لعلمك

لعلمك

إقرأ لي

دخلوا بكليك شمال :D

Blog Archive

الثلاثاء، سبتمبر 02، 2008

postheadericon أن تكون غلطة حبوب





أن تكون غلطة حبوب


: ملحوظة قبل ما تقرا *

العنوان قريب اوي من اسم الرواية العبقرية " ان تكون عباس العبد " ودا لسببين .. الاولانى انى ما لقيتش اسم انسب والتانى انى اول مرة اعرف مصطلح " غلطة حبوب " من الراوية العبقرية دى ..

.. نقرا بقى

مأساة كبيرة اوى انك تكون فى نظر الناس اخر العنقود المتدلع .. المتروق .. المتظبط .. الخ الخ من الاوصاف اللى بيوصفك بيها اى حد بيحقد عليك وهو مش عارف اللى فيها ..

والحقيقة المرة هى انك " غلطة حبوب " مش اكتر ..

الحقيقة دى بتعرفها مع اول عملة سودا او حتى رصاصى مع مامتك ..

تزعل منك او تتنرفز فتقولك (( انا قلبي كان حاسس انك هتطلع عيل مقرف .. انا اساساً ماكنتش عايزاك انت جاى غلطة )) ..
وفى لحظتها ينط فى ودانك باك جراوند صوتي اغنية هانى شاكر الكئيبة (( غلطـــــة وندماااااااااااااان عليها ))

ومن هنا تبدأ المآساة .. اخوك الوسطانى او اختك الوسطانية يبدأوا يبصولك بحقد .. (( آه يا نكرة .. لو ماكنتش جيت كان زماني اخر العنقود ))

واخوك الكبير يبدأ يتعكنن كل ما يشوفك
لأنك لو ماكنتش جيت ماكنش ورد على جنــ ـ ـ اقصد على جيش ..
ويا سلام بقى لو كان الفرق بينك وبين اخواتك سنين كتييييير ..
ساعتها يبقى مبروك عليك بطولة فيلم (( المرمطوووون )) فى البيت ..
بما انك جيت بالصدفة بقى يبقى استلق وعدك بقى يا حلو ..
هاااااااااااتك يا مشاوير .. راااااااااايح .. جااااااااى .. رااااااااايح جااااااااااي .. واحب ابشرك انك هتفضل طول عمرك كده .. لأنك دايماً فى نظرهم المفعوص الصغير اللى هو خفيف بقى وسهل يروح ويجي ..

وياريت المآساة تقف عند كده .. ها .. دا بعدك .. دا عمامك وخيلانك وقرايبك كلهم وهم بيوزعوا العيدية .. هيبقوا لك من تحت لفوق كده ويقولوا فى سرهم (( احنا كنا ناقصينك انت راخر ))

والسيد الوالد .. شووووف كنت هنسى السيد الوالد .. السيد الوالد يا عينى كل ما يشوفك هيتحسر بقى .." مش كان زمانى خلصت انا لسة هصرف عليه لبس وعلاج وفسح ودروس وكتب ووجع قلب .. "

باختصار يا ابن الناس .. لو كنت غلطة حبوب .. مش هينقذك الا غلطة حبوب تانية ..


_____________

تحديث مهم اوى
بم ان الناس اعترفت وزى الفل كده وانا صايمة والكدب خيبة
احم .. احب اقولكم انى اخر العنقود .. او بمعنى ادق

(( .... .... ))



32 بوينتس أوف فيو:

حاتم عرفه يقول...

هههههههههههه

أنا فضلت غلطة حبوب كتير
6 سنين .. لحد ما جه المحروس الصغير..
واستلم الراية مكاني
و بعده بتلات سنين الأصغر
أصل إحنا كنا تلاتة أيام ما كنت صاحب لقب المرمطون

والآن نحن خمسة .. بالصلاة عالنبي..

تدوينة جميلة جدا حقيقي.. وفكرتها رائعة..
..
ممممممممم

تحفة

تحياتي.........

