لعلمك

لعلمك

إقرأ لي

دخلوا بكليك شمال :D

Blog Archive

الأربعاء، يوليو 30، 2008

postheadericon نزل رجلك يا كلب !!

 فى موقف بيستفزنى اوى

مثلا يكون حد قاعد ويحط رجل على رجل بطريقة محترمة وشيك 

ومش حاطط رجله فى وش الناس ولا حاجة يجى حد يقوله انت مش محترم اللى قاعدين !!


موقف تانى يكون حد بياكل لبان بردو بطريقة محترمة وشيك

ومش بيتدلع ولا حاجة لكن فعلاً محتاج اللبان علشان يفوق ويركز

- انا مثلاً من الناس اللى ما تعرفش تركز الا لو اكلت لبان -

يجي حد كبير يبص له من فوق لتحت ويقوله انا مش مالى عينك مثلا ً ؟!!!


يا جماعة ليه ؟!! ليه الناس بتاخد الاحترام والتقدير

بالمظاهر رغم ان الحاجات دى فى القلب والعقل


ممكن اقعد زى التلامذة لكن من جوايا مش بحترمك 

ممكن اقعد زى التلامذة لكن اكلمك من غير احترام

فى مقاييس اكثر واقعية من انى احط رجل على رجل او انى اكل لبان 

فى الغرب كل واحد فى الفصل بيقعد بمزاج

ه زى ما يحب بياكل لبان مش بياكل المدرس مالوش غير الشغل واسلوب التعامل 


لكن هو بقى قانون .. حاطط رجل على رجل تبقى

مش محترمنا ومش مهم بقى انت قاعد باحترام ولا لأ 

ولا بيشوفوها بتفرق اصلا من وضع لوضع



17 بوينتس أوف فيو:

أبو أسامة - مدونة كباية شاي يقول...

والله مفيش مشكلة برضو ان احنا نقرب بين الطرفين .

يعني مثلا أنا مينفعش أقعد قدام أبويا وانا حاطط رجل على رجل حتى لو رجلي مش في وش أبويا .
لكن في نفس الوقت في ناس بتكون اتعودت على إنها تحط رجل على رجل فعلا ومبيعرفش يقعد غير كده وده طبعا محدش يقدر يكلمه نص كلمة .

بالنسبة بقى لموضوع اللبان : أنا متفق

جزاكم الله خيرا
والسلام عليكم ورحمة الله وبركاته

اهو ده عيبه يقول...

الفكرة اننا بنحكم على الاشياء من الظاهر وبس
وكان كل الناس والمواقف شبه بعضها
لو نحكم على الناس بطريقه صح كان الكل ارتاح

mohra يقول...

انا برضه ماعرفش اقعد غير و انا حاطه رجل على رجل و كان عاملى مشاكل كتيره فى المدرسه رغم انه لا ارادى يعنى
بس تقولى لمين

سمو الأميرة سارة يقول...

أبو أسامة - مدونة كباية شاي يقول...
والله مفيش مشكلة برضو ان احنا نقرب بين الطرفين .

يعني مثلا أنا مينفعش أقعد قدام أبويا وانا حاطط رجل على رجل حتى لو رجلي مش في وش أبويا .
لكن في نفس الوقت في ناس بتكون اتعودت على إنها تحط رجل على رجل فعلا ومبيعرفش يقعد غير كده وده طبعا محدش يقدر يكلمه نص كلمة .
__________________

تعرف يا ابو اسامة .. الفكرة انى مش شايفة ان الوضع دا بايخ او مش محترم

احيانا مثلا بقعد حاطة رجل على رجل علشان اوفر فى المكان ... احيانا علشان البسى بيجبرنى على كده ، انا مش شايفة فيها اى قلة احترام علشان اخجل من انى احط رجل على رجل قدام بابا - اصلا انا اتعلمت منه انى احط رجل على رجل - تعرف كمان انا احيانا بحط رجل على رجل كحالة عصبية .. لما بكون متضايقة او خايفة او او بحط رجل على رجل علشان احس شووية بأمان

==================

بالنسبة بقى لموضوع اللبان : أنا متفق
_________

انا مش عارفة حضرتك متفق معايا ولا مع المعارضين للبان .. معلش انا مش نايمة كويس فمش مركزة ..

==============

جزاكم الله خيرا
والسلام عليكم ورحمة الله وبركاته
_____________
واياكم يا ابو اسامة حقيقى نورتنى وشرفتنى وسعيدة جدا بنقاشك

سمو الأميرة سارة يقول...

اهو ده عيبه يقول...
الفكرة اننا بنحكم على الاشياء من الظاهر وبس
وكان كل الناس والمواقف شبه بعضها
لو نحكم على الناس بطريقه صح كان الكل ارتاح

____________

اهو دا اللى عايزة اقوله والله

يسلم كيبوردك يا بنوتة بجد وتسلملى دماغك .. نفسى كده نتعامل بالجوهر مش بالمظهر .. نورتينى حبيبتى

سمو الأميرة سارة يقول...

mohra يقول...
انا برضه ماعرفش اقعد غير و انا حاطه رجل على رجل و كان عاملى مشاكل كتيره فى المدرسه رغم انه لا ارادى يعنى
بس تقولى لمين
___________

مهرة اولا انا بجد بجد سعييييييييييييدة جداً انك منوارانى بالتعليق فى مدونتى
ليكى معزة خاصة جداً ..

