهو الحب الطاهر ؟؟
الحب الذى لايغضب الله عز وجل
الحب الذى ان كان فى القلب تقدم صاحبه لاهلها وطلبها على الفور ولم يصرح به فى عالم الهراء كل يوم وليله الف مره ومره دون خطوة واحده
لما لا يتقدم وان كان هناك ظروف وضحها واستعان بالله عليها ولو صادقا لن يضيعه الله ما دام يبتغى رضاه
أيهما يقدم حب الله ورضاه أم حب الحبيب وهواه؟؟؟!!!!!!!!!!

---------------

عارف يا دكتور وانا بقول الحب الطاهر كان فى بالى مين ؟؟

كان فى بالى سيدنا على لما حب وكانت بتبادله الحب لكن ولا حد منهم قال حاجة واتزوجوا وربنا كرمهم علشان اتقوا ربنا

ـــــــــــــــــ
يعقل أن مثلا زوجتى اغضبتنى اذهب واخونها ؟؟ باى صورة ولو نظره او كلمه او مجرد تفكير؟؟؟
اذا فباى حق يفكر هؤلاء فى محاوله البحث عن ما افتقدوه فى الحرام
نعم حرام مادام ليس هناك اى صفه شرعيه ولو كلمه واحده للاهل ؟
-----------------

كلام مظبوط جدا جدا يا دكتور
ــــــــــــــــــــــــــــــ
باى حق ايه الابن تقدم على معاقبة والديك ؟؟ ااصبح ليدك من الحكمة والعل الان لتحكم عليهما بها انهما خطا وارتكب جرائم فى حقك ؟؟ ان كانا قد فعلا فأين دعائك الله والعمل بوصاية ؟ حتى وأن وصل الامر ان دفعاك الى الشرك
قال تعالى
(وصاحبهما فى الدينا معروفا )
فكيف بمن يتمنى لك الخير دوما ولكنه قد يفقد الطريقه المثلى فى التعامل معك ؟
--------------------
مظبوط فعلا يا دكتور

وصدقنى دا مش بس فى الموضوع دا
دا بيبقى فى مذاكرة وفى ادمان وفى كل حاجة
وبينسى انه بيضر نفسه اول حاجة
ــــــــــــــــــــــــــــــــ
الذكى الفطن هو الذى يتعلم مما راى وأن شاء الله يصححه فى حياته وبيته ويتجنب اياه بدل ان يحاول ان يحبط نفسه دائما بكلمات الياس والبكاء على الماضى الاليم فيضيع الحاضر فى تذكر الماضى وبالتالى لن يكون هناك مستقبل
--------------------
مظبوط جدا يا دكتور
ـــــــــــــــــــــــــــ
الكلام كثير لدى والموضوع كبير وياتى ان شاء الله لاحقا لدى فى المدونه
وفقكم الله لما يحبه ويرضاه
والسلام عليكم

-------------
وانا والله كنت متأكدة ان الموضوع دا هيهمك يا دكتور
وحبيت اعمله علشان معاجلتك للمواضيع بصراجة بتبهرنى
فحبيت اوضح نقطة علشان تتناولها باسلوبك المميز اللى دايما اتعودنا عليه
نورتنى يا دوك

سارورة يقول...

انا متفقة معاكي ان دي اصبحت طريقة تفكير عند كتير من البنات ومش هم بس
كمان لما حد من الزوجين بيخون بيرمي اللوم على الطرف التاني ولما الابن بينحرف لادمان او سرقة بيقول اهلي هم السبب ولما البلد بتخرب كلنا بنقول الحكومة هي السبب
--------------
كلام فى الجون يا يونيك
دايما متعودين نرمى اخطائنا على الاخرين ونتحجج بيهم
بجد كلام مظبوط جدا
_______________________
نرجع لموضوعنا تاني .. في رايي ان مش مبرر ابدا للبنت ان ابوها مهملها او امها مش متواصلة معاها لان هي لو بتعمل حاجة غلط هتكون بتضر نفسها قبل اي حد
----------------
مظبوط ومهما الاب انضر مش بيتضر زى ما البنت بتنضر

