لعلمك

لعلمك

إقرأ لي

دخلوا بكليك شمال :D

Blog Archive

الاثنين، ديسمبر 15، 2008

postheadericon في البهائية .. كله إيزي يا عزيزي


طبعاً احنا عارفين ان في الفترة الأخيرة حصلت ضجة كبيرة أوي علشان في كذا كائن انتقلوا للديانة البهائية و آل ايه عايزينها تنزل في البطاقة زيها زي الديانات السماوية فقررت اعرف عنها شوية .. وقريت فعلاً عنها واتغظت وقررت اكتب الموضوع دابس للأسف انشغلت وكسلت وحاجات كتير فاتأجل الموضوع لحد النهاردة
الحكاية وما فيها اني لما قريت عن العقيدة البهائية دي لفت نظري أوي حاجة - بغض النظر عن باقي العك اللي عندهم - ان الدنيا ايزيييي أوي عندهم
يعني مثلاً : الصلاة والصوم يعفى منها المكسل !! طب ومين بقى هيصلي ؟!! ماهو هيبرطع ويقول .. معلش اصلي مكسل . مكسل ؟!! يادي النيلة ؟ هو لو الصلاة او الصوم عندهم ليه فايدة بالذمة كان بقى كده بمزاج سيادتهم ؟!!ولا هم شغالين بمبدأ اللي بياكل على ضرسه بينفع نفسه ؟!! ممكن بردو

انا عارفة ان اغلب الناس اللي بتقرا دلوقتي عارفة عن البهائية شوية أو كتير بس عارفةبس بردو يمكن يكون حد ما يعرفشوبدل ما يدور برا انا هقول ملخص بسيط لحدوتة البهائيين دول
بيقولك يا سيدى الحركة دى اللي بدعها كائن اسمه " علي محمد الشيرازي " البيه بسلامته كان من ايران ، واتبلت الدنيا بيه سنة 1819 ، الكائن دا سمى نفسه الباب وقد يقول في كل حتة ان الاسلام راحت عليه - استغفر الله العظيم طبعاً - وان هو بسلامته نزل بالدين الجديد وهو الباب المؤدي الى حضرة الامام الموعود ، وشوية قال على نفسه النقطة - اللي بيدعوا انها أول هيكل يتجسد ظهور الله فيه - استغفر الله العظيم طبعاً
المهم الحلو دا سمع وصيته ذاع فراح حاكم " شيراز " أمر بإعتقاله ، وزي أي عيل .. الباب رجع في كلامه مع أول قلم وقال انه بريء وانه مسلم وطلع على المنبر واعلن توبته وانه مش كده خالص
لا باب ولا محصل حتى لوح خشب
وزي أي عيل رجع تاني لحدوتة الباب ، فحاكم شيراز أمر بسجنه ، الحلو كان مشرف السجن في نفس الوقت اللي أتباعه كانوا شغالين
وعملوا مؤتمر في بلد فارسية اسمها " دشت " في المؤتمر دا الحلوين دعوا الناس انهم يسمعوا البشاير اللي جابها الامام المنتظر
واللي اعلنته اشاعرة شايفة نفسها حبتين علشان بيقولوا عليها حلوة ، اسمها " قرة العين "
الحلوة قالت فيما معناه : ان من النهارده - على ايامها بقى - خلاص احكام الشريعة الاسلامية نسخت بظهور اللوح - يووووه قصدي الباب - وان من دلوقتي كله ايزي يا عزيزي
ما تشغلوش بالكم لا بصلاة ولا زكاة ولا صوم ، والكلام دا كله " لغو وفعل باطل ولا يعمل بها بعد الآن الا كل غافل وجاهل "وان مولاهم الباب هيفتح البلاااااااااد ويسخر العبااااد وهتخضع ليه الأقاليم السبعة - القارات يعني - وهيوحد كل الأديان ومش هيبقى موجود ع الارض غير دينه الجديد وكملت الحلوة وقالت بالنص
" .... فبناء على ذلك وقولى هو الحق لا أمر اليوم ولا تكليف ولا نهي ولا تعنيف وإنا نحن الآن في زمن الفترة فاخرجوا من الوحدة إلى الكثرة ومزقوا الحجاب بينكم وبين نسائكم بأن تشاركوهن بالأعمالوتقاسموهن بالأفعال وأخرجوهن من الخلوة إلى الجلوة فما هن الا زهرة الحياة الدنيا وإن الزهرة لابد من قطفها وشمها لأنها خلقت للضم وللشم فالزهرة تُجنَى وتُقطَف وللأحباب تُهدى وتُتحف . وأما ادخار المال عند احدكم وحرمان غيركم من التمتع به والاستعمال فهو أصل كل وزر وأساس كل وبال ، ساووا فقيركم بغنيكم ولا تحجبوا حلائلكم عن احبابكم إذ لا ردع الآن ولا حد ولا منع ولا تكليف ولا صد .. فخذوا حظكم من هذه الحياة . فلاشيء بعد الممات "
طبعاً استغفر الله العظيم من كمية الكفر دي بس عندي كام تعليق على كلام الحلوة " قرة العين "
أولاً : " مولانا الباب سيفتح البلاد ويسخر العباد وستخضع له الأقاليم السبعة المسكونة وسيوحد الأديان الموجودة على وجه البسيطة حتى لا يبقى الا دين واحد هو دينه الجديد "
طبعاً الكلام دا واضح منه ان اللي بيدعوا انه دين جديد هو مش اكتر من دعوة بربرية همجية ، كل هدفها النفوذ والسلطة وكمان واضح خطر الدعوة دي على كل الأديان مش الاسلام بس

