2008-08-21

ومازال الحلم مستمرا .. مبرووووووووووووك العدد التانى






كنت خايفة أوى على المشروع دا

كنت خايفة يقف زى كل حاجة حلوة فى مصر

خايفة يتحارب زى اى حاجة ناجحة
اكيد اتحارب واكيد ناس حاولت توقفه واكيد ناس بتتحرق دلوقتى من الغيظ علشان مستمر
والأكيد .. ان البركة بالشباب وان طموح واحلام المدونين كانت اقوى من اى حاجة

العدد التانى من مدونات مصرية للجيب خرج للنور
علشان يأكد للناس ان الحلم لسة عايش وانه مش حاجة عابرة
وانه باذن الله هيستمر

العدد التانى خرج للنور ومعاه خرجت كتابات عشرات المدونين اللى كان حلمهم صوتهم يوصل للشارع .. وحد يحس بيهم

ان شاء الله حفل التوقيع العدد التانى

يوم السبت 23/ 8/ 2008

المكان ساقية الصاوى بالزمالك
قاعة بستان النيل القاعه المطلة على نهر النيل
شارع 26 يوليو امام سنترال الزمالك
من الساعه 7 الى 9 مساء

ان شاء الله هكون موجودة علشان اشارك اخواتى فرحتهم
واسترجع من تانى فرحتى بالعدد الاول
اتمنى اشوف كل الناس هناك حتى لو ما اتنشرلهمش فى العدد دا
لأن دى بجد فرصة


هناك 10 تعليقات:

  1. مبروك لينا كلنا وان شاء الله نحضر ونتعرف كلنا

    ردحذف
  2. انا سعدت جدا جدا بلقاءك وتشرفت بمعرفتك اتمنى نكون اصدقاء
    شفقة

    ردحذف
  3. انا اللى بجد سعييييييييدة جداً واتشرفت جداً بمعرفتكم .. خاصة بشفقة لأنك اسمك على اسم اختى فدخلتى القلب على طوووووول

    ميرسى ليكى يا احلى هانم فى الدنيا وان شاء الله تتعدد اللقاءات

    ردحذف
  4. سمو الأميرة سارة

    انا أتأخرت فى التعليق معلهش انا كان المفروض احضر الحفل ده كنت فى القاهرة وقتها بس للاسف قبل الحفل بكام يوم جالى تليفون اضطرنى اسافر الصعيد ضرورى بس تتعوض

    اكيد مع الاصرار الحلم هيبقى حقيقى

    تحياتى لك

    ردحذف
  5. الى الامام يا روميل

    ردحذف
  6. اسلوبك اكثر من رائع لدرجة ان النهار طلع وانا قاعد علي النت عشان اقرأ كل مقالاتك فعلا عندهم حق يجاملوك واسف علي شدة اللهجة في التعليق الاول انت تستهلي

    ردحذف
  7. مبروك على العدد التانى ويارب اشوفك كاتبة كبيرة اد الدنيا

    ردحذف
  8. انتى فين يا سمو الاميرة
    البلاط الملكى واخدك مننا ولا ايه

    ردحذف
  9. مبروك والله الواحد نفسه يروح

    مش عارفة انتي فاكراني ولا لاء ياسارة

    بس حاولي تفتكري

    واحدة في الكلية اللي جنبك

    هندسة

    وقابلتيها مرة واحدة في حياتك في الكلية


    عرفتيها من عالنت يارب تفتكري

    لولا اني اخشى اكثر ما اخشى انه يتعرف انا مين كنت قولتلك اسمي الحكيكي

    ردحذف
  10. مبروك لينا كلنا

    و

    كل سنة وانتى طيبة

    واسرتك بخير

    وبعودة الايام

    تقديرى ومحبتى

    أحمد

    ردحذف

Say something...