لعلمك

لعلمك

إقرأ لي

دخلوا بكليك شمال :D

Blog Archive

الثلاثاء، ديسمبر 30، 2008

postheadericon حزينة على غزة .. ولكن !!




حزينة على غزة بلا شك .. لا يوجد انسان يحمل بين ضلوعه قلباً ولا يحزن على غزة




وقلبي يقطر دماً على طفلة لمحتها تبكي أمانها الذي سلب منها




تبكي أحلامها التي لن يكون بمقدورها أن تحلمها بعد اليوم




فهي لن تنام أبداً من هول ما رأت




أبكي امرأة هتكوا حرمة بيتها ، هدموا عشها فوق رأسها




وفجأة وجدت نفسها في العراء .. ولم تجد ما تستر به رأسها سوى المنشفة




وجدت عدسات الكاميرات تتفحصها باهتمام ، بشفقة ، تنقل للعالم صورتها لعلها تهز شعرة في ذوي القلوب المتحجرة




وكاميرات أخرى ترمقها بشماتة .. بعيون ملتمعة كعيون الذئاب التي أثارتها رائحة الدماء




وكاميرات أخرى ترى فيها مجرد سبق صحفي واعلامي آخر لا أكثر




أبكاني أن أرى العرب يخطون في أرضهم خائفين مرتجفين بعد أن كانت هذه الأرض لنا .. نخطوا فيها بكل عزة وثقة




ونمنح الأمان لكافة الاجناس والديانات التي تحيا عليها ليس فقط العرب أو المسلمين




ولكن .. أدمت قلبي الاتهامات التي وجهت لبلدي .. لشعبي ولكل أمتي بالخيانة




أحزنني ان ينسى العرب المرات العديدة التي زجت مصر بنفسها في حرب لا ناقة لها فيها ولا جمل .. اللهم إلا كي تدافع عن ارض المقدس




أحزنني أن ينسوا دم شهدائنا من المصريين الذين صعدت أرواحهم إلى بارئهم في حرب 48 وغيرها وغيرها ..




أحزنني أن ينسوا انه في العام الماضي فقط كانوا يشيدون بما فعلناه حين فتحنا المعابر و دخل اخواننا الفلسطينيون الى العريش ورفح




وأخذوا من البضائع والسلع ما يكفيهم ..




نسوا كل ما فعلته مصر واتهمونا كلنا حكومة وشعباً بالخيانة ؟!!




لماذا ؟!!




بل وقتلوا واحداً من ابناءنا ؟!!




وفي أغلب الدول العربية هاجموا سفاراتنا ؟؟ لماذا ؟!! ما هي جريمتنا ؟؟




ولمَ لا يوفرون كل هذا الغضب وهذة الحمية والشجاعة ويصبون غضبهم على الاسرائيلين ؟؟!!




كما إني إلى الآن لا أفهم سر تعنت حماس وتمسكها بموقفها ؟؟




يدعون أنهم مؤمنين بالله ونسوا أمر رسول الله - صلى الله عليه وسلم - بأن يتشاوروا في أمورهم ؟!!




لماذا رفضوا دعوة ابو مازن لهم بالتشاور مع باقي الفصائل حول ما يحدث في غزة ؟؟




وبماذا استفدنا حين قتلوا سيدة واصابوا 14 اسرائيلي ؟؟ هل يرون بهذا أنهم ثأروا لإخوانهم في غزة ؟؟






الثلاثاء، ديسمبر 23، 2008

postheadericon شكراااااااااااً









شكراً يارب..



كم أنعمت
على وأنا عنك غافلة
!!
...
كم وقفت
إلى جانبي...



كم سمعت شكواي واستجبت لدعائي...




شكراً يارب على كل لحظة جميلة عشتها وكل لحظة ألم تعلمت منها...




شكراً يارب على أمي وإخوتي وأبي...




شكراً لأنك ربي الرحيم الغفور...





ْْ.* ْ.* .ْ*.ْ







شكراً يا ا أمي الحبيبة..



