لعلمك

لعلمك

إقرأ لي

دخلوا بكليك شمال :D

Blog Archive

السبت، فبراير 14، 2009

postheadericon العيد القومي لمملكتي



15 فبراير هو العيد القومي لمملكتي اللي بكلمكم منها دلوقتي

مدونتي دي اللي مع مرور الوقت ما بقتش مجرد مدونة .. لأ دي بقت حتة مني

بقت بيتى وملاذي و حاجة من احلى الحاجات في حياتي

كفاية عليا بس الناس الحلوة اللي عرفوني وعرفتهم عن طريق المدونة دي

قد ايه عرفت ناس بجد كويسين ... عرفت ناس عايزة تعلمني كل حاجة اتعلموها من الدنيا دي

اي حاجة لو بسيطة وعايزة اعرفها مش بيستخسروا حاجة

فاكرة قد ايه منمن ماي هوبس طلعت عينيها يا عيني وهي بتعلمني ازاي اعمل الماوس ليها شكل حلو

واحط اغنية علشان عيد ميلاد اخويا

وفاكرة كام مرة غلبت الاستاذ العزيز جداً ( صحفي مشاغب ) وهو بيعلمنى ازاي ابقى صحفية شاطرة

وكام مرة تعبت الناس معايا وقلقتهم عليا وانا نفسيتي وحشة

وعمرهم ما سابوني وقالولي لو ما كناش احنا نستحملك في زهقك مين يستحملك

وفاكرة يوم ما كان عندي شوية مشاكل وخليت حد عزيز عليا يدخل المدونة
ويقول للناس يدعولي وقد ايه ربنا ساعتها فك كربتي بسهولة ماكنتش اتخيلها

فاكرة
يوم نجاحي لما فرحت بفرحة الناس اللي هنيتني وفرحت بيا


مملكتي اللى شافت كل افراحي زي ما شافت زعلي وتعبي وزهقي ..

شافت يوم ما كنت هلمس السما من الفرحة علشان عرفت اني من ضمن اللي اعمالهم اتقبلت في كتاب مدونات مصرية للجيب

يومها لما قعدت اطنطط في بيتنا وقلبي كان هيقف من الفرحة وعملت
دعوة لكل الدنيا علشان يشاركوني فرحتي

وما انساش أبداً لما كنت بكتب في المدونة والشاشة بايظة وبعد شهووووور اكتشفت اني كنت بكتب بالوان بشششششعة وكنت فاكرة لون مدونتي بيج مش اخضر
وقولت للناس دا علشان ماحدش يشك اني عندي عمى الوان ههههههههههههههه

حاجات كتيييييييييير أوي عشتها هنا على المدونة دي

اللي بحبها بيكم .. بكل حد دخلها وقال ان كلامي صح او كلامي عجبه او حتى عارضني

بس كفاية اني لقيت حد بيسمعني

بيسمعني بمزاجه مش مجاملة ولا تقضية واجب

بجد بحبها اووووووووووووي وبدعي ربنا يقدرني واخليها احسن واحسن وتفضل دايماً بيتي وملاذي

و يحميها من كل هااااكر ياااااااااارب قولوا اميييييييين

يلا بقى انا مستنية التورتة والهدايا

وكل اللي يدخل ياخد حتة جاتو من دول

مواضيع بعتز بيها بجد وشايفاها احلى من الجاتو اللي نصه كريمة ونصه شيكولاتة اللي بموت فيه



دا البيان التأسيسي للمدونة ههههههههه

لأ بجد دا موضوع لو ما لسعتش ماحدش هيحس بيك وفيه نظرية اللسعان



ودا موضوع لكل بنت عايزة تعرف تتعامل مع الصنف اللي مالوش أمان ا(( الرجالة ))




و دا اول موضوع اخرج فيه عن الاطار اللاسع للمدونة






ودا موضوع كنت كاتباه عن دكتور احمد خالد توفيق


اسمه كلمات لن يقرأها هو .. الموضوع دا كنت بقول فيه ان مستحيل دكتور احمد يدخل مدونة


