لعلمك

لعلمك

إقرأ لي

دخلوا بكليك شمال :D

Blog Archive

الاثنين، سبتمبر 01، 2008

postheadericon ها .. هتصوم ولا زى كل سنة ؟!!






فى رمضان كل ما حد يقابلك يقولك بهزار


" هااااااااا هتصوم بقى ولا زى كل سنة "


عايزين الحق ؟ انا كنت بدأت اتخنق من الجملة دى


وبستسخف اللى بيقولها


بس حسيت انى عايزة اقولك دلوقتى


" هتصوم ولا زى كل سنة ؟!! "


ممكن تكون انسان زى الفل وصيامك كل سنة 100 فل وعشرة


بتتقى ربنا بجد و بتحافظ على صيامك


انت بقى تبقى تماااااااااام وياريتك تصوم كل سنة زى كده


كلامى بقى للناس اللى زى حلاتى


ايوة الاعتراف بالحق فضيلة ، انا كل سنة بحس ان صيامى مش نافع ببصلة


انا بفضل محافظة على صيامى اول يوم


تانى يوم


تالت يوم


رابع يوم ببدأ انسى اننا فى رمضان


غصب عنى ابقى بهزر مع اصحابى ونتريق على واحدة


او نجيب فى سيرة واحدة


او اكون فى البيت وانسى نفسى فى الكلام مع اختى


فى المواصلات اشوف حد يعمل اى حاجة اتريق او اعلق


وهووووووووب هى غلطة واحدة وابدأ احس ان صيامى ضاع


واستهبل بقى باقى الشهر


ارجع تانى اتفرج على تليفزيون


واسمع اغانى


وابقى زى اللى ربنا قال عليهم


مش بينوبنى من صومى الا الجوع والعطش


بجد نفسى السنة دى اصوم غير كل سنة


اصوم بجد


اصوم وانا صاينة لسانى واصون عينى وودانى


يعنى نفسى حواسى كلها توجب معايا كده وتصوم


يلا انا قولت الكلمتين اللى فى نفسى


وكمان عايزة اقولكم انى اخيراً خرجت من البيات الصيفى وهرجع تانى اشتغل فى المدونة


كل سنة وانتوا طبيبن


وصوموا بقى مش زى كل سنة ها


ههههههههههههه


بالمناسبة بقى


ايه رأيكم فى النيولوك بتاع المدونة ؟؟


افتكروا كويس انكم صايمين يعنى قولوا الحق

12 بوينتس أوف فيو:

tamer.sala7 يقول...

كل سنة وانتي طيبة

ربنا يتقبل مننا كلنا انشاء الله

ويقدرنا علي الصيام والقيام وقراءة القرأن

blue-wave يقول...

على فكرة معاكى كل الحق
ياريتنا كلنا نصوم السنه دى بجد
كل سنه وانتى طيبه سمو الأميرة

عايش ولكن يقول...

دى مش مشكلتك لوحدك
دى مشكلة معظمنا
بس اهو الواحد بيقول يمكن ربنا يكرمه ويكمل رمضان السنادى كله
ادعيلى وادعى لنفسك
دمتى موفقه
علاء

spower يقول...

كل سنة وانتم طيبيبن
اتمني ما تصوميش زي كل سنة
ويكون صيام السنة دي مختلف
وبلاش اغاني في رمضان
بلاش نجيب في سيرة الناس
ونقطع في فروهم
نمسك نفسنا شوية

واحد صاحبي بعتلي رسالة امبارح بتقول

"ابليس


يهنئكم



بحلول بشهر رمضان



وبيقولك شهر وراجعلك يا جميل "

appy يقول...

كل سنه وانتى طيبه
اكتر حاجه عجبتنى البنات اللى بطير حلوة اوى

سمو الأميرة سارة يقول...

ميرسى ليكم كلكم

كل سنة وانت طيب يا تامر
كل سنة وانت طيب يا دكتور عمر ( بلو ويف )

كل سنة وانت طيب يا علاء .. وياااارب ربنا يهدينا ويقوينا يارب

كل سنة وانت طيب يا سيد ع فكرة الرسالة دى جاتلى ههههههههه ويارب يقوينا يارب
احلى ابى كل سنة وانتى طيبة يا حبيبتى وانا كمان فرحانة اوى بالبنوتة دى وحسيت انى حققت حلمى الازلى فى انى انزل ببارشوت بس دى طالعة بالبارشوت .. اعجااااز ههههههههههههه

Ahmed Al-Sabbagh يقول...

ياسلام ياختى

انا ياختى بصوم من السنة اللى فاتت

اه النيولك جامد جامد

كل سنة وانتى طيبة يا سمو الاميرة سااااااارة

ورمضان كريم

وكل سنة واسرتك واختك بخير

تحياتى ليهم جميييييييعا

نفر نفر

أحممممممد

أبو أسامة - مدونة كباية شاي يقول...

إن شاء الله ربنا يرزقنا كلنا حلاوة الصيام بجد هذا العام

لكن عندي ملحوظة صغيرة :

مش ربنا اللى قال إن فيه ناس مش لها من صيامها غير الجوع والعطش ولكن اللى قال كده هو النبي صلى الله عليه وسلم .

سمو الأميرة سارة يقول...

خالو احمد الصباغ منوووووووووووورنى

وياااااااابختك يا سيدى بقالك سنتين بتصوم بجد .. ربنا يقدرنا يااااارب
وكل سنة وانت طيييييب وسلامك وصل يا باشا فاضل نفر بس لما يجي من السفر هوصل السلام ههههههههههه

سمو الأميرة سارة يقول...

ابو اسامة كل سنة وانت طيب يااااااارب ويااااارب اللهم اميييييين يارب يمسع مننا

بالنسبة للملحوظة انا اعرف انه فعلاً حديث شريف لكن الحديث الشريف اكيد بوحي من ربنا والرسول صلى الله عليه وسلم بلغ الرسالة ..

نووووووورتنى وكل سنة وانت طيب

يوميات فنانه مفروسه جداا يقول...

سمووو الاميره

رمضااااااان كريم

كل سنه وجلالتك بخير وصحه وسعاده

وربنا يتقبل منك ومننا رمضان

سلام

اللؤلؤة يقول...

انا كمان يا سرورة .. نفسي أصوم .. وأعمل كدا .. أبطل أغاني وكمبيوتر على الأقل في رمضان .. نفسي أختم القران أكتر من مرة .. بس مش عارفة .. وبستغرب أكتر .. لأن مفيش شياطين في رمضان .. وكل دا بيحصل .. سبحان الله
على فكرة
وحشتيييييييييييييييييييييييييييينييييييييييييييييييييي قووووووووووووووووووووووووووووي

المتابعون

اعتبرها بيتك ♥

وِش القفص

خليك ورايا

دليفري..