______________
فكرة انها بكدة بتعاقبه دي فكرة ضدها هي وضد النضوج اللي هي بتدعيه .. معنى انها كبرت انها لازم تتحمل مسؤولية نفسها
----------
كلام مظبوط جدا وجميل جدا يا يونيك
_______________
وبعدين احنا حوالينا نماذج كتير لبنات لا عندها اب ولا ام ( ربنا توفاهم ) وما بتفكرش كدة بالعكس بتكون مثال للالتزام والجدية وعلى الطرف التاني ممكن واحدة تكون في بيت مثالي واب متفهم
وبرضو تتصرف غلط
يعني بلاش نصطنع اعذار ..النهاردة اللي عايز يعمل حاجة بيعملها
-----------------
صح يا يونيك ودا كان قصدى من السؤال الاخير
ياترى ليه مش كل الاولاد اللى اهلهم بيهملوهم بينحرفوا
__________________
بحييكي على الطرح الجميل .. مودتي

---------------

نورتينى يا اجميل يونيك وشرفتينى بجد ميرسى اوى ليكي

سارورة يقول...

بتفق مع Unique جدا .. مش بس في أمور الحب بس .. في كل كل حاجة ..
اللي بيكون عاوز يغلط .. بيغلط .. أيا كانت الحجة اللى بيتحجج بيها .. غالبا بتكون هى الخطوة التانية بعد الغلط .. إنه يدور على حجة ..
----------------
صح والله ، بحس دا حاجة فينا كلنا على فكرة
اول ما برتكب خطأ عقلى بيحاول يهرب على اى مبرر تانى
ولو ماكنتش الحق نفسى واكون صريحة مع نفسى ببقى على وشك الاقتناع
وما انكرش انى احيانا بتحجج بالحظ وكده (( خصوصا فى الامتحانات (:علشان ما يجيليش اكتئاب ))
____________________________
بالنسبة لكلماتك نفسها بقى لما انتحلتي شخصية البنت اللى من النوع ده وكتبتي كتبتي كويس جدا.. وحسيستينا بمشاعرها قوي

---------------

ربنا يكرمك يارب

دى بجد شهادة اعتز بيها جدا

______________
بس مين الأب ده اللي بيعمل في بنته كده؟؟ عن نفسي ألوم على الإثنين وعلى الأب أكثر..
-------------
والله فى اهالى كتيييييييير بتعمل كده فى اولادها يا حاتم وبجد الواحد بيبقى مستخسر فيهم الاولاد
________________________


وكفاية كدة بقى - شدي حيلك في المذاكرة وكلنا لها .. ربنا يفك سجنك .. إبقى قوليلى صحيح إيه الحاجة اللى نزلتلك فى كتاب المدونات عشان كنت عاوز أقراها؟
--------------------
يااااااااااااااااااااااااارب يسمع منك
دا انا حساة مؤبد مش سجن ههههههه
بالنسبة للبوست اللى نزل فى الكتاب هو بوست

" من اسوأ ما ابتلى به الشرفاء " وهجيب اللينك بس بعد ما ابعت التعليق باذن الله
وبجد يشرفنى جدا انك تقراه
_______________________

لك التقدير لكلماتك ..

نرجو التواصل

http://hatempilot.maktoobblog.com/

http://hatempilot.blogspot.com/

------------------------

انا زرت المدونتين اللى على بلوجر وبجد استمتعت جدا بس بكل اسف ما لحقتش اعلق بسبب مشكلة كبيرة حصلتلى ضيعت كل اليوم وانت عارف امتحانات وكده
اتشرفت جدا بزيارتك الجميلة لمدونتى واتشرفت جدا جدا بزيارتى لمدونتك

سارورة يقول...

cherif ismail يقول...

لا داعي لاستعمال كلمات غير لائقه ضد اكبر منتدي عربي علي الانترنت

انتي لست بمصر حتي تتوعدين وتطلقين التهديدات
_________________
ما استخدمتش كلمات غير الحقيقة
وبصراحة وجودك فى مدونتى ما يشرفنيش انا نشرت تعليقك علشان اقولك كده
حد بيتكلم باسلوبك
ومنتدى بيحصل فيه اللى بيحصل دا ما يشرفنيش ان حد منه يجي هنا

My Hope$ يقول...

