لعلمك

لعلمك

إقرأ لي

دخلوا بكليك شمال :D

Blog Archive

الجمعة، أكتوبر 17، 2008

postheadericon شوية حاجات



احساس صعب ..
لما تحس انك تعبان و محتاج تسند راسك على كتف حد جنبك
ويكون جنبك نااااس كتيييييييييير بس للأسف .. مش هيسمحولك تسند راسك ع كتافهم



____________ صور ____________




دي صورة الحيطة بتاعة اوضتى .. فرح العمدة دا عمايل ايديا وحياة عنيا





صورة سمبا .. لأن احب قططي ليا كنت بسميه ابني كان اسمه سمبا





ولوجو بنوتة لاسعة





وصور بطوط لأني بموت فيه





وصورة البنت اللي لابسة أبيض دي هتكلم عنها تحت

في حد - لسانه طويل حبتين ;) - شاف الصورة دي بيقولي دي مش اوضة

دي

mbc 3

ههههههههههههههههه



لوجو هاف انايس داي .. دا ع الحيطة التانية بردو


... دى عملتها ايام الامتحانات في محاولة لأنى اقعد في الاوضة من غير اكتئاب

دي صورة سمو الأميرة سارة اللي بقول عليها


اخويا كل ما يشوفها يتريأ عليها بس أنا بحبها

انا ماعرفتش اصورها كاملة لأني بصور بالكام بتاعة الكمبيوتر
والحيطة بعيدة عن الكام فغلبت على ما صورتها
هي صورة بنت بتتبص للشمس اللى مكتوب عليها بكرة احلى وبينها وبين الشمس صحرا وبحر

لو حد فهم المغزى من الرسمة دي يبقى ليه عندي هدية
__________ كلام ________
... وكأني امبارح
لسة بشب
و بحاول المس طراطيف السما
وانا لامسة الأرض
.. وكأني امبارح
.. لسة بحب اسمع حواديت الخير والحب
والفارس لما يعدي حدود الأرض
وأتمنى يجيلى ويخطفنى
.. وكأني امبارح
ولا عمري كبرت
ولا شوفت صديقي بيطعنني
و لا دوقت الجرح
ولا غير الصبح
بنوره ماليني ومفرحني
.. وكأني امبارح
كنت بشوف
بكرة بعيون خضرا بريئة
بلمح في طريقى ورود و ورود
وبعدي حدود ومافيش ولا حاجة توقفني
وكأني امبارح
ولا اتخيلت
بكرة سكينة بتدبحني
وأتاري صديقي اداني الشوك
وقال آل ايه .. هيريحني
وأتاري ..
الصبح دا ليل قايداه النار
وملوهش نهار
والشهد مرار بيعذبني

15 بوينتس أوف فيو:

romansy يقول...

اولا اوضتك جميله قوى
بيدل على شخصيه رقيقه ناضجه وطفله فى نفس الوقت وكمان صوره الاميره ساره جميله قوى بيدل على شخصيه قويه وعزيمه واصرار برغم الصعوبات اللى قدامك سواء كان البحر بقسوته وغدره
والصحراءاللى يتسحيل العيش فيها
بس انتى اكيد هتوصلى للشمس
وتحققى حلمك
ودا باين من كلامك الجميل

وكأني امبارح
لسة بشب
و بحاول المس طراطيف السما
وانا لامسة الأرض

كلامك ارق من نسمه صيف على البحر
واجمل من واحه فى حضن الصحراء

مقتطفات من حياة فتاة يقول...

الصور حلوة اوي والاميرة سارة زي الامر
ده اول زيارة ليا وان شاء الله مش هتكون الاخيرة ويريت انت كمان تزوريني وتتابعيني

مقتطفات من حياة فتاة يقول...

صورك حلوة اوي والاميرة سارة فعلا اميرة ده اول زيارة ليا وان شاء الله مش هتكون الاخيرة ويريت انت كمان تزوريني وتتبعيني

مقتطفات من حياة فتاة يقول...

صورك حلوة اوي والاميرة سارة فعلا اميرة ده اول زيارة ليا وان شاء الله مش هتكون الاخيرة ويريت انت كمان تزوريني وتتبعيني

مقتطفات من حياة فتاة يقول...

صورك حلوة اوي والاميرة سارة فعلا اميرة ده اول زيارة ليا وان شاء الله مش هتكون الاخيرة ويريت انت كمان تزوريني وتتبعيني

مقتطفات من حياة فتاة يقول...

صورك حلوة اوي والاميرة سارة فعلا اميرة ده اول زيارة ليا وان شاء الله مش هتكون الاخيرة ويريت انت كمان تزوريني وتتبعيني

غير معرف يقول...