ماتنسيش تزورينا..

blue-wave يقول...

هههههههههههههههههههههه
والله انتى مشكله
عموما الحمد لله انى البكرى
مش غلطة حبوب يعنى:))
كل سنه وانتى طيبه

العبـد لله يقول...

يسعدني أن أرسل هذه البرقيه الى سمو الأميرة سارة لأعبر فيها عن سعادتي البالغه لزيارتي هذه المدونة الجميله..بجد أسلوبك جميل وللأسف انا كمان غلطة حبوب زي م بتسمينا وبجد احنا لا متدلعين ولا حاجه أنا كان ليه مدونه لكن هجرتها فترة لاني حبيت أستقر على مواضيعها ومستواها المهم اني ضفتك عالايميل وياريت تقبليني كصديق ...سلام

appy يقول...

هههههههههه عندك حق بس انا الكبيرة فمش غلطه حبوب انا غلطه عقل لانهم جابونى على طول بدون تفكير
وليه اخر العنقود وفعلا متبهدله مشاوير لا واللى بيغظنى من باقى اخواتى يبقوا قاعدين ويقولوا لها قومى هاتى ميه اتنرفز اقولهم ما تقوموا انتم حاجه صعبه بجد

MaGn0liA... يقول...

هههههههههههه

لا انا الكبيره

ماليش فى الكلام ده خالص

بوست حلو اوى

كل سنه و انتى طيبه

رمضان كريم

سلامات :)

شملولي بن سحلولي يقول...

كل سنة وانتي طيبة

المحارب المتيم يقول...

كل عام وأنت إلى الله أقرب

ومنه أخوف

وبه أعرف

وإلى دار كرامته اسبق

رمضان كريم

المحارب المتيم يقول...

ايه ده

انا قلت ادعيلك الاول وبعدين اعلق

انتى عاملة دعوة للانتحار كدة لية

دى فيها تهمة مساعدة على الانتحار

بس ماعلينا

كل سن وانتى طيبة

بس انتى المرة دى لسعتى خالص

ههههههههههههه

Dex_ يقول...

ههههههههه

وربنا البت دي بتقول كلام زي الفل

انا بردو غلطه ..
و بيني و بينك كل ما يحسسوني بأني غلطه ... بنكد علهيم علشان يحسوا بغلطهم أكتر
ههههههههههههههههههه

Copa Zaki يقول...

ههههههههههههههههههههه
ههههههههههههههههه
هههههههههههههههه

اه ما انتي فاكره انه هو علشان الواحد اخر العنقود يبقي كل ده انا كان نفسي ابقي الصغير تخيلي انا الكبييييييييير
تخيلي كمية المعناه الي عايشه بسبب اني اكبر اخ اي نعم ان احنا اتنين بس
معانااااااااه كفايييييييييه ان كل حاجه يتقلييييي انا الكبيييييييييير انا الكبيييييييييير ابقي مظلوم في كل حاجه وي تقلي انا الكبييييير متعملش كدا علشان اخوك الصغير ميعملش زيك ماتروحش علشان اخوك ميقعدش لوحده متعملش اعمل اشرب البس انزل اطلع روح تعالي كله علشان خاطر اخوك الصغييييييير انا نفسي ابقي صغير
ايه ده انا قلت كل ده ازاي

صانعة الأحلام يقول...

ااااااااااااه

ماشي ماشي ياعم اخر العنقود ... يا بطل فيلم المرمطون ياااا (.... ....)

انتي عارفة يا سارة يا بنتي ان ليا اخت اصغر مني ب 15 سنة واصغر من اخويا الصغير ب13 يعني هي كمان زيك (.... ....)بس للافس هي اللي ممرمطة البيت كله يللا معلش ... اهو الواحد بيستحمل ...

كيارا يقول...

ههههههههههههههه

انا البنوته الاولي يعني كانوا مستنيني هييييييييييييييه

كل سنه وانتي طيبه

سمو الأميرة سارة يقول...

