لعلمك

لعلمك

إقرأ لي

دخلوا بكليك شمال :D

Blog Archive

الأربعاء، أكتوبر 29، 2008

postheadericon صدام الذي احبه




أبكتني هذه الصورة عندما رأيتها لأول مرة .. ولازالت عيني تدمع كلما أراها


قد يراها البعض من باب " البروبجندا " والترويج لصدام ايام توليه الحكم


(( مثل رغيف نظيف ))


لكنني شعرت فيها بالصدق .. رأيت فيها وجه صدام الذي احبه


وجه صدام الذي تمكن من النهوض بالعراق في كافة الميادين وجعل منها قوة لا يستهان بها


وجه صدام الذي كان ينزل الى الشارع بنفسه في الليل ليتأكد من أن وردية الليل في المستشفيات تعمل على اكمل وجه


وجه صدام الذي كان يكفل للطفل علاجاً مجانيا من لحظة ميلاده حتى يشب عن الطوق


أعرف جيداً مساوئ حكم صدام حسين .. اعرف انه ظلم وتجبر كثيراً


.. واعرف كذلك انه ارتكب العديد من الجرائم في حق شعبه وفي حق شعب الكويت الشقيق


.. لكن هذا لا يبرر بأي حال من الأحوال أن ننسى له انجازاته


.. لا يبرر أبداً ما أراه في اغلب المواقع والمنتديات العربية


انا اقابل بشكل شبه يومي ما لا يقل عن 10 مواقع تحمل في بدايتها اعلان أحمر دامي يحمل عبارة تقتلني قهراً ومرارة


(( شاهد هنا - حصرياً - فيديو اعدام صدام ))


لقد رأيت الفيديو بعد اعدامه بلحظات على قناة الجزيرة و حتى هذه اللحظة لا ادرى كيف تحملت أن اراه


.. كنت اشعر كما لو ان الحبل اللذي يخنق رقبته يخنق قلبي انا ويدميه


.. رأيته وكأنني في غيبوبة وكأني انتظر ان تحدث معجزة ما ولا يتم الاعدام


.. ليس فقط لأني احب صدام


.. لكن لأني اعرف - للاسف - ان قراراً كهذا لم يكن صادراً بالفعل عن العراقيين ، كنت اعلم ان ايادى الغرب هي التي تشنقه ..


لأني ادركت بمدى ما يعنيه هذا الحكم وتنفيذه من عجز العرب عن الاقتصاص لأنفسهم بأنفسهم


والآن .. بعد موته بما يزيد عن العام لازال العرب يفخرون بلحظة اعدامه .. لازالوا كمن يمثلوا بجثث الموتى


لم يتذكروا للحظة انه مسلم .. لم يتذكروا انه عربي .. لم يتذكروا انه قبل أي شئ انسان ومن ابسط حقوقه ان نحترم خصوصيته في لحظات موته





25 بوينتس أوف فيو:

ahmos يقول...

الله يرحم صدام حسين فعلا ده كان راجل يمكن يكون غلط في حق شعبه
بس اللي حصل معاه ده غلطة كبيرة قوي في حق كل مسلم وعربي
للاسف مبقاش لينا تمن

لا تأسفن على غدر الزمان لطالما

رقصت على جثث الأسود كلابا

لا تحسبن برقصها تعلوا على أسيادها

تبقى الأسود اسودا والكلاب كلابا

الله يرحمه ويغفرله

وشكرا يا سارة بجد علي اللمحة دي
احمس

La RoSe يقول...

السلام عليكم

شدني عنوان البوست وراجعته أكثر من مرة عشان أتأكد أنه بتاريخ 2008 :)

أنا كمان بحب صدام،على الرغم من ظلمه وجبروته اللي بيحكوا عنه،لكن كنت بشوف إنه إنسان صاحب موقف وشخصيه قوية كان ممكن أوي تكون حاجة تانية خالص لولا زلاّته الأخيرة بالذات ... بحب صدام ومع ذلك مش بقدر أدافع عنه لكن حقيقي قلبي أتوجع أوي لحظة إعدامه وبيتوجع أكتر أما بشوف فرحة البعض فيه...

ربنا يرحمه برحمته ويغفرله...

تحياتي لكي وللبوست الجميل

mohamed ghalia يقول...

رحمك الله يا صدام هو فى ذمة الله نسأل الله أن يغفر له
تحياتى

~*§¦§ Appy §¦§*~ يقول...

