لعلمك

لعلمك

إقرأ لي

دخلوا بكليك شمال :D

Blog Archive

السبت، يونيو 07، 2008

postheadericon اختلاف الرأى يفسد كل القضية .. فقط فى مصر !!






تعلمنا دوماً ان الاختلاف فى الرأى لا يفسد للود قضية

وكثيرا ما نقولها ونرددها فى احاديثنا ، لكنها للاسف لا تتحق الا فيما ندر ..

بل وفى بعض الاحيان الاختلاف فى الرأى يفسد كل القضية كما هو الحال فى نظامنا فى التعليم ،

فمنذ عدة ايام كنت اؤدى اختبار اخر العام فى احدى المواد

وفى احدى الاسئلة اضطررت لكتابة كلمات كادت تقتلنى قهراً عن الرئيس الراحل انور السادات ..

بغض النظر عن مدى صحة ما كتبته - وهو فى الحقيقة رأي استاذى - الا اننى غير مقتنعة بهذه الكلمات

شعرت وكأننى اخون قلمى واخون عقلى واخون السادات نفسه وانا اكتب هذه الكلمات

لكن لو لم اكتبها لن انجح ولو لم انجح ............ البقية معروفة ..

وليس غريب ان ندرس فى نفس الوقت مادة اخرى لاستاذ اخر يرى عكس هذا تماماً

وفى الاختبار يجب ان نكتب هذا ايضاً ...

لأنك اذا لم تكتب ما يراه فانت لم تذاكر ولم تواظب على الحضور وبالتالى لا تستحق النجاح ..

للاسف نتعلم كل يوم فى مدارسنا وجامعاتنا كيف ننافق ونهادن ..

نتعلم كل يوم ان نتقبل كل المتناقضات بلا اى اعتراض ..

نتعلم ان نلغى المنطق ونلغى التفكير وننشط فقط الذاكرة ..

نتعلم كيف نردد آراء الاخرين بلا اقتناع وبلا فهم ...

وكانه تدريب عملى ليفيدنا فى المستقبل ، او ربما ليفيدهم !!

اتخيل حالنا ونحن ثلاثمائة طالب وطالبة ، ندرس الاعلام اى اننا من المفترض ان نشكل صحافة الغد واذاعتها واعلامها ككل ..

اتخيل الوضع ونحن اليوم نتعلم ان نتفنن في اخراج ما لم نقتنع به ، تعلمنا ان هذا هو الطريق للنجاح

وغداً يطلب منا ان ننافق وان نشوه حقائق وان نضلل الرأى العام ..

ما المانع ان نفعلها ؟!!

سنفعلها ، بل وبكل احتراف فقد تدربنا على هذا كثيراً ..

واتخيل حال غيرنا من طلاب فى كافة المجالات ، فالمهندس لن يجد مانعاً فى عمل ابنية غير مطابقة للمواصفات

والطبيب لن يمانع فى تزوير التقارير الطبية ، والمحاسب لن يجد غضاضة فى التهرب من الضرائب وفى سرقة المال العام

والموظف لن يشعر بوخز فى ضميره وهو يزور فى الطلبات ..

لن تكون هناك اى مشكلة فقد تعلمنا كيف نخدر ضميرنا بالتدريج استعداداً لاستئصاله ..

10 بوينتس أوف فيو:

عرفة فاروق السيوطى ( الاديب العاشق) يقول...

اول تعليق

السلام عليكم

والله كل اللى قلتيه حقيقى

ما عندى فى مصر كل الحقائق تتغير

والاختلاف فى الرأى يوصل للخناق

وكمان نظام التعليم انا بعانى منه

بس يارب يتغير المستقبل على ايدينا

تحياتى

في حب مصر يقول...

السلام عليكم

موضوع البوست ده فعلا مهم
انا مقتنع تماما ان نظام التعليع خاصة في الجامعات فاشل
بيسيبوا كل دكتور يعمل اللي عاوزة.. يدرس اللي يحبه.. ويلقن الشباب الافكار بتاعته حتى لو كانت غلط.. علشان كدة بنلاقي اجيال متخرجة اما انها مش فاهمة حاجة او فاهمة بطريقة غلط

متفق معاكي تماما في كل اللي قولتيه

وتقبلي مروري

arsenalwy يقول...

اهلا بيكى يالاسعة

فعلا فاحنا عندنا شوية جمل كدة بنكررها عالمال على بطال زى الجملة اللى انا لسة قايلها حالا اللى معرفش معناها

فانا عمرى ماشفت فى اى فيلم او اى برنامج وخصوصا فى اسئلة الاراء دى ان حد يكون ملزم براى معين الا عندنا احنا بس

طب انت بتسال من الاول وتسالنى عن رأيى لية؟؟؟؟؟؟؟؟؟؟؟؟؟؟

سارورة يقول...

عرفة السيوطى مبرووووووووك عليا كونك اول تعليق .. كلامك كله مظبوط وعجبنى جدا الامل اللى فيه ان بكرة يتغير على ايدينا ... ياااااااارب يا عرفة

سارورة يقول...

فى حب مصر : والله ليك وحشة بقالك زمااااااااااان ما نوتش مدونتى .. نورتنى وشرفتنى بجد
ندخل بقى فى الموضوع فعلا فى الكليات الدكاترة بيقولوها بالفم المليان : انا ماليش كبير فى الكلية دى يعنى اقدر اوديكم فى داهية ..

هنقول ايه حسبى الله ونعم الوكيل

ميرررررررررسى ليك يا فى حب مصر نورتنى

سارورة يقول...

صحيح يا ارسنالى .. بتسألنى ليه

اعتقد انهم بيسألوا علشان يدوا منظر ديموقراطى لذيذ مش اكتر
نووووووووووورتنى يا ارسنالى وشرفتنى

mostafa rayan يقول...

هذا هو الحال في مصر ليس في التعليم فقط ولكن في كل شيئ ولذلك نحن هكذا لا نتقدم وان لم نتغير فلن نتقدم

غير معرف يقول...

طبعا انا معاكي في رأيك
- ممكن سؤال هو حضرتك مذيعة فين ؟

سارورة يقول...

مصطفى ريااااااااااااااان فيييييييينك من زمااااااااان
بجد المدونة ماكنش ليها طعم من غير تعليقاتكم
بالنسبة للموضوع بقى فعلا لو ما اتغيرناش مش هنتقدم هنرجع لورا وهننداس بالرجلين
ربنا يستر يا مصطغى

سارورة يقول...

غير معرف منورنى / منورانى بمرورك الجميل

وبلاش حضرتك دى لحسن بتكبر السن اووووى (:

انا يا سيدى مذيعة فى اذاعة ميوزيكانا اف ان اللى لينكها فى الجنب دى

المتابعون

اعتبرها بيتك ♥

وِش القفص

خليك ورايا

دليفري..