2008-06-25

ياترى القطط بتحلم بإيه ؟؟

طول عمرى بعشق حاجة اسمها قطط

وكنت من درجة حبى ليهم بقعد اتفرج عليهم حتى وهم نايمين

فكنت بلاحظ انهم قاعدين يتشنجوا وعينهم بتتحرك

زينا كده لما نكون بنحلم

وسألت كتيييييييير هل فعلا القطط بتحلم ؟؟

وياترى لو بتحلم بتحلم بإيه ؟؟


قعدت اتخيل بقى توم اند جيرى وياترى هى بتحلم

انها مسكت فار ولا ايه نظامها

وبعد كده استسخفت الموضوع

وقلت اكيد حاجة مش مهمة

المهم بعد سنين كنت نسيت الحوار دا اصلا

اكتشفت ان القطط من الحيوانات القليلة جدا اللى بتحلم

وبعد ما كنت مستسخفة انها بتحلم

ومتخيلة انها مترفهة وعايشة حياتها

ومرتاحة اربعة وعشرين قيراط وايه ممكن يضايقها

قولت لأ ماهى دى حياتها وزى ماهى بسيطة وحياتها بسيطة مشاكلها البسيطة بالنسبة ليها هى كبيرة


وبالقياس على القطة

المفروض اننا ما نستهونش بمشاكل حد ولا متاعب حد

ولا أحلامه وطموحاته

لأن كل واحد على قد تفكيره وعلى قد ظروفه وخياله اللى ربنا اداهمله بيحلم وبيفكر

ممكن اوى تستهون بحلم حد وتحبطه فتضيع مستقبله

تكون شايف ان دا حاجة تافهة والمفروض ما يفكرش فيها وهى بالنسبة له كل حياته

وصدقنى هيكرهك اوى لو عملت كده

وهتحس بالذنب اوى لو سيبت نفسك تعمل كده واكتشفت بعد فوات الاوان ان دا كله كان غلط

وزى ما انت شايف احلام حد تافهة ومالهاش لازمة ومش مستوعب ازاى اساساً هو بيحلم

انت بالنسبة لحد تانى كده

فحط نفسك مكانه وتخيل لو حد عمل فيك كده رد فعلك هيكون ايه ؟

هناك 27 تعليقًا:

  1. ما فيش حد ما بيحلمشي
    لو بطلنا نحلم نموت

    تحياتي sayed
    ومنتظرك
    myfreedom-spower.blogspot.com

    ردحذف
  2. جميل يا سمو الأميرة سارورة إحساسك بكل حاججة حواليكي كده
    ولو إن ده هايتعبك شوية في تفكيرك عشان هاتلاقي حاجات كتيرة قوى فى حياتك تفكرى فيها ومشغولة عليها .. لأنها ضعيفة وماتقدرش تدافع عن نفسها.. أكيد هاتقفى عند حد معين خيالك هايقف.. يعنى انتى مثلا فكرتي في القطط عشان بتحبي القطط.. بس مافكرتيش فى أحلام الفيران كمان.. رغم إنها مشتركة مع القطط برضه فى النقطة دى.. وأكتر كمان.. لكن غصب عن الواحد برضه حتى لما بيبقى مثالى قوى فهو بيبقى مثالى لدرجة معينة..

    سيبك من كلامي المعقد ده.. عديها عديها
    المهم انتى عاملة إيه؟؟
    وعرضك جميل جدا على فكرة..

    لك احترامي لكلماتك
    بالتوفيق

    ردحذف
  3. الحلم هوا الحياة
    ويجب ان تحترم احلام الناس ليحترموا احلامك مهما كانت بسيطه فهى احلامك وانت حر فيها
    تحياتى

    ردحذف
  4. للاسف بكره القطط فمقدرتش اقرى البوست ؟

    ردحذف
  5. للاسف بكره القطط فمقدرتش اقرى البوست ؟

    ردحذف
  6. جيتي ع الجرح والله يا سيتي
    فعلا أنا اليومين دول بمر بحالة ربنا يخرجني منها بالي أتمناه وما أتحرمش منه أبدا لإنو لو حصل فعلا قلبي ده هيبقى مصفة دم..
    ربنا يستر قولي يارب
    تحيتي
    لك ودعواتك ومتنسيناش م الزيارة

    ردحذف
  7. زياره اولى لمدونتك اول ما دخلت البوج لقيت التحذير فى وشى كنت هرجع تانى بس قولت لا اقرأ الاول وبعدين امشى وبعدجين اكتشفت انك بتتسرقى موضوع صعب يا جماعه ان الواحد يكتشف انه بيتسرق والا الافكار بقه تزعلك بجد لما تعرف ان حد بيسرق افكارك وبخصوص فكرة التدوينه جميله فعلا ان مهما كان حلم الانسان بسيط فهو مستمد من حياته وشخصيته فمش لازم اى حد تانى انه يستهون بيه وبحلمه لانه بالنسبه للشخص اللى بيحلم ده هو حلم كبير
    فكره جميله وممتازه
    تحياتى