حببتي
انا اسفة لعدم متابعتي
ليكي
بس والله كان عندي امتحانات
ولسة مخلصة
بجد بجد
انا قريت الكلام اللي فوق اللي بالاحمر
وفعلا عايزة اقولك حاجة
جامدة موت
مواضيعك تستاهل انها تتاخد وتتنشر في كل مكان لانك فعلا فنانة وموهوبة وعندك افكار حلوة كتير وقدرة علي توصيل
المعلومة والرسالة اللي عايزة تقوليلها
لكن بعترض بصراحة
علي حق النشر
انا اخدت مثلا موضوع اقول انة مقتبص من موضوع عند مدونة بنتوتة لاسعة
لكن فعلا مينفعش حد ياخدة وينسبة لنفسة
وفعلا انت عندك حق
انك تزعلي كدا
ومعلش اكتبي انك معترضة ان حد ياخد مواضيعك ولو معجبين بيها للدرجة ياكتب انها بتاعتك وهو نقلها بس
بالنسبة للموضوع
جامد طبعا كالعادة
ونفسي اقرا كل مواضيعك اللي فاتتتني
علي فكرة انا في مواضيع قرتها بس معلقتش بس قريت كل اللي فات قبل ما ادوش بالامتحانات فاضلي بس اللي كان في فترة الامتحانات
وبجد سامحيني
وحشتيني
ولو عايزة تتكلمي معايا
قوليلي وناخد ميلات بعض هكون سعيدة
لان انت حد كويس قوي وانا بحبك جدااااا
سلام
مني

Abo Salah يقول...

أحييكي على الموضوع ده .
الصيغة اللي اتكلمتي بيها في الاول كان ممكن (في مدونة تانية من المدونات اللي ملت البلد) تكون هي البوست الرئيسي ويكون هو ده فعلا اللي بيعبر عن رأي الكاتبه .
لكن انتي استخدمتي التوريات في كلامك لتوصيل معاني محترمة وتستحق فعلا الوقفة .

للإجابة على الأسئلة اللي سألتيها بقى :
هل اهمال الاب مبرر للبنت انها تدور برة على
اللى فقدته ؟!!
مافيش حاجة تبرر الكلام ده أبدا
هل انتوا شايفين معايا ان البنت دى شايفة
انها كده بتعاقب والدها وبتنتقم منه علشان اهملها ؟؟
ممكن تكون فعلا بتفكر بالشكل ده .. وممكن تكون مش بتفكر في عقاب او انتقام او اي حاجة م الحاجات دي ويكون غرضها هو الاهتمام والاحتواء فقط

وياترى ليه لما فى اهالى كتيييير بتهمل
اولادها مش كل الولاد بتنحرف ؟؟
لأن في عوامل تانية كتير بتساهم في تحديد موضوع الانحراف ده ... زي الاصحاب والبيئة والاقارب ونوعية شخصية الطفل نفسه .. هل نفسه ضعيفة ام قوية .

سارورة يقول...

منمن حبيبة قلبى وحشااااااااااااااااااااااااااانى ما تتخيليش انا قد ايه مفتقداكى يا بنوتة بجد حمدا لله على السلامة ياقمر ويابختك اخدتى افراااااااااج من الامتحانات انا لسة ):
بالنسبة للكلام اللى بالاحمر فأنا والله ماعنديش اى اعتراض ان حد ينقل حاجاتى بس يقول المصدر ايه

لكن الاقى الهانم نقلاها وتقول (( احلى بنات افكارى ؟!!)) دا بجد لا يطاق

وميرسى بجد شهادتك ليا ولمواضيعى اعتز بيها واحطها وسام حقيقى ياقمر
وانا يا حبيبة قلبى اتمنى بجد بجد انى اتعرف عليكي ايميلى هتلاقيه فى البروفيل بتاعى ضيفينى وقوليلى انك انتى وانا بجد دا هيكون اسعد يوم فى حياتى

منوووووووورة الدنيا بحالها يا اجمل منمن

سارورة يقول...