التي تحملت مني مالا أتحمله من نفسي



شكراً أمي
لأنك تخليت
ِ

عن حلمك في أن أكون ما تريدين لكي أكون ما أريد



و شكراً لأنكِ
شجعتِ
ني على الاستمرار،
لأنك دعوتِ لي من كل قلبك






شكراً
لكِ
أمي الحبيبة





ْ.* ْ.* *







شكراً
أختي الحبيبة .
.



لقد
مررت
ِ
بصعاب
وخبرات الحياة وذقت
ِ

منها ما ذقت
ِ
،





ثم أعطيتني كل هذا على طبق من ذهب بنصائح جميلة
تخرج من القلب معطرة بكل الحب والود والخوف والاهتمام......





شكراً
لكِ
فكم تحملتِ

صخبي وجنوني وتحملت
ِ

عنادي ومتاعبي...





وكم
مرحت
ِ
معي وأبكيتك
معي....





شكراً
لكِ






ْ.* ْ.* .ْ*.ْ





شكراً أخي الحبيب..





كم حميتني
من كل أذى وكم تعبت معي....





كم
تشاجرنا معا ثم بكى كل منا على أخاه...





وكم داعبتني وخففت عني وتحملتني...





شكراً
لأنك
تحبني وتخاف علي..





شكراً
لوجودك في حياتي.








ْ.* ْ.* *.ْ








شكراً ..





لكل من أحبطني في هذه الحياة فجعلني أكثر
إصرارا على الاستمرار..









شكراً..





لكل من جرحني فجعلني أكثر صبرا على الألم...









شكراً..





لكل من
خانني فجعلني أكثر حذرا...









شكراً...





_______________ كلام مالوش دعوة بالموضوع _______





بالنسبة للتدوينة اللي فاتت



السبت 6 ديسمبر



فدي قصة حقيقية حصلت لواحدة تعتبر جارتنا



وحصلت فعلاً في يوم السبت 6 ديسمبر 2008



لكن طبعاً الكلام والصياغة والحاجات دى كلها من وحي خيالي





تاني حاجة : دا تاج جالي من فاروق طالب ثانوي وحليته هنا ع مدونة شاي بلبن





تالت حاجة : ادعولي بالله عليكم لحسن انا محتاسة في المذاكرة :( هحط لكم صورة من جدولي علشان تفتكروا



تدعولي كل يوم لما يكون عندي فيه امتحان





























الأربعاء، ديسمبر 17، 2008

postheadericon السبت 6 ديسمبر


السبت 6 ديسمبر

الخامسة عصراً

هي:

" سأراه ؟!! لا اصدق نفسي.. لقد جاء
اليوم الذي حلمت به طوال عمري .. بعد لحظات سأراه.. سيتحول من صورة في خيالي إلى
كائن حقيقي.. سأرى هذا الشقي الذي أرهقني طوال أربعة شهور .



ولكن ما أدراني أنه ولد ؟! ربما كانت بنت وسأراها بعد لحظات .. لكن.اااااه
ترى متى ستكبر وتكون لها ضفائر جميلة أجدلها بيدي كل صباح قبل أن اذهب بها إلى
المدرسة ؟!!



لكن .. لا. لا .. أتمنى أن يكون ولداَ،
وأن يشبه والده....
"


هو:

" يا الله.. لازلت عاجز عن التصديق.. بعد لحظات سأرى ابني ؟!! سأرى " بعضي
" الذي يحيا بداخل حبيبة عمري ؟!



بعد لحظات سأرى هذا المخلوق الوحيد الذي لن اجن ولا أثور إذا أحبته زوجتي أكثر
مني..



سأرى من أحبه أكثر مني.. حتى لو قسا أو جفا ؟؟ لم أصدق يوماً ما قاله لي أبي أني سأجرب هذا الإحساس يوماً ما..