    ردحذف
  8. السلام عليكم ورحمة الله وبركاته
    الحلم شىء اساسى وغريزى فى حياتنا ما نقدرش نبطله لكن برضه ما نتمادى فيه او"ندمنُه"
    (المفروض اننا ما نستهونش بمشاكل حد ولا متاعب حد

    ولا أحلامه وطموحاته)
    ودى فى رأىّ اهم نقطة فى الموضوع,وضع انفسنا مكان الاخر ومحاولة فهمه,لو حصل ده كتير من مشاكلنا حتتحل.
    وحمد لله على سلامتك ياأميرة الاميرات
    **الليلة دى عيد ميلادى!!!!!

    ردحذف
  9. الحلم نعمة من ربنا وهبها لينا
    .
    .
    اعتقد ان الحيوان لدية القدرة .. بشكل مختلف بشكل متشابه لا يعنيني اكثر ما يعنيني ان لكل منا عالمه
    .
    .
    ان كنت بشرا عاقلا متحضرا وان كنت حيوان تعيش ابعد الغابات فانك لن تتنازل عن الحلم مطلقا
    .
    .
    كلامك مهم جدا بيثير مواضيع مختلفة
    تحياتي والسلام
    ادم المصري

    ردحذف
  10. الجعان بيحلم بسوق العيش

    اه ماهو جعان يعنى هيحلم بايه
    جميل بجد موضوعك بس انا عاوز اقولك حاجه

    احنا بقينا شعب ضد الإحباط العادى
    ماهو اللى بتعمله فينا الحكومه دا ومتخيله ان انا لما احبط حد هيجيله احباط

    صدقينى هيبقى بالنسبه له دا تشجيع

    وابقى شوفى اللى حصل فى موضوع او مشروع ابنى بيتك
    yuri

    ردحذف
  11. الا صحيح كنت عاوز اسالك على كام حاجه كدا

    بصى انا ماشوفتش اغرب من اسمى الا ساروره دا ممكن تقوليلى ايه معناه وحكايته

    اما تانى حاجه يعنى بمناسبه الاحباط وكدا يعنى

    انا مش عارف ليه كدا عندى حاله من الزهق مع ان انا متفائل جدا

    وبصراحه ناوى اسافر الصومال قريب
    yuri

    ردحذف
  12. الأحلام نعمة
    و جميل إن الواحد يحلم
    حتى لو معرفش يحقق حلمه
    :)
    فرحانه إني اتشرفت بمعرفتك
    و بعتذر عن تقصيري في المتابعه
    بس الجهاز لحد دلوقتي :( متفرمتش
    ملاقيش معاكي ييجي 25 جنيه سلف
    :)

    ردحذف
  13. ازيك ياثوثه

    للاسف ياسارورتى
    انا بكره القطط جداًوبخاف منهم جداً
    بس لولا اختلاف الاذواق

    بس بالنسبه اننا نسخر من احلام حد
    فالله عز وجل قال

    ( لا يسخر قوم من قوم عسى ان يكونوا خيراً منهم ) صدق الله العظيم

    سلام لاحلى ساروره

    ردحذف
  14. spower يقول...
    ما فيش حد ما بيحلمشي
    لو بطلنا نحلم نموت

    تحياتي sayed
    ومنتظرك

    ________________

    تمااااااااااااااااااام

    الحلم هو محرك الحياة

    نووووووورتنى يا سيد وانا اتشرفت بزيارة مدونتك جدا

    ردحذف
  15. حاتم عرفه يقول...
    جميل يا سمو الأميرة سارورة إحساسك بكل حاججة حواليكي كده
    ولو إن ده هايتعبك شوية في تفكيرك عشان هاتلاقي حاجات كتيرة قوى فى حياتك تفكرى فيها ومشغولة عليها .. لأنها ضعيفة وماتقدرش تدافع عن نفسها.. أكيد هاتقفى عند حد معين خيالك هايقف.. يعنى انتى مثلا فكرتي في القطط عشان بتحبي القطط.. بس مافكرتيش فى أحلام الفيران كمان.. رغم إنها مشتركة مع القطط برضه فى النقطة دى.. وأكتر كمان.. لكن غصب عن الواحد برضه حتى لما بيبقى مثالى قوى فهو بيبقى مثالى لدرجة معينة..