ثانياً : " مزقوا الحجاب بينكم وبين نسائكم بأن تشاركوهن بالأعمالوتقاسموهن بالأفعال وأخرجوهن من الخلوة إلى الجلوة فما هن الا زهرة الحياة الدنيا وإن الزهرة لابد من قطفها وشمها لأنها خلقت للضم وللشم فالزهرة تُجنَى وتُقطَف وللأحباب تُهدى وتُتحف "
واضح جداً انها دعوة للحياة زي " البهائم " واعذروني في الوصف بس فعلاً مافيش وصف غير كده
ست الحلوات اللي معتقدة ان الدعوة دى هتيجي على هوا الستات وانها جابت لهم النجدة والانقاذ بقى من الحجاب - من وجهة نظرها -ماتعرفش انها بكلامها دا رخصت المرأة أووووووي
حولتها من جوهرة مكنونة لسلعة تتهدى وتتباع و تتقطف ماتعرفش حضرتها ان لو حد بيحب الزهرة فعلاً بسيبها في مكانها لأن قطفها بيخليها تدبل وتموت ؟!!

ثالثاً : " وأما ادخار المال عند احدكم وحرمان غيركم من التمتع به والاستعمال فهو أصل كل وزر وأساس كل وبال ، ساووا فقيركم بغنيكم ولا تحجبوا حلائلكم عن احبابكم إذ لا ردع الآن ولا حد ولا منع ولا تكليف ولا صد .. فخذوا حظكم من هذه الحياة . فلاشيء بعد الممات "
حضرتها نسيت انها في اول الخطبة امرت الناس انها ماتزكيش فمنين بقى تلغى حاجة في الاول وتأمر بيها في الاخر ؟؟وكمان هي طبعاً بما انها كافرة عمرها ما فكرت في حكمة ربنا من انه جعل المجتمع طبقات ، واكبر مثال على فشل النظام اللي هي بتدعى ليه دا الاتحاد السوفيتي
(( على فكرة روسيا كانت بتدعم البهائية وهي اللي ساندتهم في انقلابهم على حاكم ايران اللي هحكي عنه بعد شوية ))
المهم نرجع لكلام الحلوة " قرة العين " المخزوقة الست هانم افتت ان الست ممكن تتجوز 9 رجالة ..
مش عارفة اشمعنى تسعة طب ما تقفلهم دستة بالمرة ؟!!

