لعلمك

لعلمك

إقرأ لي

دخلوا بكليك شمال :D

Blog Archive

الأربعاء، سبتمبر 10، 2008

postheadericon تعالوا بينا نشتغل بعضينا

كنت قاعدة اقرا كده ومشغلة الراديو جنبي ومش مركزة فيه


وبعدين اذ فجأةً في اعلان خرم وداني وفوقني كده

بس فوقني بصدمة .. زي ما تكون صحيت واحد من النوم بماية ساقعة

ام هند بقى الاعلان بيقول ايه ؟!!

" تعالوا بينا ننصر نبينا

(( لحد دلوقتي حلو الكلام .. ننصر نبينا ازاى بقى ؟!! ))

اتصل الآن على 09005565 وحمل احدث الرنات والنغمات الاسلامية

سام يوووووسف يا مصطفى يا امام المرسلين

حمادة هلال .. محمد نبينا

الخ .. الخ .. الخ "


انا اذبهليت شوية كده وبعدين فوقت على كلمة واحدة

(( حسبي الله ونعم الوكيل ))

ننصر نبينا بالمعصية ؟؟!! كلنا عارفين ان الاغانى حرام

آه للأسف بسمعها بس عارفة انها حرام وبطلب من ربنا يتوب عليا

لكن اللى هم بيعملوه دا بجد ما يتوصفش بحاجة اقل من كلمة (( وقاحة )) .. اسوأ استغلال للدين

اسوأ استغلال لمكانة الدين عند المصريين

واسوأ استغلال لاحداث محاولة الغرب للاساءة للرسول الكريم - عليه افضل الصلاة والسلام -

اكييييييييييييد فى ناس كتير هتتصل وهي متخيلة انها كده عملت اللى عليها و 100 فل وعشرة

ليه بقى يوجعوا قلبهم ويقاطعوا المنتجات الدنماركية

ماهم خلاص نصروا النبي بالنوبايل

بالاخ سام والاخ حمادة

ودمتم

بجد مش عارفة اقول ايه يعنى استهبلوا و 0900 بقت في كل حاجة .. اتصلوا اعرفوا

وصفة مطبخ اتصلوا اعرفوا حظكم النهاردة اتصلوا اعرفوا مواعيد الصلاة

وسكتنا وقولنا ماااااااااااااشى

عبيط وبيستعبط لكن كده ؟؟

دا كده استهبال رسمي ..

هقول ايه حسبي الله ونعم الوكيل

كلمة اخيرة

نبينا ربنا هو اللى ناصره وبينصره دايماً ومش المعصية هى اللى هتنصر نبينا وتزود عنه




27 بوينتس أوف فيو:

Dexter! يقول...

هههههههههههه

اللهم اني صائم

موش عايز ارد
هههههههههههههههههههههههههههههه

Abdou Basha يقول...

هي الأغاني حرام؟ كلها؟ ليه؟

MaGn0liA... يقول...

هو فى نقطتين

الاولى انى مش شايفه ان الاغانى دى حرام

التانيه انى مش شايفه ان دى اهم طريق و احسن طريقه ننصر بيها الرسول عليه السلام

و لا هى طريقه اصلا

هى اشتغاله و بزنس

بس مش عاشان هى حرام فى رايى

و لكن عاشان هى مش هتفيد بحاجه

مش حاجه مؤثره على الاطلاق


شكرا

سلامات :)

Gemy يقول...

والله لا املك الا ان اقول
جزاكى الله خيرا
تسلم ايدك يا بنوته
طبعا الاغانى حرام وباجماع العلماء
ونصره النبى مش بالكلام الفاضى ده
جزاكى الله خيرا
ويا جماعه اللى عايز يعرف ادله تحريم الغناء ممكن يسمع الشريط ده

http://www.islamway.com/?iw_s=Lesson&iw_a=view&lesson_id=709

وجزاكم الله خيرا

Gemy يقول...

