2008-10-07

رسالة من بابا " حسنـ ... ين "













.

.


.




شايفين يا ولاد أنا اب حنين ازاي ؟؟! علشان تعرفوا اني بحبكم زي عنيا






شايفين ازاي قلبي ما طاوعنيش احبس ابني في اوضة الفيران رغم انه شتمنى ؟!!






.. شوفوا بقى انتوا الوحد منكم لو ابنه شتمه بيعمل فيه ايه






.. بس انا قلبي طيب وماهانش عليا




وعلشان تعرفوا بس انى عارف ربنا وبعفو عند المقدرة اهو






عرفتوا بقى انى مش كافر زي ما بتقولوا عليا ؟!!






عرفتوا بقى انى قدوة ومثال للاخلاق ؟






وانت يا واد يا شقي يا بو لسان طويل .. دي شدة ودن بس علشان






تعرف انى مش هغلب معاك








المرة دي سامحتك بس عليا الطلاق لو اتكررت تاني مش هرحمك








- دي بقى مسودة الرسالة قبل التعديل قبل ما يبعتها للشـ .. للشياطين ولاده اللى مغلبينه ياعينى -




هتروح مني فين يا حلو .. المرة دي فلتت علشان خاطرهم بس بكرة ادخلك تانى ومش بعيد اطردك برة بيتي خالص






بس صبرك عليا لما ولاد الحـ .. ـلال يظبطوك






بكرة تحبس وانت متهم بسرقة ولا تزوير ونصب






ولا مش بعيد واحد ابن حـ ...لال اوي يقول انه ظبطك تحت بير السلم مع بنت الجيران






هو انا هغلب يعنى ؟




وساعتها ابقى ورينى يا حلو مين هيعبرك ولا يقف في صفك








والله لأخليك تحصل اخوك اللى انت عامل لي شجاع اوى وفاتحله شباك في اوضتك






آل ايه علشان يدخل نور





احم .. بالنسبة للصور فهى صور عجبتنى قولت احطها
اوعوا حد يربط بين كلامى وبينها ما تبقوش اشقياء ومتعبين
لو حد حب يربط بقى فانا احب اقولكم اني بفضل الرشيدى الميزان


هناك 23 تعليقًا:

  1. بجد حلوة قوي يا سارة والمثل بيقول اللي في القلب بيطلع الاول
    هههههههه

    ردحذف
  2. والله العظيم لعبه وكنت حسه انه هيكملها
    بس لاخر لحظه اقول يا رب تطلع غلط

    ردحذف
  3. هييييييييييييييييه
    اول تعليق

    ردحذف
  4. والله انتى تحفه
    حلو بجد البوست وماتخافيش انا حجزتلك كل الرشيدى الميزان اللى فى السوق:))

    ردحذف
  5. مش هاكتب حاجه لأني مش متأكد اذا كنتي هاترجعي تردي على رسالتي دي ولا لا.
    ههههههههههه

    ربنا يتولاكي ان شاء الله

    تحيــــــــــاتي

    صــــــديق قــــديـــم أوي

    ردحذف
  6. طب انتى مش باينه ليه ؟؟
    قلقتينا عليكى (:

    ردحذف
  7. سمو الأميره ساره
    موعد أذاعة تعليقاتك فى الأذاعه فى المدونه
    http://netonradio.blogspot.com

    ردحذف
  8. مسؤلية الكلمه الي ببتقال وتتنشر اهم من حرية الصحافه

    مصر كلها عايزه حرية صحافه
    وانا مش عايز حريه بدون مسؤوليه

    احنا بنخاف ليه من وضع قوانين
    مدام احنا عارفين نفسنا وعارفين اننا مش هنغلط يبقي منخافش

    في خبر عاجل يا جماعه
    المواطن احمد علام((انا ))عنده ازمه قلبه وشلل نصفي وجلطه وقصور في الدوره الدمويه ونقل علي اثرها الي غرفة ان عاش وان مات فالله يرحمه

