لعلمك

لعلمك

إقرأ لي

دخلوا بكليك شمال :D

Blog Archive

الأربعاء، فبراير 25، 2009

postheadericon عن " وحوحة " القلوب أتحدث

كنت بدعبس في كتاب فيه مقالات للكتاب الاكثر من رائع ( يحي حقي ) شوفت مقال جه ع الجرح بجد

وقولت عبقرية فعلاً ان يحي حقي يكون كاتب مقال من مش اقل من عشرين سنة وينطبق ع حالنا دلوقتي

كان بيتكلم عن ابواب " انا عندي مشكلة " " اريد حلا" والافلام الهندي اللي بتحصل فيها وعن البرامج اللى كده في الراديو والتلفزيون .. وكان محمووووووووووووق اوي يا عيني ودمه محروق ويقول الكلام دا المفروض يترمي في الزبالة مش يتنشر .. دي حاجات مالهاش لازمة
.. دا ايامهم  يعني قبل ما اسامة منير يطلع يعني كان زمان يحي حقى مات بالشلل الرعاش لو عايش عصرنا المزدهر دا  وقال ع اللى بيبعتوا الحاجات دي والبرامج دي .. " صفحات وبرامج وحوحة القلوب "

انا بصراحة عجبني التعبير ا ووووووووووووى ومش راضي يطلع من دماغي

خاصة انا الفترة دي بعاني من فترات استماع مكثفة للراديو فروحي طلعانة من برامج وحوحات القلوب دي

ولا باب انا عندي مشكلة اللي في الجمهورية - مش عارفة اسمه باالظبط بس اقصد اللى مختص بكده يعني - مسخرررررررررررررة

وشلل بقى تحس ان احنا عايشين في بيت ......... كبير في البلد دي

في كام نقطة بتشلني في البرامج دي

نمبر وان : اني واثقة ومتأكدة ان مافيش حاجة اسمها حد يحل لحد مشكلة من خلال كلمتين عرفهم عن المشكلة

اذا كنت انت يا اخي معكوك في المشكلة من ساعة ما بدأت ومش عارف تتنيل تحلها عم فراكيكو بقى هو اللي هيحلها ؟؟

وهيحلها وانت حاكي من طرف واحد ؟ طب بزمتك انت هتبقى مرتاح للحل دا يعني ؟؟

طب سيبك من دا كله هل يعني انت ماتعرفش اي حد في الدنيا من قرايبك ولا اصحابك ولا اي حد بيفهم خالص في الدنيا ؟

يالهوى دا انت لو كده تبقى دي في حد ذاتها مشكلة


نسيبنا من دي وندخل ع اللي بعده

نمبر تو .. فذلكة حضرة المذيع وهو بيرد ع الاسئلة .. شلل بجد .. تلاقي حضرته تقمص دور الحكيم ايسوب

وركب اجنحة الملايكة بقى وعم المتسامح الغفور اللي مش عارف ايه

واكنه عمره ما غلط ولا في مذيعة ع الشلل الأوسط بتحسسني انها بتنيم عيل صغير او عايزة تضحك ع عيل بمصاصة بدل الشيبسي


وغير كده بجد ماعرفش ازاي مش بيحس ان اللي باعت الرسالة دا بيشتغله ومفبرك الحكاية

الناس بتبعت حكايات خيال علمي بجد

ماحدش ينقعني مثلاً ان في واحدة ف واحد اعتدى عليها ( اعتدى عليها اوى يعني مش ضرب ولا كده ) و ليها نفس

تسمع الراديو وتبعت لهم تقول لهم اعمل ايه ؟؟

وكل الدنيا اصلا عارفة ان المذيعة هتقولها

( انتي ضحية انتي مالكيش ذنب لازم تقولي لبابا وماما )


النقطة اللي بعد كده بقى هي ان الناس بقت تحب تتفضح يا اما بقت شايفة ان دى مش فضايح

بجد حاجة بقت تحسسك بقرف من المجتمع دا

الكل بيخون وعااااااااااادى

والكل بيغلط مع الكل وعااااااااااادي

دا انا مرة سمعت واحد في اسامة منير

بيقول آل ايه يا خويا بقاله سبع سنين بيحب في واحدة متجوزة وهي بتحبه

وآل ايه اكتر حاجة عجباه فيها انها على خلق ودين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب بلاش هم الاتنين متخلفين عقلباً الاستاذ بيقول

ان اهلها واهله عارفين وعزمها عنده في بيتهم وعزمته في بيت اهلها ؟؟؟؟؟؟؟؟؟؟؟؟

آخر حاجة بقى فييييييييييييييييييين ميثاق الشرف الاعلامي ؟؟

فيييين القوانين بتاعة الاعلام والاهداف والحاجات بتاعته اللى فالقيننا بيها 3 سنين في الكلية ؟؟

انا فاكرة انى درست انه ممنوع في برامج الاجتماعيات ان المذيع ينصح المستمع بالطلاق علشان المجتمع ما يتدمرش

اومال القرف دا بيعمل ايه في المجتمع ؟؟؟؟؟؟

حاجة تحرق الدم

نسيبنا من وحوحة القلوب بقى واحكيلكم عن كمان حاجة تحرق الدم

امبارح وانا هائمة ع رجلي ف الكلية شوفت يافطة بتقول ان في فيلم تسجيلى عن محمود درويش هيعرضه نادي الأدب ف الكلية