على فكره فيه كتير بيحبوه بالرغم من مساوئه واللى عمله
ربنا يرحمه ويغفر له هو وكل موتانا

غير معرف يقول...

صدام صدام صدام المصيبه ان محدش تعب مع صدام ده قدي انا وفرقتي في انقاذه وبرده معرفناش

الي هيغظني اكتر ان مفيش ولا واحد من رؤساء العرب اتحرك من علي كرسيه علشان يقول لا لاعدام صدام ولا واحد...

والي الناس متعرفوش ان صدام من احفاد رسول الله عليه الصلاة والسلام علشان كده احنا كنا هننقذه بس مفيش نصيب..!!

الله يرحمه برحمته ويغفر له ذنوبه

وميض ابتسامة يقول...

عزيزتى

انا متفق معك تماما انه بالرغم من مساوئ صدام حسين رحمه الله الا انه نهض بشعبه وبلده الى مرحلة لم يبلغها بلد عربى .. فقد استطاع ان يجبر المسلمين سنة وشيعة ودروز ان يعيشوا فى سلام ..

لقد اوقع به الجميع وقاده غرور قاتل الى حتفه .. ولكنها الحياة ..وكنت اتمنى ان يموت موتا كريمة خالية من الغل والشماتة والاهانة ..رحمه الله ورحمنا جميعا.

romansy يقول...

سمو الاميره ساره
ما هذه المشاعر الجميله التى تعبر عن الوجه الاخر عن شخصيه صدام حسين رحمه الله
ويكفى ان اقول لكى ان المصريين يعشقون صدام حسين وبالذات الذين عملوا فى العراق فى فتره حكمه
يقال انه كان يعتبر المصرى بلده الثانى العراق
بلد هارون الرشيد والمتنبى
ولكن قد يكون صدام سين فعلا يمتلك هذا القلب
وما ادرانا
رحمك الله يا صدام

Al Azif يقول...

السلام عليكم

أنا اول مرة آجي هنا
بس المكان جميل و شكلي حتقل عليكوا شوية ^_^

الحقيقة ماقدرش أقول اني بحب صدام
كم قتل من أبناء المسلمين
كم شرد منهم
كم مسلما روع أمنه
كم من حرة اغتصبت بسببه
كم مسلما تعذب في سجنه

لا

ماقدرش... ماينفعش

ممكن تكون اللقطة دي لحظة صادقة منه.. هو انسان بعد كل شيء.. طفلة و زهرة.. طبيعي ان يلعب معها او يداعبها

و متفق مليون في المية ان إعدامه على يد الكلاب و فضح موته بهذا الشكل اهانة لا نقبلها لمسلم مهما فعل

و زي ماقلتي.. له ظلمه و جبروته
و له انجازاته.. و المفروض تتحسبله.. داحنا بنفتكر و بنذكر انجازات الحجاج بن يوسف الثقفي !

لكن كما الحجاج برضة.. لا يمكنني إلا أن أقول ان هذا الرجل تخطت مساوئه محاسنه بما لا يقاس..بجد ماقدرش احبه

غير معرف يقول...

دى مهما عمل بردوا انسان الله يرحم موتانا بجد دى لمحه انسانيه

شفقة هانم واحسان بك يقول...

ايه الكلام الكبير ده يا سمو الاميرة ......بس مكنتش اعرف انك سياسية كمان
بس بجد البوست حلو وربنا يرحمه ويغفر له

kafrawy يقول...

صدام حسين

اخر الرجال المحترمين

أحمد سعيد بسيوني يقول...

رحمه الله
عاش مجرما
ومات بطلا

سمو الأميرة سارة يقول...

احمس : فعلاً بيتين الشعر دول أنسب حاجة تشرح الموقف

يااااااااااارب يرحمه ويغفرله وما يحصلش لأي حد عربي مسلم اللي حصل له

نورتني يا احمس

سمو الأميرة سارة يقول...

لاروز : هههههههههههه لأ في مدونتي مافيش حاجة في وقتها أبداً بس على فكرة انا كنت كاتبة مقال لما صدر الحكم باعدامه قبل تنفيذ الحكم كمان بس وقتها نشرته في المنتديات لأن ماكنتش لسة عملت المدونة

وكلامك مظبوووووط جداً كان حد عنده شخصية قوية وبيقدر ياخد موقف بس هو جنون العظمة ولعب الشياطين في دماغه هو كبوته

نورتينى ياقمر

سمو الأميرة سارة يقول...