المهم بقى نرجع للحكاية ، بعد وفاة الملك " محمد شاه " جه بعديه على عرش ايران " ناصر الدين شاه "
فاتباع اللوح شافوا ان الفرصة جاتلهم على طبق من دهب علشان ياخدوا الحكم بس فشلوا وطارت رقبة الموعلم الشيرازي
بعد ما اُعدم اتقسم اتباعه لـ 4 فرق
حبة تبع " صبح الأزل " المسخوط الصغير اخو بهاء الله ابن الشيرازي
وشوية تبع " بهاء الله " البكري بتاع الشيرازي
وشوية تبع " الأسد التبريزي " وشوية فضلت تابعة للشيرازي اللي اتكل

المهم الموعلم البكري " بهاء الله " قتل الاسد التبريزي وكذب اخواته واعلن نفسه خليفة للباب .

نيجي بقى للجزء اللي يشل ويعل
وهو احكام البهائية

1 / الصلاة
الصلوات عندهم 3 صبح وعصر ومغرب
كل صلاة منهم 3 ركعات ولو صليت واحدة ممكن ما تصليش الباقي ولو مكسل تعفى من الصلاة كمان
ومافيش صلاة للجماعة الا على الميت والقبلة هي بيت البهاء او قبره

2 / الصيام
الصيام 19 يوم من الفجر للمغرب واللي يصوم يصوم عن الأكل والشرب لكن مباح ليه انه يباشر زوجته ويعفى من الصيام الحامل والمريض والمسافر والمكسل !!

3 / الزكاة خُمس اللي بتملكه وبترفع سنوياً للمجلس الأعلى للبابيين مش عارفة اشمعنى دى ما قالوش يعفى منها المكسل او اللي مستخسر ؟!!!

4 / الحج يا اما تحج لبيت النقطة " شيراز " في ايران يا تحج لبيت البهاء " في بغداد "
هههههههههههه والله المفروض يسموها البهائية اوبشنز هههههههههههه

والبهائية لا تسمح للرجل بالتعدد لأكتر من زوجتين بس اباحت ان الاخ يتجوز اخته ايزززززززززي بقى

و الى هنا عزيزي القارئ نكتفي بهذا القدر من المعلومات عن البهائية حرصاً على ضغطك ودمك واعصابك وشكراااااااااااً

27 بوينتس أوف فيو:

و القادم....أجمل يقول...

يا ما شاء الله
اييييييزززززززي
الحمدلله على نعمة الإسلام
---------
توشكر يا قمر على المعلومات
ربنا يوفقك
;)

Ahmed Al-Sabbagh يقول...

أشكرك على المعلومات القيمة
وان كنت اختلف معكى فى طريقة التناول
فدينا أمرنا الا نسب ولا نستهزئ بأصحاب الديانات الاخرى
والسبب ببساطة ان صاحب الدين الاخر قادر على التفرغ للاستهزاء بديننا ورموزه
واذا تفرغت انا وتفرغ هو كل منا للاستهزاء بدين الاخر تحولت الارض الى غابة
طب والحل ؟؟
الحل الامثل ان يترك كل واحد الاخر ليمارس مايراه وليكن الدين هو علاقة الانسان بربه وما يتبعها من علاقة الانسان بأخية الانسان
اللى عايز يعبد حاجة يعبدها
بشرط انه ما يجيش يضرنى ويأذينى تحت مسمى دينى
اما بقى بخصوص منطقية الدين من عدمة
فأيضا ما يراه المسلمين غريبا فى البهائية و يرى بعض الاديان الاخرى اشياءا غريبة فى الاسلام وهكذا
فان الحل الامثل المطلوب من الكل هو القراءة العلمية المتأنية بدون سخرية
وزى ما بيقولك مفيش حد عبيط فى الزمن ده
احييكى وأشكرك

mohamed ghalia يقول...

