لعلمك

لعلمك

إقرأ لي

دخلوا بكليك شمال :D

Blog Archive

الخميس، سبتمبر 18، 2008

postheadericon هلوساتي وانا عيانة





وحشتونى أوي ونفسي ارد ع تعليقاتكم وارد ع بوستاتكم بس مش قادرة

ان شاء الله لما اخف هبقى اعمل كده

دلوقتي قولت البلوج كده ضلمت اكيد

علشان بقالي مدة ما عملتش بوست جديد - متواضعة اوى انا .. عارفة عارفة من غير ما تقولوا - فـ وانا عيانة

وفاضية كده وبتأمل في تاريخي المرضي - اللي ماما حكتهولي لأني انا مش فاكراه الا حاجات بسيطة - قولت احكيلكم عن تخاريفي وهلوساتي وعمايلى السودا وانا عيانة

والله انا مش سوسة من وانا طفلة يعنى - اي نعم بقيت سوسة لما كبرت لكن في يوم من الايام كنت بريئة - احم .. المهم كل الحيل اللي كنت بعملها

كنت بعملها هرباً من بعبع اسمه

(( الدكتووووووووووووور ))

وميني بعبع اسمه

(( الدوا اللي طعمه وحش والحقن اللي بتوجع ))


وعلشان كل دا كنت بعمل الآتي :


* اول لما ماما تحط لي التروموتر في بؤي اللي على اساس نتيجته هروح غصب عني للدكتور

او هاخد الدوا العادى او هكتفي بالبرتقال والحاجات دى كده

فكنت بعمل ايه ؟؟

كنت برفعه من تحت لساني واخليه في الهوا

وطبعاً كانت ماما بتلاقى الامن مستتب والحرارة في التمام

هههههههههههههههههههههههههه

واحيانا كنت بشيله شوية قبل ما ماما تيجي واحطه في الماية


* الدوا كنت بحوشه في بؤي وادخل الباثروم افضيه في الحوض

وبعدين ماما اكتشفت دا فبقت تخلينى ابلعه قدامها وافتح بؤي :((


* كفاية كده لحسن بعد كده تعدوا صوابعكوا لما تسلموا عليا

احكيلكم عن هلاوس الانفلوانزا بقى

بما ان التعب مش مخلينى عارفة انام قررت اتفاهم معاه .. تخيلت انه حاجة كده مربعة كبيرة شبه الورقة

وبدات اتفاهم معاه على شكل مكعبات صغيرة

اخد كل مكعب كده في دماغى على جنب واتفاهم معاه انى هنام وارتاح

وفعلاً جاب نتيجة ونمت

المشكلة انى من ساعة ما قولت لماما ع الطريقة دي شكت في قواي العقلية

والطريقة مابقتش تجيب نتيجة شكل المكعبات زعلت منى :((

والله بجد الطريقة دى عملتها مش عارفة هي حاجة زي عد الخرفان وكده

ولا نوع من محاصرة الالم في الدماغ


البوست مالوش طعم وريحته دوا انا عارفة بس لازم اكتب والا هطططططططق




27 بوينتس أوف فيو:

MaGn0liA... يقول...

الف سلامه

شفاكى الله و عافاكى

و دمك زى السكر و لاسعه و انتى عيانه برضه

سلامات :)

طالب ثانوى يقول...

الف الف سلامة يالاسعة هانم واللة حسستينى بالذنب

طالب ثانوى يقول...

ونسيت اقولك انا كمان عيان اوى

son's egypt يقول...

السلام عليكم
الف سلامةعليكي
وشفاكي الله وعفاكي

mohra يقول...

الف سلامه عليك يا جميل
بس حد يخاف من الدكاتره دى ناس طيبه خالللللللص

شيتوس الاهلاويه اووووي يقول...

سارة القمر
الف سلامة عليكي ياحبيبتي
ان شاء الله تقومي بألف سلامة
بالنسبة للدكاترة انا كمان بروح لهم بالعافيه والله بس هنعمل ايه يعني
في ناس عايزانا يابنتي
ههههههههههه
ولا ايه رأيك؟؟؟
يارب تقومي بالف سلامة ياااااااارب
خلي بالك من نفسك
أختك شيتوس

blue-wave يقول...

يا نهارك ابيض
بعبع اسمه الدكتور؟؟؟؟
ربنا يسامحك بقى:))

عايش ولكن يقول...

الف سلامه عليكى
حد يخاف من الدكاتره دول بيخلوا اللى مش عيان يعييا ههه
دمتى بكل خير

kafrawy يقول...

لا و انا مش يرضينى انك تضقى
اكتبى يا اختى اكتبى

TiMmY يقول...

