كنت قاعدة اقرا كده ومشغلة الراديو جنبي ومش مركزة فيه وبعدين اذ فجأةً في اعلان خرم وداني وفوقني كده بس فوقني بصدمة .. زي ما تكون صحيت واحد من النوم بماية ساقعة ام هند بقى الاعلان بيقول ايه ؟!! " تعالوا بينا ننصر نبينا (( لحد دلوقتي حلو الكلام .. ننصر نبينا ازاى بقى ؟!! )) اتصل الآن على 09005565 وحمل احدث الرنات والنغمات الاسلامية سام يوووووسف يا مصطفى يا امام المرسلين حمادة هلال .. محمد نبينا الخ .. الخ .. الخ " انا اذبهليت شوية كده وبعدين فوقت على كلمة واحدة (( حسبي الله ونعم الوكيل )) ننصر نبينا بالمعصية ؟؟!! كلنا عارفين ان الاغانى حرام آه للأسف بسمعها بس عارفة انها حرام وبطلب من ربنا يتوب عليا لكن اللى هم بيعملوه دا بجد ما يتوصفش بحاجة اقل من كلمة (( وقاحة )) .. اسوأ استغلال للدين اسوأ استغلال لمكانة الدين عند المصريين واسوأ استغلال لاحداث محاولة الغرب للاساءة للرسول الكريم - عليه افضل الصلاة والسلام - اكييييييييييييد فى ناس كتير هتتصل وهي متخيلة انها كده عملت اللى عليها و 100 فل وعشرة ليه بقى يوجعوا قلبهم ويقاطعوا المنتجات الدنماركية ماهم خلاص نصروا النبي بالنوبايل بالاخ سام والاخ حمادة ودمتم بجد مش عارفة اقول ايه يعنى استهبلوا و 0900 بقت في كل حاجة .. اتصلوا اعرفوا وصفة مطبخ اتصلوا اعرفوا حظكم النهاردة اتصلوا اعرفوا مواعيد الصلاة وسكتنا وقولنا ماااااااااااااشى عبيط وبيستعبط لكن كده ؟؟ دا كده استهبال رسمي .. هقول ايه حسبي الله ونعم الوكيل كلمة اخيرة نبينا ربنا هو اللى ناصره وبينصره دايماً ومش المعصية هى اللى هتنصر نبينا وتزود عنه |
2008-09-10
تعالوا بينا نشتغل بعضينا
الاشتراك في:
تعليقات الرسالة (Atom)
هههههههههههه
ردحذفاللهم اني صائم
موش عايز ارد
هههههههههههههههههههههههههههههه
هي الأغاني حرام؟ كلها؟ ليه؟
ردحذفهو فى نقطتين
ردحذفالاولى انى مش شايفه ان الاغانى دى حرام
التانيه انى مش شايفه ان دى اهم طريق و احسن طريقه ننصر بيها الرسول عليه السلام
و لا هى طريقه اصلا
هى اشتغاله و بزنس
بس مش عاشان هى حرام فى رايى
و لكن عاشان هى مش هتفيد بحاجه
مش حاجه مؤثره على الاطلاق
شكرا
سلامات :)
والله لا املك الا ان اقول
ردحذفجزاكى الله خيرا
تسلم ايدك يا بنوته
طبعا الاغانى حرام وباجماع العلماء
ونصره النبى مش بالكلام الفاضى ده
جزاكى الله خيرا
ويا جماعه اللى عايز يعرف ادله تحريم الغناء ممكن يسمع الشريط ده
http://www.islamway.com/?iw_s=Lesson&iw_a=view&lesson_id=709
وجزاكم الله خيرا
وانا زعلان منك لانك مقولتيش ايه رايك فى مدونتى
ردحذفشكلها كده مش عاجباكى
طب قوليلى
سلااااااااااام
ياستي ..
ردحذفيعني هي جت على الأغاني اللي بيفتوا فيها ..
ما بقوا يصلعوا "حريم" يدعوا "بخشوع" قوي بعد المغرب على التلفزيون ..
و اللي بيقول الرقص "المحتشم" حلال -نفسي أعرف محتشم إزاي :) -
يعني كله بهيس في الدين و كأنه عرضا مستباحا و لحما على وضم و لا يوجد من يدافع عن هذا الدين ..
حتى أهله الذين يفترض بهم الدفاع عنه من أهل الأزهر .. هيسوا هم كمان -مش كلهم علان الأمانة- ..
كله بقى يتكلم في الدين عادي و يستغل الدين عادي ..
ما هو مافيش حد يدافع عنه ..
يبقى كل من هب و من دب بقى يتكلم ..
