لعلمك

لعلمك

إقرأ لي

دخلوا بكليك شمال :D

Blog Archive

الأربعاء، يوليو 30، 2008

postheadericon نزل رجلك يا كلب !!

 فى موقف بيستفزنى اوى

مثلا يكون حد قاعد ويحط رجل على رجل بطريقة محترمة وشيك 

ومش حاطط رجله فى وش الناس ولا حاجة يجى حد يقوله انت مش محترم اللى قاعدين !!


موقف تانى يكون حد بياكل لبان بردو بطريقة محترمة وشيك

ومش بيتدلع ولا حاجة لكن فعلاً محتاج اللبان علشان يفوق ويركز

- انا مثلاً من الناس اللى ما تعرفش تركز الا لو اكلت لبان -

يجي حد كبير يبص له من فوق لتحت ويقوله انا مش مالى عينك مثلا ً ؟!!!


يا جماعة ليه ؟!! ليه الناس بتاخد الاحترام والتقدير

بالمظاهر رغم ان الحاجات دى فى القلب والعقل


ممكن اقعد زى التلامذة لكن من جوايا مش بحترمك 

ممكن اقعد زى التلامذة لكن اكلمك من غير احترام

فى مقاييس اكثر واقعية من انى احط رجل على رجل او انى اكل لبان 

فى الغرب كل واحد فى الفصل بيقعد بمزاج

ه زى ما يحب بياكل لبان مش بياكل المدرس مالوش غير الشغل واسلوب التعامل 


لكن هو بقى قانون .. حاطط رجل على رجل تبقى

مش محترمنا ومش مهم بقى انت قاعد باحترام ولا لأ 

ولا بيشوفوها بتفرق اصلا من وضع لوضع



الجمعة، يوليو 25، 2008

postheadericon ادعوا لسمو الاميره ساروره

مساء الخير عليكم ...


اولا انا موش بنوته لاسعه



انا حد عزيز عليها وهي عزيزه عليا

استأمنتني علي الباسوورد و أمنتني أمانه وكلام اوصله ليكم


اول حاجه ..

بنوته لاسعه بتعتذر انها موش هتقدر تدخل نت لفتره كدا الله أعلم هتبقي أد ايه ..

لأن عندها ظروف و يااااارب تعدي علي خير



تاني حاجه ..

بنوته لاسعه بتطلب منكم تدعوا ليها

لان عندها ظروف صعبه وبجد محتاجه لـ دعواتكم


ياريت تدعولها


و اي حاجه حابين تقولوها ليها انا ممكن اوصلها ليها


دعواتكم لــ
سمو الاميره ساره


فـ امان الله ..


___________________


تحديث ..

انا بنوتة لاسعة

بجد مش عارفة اشكرك ازاى يا شريف

ربنا يكرمك يارب ميرسى اوى لتعبك معايا

وشكراً لمنمن (( اختى )) ساعى البريد اللى وصلت الرسالة

شكرا لكل حد دعالى بجد انا مش متخيلة ان المشكلة انتهت

بالسرعة دى مافيش معنى غير ان ربنا استجاب لدعائكم

كفراوى فعلاً معاك حق ان بعد العسر يسراً

ضاقت فلما استحكمت حلقاتها فرجت

الحمد لله

الحمد لله

الحمد لله


وحشتونى اوووووووووووووى واسفة انى شغلتكم عليا

بس فعلا دعائكم فرق كتير



الأربعاء، يوليو 09، 2008

postheadericon أفكار لحياة زوجية لاسعة ..