حاتم عرفة هههههههههههه ربنا بيحبك والله دا انت اترحمت .. بس كويس انك جربت علشان ترحم اخواتك الصغنين وما تعاملهمش معاملة غلطة الحبوب هههههههههه

كل سنة وانت طيب رمضان كريم

سمو الأميرة سارة يقول...

دكتور عمر

هههههههههههههههههه
انا فعلة مشكلة او بمعنى تانى غلطة ههههههههههههه يا بختك يا سيدى بص انت اقف فى الطابور اللى ع الشمال .. هنطلع فيكوا يا بكريين عقدنا ههههههههههه نورتنى وكل سنة وانت طيب ياااااارب

سمو الأميرة سارة يقول...

العبد لله
المفروض نعمل حملة قومية لتصحبح مفهوم الناس عن اوواخر العناقيد هههههههههههههههه نورتنى وكل سنة وانت طيب .. مدونتك جميلة جداً خسارة توقفها نصيحة خلي مواضيعك طبيعية حلوة وحشة بس فضفض دا الهدف من التدوين

سمو الأميرة سارة يقول...

الجميلة آبى

جيييييييييتى على الجرح والله بيعملوا فيا كده يا ابى يرضيكى ؟؟ بس انا اختى الكبيرة مش بتدافع عنى :(( ماليش فى بيتنا غير بابا الله يكرمه هو اللى بينصرنى وبيدلعنى هههههههههه

سمو الأميرة سارة يقول...

ماجنوليا (( اسمك داخل دماغى اوى هههههههه ومدونتك كمان بجد تحفة ))
ندخل بقى فى الموضوع ادخلى على الطابور الشماااااااااااااال بسرررررررعة دا احنا هننتقم لما نعيش ههههههههههههه كل سنة وانتى طيبة يا قمراية

سمو الأميرة سارة يقول...

بمناسبة الطابور الشمال ماحدش يبص لآبى بحسد ولا حقد ... آبى من الحلفاء هههههههه

سمو الأميرة سارة يقول...

شملولى بن سحلولى وانت طيب يارب نورتنى

سمو الأميرة سارة يقول...

المحارب المتيم كل سنة وانت طيب يااااارب ويارب السنة الجاية تكون محقق كل احلامك ويعيد عليك الايام بخير يااااارب

بالنسبة لدعوة الانتحار بقى فبصراحة انا مش لاقية حل لو عندك حل الحقنا زى ما انت شفت وضعنا ما يسرش لا عدو ولا حبيب .. انت ما وضحتش موقفك من التجنيد اقصد موقعك فى الاسرة شكلك كده طابور شمال وهربان هههههههههههههه

سمو الأميرة سارة يقول...

ديكسترررررر منوووووووورنى يا باشا
حط همك على همى ويلا بينا ننتقم من الطابور الشمال ههههههههههههههه
والله بكرة يعرفوا قيمتنا بكرة امتى بالظبط مش عارفة بس اكيد هيعرفوا يعنى

سمو الأميرة سارة يقول...

زكى والله احنا كمان كل حاجة يقولوا انت الصغير المفروض تستحمل يعنى الكبير هو اللى يتبهدل مثلاً او انت الصغير لازم تستحمل اخوك مهما بهدلك او عمل فيك ... اييييييييييه دنيا افيش حد مرتاح

برغم انك بتعانى يا زكي بس بردو خش طابور شمال ههههههههههه

سمو الأميرة سارة يقول...

صانعة الاحلام ((( وحشاااااااااااااااانى جداً على فكرة ونفسى ارغى معاكى اوى واشوفك .. ان شاء الله هطب عليكى فى الكلية في يوم هعرفك ازاى مش عارفة بس هجيبك هجيبك هههههههههههه كل سنة وانتى طيبة يا قمر ))

نخش بقى فى الموضوع .. بالنسبة لاختك يااااااااااريت تبعتيهالى او اجيلها اخد عندها كورس علشان اعرف اعيش ههههههههههه

سمو الأميرة سارة يقول...

