لعلمك

لعلمك

إقرأ لي

دخلوا بكليك شمال :D

Blog Archive

السبت، سبتمبر 13، 2008

postheadericon انتحار شخصية .. !!



( 1 ) فتاة


.. هشة البنيان كانت

.. ورقيقة المشاعر كذلك

.. وبرغم كل ظروف نشأتها التي توقع الجميع انها ستفرز فتاة مختلة التربية

والشخصية لكنها كانت قوية الشخصية إلى حد بعيد .. لم تعتاد أبداً على الخضوع والاستسلام

.. ولم تقبل أبداً أن يُفرض عليها رأي ما دون اقتناع حقيقي منها

.. خرجت للمجتمع من بعد طول انطواء وصمت

.. كأنها كانت تراقب كيفية سير الحياة كي تتعامل مع المجتمع بأكبر قدر ممكن من الخبرة والحكمة

.. فبدت كالفراشة الجميلة التي تختبئ في الشرنقة حتى يحين الوقت المناسب

.. احبها الكثيرون وحسدتها الكثيرات

.. لكنها لم تبالي .. ومضت في طريقها بلا لحظة تردد واحدة

.. فإذا بها تصطدم فجأة بجدران المجتمع الشرقي المصمتة الذي اراد لها ان تقف بطموحها واحلامها عند هذا الحد

.. وصدمها بمئات المحظورات بلا أي مبرر

.. وعليها فقط ان تمتنع عن ما طُلِب منها الامتناع عنه

.. وتطيع ما تُؤمر به ولا تتذمر أبداً و إلا بدت منشقة وعاصية

.. فكرت كثيراً في التمرد وقاومت كثيراً

.. لكنها في النهاية عندما ادركت انها وحيدة في وجه التيار

.. فرأت الحل الوحيد هو أن تقتل شخصيتها

.. تقتل احلامها وتقتل الثورة بداخلها والتمرد قبل أن تُقتَل هي

.. تناست آرائها وتناست إرادتها وقبلت بالقيود

!! .. وارتكبت بكل استسلام جريمة انتحار شخصية


( 2 ) رجل


.. لم يضحي بالكثير من ملذات الحياة في سبيل العلم

.. فالملذات فى حياته كابن لأسرة متوسطة كانت قليلة جداً

.. بدا له أن التفوق هو المخرج الوحيد من
هذا النفق الكئيب المظلم

.. اجتهد واجتهد ، ولأن الفقر لم يمكنه من ممارسة اي هواية اعتبر الاستذكار هوايته الوحيدة

.. حقق ما يصبو اليه وارتقى في العلم حتى سافر للخارج

.. درس التاريخ والاجتماع ولأول مرة احب العلم لأجل العلم

.. اكتسب شخصية مختلفة تماماً

.. لم يصبح ملاكاً لكنه على الاقل اصبح انساناً سوياً ومتحضراً ويفكر بطريقة علمية وعلى اتم الاستعداد لتقبل الرأي الآخر

.. عاد الى وطنه وكله أمل في أن يطبق ما تعلمه وأن يفيد مجتمعه بما استفاده من دراسة تاريخ الأمم السابقة

.. عاد الى وطنه وبدأ في الاصلاح لكنه اصطدم بعقول وقلوب جامدة ترى كل ما هو جديد بدعة وترى كل ما لم يفعله الآباء والاجداد لا يجب ان يكون

.. وترى ان كل ماهو آتٍ من الغرب شر

.. وكان يجب عليه اما أن يقاوم ويستمر في طريقه

.. واما ان يقتل شخصيته الجديدة بيديه حتى يقتل هو بعد ان يصفوه بالزنديق ..

الفاسد .. العميل ... وكالعادة فضل انتحار الشخصية !!

( 3 ) وطن


.. وطن اختل واختلت به كل الموازين

.. اختلطت المفاهيم فيه فلم يعد اهله يفرقون بين ما هو تراث وما هو خرافة

.. و لا بين المشعوذ والعالم .. ولا حتى بين المثقف ومدعي العلم

.. كفوا عن التطوير من زمن مكتفين بما حققه الاجداد

.. كفوا عن البناء مكتفين بما بناه الاجداد

.. وكفوا عن التفكير مكتفين بما وصل اليه الاجداد

!! .. شيئاً فشيئاً كفوا عن كل شئ فيما عدا الشجب والتنديد والاستهلاك والانجاب

.. ضعفوا من بعد قوة وصاروا هدفاً للسخرية والمهانة

.. والذل والاحتلال بكل اشكاله

.. وجاء جيل من الابناء رأوا الغرب متقدم وهم متخلفين

.. رأوا الغرب يصنع وهم يستهلكوا

.. رأوا الغرب يثرى وهم يستدينوا

.. رأوا الغرب يقرر وهم عليهم التنفيذ .. الخ .. الخ من مظاهر الضعف والخنوع

.. فظن بعضهم ان انتحار شخصيتهم العربية هو الحل

.. فلفظوها متظاهرين بالتحرر .. لفظوا اللغة .. العادات .. التقاليد

.. وحتى التاريخ .. لكنهم - بعد فوات الآوان - ادركوا ان انتحار الشخصية ليس الحل ...


( 4 ) الحل !!


.. اذا شعرت بالضعف للحظات

.. اذا شعرت بالفشل يهددك .. وحتى اذا لحقك بالفعل لا تبتئس ولا تيأس

.. لا تفقد ايمانك برسالتك .. لا تفقد ايمانك بشخصيتك .. بهويتك .. بكينونتك

.. ارجوك الف مرة ، قبل ان تقدم على قتل شخصيتك

.. تذكر الانبياء الذين تمسكوا برسالاتهم ولم يتخلوا عنها حتى لو لم يؤمن بهم أحد .

