لعلمك

لعلمك

إقرأ لي

دخلوا بكليك شمال :D

Blog Archive

الأحد، نوفمبر 30، 2008

postheadericon والنبي سيبي ايده .. بس مش أوي


وانا رايحة
أقدم ف الكلية بابا أخدنى وركبنا قطر

- رغم اننا دايماً مش
بنركبه ورغم ان بابا عارف اني مش هركبه لما اجى اروح الكلية لأنه زحمة ومتعب ..
فاستغربت بس سكتت



المهم
واحنا ف القطر طبعاً ماكانش
في كراسي فاضية فوقفنا ، وف
عز الزحمة بابا سابنى ووقف بعيد وأنا ما اخدتش بالى انه عمل كده لأنه كان واقف ورايا
الا لما جه شوية شباب وزنقوا المكان وبدأت اتخنق
فاتديرت اقول لبابا نمشي من
هنا ما لقيتوش .. دورت بعينى
فلقيته بعيد


شاورت له اسأله راح شاورلى فيما معناه اعملى
اللى انتى عايزاه ،
كل دا وانا لسة مستغربة



بعدين روحنا الكلية فبابا قالى " هو انا هعملك كل حاجة
.
. روحي انتى اسألى
وادخلي لوحدك انا تعبت
"



وفعلا
بابا خلانى ادخل جوا لوحدي
وسألت وقدمت الورق وكده



بس
بصراحة كنت متضايقة ،، كنت فاكرة بابا مش عايز يعمل لى حاجة ومخنوق مني خاصة
انه ماكنش عايز يجي معايا وكان عايزني اروح لوحدى
بس انا ما رضيتش كنت خايفة



رغم
انى دايماً بسافر ولأماكن
أبعد من كده بس مش بسافر لوحدى



المهم
لما خرجت بابا سألنى عملتى ايه
فقولت له فقالى تمام بس كان ممكن تعملى
كذا وكذا فتخلصى بسرعة وكان ممكن تمشي من هنا او هنا وكده





اتخنقتوا صح ؟!!





وزمانكم
بتقولوا البت دى يا إما
مسطولة وعملت عنوان غلط ،، كان المفروض تكتب العنوان "
صفحة من مذكراتى

" يا إما بتعمل خودعة
وشكلنا هنضربها ..



حاااااااااالاً هقولكم العلاقة بين الحدوتة دى
وبين العنوان ..



القصة
وما فيها اني لما فكرت حسيت ان بابا ركبنى القطر لسببين :



الاولانى :
انى ممكن لأى ظرف وانا راجعة م الكلية اضطر اركب قطر ،، فاحتياطى
علشان اتعود عليه





التانى : ان القطر
بطبيعته الزحمة والخنقة هيخلينى
اتعلم ازاى اتصرف فى الزحمة



وما
ر
ضيش

يقولى اتاخرى بعيد عن الشباب
ولا لأ علشان يعودنى اخد القرار بنفسى وبسرعة



وف
الكلية سابنى اتعامل انا علشان مش معقول كل حاجة حد غيرى هيعملها لى
لازم انا اتعلم اتعامل مع العالم ..





وفى
الاخر سألنى عملتى ايه لما كنتى
((
حرة )) وماشية بدماغى .. عملت ايه وانا " لوحدى

" ماحدش يمشينى ولا بيقررلى ..




وقتها
بابا ساب ايدى بس ما سابش القطر
كلها .. دخلت الكلية لوحدى
وخلصت ورقى لنفسى بس كنت عارفة انه قريب منى لو احتست او احترت هلاقيه جنبى .. وفى الاخر
عرفنى الصح من الغلط فى اللى عملته .. بعد ماجربت وعرفت ..





ياااااااااااااريت كل اسرة تعمل كده .. تسيب ايد ابنها علشان يقدر يعتمد على
نفسه بس مش ترميه .. تمام زى ما نكون بنعلم طفل صغير المشى
.. لو فضلت ماسك ايده وانت
بتعلمه المشى هيفضل خايف يمشى لوحده ويعتمد على نفسه وحتى لو ما لاقاش حد جنبه بيدور على
كرسى او

ترابيزة
يتسند عليهم .. وانت
ما تضمنش الكرسى دا
متين ولا لأ

.
. ممكن ياخده

ويقع





وممكن
هو فى لحظة يحس انه زهق ونفسه يمشى لوحده
فيزق
ايدك
ويرفضها
بطريقة تجرحك لأنك خايف عليه وبتحبه



لما
نيجى نعلم طفل المشى صح لازم
نعرف اللحظة المناسبة اللى تسيب ايده فيها .. غلط اوى نتأخر لحظة او نسيبها بدرى لحظة


وبردو نبقى قريبين منه علشان اول ما نحس انه هيقع نلحقه ..


ولو
وقع ناخده ف حضننا ونطمنه
ونعرفه انه يقدر يقف من تانى وان الوقعة المفروض تعلمه
مش تخوفه ..


19 بوينتس أوف فيو:

احمس يقول...

حلو قوي اللمحة دي يا سارة وكويس انك ختي بالك منها وعرفتي قصد باباكي
عجبني العرض قوي وطريقة الربط اللي انتي عملتيها
شكرا ليكي

احمس

A . W يقول...

الله اخيرا انا اول واحدة اعلق على موضوعك .. هييييه هييييييييه ..
بجد كلامك خلاني ادمع يا سارة .. بجد المعاني دي جميلة قوي
قمة في الرقي .. ربنا يباركلك يا حبيبة قلبي .. مش عارفة والله اقول ايه .. نفسي كدا النونو بتاعي لما يجي
اعمل زي مانتي كاتبة كدا .. ياااااااارب ارزقنا كلنا ان شاء الله

شفقة هانم واحسان بك يقول...