انا كان هاين عليا ارقع زغروطة في وسط الكلية لأسباب كتيرة

اولها اني اول مرة اعرف ان في نادي ادب في الكلية

تانيها اني بمووووووووووووت في محمود درويش

واحنا معديين ع اليافطة واحدة لما شافتني انشكحت اوي قالتلى هوا قريبك ؟؟ كنت هلطم تاني هههههههههههه

المهم روحت النهاردة مخصوص علشان احضر بصراحة محمود درويش ينفات له بلاد

روحت متأخر لأن كل شوية واحدة تقابلني ترغي معايا شوية

فحظى الاغبر اني قعدت ورا


بس قولت مش مشكلة

وفرحت اوى كل دوووووووووووووووووووول بيحبوا محمود درويش ؟ هو يستاهل بصراحة

المهم

حصلت مشكلة في الصوت فالطلبة قاعدة تتكلم

بنت قدامي بقى استفزتني اوى فخبطت عليها اكلمها علشان تحس ع دمها

بقولها بابتسامة عريضة وكل ذوق

انتى بتحبي محمود درويش بقى علشان كده جاية صح

تمهيداً لأنها تقولى اه فاقولها واحنا كمان فخلينا نسمع بقى

لقيتها بتقول لى مين محمود درويش انا ماعرفوش انا عايزة عبد الباسط حمودة هأ ها ها ها

وقعدوا يضحكوا هي وصاحبتها

فبعدين قولتلها وانا بحاول ابتسم اومال قاعدة لحد دلوقتي ليه علشان تحضرى لحد مش بتحبيه

قالتلي : ميعاد الاتوبيس !!!

سكتت وضاعت فرحتى واملي وعٌمري وكل العيلة :(






13 بوينتس أوف فيو:

kafrawy يقول...

ههههههههههههههههههههههههه


الهايفين كتير

tarek alghnam يقول...

الاميره ساره
انتى عندك حق فى كلامك
بس احيانا الانسات يكتب مشكله حدثت له ليستخلص الاخرون منها العبرة ولا يقعوا فيها ومن اجمل الكتاب الذين نبغوا فى هذا الموضوع رحمه الله عليه الكاتب عبد الوهاب مطاوع وكان لايعرض المشاكل الهيفا ولكن كان يعرض المشاكل التى تستحق وبنبره ادبيه رائعه
رحم الله عبد الوهاب مطاوع
ورحم الله اعلامنا المتخصص فى كل شئ عدا التربيه والعلم
تحياتى

إبـراهيم ... معـايــا يقول...

إنتي رغاااية قوي على فكرة، مش معقول يحيى حقي قال الكلام ده كللله :)


بس عســــل على فكرة


تحياتي، وخلينا نشوووفك

صوت من مصر يقول...

للاسف انا لسعت من زمان

Belal يقول...

بيتهيئلي لو يحيى حقي شاف فيلم من بتوع اليومين دول كان جاتله سكتهقلبيه مش سمع برنامج يموت من الشلل الرعاش

تحياتي يا آنسه

Tamer Diab يقول...

لا لا لا كله كوم وأسامة منير ده كووووز تاني خالص
انا اطيق العمي ولا اطقش الشيء ده
ده كييف بقي اجابات علي غرار
( وأنا بقول لأحمد أرجع عشان مني عايزاك وبنهديلة أغنيه السح ادح امبو يمكن قلبه يحن ويرجعلها )
يا نهار اسود يا جدعان علي الأعاقة الذهنية الي بقينا فيها
لا وسوري بقي البنات الي بتتصل بحس انهم بيتكلموا من تحت السرير عشان بابا ميسمعهاش يا اما من فوق السرير بصراحه برضه متصله تتسهوك ع الواد وهو عامل فيها محترم ويقعد يقولها انتي رقيقة خالص يا مني
كتك 958445732 نيلة يا اخي انت ومني وأحمد في ساعة واحدة

شكرا يا افندم علي البوست الي خلاني افش غلي ده :)

جميل بجد

wafaa يقول...

مجرمة
:))))

سمو الأميرة سارة يقول...

كفراوي .. يلا ادينا بنتفرج

سمو الأميرة سارة يقول...

طارق الغنام جبت جووووووووون وفكرتني بحاجة كنت عايزة اقولها فعلا استاذ عبد الوهاب مطاوع كان بينتقى الحاجة اللى تفيد بجد وكان بيوضح العبرة من الحكاية بكل ذكاء ربنا يرحمه بجد لكن حقيقى عمري ما استفدت من اى برنامج من برامج الوحوحة خالص

سمو الأميرة سارة يقول...

ابراهيم : هههههههههههههههه والله انا كمان لاحظت اني رغاية ايدي وجعتنى عقبال ما كتبت البوست ههههههههههههههه سعيييييييييييييييدة جدا انك نورتني

سمو الأميرة سارة يقول...

بلال : هههههههههههههه عمعاك حق والله

سمو الأميرة سارة يقول...

تامر ياب : هههههههههههههه أي خدمة يا تامر اهم حاجة بقى .. احمد رجع ولا لسة ؟؟ هههههههههههه

سمو الأميرة سارة يقول...

وفاااااااااء انا غلباااااااااااااااااانة هههههههه

المتابعون

اعتبرها بيتك ♥

وِش القفص

خليك ورايا

دليفري..