2008-06-17

توضيح واعتذار ووداع

انا رخمة اوى فى الفترة الاخيرة وزعلت من غير قصد ناس كتير غاليين عليا بتسرعى وغبائى و لأنى كنت حادة جدا وعصبية
يارب تسامحونى لأنى بجد مضغوطة جدا الفترة دى وفى اكتر من حاجة خنقانى واللى خانقنى اكتر انى مش قادرة احكى لحد
باختصار شهر يونيو كان شهر اخفاقات متتالية من كل ناحية بالنسبة لى
حاولت اقاوح واكمل حياتى عادى بس اكتشفت انى بعك الدنيا
وكتير حسوا انى مش سارة اللى يعرفوها وانا اولهم
حتى تدويناتى مابقتش بالمستوى اللائق
علشان كده لازم ابعد فترة اعيد ترتيب حساباتى وافكارى واعيد تقييم قراراتى
وعلشان مااخسرش الناس اللى عايشة بحبهم
وهحاول استعيد شوية حاجات فى حياتى سرقتها منى حياتى الالكترونية
بس قبل دا حبيت اعتذر لكل حد غلطت فى حقه او خيبت ظنه او كنت رخمة معاه
بالله عليكم لو بتحبونى سامحونى
وياااااااااااااااريت تدعولى ارجع انا من تانى علشان سارة وحشتنى اوى
__________ رســــــــائل ممكن ما توصلش _________
روكا حبيبة قلبى وحشاااااااااااااااااانى اوووووووى .. مفتقداكى بجد ونفسى افضفض معاكى
حسام & الجينيرال سامحونى ع التأخير بس لازم علشان اقدر اغير العالم اغير نفسى الاول
د/ ابو يحي وآدم سامحنى لأنى ماكونتش ايجابية بما يكفى فى حملة لغتى هويتى بس صدقنى مش نسياها
أ/ احمد ( الصحفى المصرى المشاغب ) سامحنى انى ماكونتش قد وعدى بالنسبة للتقدير بس والله غصب عنى
منمن MY HOPES اوعدك هفكر ف اللى قولتيلى عليه
أ/ ابراهيم عادل .. أنا بجد اسفة
شمعى اسعد .. اسفة ع التأخير بس صدقنى اول ما ارجع انا هفكر بجدية وهشتغل بحماس ف اللى قولتلى عليه
السندبادة .... كان نفسى اقدر اكون ملاك زيك
روشا احمد .. انتى احلى حاجة حصلتلى الشهر دا
واخيراً من عروسة النيل ..... انا اسفة ، خيبت ظنك وعملت زى كل الناس ما عملت
________________ للى بيزورنى لأول مرة ______________
أسفة لو ما لقيتش حاجة تستحق زيارتك
بس لو تحب فعلا تقرالى ممكن تجيب من الارشيف البوستات دى
العاشقان
العدد اليتيم من مجلة الاصدقاء
علشان خاطرى قلب كويس
________________ كام ملحوظة ______________
انا هبعد بس عن اى اتصال بالناس لأنى لما بتكلم حاليا بعك
وطبعا دا يتضمن الرد ع التعليقات والتعليق فى مدونات اخرى
لكن مش هقدر ما ازورهمش ولا ازور مدونتى
وفى 3 حاجات مش هسيبها لو بموت
حملة السرطان لا يعنى الموت
رابطة محبى الشاعر احمد بخيت
برنامج عايز الحق
________ اخر حاجة __________
بحبكم فى الله لدرجة ما يعرفهاش الا ربنا
استودعكم الله

هناك 25 تعليقًا:

  1. يارب يكون خير
    قلقتيني بشكل غير عادي
    ماشي مستنية
    ربنا يهون
    سلام

    ردحذف
  2. السلام عليكم ورحمة الله وبركاته
    سارررررررروة الاساررررات
    ايه ياأميرة الاميراتتتتتتت
    انا اعرفك النهاردة تقومى انت تاخدى اجازة ؟؟؟؟؟؟؟؟؟؟؟؟؟؟؟
    WHY?
    OK,IF U WILL COME BACK SOOOOOOOON
    AND HAPPIER,IT IS ALLRIGHT. WAITING FOR YOUR RETURN.
    (YOUR FRIEND(if you allow
    norahty