والآن – ومن قبل حتى أن أراه – أحبه و أتمنى لو دفعت عمري بأكمله كي ألمسه وأضمه
بين يديا..
"

تلاقت عيناهما وابتسما وكأن كل منهما سمع ما يدور بخلد الآخر.. تسارعت خطاهما كي
يلحقا بميعاد الطبيب، ففي السابعة بالضبط ميعادهما
مع لقاء ابنهما لأول مرة.. سيرون صورته وهو مقيم بقصره
الملكي في رحم أمه..



حاولا اللحاق بأي سيارة أجرة بأي ثمن، فالوقت يجري ومشوارهما
يستغرق ساعة ونصف الساعة.

و بعد معاناة لحقا بآخر مقعدان في سيارة الأجرة
الوحيدة التي توقفت.. لكن للأسف المقعدان متباعدان.. ترددت هي كثيراً في الصعود، واقترحت عليه أن ينتظرا بضع دقائق أخرى



" أنا كنت عايزة أقعد جنبك يا عزيز "



" معلش يا حبيبتي هنعمل
إيه.. اركبي بس عشان نلحق ميعاد الدكتور "



ركب في المقعد الأخير ليجنبها المطبات، وركبت
أمامه بمقعدين.. وأخيراً تحركت السيارة

السبت 6 ديسمبر

السادسة مساءاً

التفتت ونظرت إليه نظرة طويلة لم يفهمها .. سألها
بعينيه إن كان هناك خطب ما ؟ فأومأت برأسها أن لا ؛ ثم أخرجت هاتفها المحمول وبدأت تكتب له رسالة قصيرة – كما
تعودا دائماً حين يريدان الحديث بعيداً عن آذان المتطفلين .. كتبت له وهي تبتسم
" هيجي ولد ، و هيبقى
شبهك إن شاء الله ، بس تفتكر ممكن يجي في الدنيا دي حد
بحنانك ؟! "



وصلته الرسالة فابتسم وكتب لها " لأ هتيجي بنت علشان تبقى زيك .. بس ما اظنش هتبقى في جمالك ، انتي معجزتي الجميلة اللي مش هتتكرر
تاني "



وصلتها رسالته فالتفتت له و ابتسمت بحب ، وكتبت
له " لآ ولد وشبهك "



هم أن يكتب لها للمرة الثانية لكن فجأة ارتجت بهم السيارة ، وفي ثوانٍ وجد نفسه
ملقى على الطريق ..



صدمتهم سيارة بعد أن انفجر إطارها الأمامي وفقد سائقها السيطرة عليها،
فدخلت بالضبط في منتصف سيارتهم و أطاحت بنصفها وأطاحت بزوجته بعيداً جرى اليها صارخاً " مرااااااااااتي .. ابني " احتضنها وهاله ما أصابها



اطاحت الحادثة بجزء من رأسها .. نظرت اليه وابتسمت ابتسامة متهالكة وقالت " أخيراً اعترفت انه
ولد " وانتفضت بين يديه ثم سكنت للأبد .


السبت 6 ديسمبر

الحادية عشرة مساءاً

دخل بيتهما ، بلا زوجة .. بلا حبيبته وصديقته


و بلا طفل .. ولا حتى صورته


لا يعرف حقاً هل ما واراه التراب منذ لحظات ، هو
فقط جثمان زوجته وطفله أم وارى حياته بأكملها التراب .. حياته كلها ماضيه وحاضره ومستقبله .. أحلامه التي لم تكتمل
.. ضحكاته التي كان ينوي أن يقتسمها معها .. ودموعه التي لا تنهمر إلا بي
ن
يديها
.

لم يتبق من حياته إلا بقايا ضحكاتها التي علقت في جدران شقتهما
.. رائحتها
.. ملابسها .. وبقايا طعام امضت نهارها في اعداده ولم تتذوقه

" من الفرحة مش قادرة آكل ، مش هاكل إلا لما أشوف ابننا في السونار النهاردة "



شعر كأنما انتقل من دهر إلى دهر .. ولكن الزمن
يؤكد انه لا يزال في السبت 6 ديسمبر .