كله بتنجان ياحبيبى
سمك لبن تمر هندى
كل واحد مش لاقى حاجة يعملها يألفلنا تأليفة
بس إنها توصل لتعاليم دين تبقى وسعت قوى
ربنا يهديهم أو يخدهم
موضوع هايل
دمتى بحفظ الله

انا حره يقول...

ههههههههههه حلوه اوى حكايه البهائيه اوبشنز دى

أم يــــــــوســـــــف يقول...

لا حول ولا قوة الا بالله

ربنا يهديهم

و بجد يا سمو الاميرة

مدونتك رائعه تصميمها راااااااااائع جدااااا

اتمني انك تزوريني

~*§¦§ Appy §¦§*~ يقول...

كرهتينى فى القطط الشيرازى يا شيخه

~*§¦§ Appy §¦§*~ يقول...

معلش رد للصباغ
ديانه ايه يا صباغ اللى اخرى
هى دى ديانه هو انت اعترفت بها انها ديانه اصلا خلاص وسلمت
طيب والله كويس

~*§¦§ Appy §¦§*~ يقول...

استنى استنى رد كمان لاحمد


الديانات هى الاسلاميه
والمسيحيه واليهوديه ودول اسمهم اصحاب الكتاب ودول اللى ذكروا فى القرآن البهائيه امتى طلعت دين ولا اى حاجه تانيه
ساره سورى بس بجد كده كتير عليا ومش نافع اسكت
احمد اتحمل اذا كنت هترجع تانى وتقرا الردود بقى منى

~*§¦§ Appy §¦§*~ يقول...

سارة معلش



احمممممممممممممد
روح اقرى القرآن والدين كويس وانت تفهم قصدى

الطائر الحزين يقول...

يا ناس
دين الله واحد من لدن أدم الى قيام الساعه هو الاسلام

ان الدين عند الله الاسلام

البهائية ليست ديانة ولا لها كتاب انها مذهب ضال بدعى هذا رد على الاخ اللى بيقول لكم دينكم ولى دين هو اصلا مش دين والدين هنا بمعنى الطريقة يعنى ندعوهم وان رفضوا نقول لهم دى طيرقتكم ودى طريقتنا

حفظنا الله واياكم

سمو الأميرة سارة يقول...

حبيبتى ولاء .. اجمل قادم ,,
فعلا الحمد لله على نعمة الاسلام والعقل والله

نورتيني يا سكراية

سمو الأميرة سارة يقول...

احمد الصباغ .. يا خااااااااال دي مش ديانة .. احنا ديننا بيأمرنا نحترم الديانات السماوية المسيحية واليهودية ، وبعدين دول اصلاً عايزين يقيموا دعوتهم دي على انقاض الاسلام - طبعاً دا بعينهم - وبالنسبة لنقطة ان اللي احنا شايفينه غريب عندهم هم بردو ممكن يشوفوه غريب عندنا فانا مع كامل احترامي لرأيك اختلف معاك في كده ، أي حد من اي ديانة وعنده عقل بتعجبه سماحة عباداتنا وديننا وشعائرنا وبعدين دول بيعملوا حاجات غريبة وشاذة مش حاجة مقبولة بأي منطق ولا عقل

نووووووورتني يا خال

سمو الأميرة سارة يقول...

محمد غالية ,, الله ينور عليك .. سمك لبن تمر هندي .. ربنا يهديهم ويردهم لعقلهم يارب نووووووورتني

سمو الأميرة سارة يقول...

أنا حرة .. هههههههههههه غلبوا اتصالات ههههههههه

سمو الأميرة سارة يقول...

أم يوسف تسلميلى يا جميل ويسلملي ذوقك .. مدونتك اروع ومحتواها اجمل كمان

سمو الأميرة سارة يقول...