    ردحذف
  3. مقدرين كلنا ظروفك والله يا ساره

    بس وحشتينا بجد

    وكان نفسنا نشوفك

    ويارب لما اشوفك المره الجايه

    اشوف ساره اللى كلنا عرفناها وحبيناها

    مش ساره تانيه

    يلا ربنا يوفقك يا قمر

    اخوك الصوغنون
    حسام

    ردحذف
  4. أنا فعلا بزورك لأول مرة....ومش ممكن كنت أتأثر بكلام حد كده....

    بس إنتي واضحة أوي....ربنا يباركلك على وضوحك مع نفسك...اللي الواحد بيدور عليه بعود كبريت مش شمعة!!!!!!

    وبجد هلف ف مدونتك....لأني اجتذبني كلامك..كما يجتذب الضوء الأزرق الناموس!!!!!!
    أتمنى بجد أكلمك قريب...خصوصا بعد لحظات الوضوح دي... نـدى

    ردحذف
  5. مكتوب فوق رأيي ف الكلام ده!!!

    ورأيي هو...إني الحمد لله إني قرتلك دلوقتي....لأني عمري ما كنت هتأثر بحد قد دلوقتي.!!!!!

    وضوحك مع نفسك مبهر يا أميرة سارة...

    بجد أوعدك إني هلف ف مدونتك...وأتمنى ف يوم أكلمك....خصوصا بعد أيام الوضوح دي...

    شرفت بقراءة البوست ده بجد!!!!
    ندى

    ردحذف
  6. ربنا معاكي يا سارورة يا جميل :)

    ردحذف
  7. سااااااااااره
    ولا يهمك
    منتظرينك ياقمر
    وعلى فكره الواحد لازم يبعد عن الحياه الإلكترونيه من وقت للتانى
    أنا حاسه بكلامك جداً وعلشان كده عذراكى
    وبالنسبه لأنك بقيتى تعكى
    ياختى عكى ولا يهمك
    اللى بيحبك هيستحملك
    واللى مش هيستحمل يبقى مع ألف سلامه
    وإحنا بقى ربنا أعلم بنحبك قد إيه
    يعنى مستحملين منك أى حاجه
    ربنا يوفقك
    ومتوقعه إن الفتره دى مش هتطول
    سلاااااامات

    ردحذف
  8. أنا أول مره أجى هنا
    والصراحه لقيت ان موضوعات مش بالسوء الى بتتكلمى عنه
    يعنى لو دى موضوعاتك الى بتعتبرى انك مش فى الفورمه لما كتبتيها امال لو كونتى فى الفورمه كنتى هتكتبى ايه

    عموما واضح ان روحك حساسه .. والروح الحساسه ممكن ابسط الحاجات تبسطها أوى أو تزعلها اوى