سارة درويش


الاثنين، ديسمبر 15، 2008

postheadericon في البهائية .. كله إيزي يا عزيزي


طبعاً احنا عارفين ان في الفترة الأخيرة حصلت ضجة كبيرة أوي علشان في كذا كائن انتقلوا للديانة البهائية و آل ايه عايزينها تنزل في البطاقة زيها زي الديانات السماوية فقررت اعرف عنها شوية .. وقريت فعلاً عنها واتغظت وقررت اكتب الموضوع دابس للأسف انشغلت وكسلت وحاجات كتير فاتأجل الموضوع لحد النهاردة
الحكاية وما فيها اني لما قريت عن العقيدة البهائية دي لفت نظري أوي حاجة - بغض النظر عن باقي العك اللي عندهم - ان الدنيا ايزيييي أوي عندهم
يعني مثلاً : الصلاة والصوم يعفى منها المكسل !! طب ومين بقى هيصلي ؟!! ماهو هيبرطع ويقول .. معلش اصلي مكسل . مكسل ؟!! يادي النيلة ؟ هو لو الصلاة او الصوم عندهم ليه فايدة بالذمة كان بقى كده بمزاج سيادتهم ؟!!ولا هم شغالين بمبدأ اللي بياكل على ضرسه بينفع نفسه ؟!! ممكن بردو

انا عارفة ان اغلب الناس اللي بتقرا دلوقتي عارفة عن البهائية شوية أو كتير بس عارفةبس بردو يمكن يكون حد ما يعرفشوبدل ما يدور برا انا هقول ملخص بسيط لحدوتة البهائيين دول
بيقولك يا سيدى الحركة دى اللي بدعها كائن اسمه " علي محمد الشيرازي " البيه بسلامته كان من ايران ، واتبلت الدنيا بيه سنة 1819 ، الكائن دا سمى نفسه الباب وقد يقول في كل حتة ان الاسلام راحت عليه - استغفر الله العظيم طبعاً - وان هو بسلامته نزل بالدين الجديد وهو الباب المؤدي الى حضرة الامام الموعود ، وشوية قال على نفسه النقطة - اللي بيدعوا انها أول هيكل يتجسد ظهور الله فيه - استغفر الله العظيم طبعاً
المهم الحلو دا سمع وصيته ذاع فراح حاكم " شيراز " أمر بإعتقاله ، وزي أي عيل .. الباب رجع في كلامه مع أول قلم وقال انه بريء وانه مسلم وطلع على المنبر واعلن توبته وانه مش كده خالص
لا باب ولا محصل حتى لوح خشب
وزي أي عيل رجع تاني لحدوتة الباب ، فحاكم شيراز أمر بسجنه ، الحلو كان مشرف السجن في نفس الوقت اللي أتباعه كانوا شغالين
وعملوا مؤتمر في بلد فارسية اسمها " دشت " في المؤتمر دا الحلوين دعوا الناس انهم يسمعوا البشاير اللي جابها الامام المنتظر
واللي اعلنته اشاعرة شايفة نفسها حبتين علشان بيقولوا عليها حلوة ، اسمها " قرة العين "
الحلوة قالت فيما معناه : ان من النهارده - على ايامها بقى - خلاص احكام الشريعة الاسلامية نسخت بظهور اللوح - يووووه قصدي الباب - وان من دلوقتي كله ايزي يا عزيزي
ما تشغلوش بالكم لا بصلاة ولا زكاة ولا صوم ، والكلام دا كله " لغو وفعل باطل ولا يعمل بها بعد الآن الا كل غافل وجاهل "وان مولاهم الباب هيفتح البلاااااااااد ويسخر العبااااد وهتخضع ليه الأقاليم السبعة - القارات يعني - وهيوحد كل الأديان ومش هيبقى موجود ع الارض غير دينه الجديد وكملت الحلوة وقالت بالنص
" .... فبناء على ذلك وقولى هو الحق لا أمر اليوم ولا تكليف ولا نهي ولا تعنيف وإنا نحن الآن في زمن الفترة فاخرجوا من الوحدة إلى الكثرة ومزقوا الحجاب بينكم وبين نسائكم بأن تشاركوهن بالأعمالوتقاسموهن بالأفعال وأخرجوهن من الخلوة إلى الجلوة فما هن الا زهرة الحياة الدنيا وإن الزهرة لابد من قطفها وشمها لأنها خلقت للضم وللشم فالزهرة تُجنَى وتُقطَف وللأحباب تُهدى وتُتحف . وأما ادخار المال عند احدكم وحرمان غيركم من التمتع به والاستعمال فهو أصل كل وزر وأساس كل وبال ، ساووا فقيركم بغنيكم ولا تحجبوا حلائلكم عن احبابكم إذ لا ردع الآن ولا حد ولا منع ولا تكليف ولا صد .. فخذوا حظكم من هذه الحياة . فلاشيء بعد الممات "
طبعاً استغفر الله العظيم من كمية الكفر دي بس عندي كام تعليق على كلام الحلوة " قرة العين "
أولاً : " مولانا الباب سيفتح البلاد ويسخر العباد وستخضع له الأقاليم السبعة المسكونة وسيوحد الأديان الموجودة على وجه البسيطة حتى لا يبقى الا دين واحد هو دينه الجديد "
طبعاً الكلام دا واضح منه ان اللي بيدعوا انه دين جديد هو مش اكتر من دعوة بربرية همجية ، كل هدفها النفوذ والسلطة وكمان واضح خطر الدعوة دي على كل الأديان مش الاسلام بس