يا ألف نهار أبيـ.... قصدي ألف سلامة عليكي يا سمو الأميرة ..

إن شاء الله اللي يكرهوكي :) و خصوصا ميمي و كوكي :)

و إن شاء الله ترجعي بالسلامة .. أو بالتوك توك -أيهما كان أسرع :) - ..

و نتعلم منك شوية حاجات من اللي بتعمليها في الناس حتى و انتي تعبانة .. :)

بس هنبقى نعد صوابعنا و ناخد بنصيحتكِ ..

ايه ده ؟؟ الكيبورد ناقصة زرار !!!
احم احم .. هو أنا بكتب في مدونة مين ؟؟
آآآآآآه :) .. عد كل حاجة .. أنت ف مدونة سارة :)

أسأل الله العظيم رب العرش العظيم أن يشفيك و أن يجعل خلوتكِ في المرض للتفكير و التصحيح و ليست ألما و مِلالا ..

في أمان الله ..

طالب ثانوى يقول...

وليكى تاج عندى لما تخفى تبقى تخشى تشوفية والف سلامة عليكى

انا ودماغي يقول...

ههههههههههههههههههههه
أنتى برضه لاسعة و أنتى عيانة


بس ضحكتينى أوى



ربنا يشفيكى و ترجعى للمدونة من غير ريحة ادوية

كأنني أنا يقول...

ههههههههههه

لا لا لا ألف سلامه عليكِ يا حبيبتي ..
انشالله الشيطان الوحش :))

خدي بالك من نفسك واستريحي خالص اليومين دول.. واكتبي كتيييييييير ولا يهمك احنا مبسوطين بريحة الدوا :)

سمو الأميرة سارة يقول...

احلى ماجنوليا .. تسلميلى يا حبيبتى وانتى اللى زي السكر والله .. بالنسبة لكوني لاسعة فالحقيقة انا كنت ملسوعة بالسخونية الايام اللى فاتت دى ههههههههههه

سمو الأميرة سارة يقول...

فاروق .. طالب ثانوي .. انت يعنى يعنى مثلاً بتقولي انك عيان علشان تنفي تهمة انك انت السبب هههههههههههههه التاج قولتلك ع اللى فيها .. والف سلامة عليك

سمو الأميرة سارة يقول...

ابن مصر .. الله يسلمك يارب ميرسى جداً ليك

سمو الأميرة سارة يقول...

مهرة حبيبتى .. الله يسلمك ياقمر بالنسبة للدكاترة انا ليا اصدقاء دكاترة لا يمكن تتخيلي عددهم وزي العسل بجد بس ماعرفش ليه اجى لحد انى اروح لدكتور كمريضة واكرههم ههههههه

سمو الأميرة سارة يقول...

يالهوى يا مهرة دا انتى دكتورة ههههههههههههههههههههه معلششششششش بقى ومعلش يا دكتور عمرو ودكتور احمد فريج والله انا بحبكم كلكم .... بس بردو بخاااااااااااااف

سمو الأميرة سارة يقول...

شيتوس احلى اهلاوية .. الله يسلمك يا حبيبة قلبي يارب .. وع رأيك الواحد لازم يضغط على نفسه علشان خاطر الشعب والجمهور هههههههههههههههه

سمو الأميرة سارة يقول...

احم احم .. دكتور عمرو ما تزززززعلش والله انتوا زي العسل بس انا اللي جبانة

سمو الأميرة سارة يقول...

عايش ولكن ....هههههههههههههه خلي بالك المكان كله محاصر فوقيك بالظبط في دكتور

سمو الأميرة سارة يقول...

كفراووووى ميرسى جداً ليك يادكترة وانا بردو قولت كده

سمو الأميرة سارة يقول...

هو ودماغه ... هههههه قروا علينا بقى .. قروا علينا بقى انا مش ناقصة هههههههه ميرسى جداً ليييك

سمو الأميرة سارة يقول...

كناها هي ... الشيطان الوحش كفاية عليه السلاسل بقى اليومين دول يا جميل هيبقى سلاسل وانفلونزا هههههههههههههههه

سمو الأميرة سارة يقول...

تيييمييييييييي .. لألألألألألألألأ انا مكنتش موجودة يا تيمى لما الكي بورد زراره نقص

انا اخدت المسطرة اه لكن الزرار دا لأ هههههههه
ههههههههههههه نورتني ويارب دايما منورنى

غير معرف يقول...

انا هقول لماما على كل ده

mohamed elbastawesy يقول...

انا هقول لماما على اللى بتعمليه

المتابعون

اعتبرها بيتك ♥

وِش القفص

خليك ورايا

دليفري..