    تحياتى ليكى .. وياريت تشوفى مدونتى

    ردحذف
  9. ثوثه حبيبتى

    لما شوفتك امبارح

    كنت حاساكى فعلا زعلانه

    بس اياً كانت الاسباب

    فمفيش سبب فى الدنيا

    يستاهل زعل سارورتى حبيبتى

    ولا حتى لثوانى

    وبالنسبه للاخفاقات

    فالحياه بطبيعتها نجاح وفشل

    فوووووووق وتحت

    سعاده وحزن

    مفيش حاجه دايمه

    المهم اننا مش نستسلم

    اهم حاجه عندى دلوقت

    انى ما شوفكيش ابدا زعلانه

    لانك بجد غاليه اووووووووووووى عندى

    ترجعى بالف سلامه

    لكن بالنسبه لى انا

    عمرى ما هعرف اسيبك كده

    رخامه بقى

    انا ياسيتى راضيه

    انك ترخمى عليا

    مش احنا اصحاب

    من حق صحبتك انها تشاركك كل اللحظات

    ويارب من كل قلبى

    الفتره دى تعدى

    وباذن الله هتعدى

    دا انت ساره

    سلام لاحلى ساروره

    ردحذف
  10. ماشي ياسارورة
    اما نشوف اخرتها
    انت علي فكرة
    خليتيني اغير فكريتي عنك
    هي دي سارورة اللي مش بتبطل ضحك
    المفروض تبقي قوية
    انت مش عارفة ان
    الحياة عمرها ما بتسير علي وتيرة واحدة
    مش معقول كل ما هنزعل
    او يحصلنا اي حاجة
    نعمل كدا
    وياستي
    مهما كان في اية
    فكي
    مفيش حاجة تستاهل
    وكل حاجة بتتعوض
    وكل لن يصيبنا الا ماكتبة الله لنا
    يارب تكوني بخير
    وحشتيني
    وبجد انا عيزاكي ترخمي عليا
    ومش هبطل اكلمك لحد ما تردي
    يا انا يالسفارة في قلب العمارة
    يلا
    الصبر جميللللل
    وهجبك ياسيتي الماوس اللي يعبر عنك
    يلا هيسي بقي
    علشان خاطر القرد
    ههههههه والموز
    والسوداني
    ههههه عايزة اية تاني
    ابوس ايديك يعني
    ولا اية
    هههههه
    انا كمان بحبك
    سلام

    ردحذف
  11. إنتي يا بنتي عندك خبر إن أحمد فؤاد نجم بجلالة قدره جاب ف سيرتك؟

    http://72.249.44.78/forum/showpost.php?p=652860&postcount=67

    ردحذف
  12. سمو الاميرة سارة

    اولا اعتذر عن الغياب الفترةالماضية بس والله غصب عنى

    وفى انتظار سارة من جديد

    تحياتى

    ردحذف
  13. My Hope$ يقول...
    يارب يكون خير
    قلقتيني بشكل غير عادي
    ماشي مستنية
    ربنا يهون
    سلام
    _______________

    خير او شر يا حبيبتى الحمد لله عدت بخير .. بجد مش عارفة اشكرك قد ايه على وقفتك جنبى ربنا ما يحرمنى منك يا حبيبة قلبى ياااااااارب

    ردحذف
  14. norahaty يقول...
    السلام عليكم ورحمة الله وبركاته
    سارررررررروة الاساررررات
    ايه ياأميرة الاميراتتتتتتت
    انا اعرفك النهاردة تقومى انت تاخدى اجازة ؟؟؟؟؟؟؟؟؟؟؟؟؟؟؟
    WHY?
    OK,IF U WILL COME BACK SOOOOOOOON
    AND HAPPIER,IT IS ALLRIGHT. WAITING FOR YOUR RETURN.
    (YOUR FRIEND(if you allow
    norahty

    ____________________

    غصب عنى يا حبيبة قلبى ماكنش ينفع اقاوح اكتر من كده

    انا بجد فرحانة اوى انك نورتينى واتشرف طبعا انى اكون صديقة ليكي يا حبيبة قلبى هو انا اطول ؟؟؟؟

    ردحذف
  15. حسام يقول...
    مقدرين كلنا ظروفك والله يا ساره

    بس وحشتينا بجد

    وكان نفسنا نشوفك

    ويارب لما اشوفك المره الجايه

    اشوف ساره اللى كلنا عرفناها وحبيناها

    مش ساره تانيه

    يلا ربنا يوفقك يا قمر

    اخوك الصوغنون
    حسام

    _______________________

    ربنا يخليك يا حسام يارب

    دايما ذوق وبتقدر الظروف وبتهون ع الناس يا حسام ربنا يكرمك ياااااااارب

    وبلاش الصغنون دى اينعم انت 17 وانا 19 بس كده حضرتك حسستنى انى ننيا الحجة هههههههههههه

    ردحذف
  16. أنا فعلا بزورك لأول مرة....ومش ممكن كنت أتأثر بكلام حد كده....

    بس إنتي واضحة أوي....ربنا يباركلك على وضوحك مع نفسك...اللي الواحد بيدور عليه بعود كبريت مش شمعة!!!!!!