وانا زعلان منك لانك مقولتيش ايه رايك فى مدونتى
شكلها كده مش عاجباكى
طب قوليلى
سلااااااااااام

TiMmY يقول...

ياستي ..

يعني هي جت على الأغاني اللي بيفتوا فيها ..

ما بقوا يصلعوا "حريم" يدعوا "بخشوع" قوي بعد المغرب على التلفزيون ..

و اللي بيقول الرقص "المحتشم" حلال -نفسي أعرف محتشم إزاي :) -

يعني كله بهيس في الدين و كأنه عرضا مستباحا و لحما على وضم و لا يوجد من يدافع عن هذا الدين ..

حتى أهله الذين يفترض بهم الدفاع عنه من أهل الأزهر .. هيسوا هم كمان -مش كلهم علان الأمانة- ..

كله بقى يتكلم في الدين عادي و يستغل الدين عادي ..

ما هو مافيش حد يدافع عنه ..
يبقى كل من هب و من دب بقى يتكلم ..


ربنا يرحمنا برحمته

مهيج الجماهير يقول...

و الله يا جدعان مبقيت أستغرب بجد على أى حاجة
فعل الاسبهلال ده اتمسح من قاموسى للأبد بجد
و لسة
و هفكرك
هيطلع أكتر من كدة
و بكرة تقولى مهيج الجماهير قال

blue-wave يقول...

على فكرة
لو عايزة تدخلى الجنه
اتصلى ب 0900
بجد
ربنا يلطف بينا لأنها بجد بجد زادت عن الحد

شيتوس الاهلاويه اووووي يقول...

ازيك ياقمر؟؟
بصي هو طبعا الاغاني مش هتنصر نبينا هما عايزين يخلوا اي حد يتصل يعني حتي الناس المتدينة اللي قليل اوي انها تتفرج علي التي في يخلوهم يتصلوا عشان قال ايه يتصروا النبي
يابنتي والله ماتوجعيش قلبك ده احنا حال بلدنا ده بقي لا يطااااااااق
ربنا يحميكي يارب
أختك شيتوس

المحارب المتيم يقول...

سارة

للاسف انا بشوف حكاية 0900 دى وبتحرق دمى هى وحمادة هلال

بس حكاية الاغانى دى مش كلها حرام

الاصل فى الاشياء الاباحة حتى يوجد ما يمنعها والاغانى مباحة بشروط أولها عدم اشتمالها على مخالفة للدين من أى وجه يعنى الكلام يكون محترم واللى بيغنى يكون محترم وكمان عدم احتوائها على ما يثير الشهوة من كلمات وغيرة

واغانى زى أغانى ماجدة الرومى وفيروز وعبد الحليم وكاظم لو هتسمعيها صوت مش حرام لو الكلمات محترمة
والرسول عليه الصلاة والسلام اباح الغناء فى الاعياد والافراح لأنها موضع فرح ولهو

وكمان لو الاغانى هتمنعك من أداء عبادة تبقى محرمة زيها زى أى ما يلهى عن العبادة
والكلام ده قالوه ناس كتير من ايام ابن حزم قال بذلك ودلوقت ناس كتير منهم القرضاوى وعلى جمعة وناس مش على ذاكرتى دلوقتى

معلهش طولت عليكى بس علشان أوضح
أما التحريم لأجل سد الذرائع فيكون فى اشياء ولا يكون فى اشياء أخرى وده السبب الاول فى تحريم الغناء بالاضافة لما فى الغناء من تضليل
اذا فأذا انتفى السبب فلا داع للتحريم

ورمضان كريم

حنين.. يقول...

الله المستعان
حاجه تحرق الدم

ربنا يهديهم ويهدينا
جزاكم الله خيرا على البوست
دمتى سالمه يا قمر
حنين
فى انتظار المزيد

سندس وأمل يقول...