ايه يا سورسارة البوست الجميل اللى مليان حكم ده؟؟
بجد برافو عليكى يا سارة قدرتى توعى الناس وتشرحى الموضوع بطريقة مبسطةوسهلة جدا
وياريت فعلا الاباء يتبعوا ده مع اولادهم
تحياتى ليكى

maha zein يقول...

ربنا يخليليك بابكي
بس ايه رأيك اتعلمتي حاجة فعلا؟
فعلا لازم فعلا الأسر تسيب اولادها يعتمدوا علي روحهم فعلا
وبشكل فعلا يحسسوهم انهم موثوق فيهم واد المسؤلية

محمود سعيد يقول...

لأول مرة آجى هنا بس أسلوبك سهل وجميل جداً

وعجبتنى جداً فكرة التدوينة

دعاء على يقول...

ربنا يخليكوا لبعض
بجد أسلوب جميل فى التربيه بس زى ما انتى قلتى :
نعرف اللحظة المناسبة اللى تسيب ايده فيها .. غلط اوى نتأخر لحظة او نسيبها بدرى لحظة

دى لب الموضوع زى ما بيقولوا (:
ربنا يوفقك فى حياتك و فكره البوست جميله بجد

دعاء على يقول...

بس تصدقى الواحد فهم العنوان غلط فى الأول
ههههههههههههههههههههههه

شبـــــــــــ اون لاين ـــــــاب يقول...

اولا البوست بتاعك هايل بجد انا معاكى ان الاهل لازم يجى الوقت ويسيبوا ايد اولادهم ويخليهم يعتمدوا على انفسهم بس لازم يكون الاولاد كمان عايزين يعتمدوا على نفسهم بس اهم حاجة الثقة مابينا ومابين اهلنا ونكون كمان اد الثقه دى.

تحياتى
باربى

sayed selim يقول...

قمة الحكمة و الاحكم منه انك تسييب ولد في تالتة اعدادي يروح يعمل اختبارات الثانوية الجوية لوحدة لمدة اسبوعيين يروح لوحدة و يرجع لوحدة من العريش للقاهرة. ودا كان قمة التعذيب اللي حصالي قال اية عشان تبقي راجل. اسمحيلي اختلف معاكي ما فيش اجمل من انك تعتمد علي الاخريين اصلي تعبت من المسؤليات

~*§¦§ Appy §¦§*~ يقول...

بابا اتصرف صح وكويس انك اتعلمتى الدرس

سمو الأميرة سارة يقول...

أحمس
عارف يا أحمس انا مافهمتش الا السنة دى
لما قعدت افكر كده واتأمل في الموقف فاستنتجت كده
فياريت كل واحد فينا يحاول يقف شوية مع نفسه
ويفكر في المواقف اللي الناس اللي حواليه بيعملوها
وصدقنى هيكتشف مفاجآت

سمو الأميرة سارة يقول...

A . W
ههههههههههههه معلش بقى تتعوض
مش أول واحدة .. بس انتى أول واحدة تعليق التعليق دا كل حد عندى هو اول حد طول ما بيقول حاجة متميزة ومختلفة
انا حسيت من كلامك انك في نونو في الطريق
يااااااااااااااااااااااااااااارب يبارك فيه ويجي ينورنا بالسلامة

سمو الأميرة سارة يقول...

شفقة هانم واحسان بك
تسلمولي يااارب
مبسوطة أوي ان الفكرة وضحت
والكل فهم انا عايزة اقول ايه
في امل يا ناااااس اذاكر لولادى ههههههههه
نورتونى بجد

سمو الأميرة سارة يقول...

مها زين
انا فعلا اتعلمت بس تعرفي يا مها
نفسي الأهل لو حسوا ابنهم ما فهمش قصدهم
يقولوا له احنا كان قصدنا كذا وكذا علشان في حاجات كتييييير اوى مش بنقدر نفهم ايه حكمة اهلنا منها فيا بنعملها من غير اقتناع
يا ما بنعملهاش
يابنزعل انهم عملوها
والطرفين هنا معاهم حق
فلازم الاهل يوضحوا لأولادهم وجهة نظرهم بعد ما يعملوا موقف معين

سمو الأميرة سارة يقول...

محمود سعيد
ميرسي جداً ليك يا محمود
نووووووورتني
ويارب دايما منورني

سمو الأميرة سارة يقول...

دعاء علي
ههههههههههههههه بصراحة انا اتعمدت اعمل العنوان كده
علشان الناس تفهم غلط وتيجي ههههههههههه
سوسة انا معلش

سمو الأميرة سارة يقول...

باربي
مظبوووووط جداً يا باربي
لازم الاهل يثقوا في اولادهم ولازم يربوا اولادهم صح بحيث يحسوا يعنى ايه معنى الثقة دى وازاي يكونوا قدها

سمو الأميرة سارة يقول...

سيد سليم
بصراحة مش متفقة معاك
انا طول عمري لحد ما دخلت كلية كنت بعتمد
على اخواتي او ماما وبابا لأني اخر العنقود
ماكنتش حاسة اني ليا قيمة
حسيت بجد بقيمتى لما بدأت انا اقدر اعتمد على نفسى
واساعد غيرى كمان
بس فعلاً اهلك استعجلوا اوي
ما عرفوش اللحظة المناسبة اللي المفروض يسيبوا ايدك فيها
علشان كده تعبت

سمو الأميرة سارة يقول...

امبراطورتنا الجميلة آبي
نوووووووورتيني يا قمر

المتابعون

اعتبرها بيتك ♥

وِش القفص

خليك ورايا

دليفري..