محمد غاليا (( يارب اكون عرفت اكتب الاسم صح ))

يااااااااااااااااااارب اللهم امييييييييين

سمو الأميرة سارة يقول...

آبي : انا كنت متوقعة هجوم وردود أفعال قاسية ع البوست لأني عمري ما قابلت حد بيحبه ماتتخيليش يا آبي فرحت قد ايه لما لقيت الناس دى كلها بتحبه
ربنا يغفرله يااااااااااارب

سمو الأميرة سارة يقول...

غير معرف : من كلامك فهمت انك عراقي .. وانا بحب جداً العراقيين وبعتبر نفسي بنت الرافدين مع النيل طبعاً .. فبحييك جداً لأنك عراقي أولاً وثانياً لموقفك من صدام ومعاك حق فعلاً مافيش رئيس اتحرك وفكر أصلاً يقول لأ .. ومافيش حد فكر يقول لأ لاحتلال العراق .. حسبي الله ونعم الوكيل بجد

بالنسبة لكونه من أحفاد الرسول صلى الله عليه وسلم فمش متأكدة من المعلومة ياريت لو متأكد منها تقولي الدلائل

نورتنى جداً وشرفتنى واتمنى زيارتك تتكرر

سمو الأميرة سارة يقول...

وميض ابتسامة

معاك حق فعلاً لولا قبضته الحديدة كانت العراق زمانها عايشة في عصره زي ما هي دلوقتي في تشتت وفرقة وانقسام والعراقيين بيقتلوا في العراقيين

وفعلاً كلامك مظبوط في ان غروره أو جنون العظمة هو اللي وقعه .. ربنا يرحمه يارب ويغفر له
آمييييييييييييين يارب

سمو الأميرة سارة يقول...

رومانسي : فعلاً يا رومانسي انا من المصريين اللي بعشق تراب العراق لأني اتولدت فيها واهلي كانوا عايشين فيها وبابا اشتغل فيها وكانوا عايشين معززين مكرمين يمكن اكتر من مصر كمان للأسف .. وفعلاً بحسها بلدي وأمي زيها زي مصر وان كان البعد عنها مخلينى حاسة بحبها اكتر من مصر

ربنا يرحمه ويغفرله بحق حتى كرامة المصريين اللي كان محافظ عليها

سمو الأميرة سارة يقول...
أزال المؤلف هذا التعليق.
سمو الأميرة سارة يقول...

Al Azif

وعليكم السلام دا انت نورتني

ومش هتتقل عليا ولا حاجة دا انا اتمنى تخليك هنا على طول

ندخل في الموضوع

معاك حق فعلاً هو عمل كده بس تعالى كده فكر معايا

مين رئيس ولا ملك عربي ما عملش كده ؟؟

وابسط حاجة هنا في مصر

جمال عبد الناصر اللي الناس دايبة في دباديبه ياما اعتقل وياما قتل وياما امن الدولة هتك اعراض مناضلات بعلمه ؟؟

السادات للأسف اللي انا بعشقه بردو اعتقل وبردو عذب وأهان

ومبارك مش هتكلم لأننا مالحقناش ننسى يعنى اللي بيحصل

للأسف دي سمة غالبة في كل دولة

احنا نفسنا ممكن نغتال - معنوياً - اي حد بيعارضنا او بنكرهه وفي ناس بيتكلموا في اعراض بنات حرة بردو

كلنا نفس الشخص للأسف أو اغلبنا وان اختلفت درجة الطغيان

متفقة معاك اكيد في نقطة اعدامه

وفي الشبه بينه وبين الحجاج الثقفي .. فعلاً نفس الجبروت تقريباً
نورتني وشرفتنى واختلاف آرائنا اكييييد عمره ما هيخلي الود مفقود .. اتمنى تكرار الزيارة

سمو الأميرة سارة يقول...

غير معرف 2

الله عليك / عليكى

فعلاً مهما عمل دا انسان ومافيش حد عنده ذرة انسانية يقبل كده

سمو الأميرة سارة يقول...

شفقة ست الهوانم واحسان سيد البكوات .. احم احم احنا بتوع كله ههههههههههههههه

سمو الأميرة سارة يقول...

كفراوي : والله انت دمااااااااااااااغ

سمو الأميرة سارة يقول...

احمد سعيد بسيونى
مع احترامي لرأيك بس مافيش مجرم ربنا هيخليه يموت بطل .. اعتقد انه عمل اللي يستحق يكون بيه بطل في النهاية

المتابعون

اعتبرها بيتك ♥

وِش القفص

خليك ورايا

دليفري..