آبي .. ههههههههههههه الحمد لله انا مكنتش بحبهم انا بحب القطط البلدييي
والبيت بيتك يا قمر انتى والصباغ وكل الناس خدوا راحتكوا والله انا بنبسط لما الاقي في نقاش على التعليقات كمان مش مجرد ردود ع البوست وبس

سمو الأميرة سارة يقول...

الطائر الحزين .. جزاك الله خير على التوضيح دا خاصة تفسير دينكم في الآية شكراً جداً ربنا يكرمك

خمسة فضفضة يقول...

السلام عليكم ورحمة الله وبركاته

ههههههههههههه

والله العظيم انا مت علي نفسي من الضحك علي حكاية المكسل دي ولسه لحد حالا عماله اضحك

اول مره اقرا تناول ظريف وساخر كده عن البهائيه

ههههههه

الله يهدينا ويهدي الجميع

سلام

غير معرف يقول...

شكرا على تعرفينا أكثر على البهائمية. أقصد البهائية . ربنا ينتقم من كل ذي بدعة ضالة أمثالهم

مجدي طه

مجدي طه أحمد يقول...

شكرا على تعريفنا أكتر بالبهائمية أقصد .. البهائية . عافانا الله مما ابتلاهم به من ضلال

حسام شعبان يقول...

طب ما تيجوا نتكلم بصراحة بقي
يعني هو في أصلا دلوقتي دين صحيح غير الإسلام. يبقي بقي احنا دلوقتي نروح نرفض ان يبقي في دين مسيحي ويهودي عشان هما محرفين.
يا جماعة احنا مش عايزين نقعد نشغل نفسنا بالحاجات دي لإنها مش هتفيدنا بحاجة. ايه المشكلة يعني لما يخلي البهائية دين. والناس هية اللي تختار بدماغها. مفيش حد واصي علي حد.
اللي عايز يعمل حاجة يعملها هو حر.
http://mywnazar.blogspot.com/

حسام شعبان يقول...

يا ريت بعد إذنك تبقي تشوفي المدونة بتاعتي وتقوليلي ايه رأيك فيها.
أنا لسة جديد في التدوين ومش عارف فيه حاجة بصراحة.
ومش عارف اللي بعمله ده صح ولا غلط.
يا ريت تبقي تقوليلي وجهة نظرك وتساعديني.
شكرا
http://mywnazar.blogspot.com/

~*§¦§ Appy §¦§*~ يقول...

استاذ حسام
كلمه ممكن تخرجك عن الملهيا ريت تقري ردي ورد الطائر الحزين علشان تفهم بس وعلى فكره ديانه يعنى
ذكرت الانجيل قالعن سيدنا محمد واليهوديه انما الهائيه حضرتك يعنى من الاسلام ومحرفينه ترضي حد ياخد كلام انت عامله ويحرفه اسفه على التشبيه بس علشان الناس تفهم انا اقصد ايه بس

يا دي الليله يا ساره معلش الموضوع مستفذني من امبارح يا بنتى والله اصلى مش بحب كده بقى وكل حد يعمل نفسه يتقبل الاخر اه نتقبله لو فى الصح

سمو الأميرة سارة يقول...

خمسة فضفضة
تسلمييييلى يا جميل سعيدة جداً ان اسلوبي عجبك يا قمر
وياااااااااااارب يهديهم ويهدينا كلنا يااااارب

سمو الأميرة سارة يقول...

مجدي طه .. منور يا ابو الامجاد وياااااااااارب يسمع منك اللهم اميييييييييين

سمو الأميرة سارة يقول...

حسام شعبان .. كنت هرد بس آبي كفت ووفت وبصراحة ردت رد احسن من اللي كان في بالي كمان .. نووووووورتني

سمو الأميرة سارة يقول...

آبي حبيبة قلبي .. كفيتي ووفيتى بجد في الرد ، روووووقي اعصابك يا جميل

المتابعون

اعتبرها بيتك ♥

وِش القفص

خليك ورايا

دليفري..