الأول قبل ما أقول الافكار عايزة أفكركم تانى بمعنى ((اللسعان )) وكمان عايزة أفكركم

بتوبيك
((
جننيه تكسبيه )) علشان البوست دا يعتبر مكمل ليه

الفرق بينه وبين جننيه تكسبيه بس إن جننيه تكسبيه أفكار للبنات

لكن دى أفكار للطرفين

البنانيت والشباب

يلا بينا بقى نشووووووف الأفكار


***

(1)


نكتب اسئلة دمها خفيف أو حتى محرجة مكتوبة فى ورق صغير

ونوزعها فى كل مكان فيه ادراج مثلاً أو فى البونبونيرة

أو فى المطبخ أو فى جيوب الهدوم واللى يطلعله سؤال لازم يروح للتاني

ويجاوبه مهما كانت الظروف

* تخيلوا كده مثلاً هما متخاصمين وحد منهم طلعله سؤال

ايه اكتر حاجة بتحبها فيا ؟؟

ويروح للتانى - وهم زعلانين - ويقول له

مثلا "
أكتر حاجة بحبها فيك قلبك الطيب أو اى حاجة " تخيل بعد الحركة دى

ممكن يفضلوا زعلانين من بعض ؟!


***

(2)


كل يوم يقطعوا ورقة النتيجة وكل واحد منهم يكتب على ضهرها أحلى حاجة

التانى عملها ليه النهاردة

ويشيلوا الورق فى مكان مخصوص

أكيد الورق دا هيعرفهم انهم مهما كانوا تعبانين من بعض أو بيزهقوا

او لو شكوا ان حب التانى قل

ورق النتيجة هيثبت لهم انهم عاشوا أيام حلوة

وان مافيش يوم بيعدى من غير ما حد فيهم يحاول يسعد التانى

ولو بحاجة بسيطة خالص

***

(3)


مفجأة ضيف على الغدا

الزوجة تعزم حد كان واحش زوجها أووووووووى على الغدا وتعملهاله مفجأة

والزوج كمان ممكن يعملها

يتفق مع حد كان واحشها اوى وبتحبه جدا

ويعزمها برا على الغدا من غير ما يقولها

أكيد دى هتسعد كل يومهم


***
(4 )


حد منهم يبعت للتانى جواب من غير توقيع

لازم يخلى باله ويكتبه على كمبيوتر بحيث ان الخط ما يتعرفش

أو ايميل من ايميل مجهول

يقول له
( سامحنى على غلطي فى حقك .. انا بعتذر ليك أوى وبتمنى من ربنا تسامحنى )

طبعا هيتجنن / هتتجنن وياترى مين دا ؟؟

لما يجي يسأل الطرف التانى - اللى هو اصلا بعت الجواب او الميل -

يقوله بما انك ما تعرفش هو مين

يبقى احسن حاجة تسامح كل حد غلط فى حقك

وبكده قلبه مش هيبقى جواه غير كل حب

وهيحس فى نفس الوقت ان اعتباره اترد له


***

بس خلاص كفاية كده المرة دى

ولو عجبكوا لسة ياما فى الجراب يا لاسع

ههههههههههههههههه







السبت، يوليو 05، 2008

postheadericon على قد رجليك .. فصل لحافك .. خليك ايجابى بقى




مشكلتنا فى مصر اننا شعب طيب

بياكل الزلط وبيستحمل كل حاجة

بيتأقلم مع اى ظروف مهما كانت قاسية

ومهما كانت متعبة

كتير بيشوفوا دى ميزة بس انا حساها عيب

عيب لأننا طول ما احنا بنعود نفسنا على الاحساس ان مافيش مشكلة

عمرنا ما هنحاول نلاقى حل لمشاكلنا

وعمرنا ما هنطلع لقدام

لأن الحاجة ام الاختراع لكن احنا مش بنحسس نفسنا اننا فى احتياج لحاجة

دا طبعاً غير الرضا بالقدر والقضاء المطلوبين وغير القناعة تماماً

المفروض القنوع يعمل اللى عليه وهو رامى حموله على الله

ويرضى بالعائد اللى عاد عليه نتيجة مجهوده

يعنى على قد مجهوده ياخد مقابل يشتغل قيراط يلاقى قيراط

مش يشتغل قيراط وعايز يلاقى فدان


علشان كل اللى قولته فى الاول دا انا من اشد معارضى المثل اللى بيقول

(( على قد لحافك مد رجليك ))

