2008-12-02

هقولهالك في وشك .. انا مش عايزة اغشك .. بصراحة مش طايقاك

طول حياتي بعاني من مشكلة اني
ذوق



- دا غير اني متواضعة ههههههههههههههه - لأ بجد دايماً مش بحب احرج حد



- حتى
لو مش بحبه
- ومش بقدر غير اني
ابتسم في وش اللي قدامي مدام جاي يسلم عليا



حتى لو كنت متأكدة انه منافق ومن جواه مش طايقني



وفعلاً قدام الابتسامة بتاعة
اللي قدامي بنسى كل حاجة وحشة عملها أو كل حاجة بتضايقني فيه



وبسلم بجد وانا قلبي صافي .. دا بيخلي
بعض الناس تفتكرني منافقة لأنها عارفة اني مش بحب



فلانة مثلاً ورغم كده



لما تيجي ببتسم
في وشها وبقابلها حلو .. وطبعاً دي مشكلة



تاني مشكلة ان بجد الموضوع دا بيضغط على اعصابي أوي لدرجة انى بوصل أحياناً



لمرحلة اني مش طايقة اشوف حد



و دايماً بفتكر
أغنية كاظم "
حوار مع
النفس
" لما باجي
اسلم على حد مش طايقاه ..



خاصة المقطع اللي بيقول



ما بال بعض الناس صاروا ابحراً



يخفون تحت الحب حقد الحاقدين



يتقابلون بأذرعٍ مفتوحة



والكره فيهم قد أطل من العيون



ياليت بين يديا مرآة ترى



مافي قلوب الناس من أمرٍ دفين





ووصلت لمرحلة اني ببقى قرفانة فعلاً وانا بسلم على نفس الناس كل يوم



وانا عارفة ومتأكدة ان دي مثلاً بتكرهني



ودي بتقول عليا رخمة



ودي بتقول عليا طالعة فيها



ودي بقى بتألف عني مواووويل





فجأة حسيت اني نفسي اطلع برا ارض النفاق دي



حسيت اني نفسي يوم كده اصحى من النوم واجي اخرج



اللي اسلم عليها بس هي اللي
فعلاً وحشتني



اللي اكون بجد من قلبي بحبها



بحبها بعيوبها ومميزاتها .. هي
دي اللى لما تتدير مش هقول



" اووووووف يا ساتر اخيراً مشيت "



هي دي اللي لما امشي عارفة انها
مش هتقول عني غير كل خير





حسيت اني نفسي كل ما واحدة بتكرهني أو بكرهها أو بتضايقني في
حاجات كتير أقولها



بصراحة مش عايزة اسلم عليكي



لأني متضايقة منك في كذا وكذا وكذا .. أو قلبي مش صافي من
ناحيتك لأني



وصلني انك قولتي عني كذا وكذا
وكذا



وانا مش عايزة اكون منافقة





نفسي اواجه الناس علشان احس اني
ماشية صح .. عايشة في حياتي



وانا واثقة ان اللي حواليا دول



لو قالولي كملي انتي ماشية صح يبقى فعلاً انا
ماشية صح مش هم بيهاودوني وخلاص



لو قالولي لأ انتي غلط ابقى
واثقة ان دا رأيهم بجد علشان مصلحتي مش علشان حاجة تانية





بس اكتشفت اني لو عملت كده هيتقال عليا



متكبرة ومغرورة وطالعة فيها ومعندهاش
ريحة الذوق



و بتحدف طوب وواخدة قلم في نفسها و .............
الخ الخ



اكتشفت اني علشان اعمل كده لازم اعيش في
المدينة الفاضلة :(



هناك 4 تعليقات:

  1. كأنكِ تكتبيني :)

    ردحذف
  2. دا شرف كبير ليا انى اقدر اعبر عن حد اوى كده بفرح اوووووى ميرسى جدا

    ردحذف
  3. المشكلة لما تكوني زي حالاتي أي حاجة تظهر على وجهي فوراٌ
    يعني لو قابلت حد مش مستريح له وكان لازم أسلم عليه يبان على وشي إني متضايق
    عموماٌ الصراحة في المشاعر والأفعال مفيش أفضل منها ... مجرد رأي

    ردحذف
  4. كأنك تكتبين سيناريو لحاور ساخن و مستمر بيني وبين نفسي في خلوتي!(يمكن لاننا نفس البرج).فعلا..شكرا جزيلا..كم كنت محتاج لتلك الكلمات لتعيد لي ايماني بنفسي .

    أنت قولتي فعلا ما أريد فعله تلك الايام"فجأة حسيت اني نفسي اطلع برا ارض النفاق دي"..حاسس اني بنافق نفسي وعاوز اعيشها زي ما هي!..بحاول اتمني اوصل للراحه اللي هيه بالاساس المصالحه مع النفس..
    دي اول زيارة للبلوج ده..حسيت بجد بروح متحرره ومنطلقه..فعلا روح بنوته بس مش لاسعه..روح جميله تستحق المتابعه.انا اعطيت نظره سريعه علي البلوج..اسلوبك بسيط بس بيحمل معاني جميله.
    كل اللي اقدر اقوله ليكي انك لازم تستمري علي روحك الجميله دي.

    ردحذف

Say something...