غلبانة زي دي وسبحان الله .. من كام اسبوع قابلت دكتور احمد وظفرت بانى اتكلم معاه


ووعدني انه هيزور المدونة اللى كنت بحسب انه مستحيل يسمع عنها حتى في يوم من الأيام




ودا موضوع بعتز بيه جداً ومن اكتر المواضيع اللي كتبتها من قلبي بجد


هذه عراقنا وهذه عراقهم واللي يعرفني كويس يعرف ليه الموضوع دا بالذات اكيد من قلبي




ودا بوست يفطس من الضحك فيه العدد اليتيم من مجلة عملتها وانا في رابعة ابتدائي كان اسمها مجلة الاصدقاء



ودا موضوع انا مدمنة قرايته رغم اني مش بحب اقرا اللي كتبته اكتر من مرة


بس دا بالذات حاجة تانية


العاشقان




ودا موضوع بحبه اووووووي لأنه طلع زي ما كنت عايزاه يطلع


زي ما كان جوايا بالظبط وعبرت فيه عن اكتر من حاجة






عام مضى وبقيتِ غالية .. موضوع بحسه اوي كل ما اقراه وحبيت اوي اني كتبته





ودا موضوع عيد ميلادي .. بجد كان من اجمل أيام عيد ميلادي .. لأول مرة بحتفل بعيد ميلادي في ارض الواقع


مع اصحابي في الكلية .. اصحابي اللي بعد كده بقوا اكتر من اخوات ليا


بس دا كان موضوع بستغرب فيه من ان المقروضة - اللي هي انا - هتكمل 19 سنة


:(( عجزت للأسف وبقيت كركوبة



علشان خاطري قلب كويس ... اعتقد انه يستحق القراية




لماذا يخدعها الرجال ؟!! حبيته لأن اكتر من بنت قالتلي انه عبر عنها أوووووو ي




من اسوأ ما ابتلي به الشرفاء .. موضوع السعد بالنسبة لي .. اسعدني الحظ واتنشر في كتاب مشروع وطن


واتكلمت عنه مجلة المحيط وحسيته انه علم مع الناس او عمل حاجة جواهم حتى لو ما اتفقوش معاه



أن تكون غلطة حبوب .. مآساة كل اواخر العناقيد ، الموضوع شخصي الى حد ما هههههههههه


انتحار شخصية .. من اكتر المواضيع اللى حسيت اني اديتها حقها الى حد كبير




وين هنادي يا امااااااااايا .. طبعته واديته لصاحب هنادي ، وما تتخيلوش فرحت قد ايه لما


حسيته عجبه وحسيت انه فرحان بيه و طلب عنوان المدونة علشان يدخل يقراه على النت


ومن هذا المزنأ احب اقول لأبو اشرقت - صاحب هنادي - بجد هنادي وحشنييييي جدااااااً ووحشني اووى راحة البال اللي بحسها هناك




صدام الذي احبه .. موضوع كنت متوقعة اني هلاقي عليا هجوم رهيب بعده لكن فرحت بجد


لما لقيت ناس بتشاركني في حبه


وأخيراً علشان مستعجلة موضوع شطرنج اللي حسيت اني بدأت افهم الدنيا واعبر عنها صح فيه



فاضل حاجة اخيرة عايزة اضيفها


عارفة اني طولت اوي بس اخر حاجة استحملوني دا هو يوم كل سنة


لو حد قرأ موضوع لو ما لسعتش ماحدش هيحس بيك اللي كتبته من سنة


ياريت تقرا لو ما لسعتش ماحدش هيحس بيك اللي كتبته من أيام


لأني حسيت اني شوية كبرت


وفكرت شوية في اللسعان ولقيته عايز كلام كتير لكن انا اكتفيت بالكلام ده



" لو ما لسعتش ما حدش هيحس بيك "


مش مصدقني ؟!! طب أقولك على حاجة .. لما بتولع عود كبريت وبتنساه في ايدك بتحس بيه امتى ؟؟
طبعاً أول لما يوصل لصوابعك ويلسعك .. طول ما هو عمال يتحرق من غير فايدة وبعيد عنك مش حاسس بيه
رغم انه بيكون منور لكن كتير أوي ممكن ما تكونش شايف النور لأنك
" ملهي " في حاجة تانية عامية عينك ومنسياك .

