لعلمك

لعلمك

إقرأ لي

دخلوا بكليك شمال :D

Blog Archive

الاثنين، أكتوبر 13، 2008

postheadericon وين هنادي يا أماااااااااااااااااااايا ؟؟

لما تكون بتسمع السؤال دا في فيلم دعاء الكروان .. اكيد الرد اللى هيخطر في بالك هو

" اخدها الوباااااااااااااا "

(( تقريباً .. بصراحة بقالي كتير ما شوفتهوش ))

لكن لما تكون في طنطا وتسمع السؤال دا

الاجابة لازم تكون

" اركب تاكسي وخليه ينزلك أول القاضي من البحر "

هنااااااااااااادى دا اروع مكان شوفته في حياتي

مش جميل شكلاً .. نوهائي .. مش علشان رمضان خلص يعنى هكدب عليكم واقول انه مكان شكله حلو

هو عبارة عن محل كباب وكفتة وكبدة وكده صغير جدا يجي مترين ف متر ولا حاجة

صغير اوووووووووووى و ضيق جداااااااااا وعلى قد حاله بدرجة رهيبة

لكن روحه اروع من الروعة

أولاً الاكل نضيف جداً

ثانياً بتنسى هناك الدنيا بطريقة لا يمكن تتخيلها

ثالثاً .. ليا فيه احلى ذكريات في حياتي بجد

بجد وحشنى اوي هنادي .. وحشنى عم صاحب هنادي اللي مش بينساك لو روحت ليه مرة واحدة بس حتى

وحشنى انسى الدنيا هناك واضحك من قلبي انا واللي معايا

وحشتنى السلطة الغريبة اللى غرقانة ماية اللى بقعد اتفرج عليها طول ما انا باكل وعمري ما قربتلها

هنادي دا بجد علمني حاجة حلوة اوي .. علمني انى ما احكمش أبداً على حاجة بمظهرها

ما اقولش دا حلو او وحش من اقبل ما اجرب واعرف

علمني ما اتريأش على حاجة مهما كانت صغيرة لأنها ممكن اوى تبقى احلى من 100 ألف حاجة تانية كبيرة

علمني ان الراحة اللي بجد موجودة في البساطة

في التلقائية

علمني ان الذكريات الحلوة بتبقى مع القلوب الطيبة والنفوس المقبلة ع الدنيا


كان نفسي أوى اجيبلكم صورة لهنادي

بس للأسف مالقيتش ع جوجل ههههههههههه بس وعد مني اول لما اعرف اصوره هصوره واجيب الصورة

_______________ موضوع تاني خالص مالص بما اني مهيسة __________


منو زعل ست الحلوات .. وخلاها بدموعها تبات
تمطر مطر هالدمعات .. وتبللت المخدات
منو زعل ست الحلوات

أبعتلك أربع وردات .. وياهن أربع بوسات
الأولى على أحلى جبين .. والثانية على طرف العين
والبوستين اللي فاضلين
خبيهم وين تحبين عالخدين أو أو أو

أكتبلك على كل وردة أحبك .. أحبك .. أحبك
وأهمس في أذنك همسة .. لاتخبرين اللي بجنبك
أحلى بوسة لأحلى جبين .. والثانية على طرف العين
والبوستين اللي فاضلين
خبيهم وين تحبين .. عالخدين أو أو
____________
الأغنية الكميلة دي اغنية كاظم الساهر الجديدة
كل ما ابقى خلاص هعيط الاقيها تشتغل في اي حتة
فاعتبرتها معمولالي
هو انا مش ست الحلوات ولا حد عنده اعتراض ؟؟
...........
آه بحسب

22 بوينتس أوف فيو:

انا حره يقول...

هههههههه انتى دخلتى هنادى انا بقى ببص بس من بره عليه كدا وبخاف ادخل

احسن تطلع لحمه من اللى بالى بالك هههههههههه

تحياتى

عبدالرحمن الشافعي يقول...

الأووووووووووووووووول

دي أول مرة أعلق فيها في المدونة ...
وأول تعليق ...
ياع ياع ياع ...
ــــــــــ
أنا روحت طنطا مرة ,,,
ولفيتها ,,,
بس يا خسارة ..
ما كنتش أعرف هنادي ده ...


