" اهو اللى زيك هم اللي جايبنا لورا " جملة بنسمع شخص تفكيره متحرر بيقولها لشخص متزمت ومتزمت بيقولها لمتحرر وملحد بيقولها لمتدين ومتدين بيقولها لملحد .. ومثقف بيقولها لواحد مش بيهتم بالثقافة واللى مش مهتم بالثقافة شايف المثقف بني آدم فاضى وامثاله هم اللي جايبنا لورا و .......... الخ وفى الحقيقة بقى ان اول الناس اللى جايبنا ورا هو البني آدم اللي بيفكر كده وبيقول كده .. لأنه ببساطة بكده انسان رجعى لأنه بيعمل بالكلمة دى حاجتين : الاولانية : انه مش بيحترم تفكير وآراء الناس المخالفة لرأيه ودى سمة من سمات الشعوب المتخلفة وسمة من سمات الحكومات الديكتاتورية اللى هى سبب اساسى ورئيسى لتخلف الشعوب التانية : انه بيتجاهل كل اسباب التخلف وبيحصرها فى سبب واحد بس (( انسان ليه سلوك معين او تفكير معين )) وبيتجاهل الاهمال وبيتجاهل الظروف الطبيعية وبيتجاهل العادات الخاطئة وبيتجاهل انه هو نفسه مقصر فى حاجات كتير وبيفكر بس في ان الانسان دا هو السبب الوحيد فى اننا بنرجع لورا البني آدم اللي بيفكر كده بينسى دايماً ان اهم اسباب التقدم هى اننا نتعامل كمنظومة متكاملة .. كأننا بالظبط دايرة لو في خلل فى اولها عمر ما اخرها هيكون مظبوط والعكس واللى بيفكر كده بينسى انه المفروض قبل ما ينتقد اللى قدامه يبص لنفسه الاول ويصلح من عيوبه ومشاكله ويعمل اللى عليه علشان على الاقل يتمتع بمصداقية قدام الطرف التانى اللى هو بينصحه ربنا يهدى الجميع يارب _________________________ ع فكرة يا جماعة .. تم افتتاح مدونة هتجوووووز .. هتجووووووز http://lolololy.blogspot.com وهو اسم مؤقت لحد 4 ايام وهتبقى أخيراً اتجوزت اتمنى تتابعوها لأنها فيها نفس روح بنوتة لاسعة لكن تخصصها اجتماعى اوى او بمعنى ادق مشروع لحياة سعيدة فيها احترام متبادل وفيها بردو مشاكل وفيها كل حاجة واقعية .. |
2008-09-08
اهو امثالك هم اللى جايبنا لورا
الاشتراك في:
تعليقات الرسالة (Atom)
أول تعلييق
ردحذفاولا الف مبروك يا سارة
وثانيا الموضوع ده مهم اوى
من يومين كدة لقيت واحد فاتح بلاعتة قصدى بؤة وبيقول البؤين دول
تسلم ايديكى يا عروستنا
احمد
معاكى حق
ردحذفلازم كل واحد يحترم تفكير اللى قدامه
ومبروك المدونه الجديدة
تقبلى تحياتى
ساره عارفه المشكله فين ان اللى فيهم غلطان بيكابر
ردحذفالاكتر بقى ان مفيش نقاش بيوصل لحل لانه كله متربس دماغه
أنا بصراحة بعد ما قريت الكلام المكتوب ده شايف إن أمثالك هما إللي جايبنا لورا...
ردحذفلا بجد
ردحذفموضوع جميل جدا
وبيحصل فعلا
وانا شايف ان كل واحد يبدا بنفسه
الاول
وبعد كده يحاول يمد ايديه للناس
بكلمه طيبه وابتسامه جميله
تقبلى مرورى
اخوكى جيمى
موضوع جميل بيعبر عن شخصية مدونة رائعة وفكر محترم ليكي
ردحذفاسمحي لي ان اخد صفك في الراي
خاصة في ان الاي زي النوعية دي من الناس
هما الاولي بكلماتهم
وهما فعلا الاي بيجيبوا حرية الفكر ورا
لان الافكار مش من ق اي حد انتقادها
ممكن يعلق عليها يتفق او لا يتفق معها
لكن انه يدعوها بالتخلف
فده التخلف بعينه
انا سعيد جدا بمدوناتك
ما شاء الله
كلهم احلي من بعض
واتمني انتي كمان تذوري مدونة انسان عاشق حر
تحياتي
انسان عاشق حر
تامر الحسيني
احمد الصباغ : اللهم اجعل كلامنا خفيف عليهم .. جبنا سيرتهم فى واحد فاتح بلاعته بعدك بكام تعليق وقالهالى ههههههههههههههههههه الله يبارك فيك بس اكيد عرفت اللي فيها .. عروسة دى لسة شوية عليها نوووووووورتنى
ردحذفد/ عمر ( بلو ويف ) : الله يبارك فيك يارب ويارب تفضل دايماً منورني فيها .. بالنسبة للموضوع فهي دي الخلاصة فعلاً .. احترام الرأى الاخر
ردحذفباآبي .. كلمتين فى الجون والله فعلاً كل واحد متربس دماغه على اللى فيها وحتى لو حس انه غلطان بيكابر .. كأنها مباراة مش مناقشة
ردحذفغير معرف .. متهيألي رديت عليك من قبل ما تتكلم
ردحذفجيمى : كلامك مظبوط والله المفروض نتبع المنهج الاسلامى فى الحوار ( الحكمة والموعظة الحسنة ) ونلتزم بأدب الحوار
ردحذفتامر الحسينى .. كلامك دا بجد شرف كبير ليا واكيد انا هتشرف انى ازور مدونتك .. نوووووووورتنى
ردحذفهو أنا مش معاكي و لا ضدك ..
ردحذفلأني بعتقد بجد إن فيه ناس أمثال الملاحد و العلمانيين جايبيننا لورا ..
لكن مش هم لوحدهم ..
فيه حاجات تانية جايبانا لورا ...
و بعدين أنا مش مع الدخول في الصراعات ..
يعني لما أقول لواحد انت جايبنا لورا يبقى كده المشكلة اتحلت ..
إنما أقابله بفكر مضاد لفكره و أقابله بالحجة و ليس "خدوهم بالصوت ليغلبوكم" ..
تحيتي ..