كياااااارا (( على فكرة اسمك عزيز عليا اوووووووووى ))

طابور شمال جرررررررى بسرعة خلصت تعليقات اهو وهعمل اجتماع انا وكل اواخر العناقيد فى البوست دا وهنيجيلكم دلوقتى

هههههههههههه كل سنة وانتى طيبة يا بنوتة

aya يقول...

كل سنه وانتي طيبه يا ساره بجد بوست تحفه مووووووت
بس انا الكبيره وحتي ملحقتش ابقي اي حاجه ولا حتي اخر العنقود
صعبت عليكي صح؟؟؟
:(
بس بجد جميل
اتمني زيارتك

يا مراكبي يقول...

هههه

بس أنا الكبير وبرضه الممرمطون في الأرض ويمكن تحت الأرض كمان

على فكرة .. فيه حاجات تانية غير الحبوب

سمو الأميرة سارة يقول...

ايه .. ما تحاوليش يا آية انا متغاظة اوى من الاخوات الكبار طابووووووور شماااااااااااااااااال ما تحاوليش هههههههههههههههههه نورتينى يا قمرو كل سنة وانتى طيبة

سمو الأميرة سارة يقول...

استاذ احمد ( يا مراكبي ) انا مش مصدقة نفسى ان حضرتك علقت هنا بجد !!!!! بالنسبة للاخ الكبير بيبقى مرمطون ممكن بس ليه برستيج وكده لكن احنا مرمطة من غير برستيج ههههههههههههه
نورتنى وكل سنة وحضرتك طيب

نور الدين يقول...

يارب تستفادى من مدونتى دى هاتفيدك جدا

http://noureldens.maktoobblog.com

نور الدين يقول...

موضوعك ده جميل جدا

بس انتى فى النهايه اعترفتى انك غلطة حبوب

ههههههههههههههههههههه

samar يقول...

bgd enty 3asola aweeeeeeeee
we kalamk kawn fe dma3'y sora l banota sha2ya
rafda wak3 7ayatha

ana el kbera 3ala fikra
msh 3arfa b2a hat7oteny anhy tabor
hhhhh
bs 3arfa ya sarsora
la el kber mrta7 wala el so3'ayr mrta7
e7na 4 bnat we kolna b7rf el S
mama daymn kant ttl7'bt fe esmy ana
ekmn ana el adema
hhhhhhhh
kona tol el nhar n7b n3aks fe b3d we sa3at n3'db mn b3d
bs sha2t el zrof eny asafer london
la2et e7'waty ely kano daymn yd3o eny atgawez we amshy fe mn el bet
by3yato we by3do el ayam 3lshan arg3
b el monasba
ana el wa7eda fehom ely msh sa7

غير معرف يقول...

comment53, [url=http://h2o.law.harvard.edu/user/profile.do?userID=14012]order valium 10mg[/url], vzp, http://h2o.law.harvard.edu/user/profile.do?userID=14012 order valium 10mg, %[[, [url=http://www.ziggs.com/apps/profile/Interests.aspx?uid=139855]buy zolpidem[/url], ;-), http://www.ziggs.com/apps/profile/Interests.aspx?uid=139855 order zolpidem, %[[, [url=http://www.ziggs.com/apps/profile/Interests.aspx?uid=139998]order cheap vicodin[/url], =-], http://www.ziggs.com/apps/profile/Interests.aspx?uid=139998 order cheap vicodin, %[[, [url=http://h2o.law.harvard.edu/user/profile.do?userID=14011]order cheap alprazolam[/url], mma, http://h2o.law.harvard.edu/user/profile.do?userID=14011 buy cheap alprazolam, :-), [url=http://www.chop.edu/forum/user/profile/12410.page]zolpidem without prescription[/url], :-), http://www.chop.edu/forum/user/profile/12410.page buy zolpidem no prescription, :-)

المتابعون

اعتبرها بيتك ♥

وِش القفص

خليك ورايا

دليفري..