ربنا يرحمنا برحمته
و الله يا جدعان مبقيت أستغرب بجد على أى حاجة
ردحذففعل الاسبهلال ده اتمسح من قاموسى للأبد بجد
و لسة
و هفكرك
هيطلع أكتر من كدة
و بكرة تقولى مهيج الجماهير قال
على فكرة
ردحذفلو عايزة تدخلى الجنه
اتصلى ب 0900
بجد
ربنا يلطف بينا لأنها بجد بجد زادت عن الحد
ازيك ياقمر؟؟
ردحذفبصي هو طبعا الاغاني مش هتنصر نبينا هما عايزين يخلوا اي حد يتصل يعني حتي الناس المتدينة اللي قليل اوي انها تتفرج علي التي في يخلوهم يتصلوا عشان قال ايه يتصروا النبي
يابنتي والله ماتوجعيش قلبك ده احنا حال بلدنا ده بقي لا يطااااااااق
ربنا يحميكي يارب
أختك شيتوس
سارة
ردحذفللاسف انا بشوف حكاية 0900 دى وبتحرق دمى هى وحمادة هلال
بس حكاية الاغانى دى مش كلها حرام
الاصل فى الاشياء الاباحة حتى يوجد ما يمنعها والاغانى مباحة بشروط أولها عدم اشتمالها على مخالفة للدين من أى وجه يعنى الكلام يكون محترم واللى بيغنى يكون محترم وكمان عدم احتوائها على ما يثير الشهوة من كلمات وغيرة
واغانى زى أغانى ماجدة الرومى وفيروز وعبد الحليم وكاظم لو هتسمعيها صوت مش حرام لو الكلمات محترمة
والرسول عليه الصلاة والسلام اباح الغناء فى الاعياد والافراح لأنها موضع فرح ولهو
وكمان لو الاغانى هتمنعك من أداء عبادة تبقى محرمة زيها زى أى ما يلهى عن العبادة
والكلام ده قالوه ناس كتير من ايام ابن حزم قال بذلك ودلوقت ناس كتير منهم القرضاوى وعلى جمعة وناس مش على ذاكرتى دلوقتى
معلهش طولت عليكى بس علشان أوضح
أما التحريم لأجل سد الذرائع فيكون فى اشياء ولا يكون فى اشياء أخرى وده السبب الاول فى تحريم الغناء بالاضافة لما فى الغناء من تضليل
اذا فأذا انتفى السبب فلا داع للتحريم
ورمضان كريم
الله المستعان
ردحذفحاجه تحرق الدم
ربنا يهديهم ويهدينا
جزاكم الله خيرا على البوست
دمتى سالمه يا قمر
حنين
فى انتظار المزيد
على فكرة مش حرام الاغانى اللى هما قالوها فى الراديوا دى أغانى اسلامية مافيهاش حاجة حبيت أصححلك المعلومه .
ردحذفعلى فكرة الاغانى اللى قالوها فى الراديوا مش حرام دى اغانى اسلامية ما فيهاش حاجة .أنا بس حبيت أصححلك المعلومة.
ردحذفأزال المؤلف هذا التعليق.
ردحذفدكستر .. طااااااااا
ردحذفعبدو باشا .. انا كنت هجيبلك حكم الاستماع للاغانى بس الله يكرمه جيمى جابها .. الاغانى حرام علشان المعازف دا ان ماكنش كلامها حرام
ردحذفماجنوليا : الاغاني دى حرام لأن فيها معازف .. وكمان احيانا بيعكوا ويشطحوا في الكلمات بتاعتها وحاجات زى اغنية منير مثلا مدد مدد .. دا حرام اكيد ..
ردحذفنووووووووووورتينى يا حبيبة قلبى
جيمى انا بجد مش عارفة اشكرك ازاى ربنا يكرمك يارب انا لسة كنت هدور على ادلة تحريم الغناء وانت سهلتها عليا الله يكرمك وبالنسبة لمدونتك والله انا يوم ما دخلتها دخلتها متأخر وقولت المدونة دى جامدة وعايزة قعدة طويلة .. وللاسف تانى يوم النت فصل :((
ردحذفولا يهمك يا ساره
ردحذفانا بس بناكشك
دا كفايه عليا انك نورتينى مره واحده
تقبلى مرورى
اخوكى جيمى
تيمى .. والله ماعارفة اقولك ايه بجد جددت عليا الاحزان وفكرتنى بالمهزلة اللى عايشنها .. حسبي الله ونعم الوكيل .. مافيش في ايدينا غيرها .. نوووورتنى
ردحذفمهيج الجماهير .. مصدقاااااااك والله لسة اللى يعيش ياما يشوف
ردحذفبلو ويف .. هههههههههه ممكن ادخل الجنة لأنهم من شللهم لينا لما نتصل هيكفروا عن سيئاتنا هههههههههه شر البلية ما يضحك بجد
ردحذفاحلى شيتوس اهلاوية معاكى حق حال بلدنا لا يطاق .. بس اهو الواحد بينفس عن فرسته بكلمتين يعنى والا هيطق
ردحذفالمحارب المتيم .. بسم الله ماشاء الله على تعليقك ولا طولت ولا حاجة .. بس في نقطة واحدة .. هي ان المعازف اساسا حرام :( فبالتالى الاغانى اللى هم معتقدين انها دينية دي اصلا حرام
ردحذفحنين .. يااااااااارب يسمع منك ويهديهم يارب .. لحسن الواحد خلاص اخر شريان موصل لنافوخه هيطق
ردحذفنورتينى حبيبتى
سندس وأمل .. ياقمرات زى ما قلت المعازف هي اللى حرام اللى مباح في الاسلام هو الدف .. والاخ سام يوسف بسم الله ماشاء الله بيعمل توزيع موسيقى ينفع لأغنية في ديسكو احيانا ..
ردحذفما تنسيش يعنى إن سامى يوسف مش عربى
ردحذفده غربى يعنى كويس أوى إنه يكون بيعمل
الأغانى دى وسط الفساد اللى عنده
وربنا يهدينا ويهديه .
أمييييييييند
"سندس"