يلا ..
مرة تانية ,,,


ـــــــــــــــــــــــــ
تعليق تاني خالص بالص على الموضوع التاني
):


زي ما قولتي بالظبط

ما حدش عنده أي إعتراض ,,
أنا عن نفسي ..
ما عنديش ,,
):


تحياتي ,,,

عبدالرحمن الشافعي يقول...

أخ ...
دا تم حفظ تعليقاتك وستكون معروضة بعد موافقة مالك المدونة الإلكترونية"

ما كنتش أعرف ...
يبقى أنا موش التعليق الأول ...

لاااااااااا

):

~*§¦§ Appy §¦§*~ يقول...

حلو احساسك بالمكان انا مرحتش بس لو اتيحت ليه الفرصه هروح حلو اننا نشوف بلدنا بعيون جميله

سمو الأميرة سارة يقول...

انا حرة .. اولا اسمك عاجبني جداً ثانياً واضح انك بلديات فيامرحبا يامرحبا .. ثالثاً بقى بجد خليتى بطني تكركب لأ ياشيخة حرام عليك الاسعار هناك ع قد حتة اللحمة ههههههههههه وبعدين ....... لألأ ياشيخة حرام ماتقوليش كده لألألألأ بجد دا انا كل مايجي سياح بوديهم هناك - مش سياح سياح يعنى مصريين بس من محافظات تانية

سمو الأميرة سارة يقول...

عبد الرحمن الشافعى .. هههههههههههههههه المقلب دا لسة حاصل في البوست اللى قبل اللى فات .. والله لو اقدر استغنى عن الاشراف ع التعليقات كنت عملتها بس فعلاً مش هينفع يلا حصل خير وعموماً انا كل تعليق بفرح بيه بجد كأنه اول تعليق

_____________

بالنسبة لطنطا فأكيييييييييد نورت طنطا بس فعلا خسارة انك ما زرتش هنادي اول لما تنزل تاني ان شاء الله هستنى منك كومنت بتقولى رأيك في هنادى بعد ما زرته

____________

الموضوع التاني خالص مالص ..
دى حقيقة علمية انت بتتكلم في ايه بس هههههههههههههههههههه

نورتنى يا عبد الرحمن بجد

سمو الأميرة سارة يقول...

آبيييييي .. غيرتي شكل اسمك بحسبك واحدة مزورة وكنت هرفض التعليق الحمد لله ان ربنا هداني وقالي روحى البروفيل .. فعلا يا آبي معاكى حق لازم نشوف بلدنا بعيون جميلة مدام هى دي بلدنا اللى اتولدنا فيها ولازم نعيش فيها

Butterfly يقول...

والله انتى دمك زى العسل ههههههههههه
انا مش من طنطا بس بسمع عنها كتير
وعارفه انها بلد حلوه كنت مريت عليها كذا مره كدا
ومصر كلها حلوه
وحلوه الحاجات اللى اتعلمتيها دى
فعلا مش لازم نحكم بالمظهر
سلام

سمو الأميرة سارة يقول...

باترفلاي .. والله انتى اللي زي الشربات يا بنوتة .. ومنورانى بجد .. اما بالنسبة لطنطا .. فهي فعلاً جميلة بس بالليل .. بتبقى خرافية .. احلى حاجة فيها انها تحسسك انك في القاهرة بس من يجي خمسة وتلاتين سنة كده قبل ما تتزحم أوى يعنى لسة بتعرفي فيها تتمشى في الشارع وكده

كأنني أنا يقول...

طبعا ست الحلوات والقمرات كمان ههههههه

وأنا باقرأ كلامك كنت حاسة بفرحه غريبة أوي..
يمكن لأن انت وصفتي حته شكل مكان باحبه جدا جدا عندنا هنا.. فحسيت انك فاهماني :)

ويمكن كمان لانك جبتي أغنية باعشقها لكاظم..

مش عارفه .. بس تقريبا كلامك كله بيخليني فرحانه :)

Dexter! يقول...

طب انا راضي زمتك


ازاي يقدم كباب و كفته و كمان كبده ... في مترين تلاته؟؟


لا دا معجزه و لازم ننزله زياره الخميس الجاي

اصل الخميس دا عيد الكباب بالنوسبالي :)

الأستاذ يقول...