صورك حلوة اوي والاميرة سارة فعلا اميرة ده اول زيارة ليا وان شاء الله مش هتكون الاخيرة ويريت انت كمان تزوريني وتتبعيني

سمو الأميرة سارة يقول...

رومانسي .. ربنا يكرمك يارب ميرسى اوى لذوقك .. في الحقيقة انا كنت قصدي بالصورة .. انى بجد محتارة .. قدامي بكرة حلو .. بس بينى وبينه صحرا وبحر .. يعنى هتعب وممكن اغرق .. انا بسأل نفسي طول الوقت ياترى هتحمل الصحرا ؟؟ وهعدى من الغرق ؟؟

يااااااارب

ميرسى مرة تانية لكلامك ورأيك الجميل في اللى كتبته .. دا مايجيش جنب ابداعك حاجة يا رومانسي

سمو الأميرة سارة يقول...

ميرسى جدا ليكي يا احلى بنوتة .. وميرسى لذوقك العالي واكيد هزور مدونتك .. انا يكون لي الشرف

MR WHO يقول...

وكأني امبارح
كنت بشوف
بكرة بعيون خضرا بريئة
بلمح في طريقى ورود و ورود
وبعدي حدود ومافيش ولا حاجة توقفني

ياااااااااااه ليه بس كدة يا سارة فكرتينى بايام ما كنت باحلم

عارفة كنت باحلم باحلى ولسه والله بس مش عارف ليه باصحى من النوم بقفا عنتبلى يرمينى برة السرير خالص

بجد بجد انا عاجبنى احساسك واوضتك اللى شبه الحضانة اللى فى شارعنا بس وماله يا ريت العمر كله يبقى طفولة على الاقل حيبقى براءة وطهارة

انا باشكرك على الوقت اللى قضيته فى مدونتك لانى استمتعت بيه بجد

ياترى عارفانى بعد كل دة ؟؟؟؟؟

انا اللى قلتى لى قابل الصباغ .....ايوة انا المعقد ابو مشاكل كتيييييييييييير

اتمنى انك بجد تخلينى كل ماجى المدونة الاقى حاجة احسن ودة انا اللى متوقعة لانى ان شاء الله ناوى اتابع
يالا بقى كفاية لوكلوك لحد كدة
لا اله الا الله

Manamino يقول...

هههههههههههههههههههه
حلوة قوي mbc3 دي
بجد اوضتك دي تحفة بتدل علي شخصية طفلة ههههههههههههههههه
بس مافيش اجمل من الطفولة والبراءة الايام دي
انا كمان بحب قوووووووووي mbc3
تحياتي

blue-wave يقول...

حلوة اوضتك
وحلوة الصور كمان
وربنا يكرمك وتحققى كل احلامك يارب

شفقة هانم واحسان بك يقول...

ايه الصور الحلوة دى؟؟
بجد صور ورسومات اميرة تستحقى اللقب بجدارة بس بجد انتى اللى رسماهم؟؟
وبعدين خلى بالله احنا طلعنا زى بعض احنا كمان عندنا كلب اسمه سمبا

Dexter! يقول...

ام بي سي ثري؟؟


مين العبقري الذكي ابو دم خفيف الرهيب العظين طويل العمر يطول عمره و ينصره علي مين يعاديه
هاي هئ


الللي وصف الوصف دا :D:D

البحث عن أنا شىء جنونى يقول...

ايتها الرقيقة الصغيرة
جميل جدا ما رايت من احلام طفولية وخطوط جنونيه تتخلل ملامح كلماتك

عن الصورة .. فانها باختصار ان شمسك لم تشرق بعد .. انك فى انتظار تلك الشمس الآتيه حاملة اجمل ايامك .. انه رغم البحر والغرق ربما والصحراء والعطش فاننى فى انتظار احلى ايامى الذى لم ياتى بعد .. ساتيك ايها اليوم ارتدى احلى فساتينى مكتلمه الزينه .. ساوف يوما الى يومى كعروس فرعونيه لن يمنعنى بحر ولا صحراء فانا البحر والصحراء

اما قصيدتك الرقيقة فهى تحمل شجن فى قاع انسانه رقيقة طيبة لم تتصور كل ذلك التدهور بعد ايام بريئة احلامها بريئة

اختى الجميلة كونى كما انتى .. فانتى وبحق رقيقة

لكى منى كامل الاحترام

و :)

من بعيد .. بكتبلك

المتابعون

اعتبرها بيتك ♥

وِش القفص

خليك ورايا

دليفري..