2008-12-06

أنا ايام زماااااااااااان



لما بقعد افتكر نفسي وانا صغيرة بستغربني اوووووووووووي


كنت مصيييييييييييييبة زماااااااان
واحياناً بحس اني كنت مستفزة
كمان


كنت كائن غريب كده منطوية اوووووووى وكئيبة جدااااااً وساكتة دايماً وكان عندى تعبيرات وتصرفات غريبة اوى


مثلاً
وانا لسة ماكملتش 6 سنين



كنت
قالبة على صبياني اوى



احب اوى العب العاب الولاد واشتري لعبهم

وكنت مهووسة بسوبر مان والحاجات دى
ودايما اربط طرحة طويييييييييلة
من بتوع ماما على ضهرى


وانط
من فوق السرير هههههههههههههه


وكنت
صديقة البيئة .. لما يجي
الصيف دايماً تلاقينى بدور ع
القطط الشوارعية واحاول العب
معاه





وبموت
في الضفادع و وصلت بيا لحد القنفد
شفت منه واحد حاولت امسكه





و كنت مش بحب اسرح شعري أبداً

علشان ما كنتش بعرف اسرحه لنفسي علشان مش بطول وكانت ماما دايما

لما تيجي تسرحهولي تخلينى اقعد ثابتة وانا مش بعرف اقعد ثابتة اكتر من دقيقة

فكنت بتخنق اوى

فخليتهم يقصوا لي شعري كاريه علشان اعرف اسرحه لنفسي
و أيام ابتدائي .. كان في مدرس عندى
يتشل منى اوى ويتغاظ لما يقومنى اجاوب ولا حاجة وانا اقوم افرك في عينى من تحت النضارة





بجد
لما بفتكر منظري بقول ليه حق يتشل
اكييييييييد شكلي كنت سخيفة





لكن
والله الحكاية كلها انى من النوع الخجول





فلما
برتبك بحاول اطلع الارتباك دا
في اي حركة





فكنت
بلاقي النضارة اقرب حاجة لايدى
اقعد امسكها او افرك في عينى





وفي
اعدادي كنت كئيييييييييييييييبة
جداً وكنت دايماً بعيط





علشان
كنت في الوقت دا متعلقة بالقطط بتاعتي
اووووووووووووووى وكل سنة تقريباً بتموت
واحدة منهم كل ما اتعلق بيها





فكنت
دايماً لما اقعد مع نفسي اعيط
وافتكرهم





وكنت
بكتبلهم جوابات -
وهم
ميتين ، دا بغض النظر عن انهم قطط اصلا
-
واقعد اشتكي لهم من اي حاجة مضايقاني





وكنت
عندى عادة غريبة اوى كنت
بكتب دايماً بالمشقلب لما اجي اكتب حاجة مش عايزة حد يقراها





يعنى
علشان تقرا الكلام لازم تحطه قدام مراية





وكنت
بكتب في اى حتة بقى





كشاكيل
المدرسة ، الكتب ، اي ورقة





ولحد
دلوقتى لسة عندى الورق دا





في
ثانوي بقى كنت غبية غبية يعنى





كان
عندى ضحكة متخلفة كده لما بفتكرها
دلوقتي بتكسف اووووووووووووووووي بجد





ضحكة
متخلفة كده ما تعرفش انا كنت
بضحك ولا بكتم الضحكة





وكنت
بمشى بسررررررررررررررعة
جداً وانا باصة للأرض





زي
ما كون بحاول اعد البلاط كام بلاطة ههههههههههه





دلوقتي اتغيرت كتيييييييير اوي





بقيت
اجتماعية اوووووي بقيت دايماً
اميل للضحك والتريأة حتى في
عز زعلي ،
وبحاول قدر الامكان اكون جريئة





دلوقتي
بقيت بضحك ضحكة عبيطة اي نعم
بس ضحكة .. مش بكتم ضحكتى واخبيها





بس
دلوقتي انا تعباااااااااااانة اوي عن زمان





وحاسة
ان الحزن في قلب قلبي اضعاف اضعاف زمان





وكتير
بحس اني عاملة زي ما اكون بركان متغطي بطبقة من التلج





الحاجات
الوحيدة المشتركة بين سارة بتاعة زمان وسارة بتاعة دلوقتي





هي
اني لسة زي
ما انا عيلة اوي





اقل
حاجة تفرحنى واقل حاجة تزعلني





اني
متقلبة أووووووووووي بطريقة بترهقني
انا





اني
مش حاسة بأمان





اني
بخاف اوي من بكرة





اني
بحب الدنيا اووووووووووووووووووووي





اني
بخاف اوي من الموت





اني
لو حد عزيز عليا كان تعبان دا بيتعبني
اكتر ما اكون انا تعبانة







هناك 11 تعليقًا:

