لعلمك

لعلمك

إقرأ لي

دخلوا بكليك شمال :D

Blog Archive

الاثنين، سبتمبر 15، 2008

postheadericon عمرك في يوم حسيت .. انك مجرد شخبطة ع الحيط ؟؟

.. الكتابات على الجدران تتساوى كلها في نظر الناس

.. تتساوى القصيدة المكتوبة بعناية بكلمات الحب الساذجة بالبذاءات التي يبدعون حقاً في كتاباتها على الجدران

.. كلها (( شخبطة على الحيط ))

.. كلها عمل همجي غير حضاري

ولا يفكر احد في أن من كتب أو حتى انتقى قصيدة راقية لا يمكن ان يحمل في داخله انسان همجي ..
.. لا يفكر احد في انه ربما ضاقت به السبل واختنق ولم يجد مساحة للبوح الا على الجدران

.. كذلك البشر احياناً .. هناك الكثيرون منا يعتبرهم البعض ( شخبطة على الحيط )

.. وهناك الكثيرون جعلتهم الظروف ( شخبطة على الحيط )

.. انظر مثلاً إلى هذا الشاب المحترم الذى يقسم كل من يراه انه نموذج مشرف للشباب

.. لكن بالمزيد من البحث والتمحيص في تاريخه .. نجد انه - للأسف - ابن حرام .. !!..

ليس ذنبه انه ابن حرام .. 

مع انه انسان محترم سوي ..

تماماً مثل القصيدة الجميلة .. هي جميلة لكنها وُجدت في ظروف خاطئة ..

وُضعت في اطار سئ اضاع قيمتها وظلمها كثيراً ..

هي جميلة ، وليس ذنبها ان من كتبها كتبها في المكان الخطأ ..

انه كلام منطقي .. لكن لا تحاول اقناعي ان هناك شخص ما يمكنه 

ان يحتفظ بكل الحائط - بكل ما كتب عليه من بذاءات .. اعلانات .. 

اشياء سخيفة معدومة القيمة - لكي يحتفظ بهذه القصيدة الجميلة ..

لذا دائماً ما ينظر اليها بحسرة ويقول " آه لو ... " ويتركها لمصيرها وينصرف ..

ومع مرور الأيام ينساها .

هل تريد أن ترى نموذج آخر للانسان الـ ( شخبطة ع الحيط ) ؟!! ..

 
انظر اذن لحالك عزيزي ولحال الكثيرين في بلدنا .. موهوبون .. متميزون .. 

عقليتهم جبارة .. امكانياتهم الذهنية مذهلة .. حماسهم مشتعل .. 

طموحهم بلا حدود .. لكنهم هنا .. حيث لا يٌقدرون إلا الراقصات و اصحاب النفوذ واصحاب المال ..

مشكلتهم انهم هنا .. حيث لا مكان لذوي العقول في زمن مقياسه الوحيد (( معاك قرش .. تسوى قرش )) ..

هل اصبتك بالإحباط ؟!! .. هذا وارد فقد تكون لم تنتبه بعد لهذه الحقيقة المرة ..

لكنها كما قلت حقيقة وستنتبه اليها في يوم ما ..

المهم الآن هو أن تحمد الله على انك لم تجمع بين السوأتين ..

فأنت مثلاً مثل القصيدة الجميلة التي يعتبرها البعض (( شخبطة على الحيط )) لكن على الاقل يقدر - البعض - انك ذو معانٍ راقية وجميلة

.. من يستحق الرثاء حقاً هو من يمثل (( شتيمة على الحيط )) ..

لا هي جميلة ولا وجدت في ظروف مناسبة .

____ تحديث مهم ___

من كتر ما انا عمالة اردد في العنوان

ضربت معايا وحسيت ان في كلام

جه شبه قصيدة عامية

فقولت اضيفها للموضوع

.

.

.

عمرك في يوم حسيت ...

انك مجرد ... شخبطة ع الحيط ؟!!

تترش ماية .. تمسحك

وتهب ريح - بسهولة - تجرح فيك ؟!

عمرك في يوم حسيت ..

انك مكانك غلط

ومهما تبعد عنه ...

بتلاقي نفسك جيت ؟!

عمرك في يوم حسيت ..