المفروض على قد رجلينا نفصل لحفانا

على قد احتياجتنا نشتغل

علشان نغطي احتياجتنا

على قد زيادة سكاننا نتوسع فى بنا مدن ونزود فى الانتاج

لأنى مش معقول مثلا هقطع رجلى

ولو تنيت رجلى هتعب

يبقى ليه نرضى بوضع غلط ومتعب واحنا فى ايدينا نشتغل بجد ونحارب ظروفنا

ونسخرها فى خدمتنا؟؟

ممكن الناس تعتبر دا (( نمردة )) وطمع بس صدقونى دى مش اكتر من محاولة

لأننا نكون ايجابيين ونبطل نبقى الطرف التابع فى معادلة الحياة


الجمعة، يوليو 04، 2008

postheadericon نعم سأحيا بدونك












نعم سأحيا بدونك


كما كنت أحيا من قبلك


ولن احزن أبداً على تلك اللحظات التى عشتها معك



ليس لأنها قدري

ولكن لأنى أحببتها

لدرجة أنى تمنيت أن أحياها طوال عمرى





الخميس، يوليو 03، 2008

postheadericon كل ماتكبر تحلى .. وتصير أحلى وأحلى


كل ما تكبر تحلى وتصير أحلى واحلى

وتملى حياتنا حب وفرحة

كل سنة وهى حبيبتى

وأمى

واختى

وبنتى

يعنى هى الدنيا كلها

كل سنة وانتى طيبة يا منونتى
.
.
كل سنة وانتى احلى فرحة

.
.
واحلى ابتسامة فى حياة كل حد يعرفك
.
.
كل سنة وانتى بنت النيل والرافدين
.
.
الجميلة
.
.
الأبية

كل سنة وانتى

مييييييييييس منى

اللى الكل بيمووووووووووووت فيها

وبيحترمها

كل سنة وانتى منونة الشقية العثولة

بس وقت الجد أســـــــد

منونتى بما إنك أختى من 19 سنة
فمش هينفع اخبى عليكى اكتر من كده
لاااااااااااااااااازم اعترفلك
بإن ...
.
.
.
.
.
.
.
.
.
.
بإنى بحبك أوى وربنا حتى لو كنت بضايقك بس غصب عنى
.
.
وبإنى مرعوووووووووووبة من اليوم اللى البيت مش هيكون فيه منمن
.
.
وبإنى لسة زى العيال الصغيرة معتبرة انى الطفلة الوحيدة فى الدنيا دى
اللى ممكن تدلعيها ههههههههههههههههههههههههه
.
.
.
.
.

كان نفسى اكون اول واحدة تقولك كل سنة وانتى طيبة

بس اعملك ايه ياختى ماعرفتش اعمل فى العيد ميلاد حاجة

علشان حضرتك قاعدة جنبى وعايزة اعملها مفجأة

هههههههههههههههههههههه

وأأأأأأأأدى التورتة وصلت

الحمد لله عمالة ارغى ارغى عقبال ما تجهز

ما تترعبييييييش مش عملاها بإيدى هههههههههههههههههه
وأأأأأأأأأأدى الهداياااااااااااااااااا
عارفة انا انتى بتدورى فيهم على اييييييييييييه
تدفعى كااااااااااااااااام واطلعها ؟!!!!!!!
احنا فى أول الشهر ما تستعبطيش ههههههههههههههههههههههه
خلاص خلاص بما إنه عيد ميلادك هطلعها من غير فلوس
غمضى عينك
استنى
3
.
.
.
.
.
.
.
.
2
.
.
.
.
.
.
.
.
1
.
.
.
.
.
اظهر وباااااااااااااااااااااااااااااااان



يااااااااارب يا منونتى السنة الجاية أحتفل بعيد ميلادك فى بيتك يااااااااااااااااااااااااااااااارب


المتابعون

اعتبرها بيتك ♥

وِش القفص

خليك ورايا

دليفري..