في حاجات كتير أوي في الدنيا دي لو ما لسعتناش مانحسش بيها .. ما نحسش ليها بفايدة ولا طعم ..
الشوربة لو ما كانتش تلسعك وانت بتشربها تحس انها " باردة " وانها مالهاش لازمة وانك اتأخرت كتير على شربها .. الشطة لو ما كنتش تلهلب لسانك تقول عليها شطة مغشوشة .. المكوة لو ما كانتش تلسع إيدك لو لمستها تقول عليها باظت .. البشر كمان من ضمن الحاجات اللي لو ما لسعتش ما نحسش بيها .. لو ما كنتش تسيب أثر في المكان اللي تقعد فيه ماحدش هيفتكر انك كنت موجود أصلاً .. بالظبط زي الفرق بين عود كبريت ونقطة ماية وقعوا على ورقة .. نقطة الماية بعد دقايق بتنشف والكل بينسى انها كانت هنا .. لكن عود الكبريت لو وقع على الورقة بيسيب مكانه أثر .. لو جه حد بعد خمسيين سنة هيلاقى أثر على الورق ويعرف ان في نار عدت عليها .

خليك زي النار .. السع اللي حواليك لسعة خفيفة .. لسعة دفا .. تحسسهم انك موجود ، انك حواليهم ، ولو غبت يحسوا ان في فرق .. ان في حاجة مهمة أوي ناقصاهم .. النار بتدي أمان وبتدي في نفس الوقت خوف ..
النار محتاجة حد بجد يفهمها .. لو فهمها واتعامل معاها صح ، عرف حدوده معاها هيعرف ياخد منها الأمان .. لكن اللي مش هيقدر يفهمها .. اللي هيفتكرها لعبة هيتحرق بيها .

النار ثواب وعقاب في نفس اللحظة .. ممكن تدفي وممكن تحرق .. ممكن تكوي جرح وتداويه وممكن تكوي الجلد وتشوهه .. ممكن تنور الطريق وممكن تسده وتقطعه ..


خلي أفعالك ، تصرفاتك ، كلماتك .. كل حاجة تصدر عنك زي النار .. ليها أثر ، ليها فايدة ، ليها مذاق مختلف .. حتى لو وجعت الناس في البداية لكن بعد كده ان طال الوقت ولا قصر هيكتشفوا انهم كانوا محتاجين النار دي .. كانوا محتاجين اللسعة دي علشان يفوقوا أو علشان يتداوا أو علشان يتعلموا ..

عارف ازاي تبقى لاسع زي النار ؟؟
أقولك يا سيدي .. عمرك شوفت نار" كده وكده " ؟؟ ولا نار " تقليد" ؟؟ طبعاً لأ .. النار كلها حقيقية ..
و" الحق" زي النار .. مميز ومختلف .. ساعات بيوجع وساعات بيحرق وساعات يدفي ويفيد ويداوي ..

علشان تكون لاسع .. لازم تكون " حقيقي " لازم تكون مع الحق .. وعلشان تكون لك قيمة في الدنيا دي وبصمة وفايدة ... لازم تكون لاسع .

كلامي مش شرط يكون صح .. ومش شرط تقتنع بيه .. لكن أنا حساه
" حقيقي " .. علشان كده اقتنعت بيه وبقوله للناس .. علشان لو صح الناس تعرفه .. ولو غلط الناس تعرفني انه غلط ..


سارة درويش

23 بوينتس أوف فيو:

Teawater يقول...

كوووووووووووول سنه وانتي طيبه يا سارة
يا بنوته يا جميله

رئيس جمهوريه نفسى يقول...

كل سنه وانتى ومدونتك طيبين وعقبال 100 سنه تدوين

mohamed ghalia يقول...

كل سنة ومملكتك بخير
سعيد بإنى أول زيارة ليا تكون فى المناسبة دي
وبالتوفيق دايما
دمتى بكل الود

~*§¦§ Appy §¦§*~ يقول...

كل سنه وانتى طيبه يا حبيبتى انتى وهى

dodoo يقول...

كــــــــــــل سنه وبنوتى الاسعه طيبه

بنوته لاسعه من الحاجات اللى قوت صداقتنا مع بعض

ومرتبطه عندى بذكريات جميله اووووووووى اكيد انتى كمان فاكراها وبلاش نقولها عشان بلاش فضايح

bosysendrella يقول...

kol sana wenty tayba ya a7la banota las3a......w 3o2bal ma tshofeha 3arosa keda isALLAH :D

سمو الأميرة سارة يقول...