    ___________________

    والله ياما فكرت فى الفيران يا حاتم علشان كده ياما فتحت المصيدة
    وياما استعطفتهم علشان يعتقوهم ههههههههههههههههه وياما اتهزأت بردو

    بحب اوى احط نفسى مكانهم

    مش مثالية ابدا والله

    بس بحب اعيش فى عالم تانى

    وابص للدنيا بنظرة مختلفة

    =====================

    سيبك من كلامي المعقد ده.. عديها عديها
    المهم انتى عاملة إيه؟؟
    وعرضك جميل جدا على فكرة..

    لك احترامي لكلماتك
    بالتوفيق
    ______________

    انا الحمد لله تماااااااااااااام

    على فكرة كلامك مش معقد خالص خالص

    ميييييييييرسى اوى انك نورتنى ودايما منورنى يااااااااااارب

    ردحذف
  16. blue-wave يقول...
    الحلم هوا الحياة
    ويجب ان تحترم احلام الناس ليحترموا احلامك مهما كانت بسيطه فهى احلامك وانت حر فيها
    تحياتى
    ______________

    فعلا معاك حق ياد/ همرو

    الموضوع كله فى الاول وفى الاخر حرية

    واحترام احلام الاخرين جزء من احترامنا لنفسنا

    ردحذف
  17. صوت من مصر يقول...
    للاسف بكره القطط فمقدرتش اقرى البوست
    __________
    للاسف فاتك كتير

    مش من حلاوة البوست لكن لأنك بتاخد المواضيع بظواهرها فكده ضيعت على نفسك ولو معلومة واحدة

    ردحذف
  18. كاتب مصري يقول...
    جيتي ع الجرح والله يا سيتي
    فعلا أنا اليومين دول بمر بحالة ربنا يخرجني منها بالي أتمناه وما أتحرمش منه أبدا لإنو لو حصل فعلا قلبي ده هيبقى مصفة دم..
    ربنا يستر قولي يارب
    تحيتي
    لك ودعواتك ومتنسيناش م الزيارة

    __________________

    ربنا يخرجك من الظرف اللى انت فيه باللى فيه الخير ليك

    لأن مش كل اللى بتتمناه بيكون خير صدقنى

    وبإذن الله ربنا هيعملك كل خير وهيستر

    ردحذف
  19. بحبك يامصر يقول...
    زياره اولى لمدونتك اول ما دخلت البوج لقيت التحذير فى وشى كنت هرجع تانى بس قولت لا اقرأ الاول وبعدين امشى وبعدجين اكتشفت انك بتتسرقى موضوع صعب يا جماعه ان الواحد يكتشف انه بيتسرق والا الافكار بقه تزعلك بجد لما تعرف ان حد بيسرق افكارك

    _______________
    آسفة انى صدمتك من اول زيارة بس اعمل ايه فاض بيا بجد وللصبر حدود

    ===========================
    وبخصوص فكرة التدوينه جميله فعلا ان مهما كان حلم الانسان بسيط فهو مستمد من حياته وشخصيته فمش لازم اى حد تانى انه يستهون بيه وبحلمه لانه بالنسبه للشخص اللى بيحلم ده هو حلم كبير
    فكره جميله وممتازه
    تحياتى

    ____________________


    تماااااااااااااااااااام المسألة نسبية
    نوووووووووووووورتنى يا عاشق مصر وشرفتنى ويارب زيارتك تتكرر تانى وتالت

    ردحذف
  20. norahaty يقول...
    السلام عليكم ورحمة الله وبركاته
    الحلم شىء اساسى وغريزى فى حياتنا ما نقدرش نبطله لكن برضه ما نتمادى فيه او"ندمنُه"
    (المفروض اننا ما نستهونش بمشاكل حد ولا متاعب حد

    ولا أحلامه وطموحاته)
    ودى فى رأىّ اهم نقطة فى الموضوع,وضع انفسنا مكان الاخر ومحاولة فهمه,لو حصل ده كتير من مشاكلنا حتتحل.
    وحمد لله على سلامتك ياأميرة الاميرات
    **الليلة دى عيد ميلادى!!!!!
    ___________________

    تمااااااااااااااام نحاول نحط نفسنا مكان الاخر ونفهمه

    فعلا دا هيريحنا احنا قبل اى حد تانى

    وكل سنة وانتى طييييييييييبة يا احلى نورهاتى

    ردحذف
  21. ادم المصري يقول...
    الحلم نعمة من ربنا وهبها لينا
    .
    .
    اعتقد ان الحيوان لدية القدرة .. بشكل مختلف بشكل متشابه لا يعنيني اكثر ما يعنيني ان لكل منا عالمه
    .
    .
    ان كنت بشرا عاقلا متحضرا وان كنت حيوان تعيش ابعد الغابات فانك لن تتنازل عن الحلم مطلقا
    .
    .
    كلامك مهم جدا بيثير مواضيع مختلفة
    تحياتي والسلام
    ادم المصري