ندخل بقى فى الموضوع

قولت قبل كده انى زيك فى حاجات كتير .. حتى دى حرااااااااام

انا يااااااااااما اتهزأت فى المدرسة بسبب الموضوع دا .. بس اللى دايما كانوا بيهزأونى المدرسين الكبار فى السن ومش عارفينى كويس .. يعنى كان فى مدرسين عارفننى مسبقاً بحكم انهم عارفين اخواتى فكانوا متقبلين الفكرة من ايام اختى ههههههه لكن اللى كان اول تعامل بينى وبينهم كان الوضع صعب لحد ماعرفوا انى الحمد لله محترمة فسكتوا .. او ممكن يكونوا زهقوا هههههههه

blue-wave يقول...

والله انتى لاسعه بس لسعانك دا عاجبنى
فعلا احنا شعب مظاهر وبس
يعنى مثلا لو بنصلى جماعه فى اى مكان تلاقيهم يقدموا اى واحد ملتحى علشان يصلى بينا
مش مهم بقى مربيها تدين ولا روشنه ولا قله فضى مش مهم
بجد بوستاتك بتعجبنى جدااااااااا

son's egypt يقول...

السلام عليكم
انا معاكي ان المظهر مش دليل علي الاحترام او عددم الاحترام
ولكن انا في نظري لما اكون قاعد مع حد اكبر مني ليه احط رجل عر رجل

المحارب المتيم يقول...

سمو الاميرة سارة

اولا حمد الله على السلامة

يارب يكون غيابك عدى على خير

البوست دة والله بيناقش عادات اجتماعية ومرتبط بثقافة تعامل بتختلف بأختلاف المجتمعات وموضوع طويل قوى مش هينفع اتلكم فية فى تعليق بس كويس انك لفتى نظر الناس اليه يمكن الحال ينصلح

تحياتى

Misrdream يقول...

كل اللى اقدر اقوله انها حريه شخصيه
وحرية الانسان بتنتهي عند حدود حرية الانسان اللى بعده وهكذا
لو فهمنا المعني ده اكيد محدش هيزعل لما حد يحط رجل على رجل او ياكل لبان المهم انى اكون لماح وحساس

zOzO يقول...

عندك حق
المعظم كدا
دا بتعمل كذا مع انه باحترام
تبقي مش كويسه


رغم انك مثلا بالحاجه دي بتكوني مستريحه
انا زيك ف حكايه حط الرجل ع الرجل دي
ههههههههههههههههههه


احييكي ع البوست دا
بالتوفيق دايما

kafrawy يقول...

هههههههههههههههههههههههههههههه
قال ع راى المثل

قالة علمنى الهيافة يابا
قالة تعال ف الهايفة و اتصدر


سلام يا لاسعة

كلمتى يقول...

وحشتينى ووحشتنى كتاباتك الاسعه موووووووت


وعلى فكره الناس عموماً مش بتاخد غير بالمظاهر وبس

وعلى فكره كمان انا بحط رجل على رجل لما احس ان رجلى بتوجعنى

يعنى مش عدم احترام للى قدامى ولا حاجه

بس هو احنا كده بنسيب الجوهر ونمسك فى المظهر

احلى سلام لاحلى ساروره

شهريار العشق يقول...

سارة

اعرفك نعم ولكننى فى حاجة لأن اعرفك

اكثر واكثر وما يكتب الجميل الا جميل

تقبلينى صديقا

وفى انتظارك على مدونتى المفتتحة حديثا

تحياتى

nonni يقول...

فعلا الموضوع ده بيضايق ناس كتييير منى يعنى انا مثلا بحب اوى او مش بحب بستريح اوى فى اقعدة انى احط رجل على رجل بس برضه لازم تاخدى فى اعتبارك قدر الناس اللى قدامك.

"تحياتى"

abo salah يقول...

بعد السلام عليكم

فعلا عندك حق للأسف مجتمعنا تفشى فيه وباء اسمه المظاهر

الناس بتأخد بالمظاهر بس
وياريت على كده .. دا ممكن تحكم على صاحب المظهر دا انه شخصية غير محترمة بناءا على الموقف

يعني ممكن تلاقى واحد واقف فى المترو حاطط
الهيدفون فى ودنه يقوم شيخ مثلا باصصله بطريقة بتقول انك فاسق عشان بتسمع اغانى

وتخيلى بقى ان اللى كان بيسمع دا كان بيسمع قرأن

ودا اكبر غلط هوا ماأداش نفسه فرصة يعرف البنى ادم اكتر

موضوع قيم وجميل

تحياتى

صانعة الأحلام يقول...

امممممممممممممممم

مظبوط
انا مثلا بموت في القعدة حاطة رجل على رجل

بس سوري سوري بصراحة دي الاطة

وانا مش بعمل كدة قدام الكبار

المتابعون

اعتبرها بيتك ♥

وِش القفص

خليك ورايا

دليفري..