السلام عليكم
لسة شايفك دلوقتي على الفيس بوك وشوفت المدونة وبمجرد م شوفت البوست ليه علاقة بكاظم قولت لازم أرد
أولاً بالهناء والشفاء على أكلة الكباب والكفتة لكن مش واجب تعزمي؟
ثانياً طبعاً تلاقيكي انتي البنت اللي في أغنية ست الحلوات الصغننة العسولة دي
ثالثاً بما إني مجيتش هنا في رمضان ولا في العيد ومفيش مناسبة أقولك عليها كل سنة وإنتي طيبة
ف يبقى كل سنة وإنتي طيبة برضه
تحياتي

ahmos يقول...

انا نزلت طنطا اكتر من مرة بس بصراحة ما شوفتش هنادي ده
واوعدك لو نزلت تاني هدور عليه
بس فعلا انا برضو بحب البساطة جدا وبرتاح قوي وانا بسيط وعايش مع ناس بسيطة
وشكرا علي الموضوع الحلو ده

دعاء على يقول...

سلاموا عليكوا
أنا من طنطا يا بشرررر و لازم أدور على هنادى دى (:
قلتى فين ؟؟ أول القاضى من البحر مممممممم ماشى يا جميل أشوفك هناك بقه (:
و لو رحت و صورته هبقى أجيبلك الصوره و ممكن أصورلك السلطه و عمو كمان ههههههههههههههههه
====
حلوه كلمات الأغنيه أوى ... أنا هدور عليها حالا عشان أسمعها بس شكلى هفكر أعيط (:
حلو البوست اللى اتنين فى بعض ده (:
سلامات يا جميل

سمو الأميرة سارة يقول...

كانها هي .. ربنا يخليكي يا حبيبة قلبى اخجلتى تواضعى - الواضح هههههههه - يارب دايما كلامي يفرحك حبيبتى ويدخل قلبك .. ع الاقل احس بقيمة ليا في الدنيا

سمو الأميرة سارة يقول...

دكستر .. بقى كده يا دكستر بعد العشرة دي كلها وبعد كل البوستات دي اللى علقت لي عليها تشكك في ذمتى هههههههههههههههه

روح ياخويا في يوم الكباب العالمي بس أمانة عليك تقوله انا من طرف بنوتة لاسعة علشان اروحله واقوله انا بقى بنوتة لاسعة ويأكلني ببلاش هههههههه

سمو الأميرة سارة يقول...

ياااااااااااااه الاستاذ .. اخيرا جيت تاني والله كنت مفتقداك .. نوووووورتنى واهو عيد اهو انك جيت تانى .. بالنسبة لاغنية كاظم .. انا كنت خلاص محضرة نفسى وهطلع بدل البنت دي وبعدين هو قالي سمو الأميرة سارة مافيش مخرج يطنط عليها هههههههههههههههه

نورتني يا ابو الاساتيذ

سمو الأميرة سارة يقول...

بالمناسبة .. فقرة العزومة مش هرد عليها .. مابردش ع الاهانات ههههههههههههههه

سمو الأميرة سارة يقول...

احمس .. اماااااااااااانة عليك تبقى تقوله انك من طرف بنوتة لاسعة علشان عايزة اكل هناك يجي شهر كده من غير فلوس ههههههههههههههههه .. فعلاً بجد انا مش بعرف اكل في اماكن نضيفة وخنقة كده .. والناس اللى هي بتتحرك بالمسطرة وتتكلم بحساب أوي وجو كده يسد نفسك اصلا هههههههه

سمو الأميرة سارة يقول...

دعاااااااااااء .. بلدياااااااااات اهلا اهلا اهلا وانا اقول البلوج منورة ليييه ؟؟ اتاااااااارى .. دوري عليه يا حبيبتى ويارب تلاقيه .. علشان انا كده هاكل هناك شهرين ببلاش هههههههههه بالنسبة للاغنية .. فشكلنا هنتخانق بقى لما تعيطى انتى ويغنيهالك اكل انا في المخدة ولا ايه ههههههههههه

نورتينى ياقمر

يا مراكبي يقول...

سيبك من حكاية الكباب والكفتة والوباء دي .. مين ست الحلوات دي إن شاء الله؟ هنتلكك؟

ههههه

سمو الأميرة سارة يقول...

ههههههههههههههههههههه هو في غيري ست الحلوات ولا ايه يا أ/ احمد ههههههههههه .. احم عديها بقى هههههههه

المتابعون

اعتبرها بيتك ♥

وِش القفص

خليك ورايا

دليفري..