ثانياً : " مزقوا الحجاب بينكم وبين نسائكم بأن تشاركوهن بالأعمالوتقاسموهن بالأفعال وأخرجوهن من الخلوة إلى الجلوة فما هن الا زهرة الحياة الدنيا وإن الزهرة لابد من قطفها وشمها لأنها خلقت للضم وللشم فالزهرة تُجنَى وتُقطَف وللأحباب تُهدى وتُتحف "
واضح جداً انها دعوة للحياة زي " البهائم " واعذروني في الوصف بس فعلاً مافيش وصف غير كده
ست الحلوات اللي معتقدة ان الدعوة دى هتيجي على هوا الستات وانها جابت لهم النجدة والانقاذ بقى من الحجاب - من وجهة نظرها -ماتعرفش انها بكلامها دا رخصت المرأة أووووووي
حولتها من جوهرة مكنونة لسلعة تتهدى وتتباع و تتقطف ماتعرفش حضرتها ان لو حد بيحب الزهرة فعلاً بسيبها في مكانها لأن قطفها بيخليها تدبل وتموت ؟!!

ثالثاً : " وأما ادخار المال عند احدكم وحرمان غيركم من التمتع به والاستعمال فهو أصل كل وزر وأساس كل وبال ، ساووا فقيركم بغنيكم ولا تحجبوا حلائلكم عن احبابكم إذ لا ردع الآن ولا حد ولا منع ولا تكليف ولا صد .. فخذوا حظكم من هذه الحياة . فلاشيء بعد الممات "
حضرتها نسيت انها في اول الخطبة امرت الناس انها ماتزكيش فمنين بقى تلغى حاجة في الاول وتأمر بيها في الاخر ؟؟وكمان هي طبعاً بما انها كافرة عمرها ما فكرت في حكمة ربنا من انه جعل المجتمع طبقات ، واكبر مثال على فشل النظام اللي هي بتدعى ليه دا الاتحاد السوفيتي
(( على فكرة روسيا كانت بتدعم البهائية وهي اللي ساندتهم في انقلابهم على حاكم ايران اللي هحكي عنه بعد شوية ))
المهم نرجع لكلام الحلوة " قرة العين " المخزوقة الست هانم افتت ان الست ممكن تتجوز 9 رجالة ..
مش عارفة اشمعنى تسعة طب ما تقفلهم دستة بالمرة ؟!!