تذكر دائماً ان من يريد مكاناً تحت الشمس لابد ان يتحمل حرارتها




17 بوينتس أوف فيو:

انا مش معاهم يقول...

ماشاء الله عليك يا ساره كتاباتك جميلة جدا أيا كان القالب اللي بتكتبي فيه بيمشي معاك السخرية , التعليق على موقف , كتابة المواضيع الجادة موضوعك ده بجد قيم جدا أنا دايما بدخل أقرأ بس مش بكتب رد لكن المردي حسيت إني لازم أكتب ولازم أرفع القبعة

مستر محمد سلامه يقول...

عندك حق يا سمو الاميرة
اسلوبك لذيذ بيوصل بسرعة الصاروخ
كملي بجد في المجال ده و ربنا يكرمك

blue-wave يقول...

الله عليكى يا سارة
الله عليكى بجد
تسلم ايدك مليووووووووووون مرة

ِِAdem El-Mahdy يقول...

سكربت كويس

الحل فى انعدام المشخصية هى التربية الاولى

و ثقافى الاعلام اللى بتثهالنا

لما يجيبوا فيلم و يجيبوا فيه واخد كان عنده مشاكل و لما سافر هولندا بقا عنى

اكيد كل شبابنا هتفكر انها تسافر

الحل اننا نربى النشىء الصغير انى يكون منتمى لدينه و لبلده و ثقافته

kafrawy يقول...

ايه ياعم الكلام الجامد دة
بس تفتكرى ان البلد دى هتفضل كدة
عارفه

بجد الواحد قرف من كل حاجه فيها
الللى بنبات فيه بنصبح نلاقى نفسنا
فى اوسخ من اللى كنا فيه

هههههههه
و على الدنيا السلنكتيه

MaGn0liA... يقول...

عارفه

انتى كتبتى حاجه قريبه جدا ليا بجد الايام دى

واحده اعرفها حصلها كده

و مش عارفه اعمل معاها ايه بجد

مصيبه ان الواحد ياخد القرار ده

اكبر مصيبه

خربوشة يقول...

البوست ده جاامد جدااا
رفعلي معنوياتي وزود الارادة عندي
بجد جزاكي الله كل خير انا كنت قربت ايأس خلاص

مدونتك عجبتني اوي وافكارك حلوة واسلوبك جاامد
ولسعاتك حلوة

كلمتى يقول...

اولاً : وحشتينى موووووووووووووووووووووت ونفسى الكليه بقى تفتح عشان اموت واشوفك

ثانياً : ايه جمال وروعة الموضوع ده

رااااااااااااااااائع

راااااااااااااااائع

رااااااااااااااائع

انا عن نفسى مابحبش الاستسلام وبعدين كثرة السقوط يعلم الوقوف

ومادام حد عايز يغير عادات وتقاليد وافكار راسخه

يبقى اكيد هيقابل صعوبات كتير

سمو الأميرة سارة يقول...

انا مش معاهم .. بجد كلامك دا فخر كبييييييييير جداً ليا ويارب اشوف منك تعليق مرة كمان لأنه هيعتبر شهادة تقدير للموضوع .. نوووووورتنى

سمو الأميرة سارة يقول...

مستر محمد سلامة .. تسلم يارب ويسلملى تشجيعك ميرسى اوى

سمو الأميرة سارة يقول...

بلو ويف ( د / عمر ) الله يخليك ياااااااااااارب ميرسى اوى ليك ويارب اكون دايما عند حسن ظنك

سمو الأميرة سارة يقول...

آدم .. معاك حق بجد في كل اللى قولته .. فعلاً لازم نربى الولاد صح .. وكمان نزرع فيهم ثقة فى نفسهم لأنها مهمة جداً لأنه احيانا كتير بيكون متربى كويس ويتصدم بالواقع فيفقد ثقته بنفسه وهوب ينتحر

سمو الأميرة سارة يقول...

كفراوى .. مش عارفة والله هتفضل كده ولا هتتقندل اكتر من كده .. عارفة انا انك كان على طراطيف لسانك .. فينك يا المانيا هههههههههههههههههه

سمو الأميرة سارة يقول...

ماجنوليا .. حاولي بالله عليكي تلحقيها .. الحقيها باقصى سرعة دعمي ثقتها بنفسها وعرفيها انها كده صح .. عرفيها انها لما تموت مرة واحدة وهى بتقاوم هتبقى اشرف ليها من انها تموت الف مرة في الذل

سمو الأميرة سارة يقول...

خربوشة .. انتى اللى بجد رفعتى معنوياتى بطريقة رهيبة بكلمك دا .. حسيت بجد انى بعمل حاجة ليها فايدة وهثاب عليها يوم القيامة .. نورتينى حبيبتى واتمنى ترجعى تنشطى مدونتك تانى لأنها جميلة وانتى اجمل

سمو الأميرة سارة يقول...

كلمتى .. زى ما عودتينى دايماً كلمتين في الجون .. فعلاً المفروض اللى عايز يغير عادات راسخة يبقى ايمانه برسالته اقوى رسوخا ً (( مش عارفة موقع الكلمة دى ايه من العربى هههههههههه ))

على فكرة بقى انا لما اشوفك مش هخليكي تلتفتى سنتي واحد لنى بجد هموت واشوفك واشبع منك

يلا هااااااااااااانت

طالب ثانوى يقول...

الموضوع رائع ياسارة وجميل جدا

رااااااااااااااااائع

راااااااااااااااائع

رااااااااااااااائع


وانا زعلان منك علشان مبتزورينيش خاصفى المدونة بتاعتى

وعندى سؤال ازاى بتعملى اربع مدونات حرام عليكى

المتابعون

اعتبرها بيتك ♥

وِش القفص

خليك ورايا

دليفري..