    وبجد هلف ف مدونتك....لأني اجتذبني كلامك..كما يجتذب الضوء الأزرق الناموس!!!!!!
    أتمنى بجد أكلمك قريب...خصوصا بعد لحظات الوضوح دي... نـدى

    _______________________

    ربنا يكرمك يا ندى يارب

    مش عارفة انتى قد ايه كلامك هون عليا

    والله ماعارفة اقول حاجة غير ربنا يكرمك وانا اتشرف اكلمك قريب جدا حبيبتى واتشرفت اوى انك نورتينى وان كلامى وصل لقلبك

    ردحذف
  17. أحمد منتصر يقول...
    ربنا معاكي يا سارورة يا جميل :)

    ________________

    ربنا يخليك يا احمد يارب

    ميرسى اوى لدعوتك ليا ربنا يكرمك يارب

    ردحذف
  18. سااااااااااره
    ولا يهمك
    منتظرينك ياقمر
    وعلى فكره الواحد لازم يبعد عن الحياه الإلكترونيه من وقت للتانى
    أنا حاسه بكلامك جداً وعلشان كده عذراكى
    وبالنسبه لأنك بقيتى تعكى
    ياختى عكى ولا يهمك
    اللى بيحبك هيستحملك
    واللى مش هيستحمل يبقى مع ألف سلامه
    وإحنا بقى ربنا أعلم بنحبك قد إيه
    يعنى مستحملين منك أى حاجه
    ربنا يوفقك
    ومتوقعه إن الفتره دى مش هتطول
    سلاااااامات


    ______________

    منمن حبيبة قلبى

    معاكى حق فى كل كلامك

    ووالله بجد انا ربنا رازقنى باخوات بحسد نفسى عليهم

    بجد اكتر من اهل وما سابونيش الا لما فرجوا عنى ربنا يكرمكم كلكم يارب

    ردحذف
  19. Mohamed Hamdy يقول...
    أنا أول مره أجى هنا
    والصراحه لقيت ان موضوعات مش بالسوء الى بتتكلمى عنه
    يعنى لو دى موضوعاتك الى بتعتبرى انك مش فى الفورمه لما كتبتيها امال لو كونتى فى الفورمه كنتى هتكتبى ايه

    عموما واضح ان روحك حساسه .. والروح الحساسه ممكن ابسط الحاجات تبسطها أوى أو تزعلها اوى

    تحياتى ليكى .. وياريت تشوفى مدونتى

    ________________

    ربنا يكرمك يا محمد كلامك دا شهادة اعتز بيها

    بس صدقنى انا حاسة بنفسى

    اكيد هتشرف بانى ازور مدونتك ان شاء الله قريب اوى اوى اوى

    ردحذف
  20. كلمتى يقول...
    ثوثه حبيبتى

    لما شوفتك امبارح

    كنت حاساكى فعلا زعلانه

    بس اياً كانت الاسباب

    فمفيش سبب فى الدنيا

    يستاهل زعل سارورتى حبيبتى

    ولا حتى لثوانى

    وبالنسبه للاخفاقات

    فالحياه بطبيعتها نجاح وفشل

    فوووووووق وتحت

    سعاده وحزن

    مفيش حاجه دايمه

    المهم اننا مش نستسلم

    اهم حاجه عندى دلوقت

    انى ما شوفكيش ابدا زعلانه

    لانك بجد غاليه اووووووووووووى عندى

    ترجعى بالف سلامه

    لكن بالنسبه لى انا

    عمرى ما هعرف اسيبك كده

    رخامه بقى

    انا ياسيتى راضيه

    انك ترخمى عليا

    مش احنا اصحاب

    من حق صحبتك انها تشاركك كل اللحظات

    ويارب من كل قلبى

    الفتره دى تعدى

    وباذن الله هتعدى

    دا انت ساره

    سلام لاحلى ساروره

    ________________

    بسكوتتى حبيبة قلبى مش عارفة اقولك ايه غير ان ربنا عالم بحبك قد ايه وكفاية بس اشوفك يهون عليا كتير
    ويمكن انى شوفتك امبارح انتى وكل البنات دا خفف عليا كتير وانى عملت كويس فى الامتحان هون عليا بردو كتير
    وكل حرف والله كتبتوه هنا خفف عليا كتير اووى اووووووووى