    والنبي لو حد قال خبر زي ده عليكم هتزعلو ولا مش هتزعلو

    تقبلو الراي الاخر لو سمحتم

    ردحذف
  9. ههههههههههههه حلو أوي الموضوع ده أنا فعلا قريت الموضوع في الدستور انهارده وعجبني قوي تحليل الناس اللي فاهمة للموقف وعجبني أكتر رأي حضرتك
    خاصة شباك النور ده هههههههه حلوة قوي ربنا يستر على البلد دي والله الواحد مش عارف رايحة فين تاني

    ردحذف
  10. برافو يا سوسو بس شكلك كده هتودى نفسك فى داهية واحنا معاكى
    كل سنة وانتى طيبة
    وبجد وحشتينا

    ردحذف
  11. تسلمولى يارب ع التعليقات دى هرد ع التعليقات واحد واحد بس بكرة باذن الله

    ردحذف
  12. هههههههه
    انا شوفت الاسلوب دا فين :P

    مممممممم


    :P

    يخلق من الاسلوب 40

    هههههههههه

    ردحذف
  13. احمس .. منووووووورني وفعلا كلمة الحق بتطلع الاول هههههههه

    ردحذف
  14. آبي .. كله بيلعب على كله يا آبي واحنا تايهيين في النص

    ربنا يستر علينا

    ردحذف
  15. بلو ويف .. معلللللللللللللش ماطلعش اول تعليق اكمنى بعمل الموافقة ع التعليقات وكده ما بيبانش انه مش اول تعليق ... بالنسبة لى مش مهم التعليق رقم كام المهم انك منورنى ويارب دايما منورني

    ردحذف
  16. هههههههههههه شوفت لما عرفت خبر الرشيدى الميزان من فرحتى ماعرفتش ارد عليك نسيت هههههههههه

    ردحذف
  17. الصديق القديم اوى .. على فكرة انت غايظنى اوى اوى وهموت واعرف انت مين ههههههههه انا شاكة في اتنين بس برجح انك الاولانى .. هعرفك يعنى هعرفك لما بحط حد في دماغى بعرفه

    ردحذف
  18. دعاء علي .. هههههههههههههههه كنت بضلل المراقبة وبعدين جيت ههههههههه

    ردحذف
  19. أ / صلاح حجازى .. سمعت البرنامج النهاردة .. بجد شغل مية مية واتمنى ما تكونش اخر مرة اشارك فيها

    ردحذف
  20. احمد علام .. يهمنى جدا ان الاعلام يكون مسؤل مش حر حرية مطلقة من غير ضوابط لكن في حاجة أولا : هو سايب الحبل ع الغارب لكل الناس في كل حاجة والاعلام مش مسؤول ولا متنيل ومش حر كمان

    تانى حاجة ان ابراهيم عيسى مش هو اللى طلع الاشاعة ولا روجلها .. الاشاعة طالعة من زمان وجاتلى ع الميل اكتر من مرة قبل مقال ابراهيم عيسى وانا جبتلك لينك للمقال اهو علشان تقراه وتتاكد بنفسك .. وتأكد انى سعيدة جدا بيك وبمشاركتك وبرأيك رغم انى اختلف معاه

    http://nadafa.org/?fn_mode=fullnews&fn_incl=1&fn_id=116

    ردحذف
  21. انا مش معاهم .. المشكلة بجد انهم مش متخيلين اننا خلاص فهمنا الحركات اللى بقت بالنسبة لنا قديمة لسة فاكريننا سذج وبنصدق اى حاجة .. ربنا يستر فعلا ع البلد دى

    ردحذف
  22. شفقة هانم واحسان بك .. وانتم طيبين ياااااارب دايماً والله انتوا كمان وحشتونى جدا وبتمنى من ربنا اشوفكم مرة تانية باذن الله ..واهى الفرصة جات وهنروح في داهية مع بعض ههههههههههه

    ردحذف
  23. دكستر .. هههههههههههههههههه لأ بس في فرررررررررررررق عموماً هو يخلق من الاسلوب اتنين وبسسسسسسسس الاربعين دول ايه حشرهم ؟؟؟؟؟

    ردحذف

Say something...