بضياع .. بحيرة .. بقلق

ولو تضيع للأبد

ماحدش بيسأل فيك ؟!!

حتى الصحاب مَلّوكْ

وانت كمان مليت !!

عمرك في يوم حسيت ..

انك مجرد شخبطة ع الحيط

كتبوك عشان تترفض ..

مسحوك .. عشان ؟!!

نضافة حيط

دايماً بتنزل تحت ..

ولا مرة واحدة عليت !!

والحل ؟!!

تعمل ايه ؟!!

وانت مافيش في ايديك ..

الا .. ضرب الدماغ في الحيط


11 بوينتس أوف فيو:

انا ودماغي يقول...

و الله أنتى معاكى حق طول ما انت كويس طول ما مقامك حيفضل زى الحيوان


للآسف بتغاظ أوى من الممثلين اللى بياخدو قد كدة هما كل اللى بيعملوه إنهم بيلعبوا و يهزروا و كمان إيه ليهم وضعهم فى المجتمع أما البنى آدم الصح اللى جوا دماغه أفكار تعمر البلد دى بلاش منه أحسن ملوش لازمة أحنا لسة حنفكر.......للآسف أحنا فى بلد تحترم الهلس و لا تحترم البنى آدم الصح
حسبى الله و نعم الوكيل

MaGn0liA... يقول...

عادى

بس لشخبطه ممكن تقول حاجه برضه

و ممكن حد يشوفها

و الحمدلله اننا مش شتيمه

بوست حلوه اوى

blue-wave يقول...

البوست هايل
بس الشعر تحفففففففففففه
بجد عجبنى اوى

kafrawy يقول...

عادى يا سارة

الشخبطه كتير
المهم انت بتشخبط ليه ؟

د/مروة المعداوى .....قباحة سابقا يقول...

الللللللللللللللللله

جميل الكلام اوى
ايييييييييييييه
قلبتى علينا المواجع
فكرتينى
احنا فعلا فى المستشفى اللى بيشتغل فينا زى اللى مبيشتغلش

اللى يقول الصح زى اللى مبيكلمش
على العموم اللى وصلتله انى حتى مينفعش حتى مشخبطش على الحيط

تحياتى على الكلام الجميل
و لنا الله فى اللى جاى

تشااااااااااوووووووو

شفقة هانم واحسان بك يقول...

لا لا لا انا ما اقدرش على الكلام الجامد ده
بقى ده كلام الاسعة لا المفروض تقلبى بقى وتبقى المتزنة الرزينه العاقلة المشخبطة
بس الكلمتين الاخرنين دول بتوع الشخبطة هايلين

طالب ثانوى يقول...

لااااااااااااااا

دانتى بئة لازم تاخدى عين 4 مدونات وشاعرة

خمسة وخميسة فى عينى


تبقى زورى المدونة

طالب ثانوى يقول...

ممكن اعرف هو انتى بتحبى السادات لية علشان دى حاجة انا ملاحظها معظم اللى تحت العشرين بيحبوة اوى

مـجـنـووون يقول...

علي فكرة أنا عمري ما بصيت للشخبطه علي الحيط النظرة دي

ثانيا: الإنسان هو إلي بيصنع نفسه وهو إلي بيحدد طريقة ومش مهم ماضيه مدام هو ماشي في الطريق السليم

ولو كل إنسان بص للناس وكلمات الناس مش حيعمل حاجه

وخليكي فكرة قدام عينك ديما المثل بتاع جحا وابنه والحمار

تقبلي جنوووني
مجنووون

طالب ثانوى يقول...

انتى فين يا ستى

الباحث عن الصفر يقول...

عرفت ان الانسان بيبدع لما يكون تعبان وكل ما يتعب اكتر كل ما يبدع اكتر والدليل امل دنقل اللى انته بتحبيه

هو يارب يبعد عنك التعب بس شكلك حاسه انك شخبطه ع الحيط

بس انا الاحساس ده ملازمنى طول الوقت لحد ما وقعت فى كلمه سحريه بحس فيها ان مرتاح جدا مش عارف ليه غيرتنى كتير اوى كلمة بسيطه
قانون التفاؤول
(حسن الظن بالله)

بوست زى العسل احسنتى

المتابعون

اعتبرها بيتك ♥

وِش القفص

خليك ورايا

دليفري..