    ______________________

    عجبنى جدا تعليقك خاصة

    لو كنت بشر راقى او حيوان فى غابة اكيد ليك احلامك

    بجد كلام فى الجووووووون

    ميررررررررررسى جدا يا آدم بعد كلامك مش لاقية تعليق فعلا

    ردحذف
  22. Yuri Eisenheim يقول...
    الجعان بيحلم بسوق العيش

    اه ماهو جعان يعنى هيحلم بايه
    جميل بجد موضوعك بس انا عاوز اقولك حاجه

    احنا بقينا شعب ضد الإحباط العادى
    ماهو اللى بتعمله فينا الحكومه دا ومتخيله ان انا لما احبط حد هيجيله احباط

    صدقينى هيبقى بالنسبه له دا تشجيع

    وابقى شوفى اللى حصل فى موضوع او مشروع ابنى بيتك
    yuri

    ______________

    تصدق فعلا معاك حق

    انا لما بحس ان حد بيحاول يحبطنى بيركبنى العناد وبحاول اكبسه وافرسه وانجح

    وفعلا بيبقى شجعنى

    ردحذف
  23. Yuri Eisenheim يقول...
    الا صحيح كنت عاوز اسالك على كام حاجه كدا

    بصى انا ماشوفتش اغرب من اسمى الا ساروره دا ممكن تقوليلى ايه معناه وحكايته

    اما تانى حاجه يعنى بمناسبه الاحباط وكدا يعنى

    انا مش عارف ليه كدا عندى حاله من الزهق مع ان انا متفائل جدا

    وبصراحه ناوى اسافر الصومال قريب
    yuri

    _________________

    ههههههههههههههههههه

    يورى على فكرة ما استغربتش اسمك

    بالعكس حسيت بالالفة ليه اوى

    اقولك ليه

    تعرف لعبة يورى ريفينج ؟؟

    انا من عشاق ومدمنى اللعبة دى فحسيت ان اسمك اليف ليا

    اما سارورة بقى فبجد مستغربة انك مستغربه

    سارورة دلع سارة بس مش اكتر ههههههههههههه

    ردحذف
  24. و القادم....أجمل يقول...
    الأحلام نعمة
    و جميل إن الواحد يحلم
    حتى لو معرفش يحقق حلمه
    :)
    فرحانه إني اتشرفت بمعرفتك
    و بعتذر عن تقصيري في المتابعه
    بس الجهاز لحد دلوقتي :( متفرمتش
    ملاقيش معاكي ييجي 25 جنيه سلف
    :)
    ____________________
    ههههههههههههههههههههههه

    انا معايا بالمينس

    معايا - خمسة جنيه ههههههههههههه

    نورتينى حبيبة قلبى

    وانتى تنورى فى اى وقت بجد

    ردحذف
  25. ازيك ياثوثه

    للاسف ياسارورتى
    انا بكره القطط جداًوبخاف منهم جداً
    بس لولا اختلاف الاذواق

    بس بالنسبه اننا نسخر من احلام حد
    فالله عز وجل قال

    ( لا يسخر قوم من قوم عسى ان يكونوا خيراً منهم ) صدق الله العظيم

    سلام لاحلى ساروره

    __________________

    بسكوتتى حبيبة قليى وحشااااااااااااااانى

    ع فكرة ميرسى حبيبتى ع الاوفلاين انا ايميلى بايظ ومش بيبعت اوفلاين لحد

    عايزة اقولك انى الحمد لله زى القردة بس النت كان فاصل

    نتكلم بقى عن موضوعنا

    بعد الاية الكريمة اللى ذكرتيها بجد المفروض ما يبقاش فى توبيك اصلا

    هى الاية القرآنية دى وبس

    ياااااااااااااااااريت بجد نرجع لقرآننا ونعمل بيه

    مش هيبقى فى ولا مشكلة فى حياتنا

    ردحذف
  26. القطط بتحلم وبتحس بالانسان وتصرفاته جدا اسالنى انا بحب تربيتهم وليه معاهم مواقف كتير جدا متتخيلوهاش

    ردحذف
  27. appy يقول...
    القطط بتحلم وبتحس بالانسان وتصرفاته جدا اسالنى انا بحب تربيتهم وليه معاهم مواقف كتير جدا متتخيلوهاش

    ______________

    طول عمرى بمووووووووووت فيكى يا آبى

    بصرة انا كمان بحب القطط جدا ومربياهم وبقيت خبيييييييرة فيهم لدرجة انى بفهمهم بالعيون

    منووووووورااااااااااانى يا آبى وانا ما صدقتش نفسى انك نورتينى

    ردحذف

Say something...