على فكرة مش حرام الاغانى اللى هما قالوها فى الراديوا دى أغانى اسلامية مافيهاش حاجة حبيت أصححلك المعلومه .

سندس وأمل يقول...

على فكرة الاغانى اللى قالوها فى الراديوا مش حرام دى اغانى اسلامية ما فيهاش حاجة .أنا بس حبيت أصححلك المعلومة.

سندس وأمل يقول...
أزال المؤلف هذا التعليق.
سمو الأميرة سارة يقول...

دكستر .. طااااااااا

سمو الأميرة سارة يقول...

عبدو باشا .. انا كنت هجيبلك حكم الاستماع للاغانى بس الله يكرمه جيمى جابها .. الاغانى حرام علشان المعازف دا ان ماكنش كلامها حرام

سمو الأميرة سارة يقول...

ماجنوليا : الاغاني دى حرام لأن فيها معازف .. وكمان احيانا بيعكوا ويشطحوا في الكلمات بتاعتها وحاجات زى اغنية منير مثلا مدد مدد .. دا حرام اكيد ..

نووووووووووورتينى يا حبيبة قلبى

سمو الأميرة سارة يقول...

جيمى انا بجد مش عارفة اشكرك ازاى ربنا يكرمك يارب انا لسة كنت هدور على ادلة تحريم الغناء وانت سهلتها عليا الله يكرمك وبالنسبة لمدونتك والله انا يوم ما دخلتها دخلتها متأخر وقولت المدونة دى جامدة وعايزة قعدة طويلة .. وللاسف تانى يوم النت فصل :((

Gemy يقول...

ولا يهمك يا ساره
انا بس بناكشك
دا كفايه عليا انك نورتينى مره واحده
تقبلى مرورى
اخوكى جيمى

سمو الأميرة سارة يقول...

تيمى .. والله ماعارفة اقولك ايه بجد جددت عليا الاحزان وفكرتنى بالمهزلة اللى عايشنها .. حسبي الله ونعم الوكيل .. مافيش في ايدينا غيرها .. نوووورتنى

سمو الأميرة سارة يقول...

مهيج الجماهير .. مصدقاااااااك والله لسة اللى يعيش ياما يشوف

سمو الأميرة سارة يقول...

بلو ويف .. هههههههههه ممكن ادخل الجنة لأنهم من شللهم لينا لما نتصل هيكفروا عن سيئاتنا هههههههههه شر البلية ما يضحك بجد

سمو الأميرة سارة يقول...

احلى شيتوس اهلاوية معاكى حق حال بلدنا لا يطاق .. بس اهو الواحد بينفس عن فرسته بكلمتين يعنى والا هيطق

سمو الأميرة سارة يقول...

المحارب المتيم .. بسم الله ماشاء الله على تعليقك ولا طولت ولا حاجة .. بس في نقطة واحدة .. هي ان المعازف اساسا حرام :( فبالتالى الاغانى اللى هم معتقدين انها دينية دي اصلا حرام

سمو الأميرة سارة يقول...

حنين .. يااااااااارب يسمع منك ويهديهم يارب .. لحسن الواحد خلاص اخر شريان موصل لنافوخه هيطق
نورتينى حبيبتى

سمو الأميرة سارة يقول...

سندس وأمل .. ياقمرات زى ما قلت المعازف هي اللى حرام اللى مباح في الاسلام هو الدف .. والاخ سام يوسف بسم الله ماشاء الله بيعمل توزيع موسيقى ينفع لأغنية في ديسكو احيانا ..

سندس وأمل يقول...

ما تنسيش يعنى إن سامى يوسف مش عربى

ده غربى يعنى كويس أوى إنه يكون بيعمل

الأغانى دى وسط الفساد اللى عنده

وربنا يهدينا ويهديه .


أمييييييييند

"سندس"

المتابعون

اعتبرها بيتك ♥

وِش القفص

خليك ورايا

دليفري..