المهم بقى نرجع للحكاية ، بعد وفاة الملك " محمد شاه " جه بعديه على عرش ايران " ناصر الدين شاه "
فاتباع اللوح شافوا ان الفرصة جاتلهم على طبق من دهب علشان ياخدوا الحكم بس فشلوا وطارت رقبة الموعلم الشيرازي
بعد ما اُعدم اتقسم اتباعه لـ 4 فرق
حبة تبع " صبح الأزل " المسخوط الصغير اخو بهاء الله ابن الشيرازي
وشوية تبع " بهاء الله " البكري بتاع الشيرازي
وشوية تبع " الأسد التبريزي " وشوية فضلت تابعة للشيرازي اللي اتكل

المهم الموعلم البكري " بهاء الله " قتل الاسد التبريزي وكذب اخواته واعلن نفسه خليفة للباب .

نيجي بقى للجزء اللي يشل ويعل
وهو احكام البهائية

1 / الصلاة
الصلوات عندهم 3 صبح وعصر ومغرب
كل صلاة منهم 3 ركعات ولو صليت واحدة ممكن ما تصليش الباقي ولو مكسل تعفى من الصلاة كمان
ومافيش صلاة للجماعة الا على الميت والقبلة هي بيت البهاء او قبره

2 / الصيام
الصيام 19 يوم من الفجر للمغرب واللي يصوم يصوم عن الأكل والشرب لكن مباح ليه انه يباشر زوجته ويعفى من الصيام الحامل والمريض والمسافر والمكسل !!

3 / الزكاة خُمس اللي بتملكه وبترفع سنوياً للمجلس الأعلى للبابيين مش عارفة اشمعنى دى ما قالوش يعفى منها المكسل او اللي مستخسر ؟!!!

4 / الحج يا اما تحج لبيت النقطة " شيراز " في ايران يا تحج لبيت البهاء " في بغداد "
هههههههههههه والله المفروض يسموها البهائية اوبشنز هههههههههههه

والبهائية لا تسمح للرجل بالتعدد لأكتر من زوجتين بس اباحت ان الاخ يتجوز اخته ايزززززززززي بقى

و الى هنا عزيزي القارئ نكتفي بهذا القدر من المعلومات عن البهائية حرصاً على ضغطك ودمك واعصابك وشكراااااااااااً
الاثنين، ديسمبر 08، 2008

postheadericon يا ليلة العيييييييد آنستينا

يا ليلة العيييييييد آنستينا وجددتي الأمل فيييييييييييييينا يا ليلة العييييييييد
كل سنة وكل الدنيا طيبة وحلوة
ويااااااااااارب كل المسلمين يحسوا بطعم للعيد
وما حدش يكون زعلان ولا متضايق ولا خايف
ويااااااااارب فعلاً يتجدد أملنا بالعيد - ليه مش عارفة بس كل الناس بتقول العيد بيدي أمل - أنا عن نفسي الحاجة الوحيدة اللي هتجدد أملي
هي العيدية - لو جات محترمة - ههههههههههههه فدعواتكم بقى
ماتنسونيييييييييش مع اول طبق لحمة
السبت، ديسمبر 06، 2008

postheadericon أنا ايام زماااااااااااان



لما بقعد افتكر نفسي وانا صغيرة بستغربني اوووووووووووي


كنت مصيييييييييييييبة زماااااااان
واحياناً بحس اني كنت مستفزة
كمان


كنت كائن غريب كده منطوية اوووووووى وكئيبة جدااااااً وساكتة دايماً وكان عندى تعبيرات وتصرفات غريبة اوى


مثلاً
وانا لسة ماكملتش 6 سنين



كنت
قالبة على صبياني اوى



احب اوى العب العاب الولاد واشتري لعبهم

وكنت مهووسة بسوبر مان والحاجات دى
ودايما اربط طرحة طويييييييييلة
من بتوع ماما على ضهرى


وانط
من فوق السرير هههههههههههههه


وكنت
صديقة البيئة .. لما يجي
الصيف دايماً تلاقينى بدور ع
القطط الشوارعية واحاول العب
معاه