    ردحذف
  21. My Hope$ يقول...
    ماشي ياسارورة
    اما نشوف اخرتها
    انت علي فكرة
    خليتيني اغير فكريتي عنك
    هي دي سارورة اللي مش بتبطل ضحك
    المفروض تبقي قوية
    انت مش عارفة ان
    الحياة عمرها ما بتسير علي وتيرة واحدة
    مش معقول كل ما هنزعل
    او يحصلنا اي حاجة
    نعمل كدا
    وياستي
    مهما كان في اية
    فكي
    مفيش حاجة تستاهل
    وكل حاجة بتتعوض
    وكل لن يصيبنا الا ماكتبة الله لنا
    يارب تكوني بخير
    وحشتيني
    وبجد انا عيزاكي ترخمي عليا
    ومش هبطل اكلمك لحد ما تردي
    يا انا يالسفارة في قلب العمارة
    يلا
    الصبر جميللللل
    وهجبك ياسيتي الماوس اللي يعبر عنك
    يلا هيسي بقي
    علشان خاطر القرد
    ههههههه والموز
    والسوداني
    ههههه عايزة اية تاني
    ابوس ايديك يعني
    ولا اية
    هههههه
    انا كمان بحبك
    سلام

    ______________________

    ههههههههههههههههههههههههههههه

    هههههههههههههههههههههههههههههههههههههههههههههه

    ربنا يسعد ايامك يا منمن يااااااااااارب

    تصدقى بردو الماوس كانت احدى العوامل

    مدونتى يا ستى بايظة ومش بتقبل ماوسات ولا يحزنون مؤاااااااااامرة شوفتى يا منمونتى ؟؟

    بس بعد حوار القرد والموز والسودانى

    هههههههههههههههههههههههههههههه لا مموكن افضل زعلانة .. بموت فيكى يا منمن

    ردحذف
  22. أحمد منتصر يقول...
    إنتي يا بنتي عندك خبر إن أحمد فؤاد نجم بجلالة قدره جاب ف سيرتك؟

    http://72.249.44.78/forum/showpost.php?p=652860&postcount=67

    _______________

    اه يا باشا عرفت من مدة

    بس مالحقتش انزل بوست فقلت هجمع كل حاجة اتقالت عن المدونات وانزلها فى بوست واحد .. تسلملى يا احمد يارب

    ردحذف
  23. عرفة فاروق السيوطى ( الاديب العاشق) يقول...
    سمو الاميرة سارة

    اولا اعتذر عن الغياب الفترةالماضية بس والله غصب عنى

    وفى انتظار سارة من جديد

    تحياتى


    __________________

    ربنا يكرمك يا عرفة يارب ولا تعتذر ولا حاجة

    انا بس كنت حابة اوضح اللى حاصل علشان ماحدش يكون زعلان منى انى مش بزور مدونته

    ردحذف
  24. لولولولوللللللللللللللللللللي
    حمد علي السلاسل
    هههههههههه لية بس ياحببتي
    مش بتقبل
    المهم اني عرفت اغريكي
    واول ما جبت سيرة الموز
    يلا عينك لمعت في ساعتها
    ماشي
    اهو ادبتست
    ولا يهمك مع اني كنت بقول كدا وخلاص
    وعارفة انك هتصدقي
    يلا
    مستنية اشوفك منورة
    علي الميل
    او حتي تعبريني باي طريقة
    سلام

    ردحذف
  25. من كلامك واحساسك ومن قبل ما اقرا جميع موضوعاتك واضح قوى انك انسانه جميله, والانسان الجميل نفتقده في تلك الايام
    لأنه يندر وجوده بتمنى ترجعى لمدونتك تانى وتكتبى واحسن بكتير من الاول
    وبما انك مميزه , متخافيش ولا تقلقى من شيء
    بيكفى الناس اللي بتحبك تشوف حروف خطها قلمك حتى لو مبعتره ومش مفهومه
    ارق تحياتى واعجابى يااجمل ملاك

    ردحذف

Say something...