  1. أسلوب بسيط و شيق يا بنوتة يا لاسعة :)

    لا بجد تنفعى تبقى صحفية شاطرة

    بس أغلب الحاجات دى كنا بنعملها واحنا صغيرين مع الاختلاف فى بعضها

    مش معقول عايزة تبفى سارة بتاعة زمان صعب اوى

    نصيحة:

    متحبيش الدنيا أوى

    ومتخافيش من الموت اوى

    و كل سنة وانت طيبة يا سارة

    ردحذف
  2. أجمل ما فى الحياة ...
    الذكريات السعيده، اللى الواحد يفتكرها فى اشد المحن فتنورلوا طريق الخروج من كبواته اللى مهما طالت اكيد ليها نهايه..
    فتمتعى بالحياة وحوشى ذكريات سعيده..

    ردحذف
  3. دانتى كنتى مصيبه وانتى صغيرة
    عموما عايز اقولك حاجه
    بلاش تدى الحزن فرصه يتملك منك
    فكرى دايما فى نص الكوبايه المليان
    صدقينى الدنيا فيها حاجات كويسه وحاجات وحشه والمتفائل هوا اللى بيخليه فى الحاجات الكويسه ويسيبه من الحاجات الوحشه
    كل سنه وانتى طيبه
    وربنا يكرمك بكل حاجه حلوة

    ردحذف
  4. كل سن و ليه حلاوته

    بكره كمان 10 سنين يبقى فى ساره تانيه جديده

    و كل واحده فيهم فيها الحلو و اللى مش اوى

    بس اهم حاجه انها انتى

    على طبيعتك مهما كانت

    ردحذف
  5. عارفة اجمل حاجة فيك ايه؟
    انك انسانة صريحة جدا مع نفسك ومع الآخرين ..
    وانك حساسة جدا .. وحكاية الحساسية دى بالذات لازم تتخلصى منها فى اقرب فرصة ...

    ذكرياتك جميلة .. صادقة .. اضحكتنى .. واحببتها

    مرة اخرى كل سنة انت واسرتك بخير وسعادة واتمنى لك دوام التألق ..

    ردحذف
  6. الاميره الجميله
    اولا كل سنه وانتى طيبه
    عيد سعيد عليكى
    وعلى كل المسلمين

    ثانيا
    انتى زمان كنتى جميله
    بصفاتك
    ودلوقتى احلى بكتير
    ياريت تضحكى زى مانت
    ضحكه اى ضحكه
    مش مهم الاسم
    بس لما تضحكى
    وتبقى جريئه
    اكيد فيه حاجات كتير هتتغير

    كل سنه وانتى طيبه

    ردحذف
  7. ان شاء الله ياحبيبتى ربنا هيبعد عنك الحزن وترجعلك ابتسامتك لو فكرتى مع نفسك هتلاقى مفيش حاجة ولا اى حد يستاهل توكلى على ربنا وهو ان شاء الله معاكى ويوصلك للى شيفة خير ليكى
    كل سنه وانتى طيبة ياقمرى وان شاء الله يبقى احلى عيد عليكى

    ردحذف
  8. ماااااااااااااء مااااااااااااااء
    مااااااااااااء مااااااااااااااااااااااء ماااااااااااااااااااااااااء


    عيد سعيد
    وكل عيد اضحى وانت بخير
    وان شاء الله العام القادم على عرفات متجمعين

    ردحذف
  9. ساره متزعليش نفسك
    ولو بتحسى انك زعلانه ومخنوقه
    اكتبى كل اللى مزعلك فى ورقه وبعد كده احرقيها
    صديقينى الطريقه دى بتجيب نتيجه او اتكلمى عن كل اللى جواكى بصراحه حتى لو مع قططت
    وياريت وانتى بتقرى كلامى متدعكيش فىعنيكى
    اه
    بصى يا ستى انا عمله هنا مدونه ومحتاسه فيها ياريت تدخلى وتساعدينى اوك

    ردحذف

Say something...