وبموت
في الضفادع و وصلت بيا لحد القنفد
شفت منه واحد حاولت امسكه





و كنت مش بحب اسرح شعري أبداً

علشان ما كنتش بعرف اسرحه لنفسي علشان مش بطول وكانت ماما دايما

لما تيجي تسرحهولي تخلينى اقعد ثابتة وانا مش بعرف اقعد ثابتة اكتر من دقيقة

فكنت بتخنق اوى

فخليتهم يقصوا لي شعري كاريه علشان اعرف اسرحه لنفسي
و أيام ابتدائي .. كان في مدرس عندى
يتشل منى اوى ويتغاظ لما يقومنى اجاوب ولا حاجة وانا اقوم افرك في عينى من تحت النضارة





بجد
لما بفتكر منظري بقول ليه حق يتشل
اكييييييييد شكلي كنت سخيفة





لكن
والله الحكاية كلها انى من النوع الخجول





فلما
برتبك بحاول اطلع الارتباك دا
في اي حركة





فكنت
بلاقي النضارة اقرب حاجة لايدى
اقعد امسكها او افرك في عينى





وفي
اعدادي كنت كئيييييييييييييييبة
جداً وكنت دايماً بعيط





علشان
كنت في الوقت دا متعلقة بالقطط بتاعتي
اووووووووووووووى وكل سنة تقريباً بتموت
واحدة منهم كل ما اتعلق بيها





فكنت
دايماً لما اقعد مع نفسي اعيط
وافتكرهم





وكنت
بكتبلهم جوابات -
وهم
ميتين ، دا بغض النظر عن انهم قطط اصلا
-
واقعد اشتكي لهم من اي حاجة مضايقاني





وكنت
عندى عادة غريبة اوى كنت
بكتب دايماً بالمشقلب لما اجي اكتب حاجة مش عايزة حد يقراها





يعنى
علشان تقرا الكلام لازم تحطه قدام مراية





وكنت
بكتب في اى حتة بقى





كشاكيل
المدرسة ، الكتب ، اي ورقة





ولحد
دلوقتى لسة عندى الورق دا





في
ثانوي بقى كنت غبية غبية يعنى





كان
عندى ضحكة متخلفة كده لما بفتكرها
دلوقتي بتكسف اووووووووووووووووي بجد





ضحكة
متخلفة كده ما تعرفش انا كنت
بضحك ولا بكتم الضحكة





وكنت
بمشى بسررررررررررررررعة
جداً وانا باصة للأرض





زي
ما كون بحاول اعد البلاط كام بلاطة ههههههههههه





دلوقتي اتغيرت كتيييييييير اوي





بقيت
اجتماعية اوووووي بقيت دايماً
اميل للضحك والتريأة حتى في
عز زعلي ،
وبحاول قدر الامكان اكون جريئة





دلوقتي
بقيت بضحك ضحكة عبيطة اي نعم
بس ضحكة .. مش بكتم ضحكتى واخبيها





بس
دلوقتي انا تعباااااااااااانة اوي عن زمان





وحاسة
ان الحزن في قلب قلبي اضعاف اضعاف زمان





وكتير
بحس اني عاملة زي ما اكون بركان متغطي بطبقة من التلج





الحاجات
الوحيدة المشتركة بين سارة بتاعة زمان وسارة بتاعة دلوقتي





هي
اني لسة زي
ما انا عيلة اوي





اقل
حاجة تفرحنى واقل حاجة تزعلني





اني
متقلبة أووووووووووي بطريقة بترهقني
انا





اني
مش حاسة بأمان





اني
بخاف اوي من بكرة





اني
بحب الدنيا اووووووووووووووووووووي





اني
بخاف اوي من الموت





اني
لو حد عزيز عليا كان تعبان دا بيتعبني
اكتر ما اكون انا تعبانة







المتابعون

اعتبرها بيتك ♥

وِش القفص

خليك ورايا

دليفري..