Blogger Teawater يقول...

كوووووووووووول سنه وانتي طيبه يا سارة
يا بنوته يا جميله

_________

وانتي طيبة يا قمراية منوراني بجد وعقبال يارب ما اهنيكي بكل حاجة حلوة عندك

سمو الأميرة سارة يقول...

رئيس جمهورية نفسه :

وانت طيب ياااااااااارب ويارب الـ 100 سنة تفضلوا دايماً منورني ياااااااااارب

سمو الأميرة سارة يقول...

محمد غاليا .. وانت طيب دايماً يارب بس على فكرة انت نورتني قبل كده زماااااااااان انا مش بنسى ابدا حد نورنى .. يارب تنورني دايما

سمو الأميرة سارة يقول...

آبي .. وانتي طيبة يا حبيبة قلبي ويارب كل سنة وانتى طيبة وكل سنة وانتى امبراطورة

سمو الأميرة سارة يقول...

وانتى طيبة يا احلى بسكوتة في الدنيا .. انا بجد كل ما اقعد اقرا في المواضيع القديمة بفتكر كل موقف حصل معاكى من اول ما كنا بندور على موقع لحد ما كنا بنرد على بعض
ربنا ما يحرمني منك ياحبيبة قلبي

سمو الأميرة سارة يقول...

بوسى يا قمراية وانتى طيبة دايما يااااااااارب يا احلى بنوتة ميرسى ليكي وياااااااااارب اشوفني انا الاول عروسة وبعدين هى على مهلها هههههههههه

عبدالله يقول...

كل سنه و انتي طيبه ومدونتك لاسعه دايما
مدونه جميله جدا وخفيفه اتمنالك التوفيق

د. إيمان مكاوي.. أم البنين يقول...

كل سنه وإنتم طيبين ومع بعض على طول
إنت عارفه إني بحس إن المدونة بتاعتي هي إبني الرابع
لأ الخامس لأن أبو البنين هو الإبن الرابع..لأ الأووووووووووووول

تحياتي لك

زهرة الجنة يقول...

كل سنة انت ومدونتك بخير ياجميل
وعقبال ملييووووووون سنة
وكل سنة تكون احلي من اللي قبلها
سعيدة جدا بالتعرف عليكي وعلي مدونتك


صحيح اخبار المحشي ايه

اخوكي يقول...

kol sana we elmodawana tayba we 3o2bal ma na7tafil be el3id el sanawy lawel kitab liky ensha2 allah

سمو الأميرة سارة يقول...

عبد الله وانت طيب دايماً ياااااااااااااارب ويارب مدونتى تكبر وتبقى ملهلبة مش لاسعة بس هههههه

سمو الأميرة سارة يقول...

ام البنين .. واحلى ام لأحلى اربع اولاد

لأ خمسسسسسة هم في الحقيقة 4 أولاد و بنوتة اللى هي المدونة ربنا يااااااااارب يسعدك دايما ً يا حبيبتى

سمو الأميرة سارة يقول...

زهرة الجنة الجميلة : انا بجد الاسعد جدا لأنك - رغم قصر الوقت - حسيت قد ايه شخصية جميلة ودماغ بجد


بالنسبة للمحشى بعد اللي اتفقنا عليها خلاص انا بعت القضية هههههههههههه

سمو الأميرة سارة يقول...

اخويااااااااااااااااااااااا منووووور يا مودي بجد وفرحااااااااااااانة اوى بتهنئتك دي علشان انا عارفة انت قد ايه مشغوول في الشغل ربنا ما يحرمنى منك يا احلى اخ في الدنيا ياااااااااارب

انت تسال والكمبيوتر يجيب يقول...