Abo Salah يقول...
أحييكي على الموضوع ده .
الصيغة اللي اتكلمتي بيها في الاول كان ممكن (في مدونة تانية من المدونات اللي ملت البلد) تكون هي البوست الرئيسي ويكون هو ده فعلا اللي بيعبر عن رأي الكاتبه .
لكن انتي استخدمتي التوريات في كلامك لتوصيل معاني محترمة وتستحق فعلا الوقفة .

_______________________

بحب دايما اخدع القارئ يا أبو صلاح

علشان لو كان متفق معايا او مختلف بردو يكمل قراية لو كان موافق على الكلام اللى فى الاول واقتنع بيه هيقتنع بكلامى اللى بعد كده ولو كان مختلف مع الكلام اللى فى الاول هيتنهد بعمق ويقول الحمد لله
=================================
للإجابة على الأسئلة اللي سألتيها بقى :
هل اهمال الاب مبرر للبنت انها تدور برة على
اللى فقدته ؟!!
مافيش حاجة تبرر الكلام ده أبدا
_____________________
تمااااااااام جدا
===========================
هل انتوا شايفين معايا ان البنت دى شايفة
انها كده بتعاقب والدها وبتنتقم منه علشان اهملها ؟؟
ممكن تكون فعلا بتفكر بالشكل ده .. وممكن تكون مش بتفكر في عقاب او انتقام او اي حاجة م الحاجات دي ويكون غرضها هو الاهتمام والاحتواء فقط
________________
معاك حق يا ابو صلاح
وممكن تكون هى نفسها مش حاسة هى بتعمل كده ليه
===============================
وياترى ليه لما فى اهالى كتيييير بتهمل
اولادها مش كل الولاد بتنحرف ؟؟
لأن في عوامل تانية كتير بتساهم في تحديد موضوع الانحراف ده ... زي الاصحاب والبيئة والاقارب ونوعية شخصية الطفل نفسه .. هل نفسه ضعيفة ام قوية .
________________
دا بالظبط اللى كنت عايزة اوصلله

ربنا يكرمك يا ابو صلاح ويفتح عليك

ميرسى اوى لمرورك الجميل دا

بجد نورتنى وشرفتنى

غير معرف يقول...

انا اسف .. بس بجد انا عايز حد يساعدني بس قبل مساعدته ليه يكون اهمني (انا كنت انسان كويس جدا متربي في السعوديه تربيه دينيه مقدرش اقول دينيه بس هيه نشأه فعلا صالحه يعني عقلي و انا صغير جدا كان متفتح المهم انا اتغيرت و بقيت بعمل حاجات كتير حرام انا معملتش كل الحرام بس انا لو مكنتش فاجئه اخذت بالي من الي انا فيه كنت عملت كل الحرام من اول السجاير هيه اول حاجه بعد كده كل لما اتختق مثلا من حاجه اضعف شويه و هاكذا حاجات كتير اوي نبهتني و مشاكل كبيره كنت بقع فيها بس برضو كنت بكمل زي ما انا مقتنع اني فاهم كل حاجه بس انا دلواقتي في نصف الطريق حاسس اني معتش فاهم حاجه في اي حاجه عايز ابقه زي ماكنت بصلي كل الفروض كويس يعني بس معتش عارف اسيب الطريق الي انا ماشي فيه مش لإن انا مثلا شايفه كويس ولا لإني مرتاح فيه بس لإني اتعودت عليه و نسيت الطريق التاني تفاصيله كانت ايه كل الي انا فاكره اني كنت مرتاح فعلا فيه انا كل الي عايزه بجد اني ((اتصرف صح في حياتي))عايز امشي صح في الحياه الي اتربيت عليها اعمل ايه بجد محتاج حد يساعدني انا مش عارف كلامي ده هيوصل لأي حد اصلا ولا لا بس انا فرحان اني قولته و عرفت انا عايز ايه بس لو حد قدر يساعدني هيكون بيعمل خير انا
اسمي أدهم
عمري 20 سنه
اولي اتصالات ((هندسه))
و ده ايميلي ayman_free1@hotmail.com
ayman_free1@yahoo.comانا فعلا اسف لو حد ادايق مني اســــــــــف

المتابعون

اعتبرها بيتك ♥

وِش القفص

خليك ورايا

دليفري..