سمو الأميره
اولا سعداء جدا لتوضيحك معنى لاسع لنا لعدة اسباب
اولا التفسير جديد وطازح ولذلك فهو منعش وسنذيعه طبعا
ثانياسعدنا بوجودك ومشاركتك معنا وننتظر مشاركاتك دائما
ثالثا المدونه متالقهوتستحق ان نتحدث عنها فى برنامجنا الأذاعى
لنهنئك بالعيد القومى لمملكتك ...طبعا فى هذا اليوم تعطل المدارس واماكن العمل فى المملكه ...نريد فقط ان نتاكد قبل ان نتحدث عن المدونه
اجمل المنى وكل سنه وانت ومملكتك فى خير وسعاده وبهذه المناسبه نوجه دعوه لكل مواطن فى المملكهالمزدهره

سعداءبالمرور على مودونتك المتميزه وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.
سنشير الى مدونتك فى البرنامج اذا لم يكن لديك مانع
وننتظر تعليقاتك على ما نطرحه من اسئله وموضوعات فى مدونتنا وهذه التعليقات تذاع ايضا مع الموضوعات المعلق عليها
وبالمدونه يمكن الأستماع الى حلقات سابقه من البرنامج عن مدونات اخرى نختارها لتميزها.
وبموقعنا تفاصيل اكثر
المدونه
http://netonradio.blogspot.com
الموقع
http://stop.to/cairo
وبالموقع رابط تحت الساعه الى اليسار ليدخلك الى مجموعتنا على الفيسبوك واسمها انا والنت حيث يحكى الزملاء فى المجموعه حكاياتهم مع النت وندعوك للأنضمام اليه
تحاتنا وامنياتنا لك بالتوفيق

سمو الأميرة سارة يقول...

سمو الأميره
اولا سعداء جدا لتوضيحك معنى لاسع لنا لعدة اسباب
اولا التفسير جديد وطازح ولذلك فهو منعش وسنذيعه طبعا
ثانياسعدنا بوجودك ومشاركتك معنا وننتظر مشاركاتك دائما

__________________

انا الاسعد بجد يا استاذ صلاح وبحب جداً البرنامج ولولا ظروف الامتحانات كان زماني بتابعه دايماً

=======================

ثالثا المدونه متالقه وتستحق ان نتحدث عنها فى برنامجنا الأذاعى
لنهنئك بالعيد القومى

_________________

ربنا يكرمك يارب دي هتكون اجمل تهنئة بالعيد القومي :))
============================

لمملكتك ...طبعا فى هذا اليوم تعطل المدارس واماكن العمل فى المملكه ...نريد فقط ان نتاكد قبل ان نتحدث عن المدونه
اجمل المنى وكل سنه وانت ومملكتك فى خير وسعاده وبهذه المناسبه نوجه دعوه لكل مواطن فى المملكهالمزدهره

___________________________

والله على حسب .. انا مملكة ديموقراطية ومن فرط ديموقراطيتي طبعاً طلعت فرمان الكل لازم يشتغل اليوم دا ههههههههههه

=======================

سعداءبالمرور على مودونتك المتميزه وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.
سنشير الى مدونتك فى البرنامج اذا لم يكن لديك مانع

________________

دا انا ليا الشرف يا استاذ صلاح وياريت اعرف ميعاد الاذاعة علشان اسمعها وادعي الناس تسمعها
وشكراً بجد
======================

وننتظر تعليقاتك على ما نطرحه من اسئله وموضوعات فى مدونتنا وهذه التعليقات تذاع ايضا مع الموضوعات المعلق عليها
وبالمدونه يمكن الأستماع الى حلقات سابقه من البرنامج عن مدونات اخرى نختارها لتميزها.
وبموقعنا تفاصيل اكثر
المدونه

_______________

ان شا ء الله باذن الله اكون مستمعة دايمة للبرنامج ونورتني بجد وشرفتني

انت تسال والكمبيوتر يجيب يقول...

العزيزه سمو الأميرهساره
حلقة برنامجنا عن مدونتك ستكون يوم السبت12-6 كالمعتاد على الأذاعه الرئيسيه لمصر اى أذاعة البرنامج العام التاسعه وعشر دقائق صباحاموجة اف ام 107 فاصله اربعهاو النتوسطه 819 كيلوهرتز او على النايل سات قسم الراديو البرنامج رقم واحد او من رابط فى موقعنا
تحت الساعه
http://stop.to/cairo
اجمل المنى

المتابعون

اعتبرها بيتك ♥

وِش القفص

خليك ورايا

دليفري..