لعلمك

لعلمك

إقرأ لي

دخلوا بكليك شمال :D

Blog Archive

السبت، فبراير 28، 2009

postheadericon اطبخي يا جارية .. اطلب الاسعاف يا سيدي


البوست دا 3 × 1 عرض خااااااااااااص ههههههههه وممكن يبقى اكتر من كده كمان الله اعلم انا قررت ابعبع

(1) اطبخي يا جارية .. اطلب الاسعاف يا سيدي

طبعاً الكل عارف اني اشطر من ابلة نظيرة في الطبخ والمطبخ

وطبعاً الكل عارف اني بتواضع وبخبي مواهبي علشان الحسد هههههههههههه بس في قعدة صفا بيني وبين لؤلؤتي

اعترفنا بمواهبنا الفذة العبقرية

اتفرجوا اتفرجوا بس اوعوا حد يحسد ولا يقر

ههههههههههههههههه

شوفتي يا لؤلؤتي
بنوتة لاسعة: المحشي
لؤلؤتي: خير
لؤلؤتي: ماله
بنوتة لاسعة: عملت محشىىىىىىىىىىىىىى
لؤلؤتي: الله
لؤلؤتي: حلو
لؤلؤتي: ؟؟
بنوتة لاسعة: احم
لؤلؤتي: اكيد حلو
بنوتة لاسعة: شبه المحشي
لؤلؤتي: انا ازاي بسأل
بنوتة لاسعة:(ايموشن مكسوف ) هههههههههه
لؤلؤتي: هههههههههههههههه
بنوتة لاسعة: وعملت صينية بطاطس ورز
لؤلؤتي: ماشاء الله
بنوتة لاسعة: تقدري تسألي
بنوتة لاسعة: قطط الشوار عن طعمهم
بنوتة لاسعة: هههههههههههههههههههه
لؤلؤتي: شطوووووووووووووورة
بنوتة لاسعة: الشوارع *
بنوتة لاسعة: شطورة ايه راحوا فففي الزبالة
بنوتة لاسعة: واكلنا برة هههههههههههههههههههههههههه
لؤلؤتي: ههههههههههههههههههههههههههههههههههههههههههههههههه
لؤلؤتي: للدرجة دي
لؤلؤتي: لية يا بنتي كدا
بنوتة لاسعة: ماعرفش ليه
بنوتة لاسعة: مالهمش طععععم البطاطس ولا الرز
بنوتة لاسعة: اول يوم السلطة تسترت عليا
بنوتة لاسعة: تاني يوم كل شيء انكشفن وبااااااااااان
لؤلؤتي: هههههههههههههههههههههه
لؤلؤتي: كدا يا سوسو
لؤلؤتي: لا زم تبقي ست بيت شاطرة
بنوتة لاسعة: لع
بنوتة لاسعة: يا ست بيت
بنوتة لاسعة: يا شاطرة
هههههههههههههههههه
لؤلؤتي: على فكرة اللي بتنصحك دي مش اشطر منك يعني
لؤلؤتي: اقولك انا عملت ايه
بنوتة لاسعة: ههههههههههه
بنوتة لاسعة: اشجيييييييييييني
لؤلؤتي: هههههههههههههههههههههههه
لؤلؤتي: انا يوم ماما قالتلنا اعملو بسلة ورز ولحمة
لؤلؤتي: المهن انا قلت اعمل البسلة واخلي دعاء تعمل الرز
لؤلؤتي: لاني بطلعة معجن
بنوتة لاسعة: اه
لؤلؤتي: المهن برضه
لؤلؤتي: انا جيت اعمل البسلة في امان الله
لؤلؤتي: وبعد ما استوت وبقت زي القمر
بنوتة لاسعة: هههههههههههههههههههههههههه
بنوتة لاسعة: زي القمر
لؤلؤتي: راحت سبتها على النار
لؤلؤتي: اتحرقت
لؤلؤتي: ههههههههههههههههه
بنوتة لاسعة: يالهوووووووووووووووووووووووووووى
لؤلؤتي: اه والله
بنوتة لاسعة: بس الحق يتقال
بنوتة لاسعة: هي كانننت قمر
لؤلؤتي: بس اتسترت على الجريمة
بنوتة لاسعة: عملتي ايه
لؤلؤتي: نقلتها في حلة تانية
بنوتة لاسعة: هههههههههههههههههه
لؤلؤتي: ومبانش قوي انها اتحرقت
بنوتة لاسعة: ههههههههههههههههههههههههههههههههههههه
لؤلؤتي: هههههههههههههههههههههههههههه
لؤلؤتي: على فكرة
لؤلؤتي: بعدها بيوم
بنوتة لاسعة: اه
لؤلؤتي: قلت لدعاء بما اني حرفت البسلة امبارح
لؤلؤتي: اجرب حظي في الرز
لؤلؤتي: والله يا سارة
بنوتة لاسعة: ههههههههههههههههههههههههه
لؤلؤتي: هو اتحرق لوحده
بنوتة لاسعة: هههههههههههههههههههههههههههههههههههههههههههههههههههههههههههههههههههههههه
لؤلؤتي: نسيته على النار وهي عالية
لؤلؤتي: لقيت الحلة والرز بقو شبه بعض
لؤلؤتي: هههههههههههههههههههههه
بنوتة لاسعة: ماهى الحاجة بتتحرق علشان لوحدها
بنوتة لاسعة: ههههههههههههههههههههههههههههه
بنوتة لاسعة: لؤلؤتي
بنوتة لاسعة: انا هسيف الحوار
بنوتة لاسعة: دا والنبي
بنوتة لاسعة: وانزله
بنوتة لاسعة: ههههههههههههههههههههههههههههههههههههههه
لؤلؤتي: ههههههههههههههههههههه
لؤلؤتي: ماشي
لؤلؤتي is typing a message.
لؤلؤتي: ثواني تلوفون واكملك
بنوتة لاسعة: اوك
اكملك
بنوتة لاسعة: اوكيشن
لؤلؤتي : المهم بعد ما الرز والحلة باظو
بنوتة لاسعة: هههههههههه
بنوتة لاسعة: الاتنين
لؤلؤتي : طلعت رز تاني وحلة جديدة
لؤلؤتي : عشان اعمل رز تاني
بنوتة لاسعة: ههههههههههههههههههههه
لؤلؤتي : وياريتني ما عملته
بنوتة لاسعة: ماتقوليش
لؤلؤتي : الرز طلع معجن اخر حاجة
لؤلؤتي : هههههههههههههههههههههههههههه
بنوتة لاسعة: حصلوا اللى قبلهم
بنوتة لاسعة: طااااااااااااااااااااااا
بنوتة لاسعة: الحمد لله ع قد العجين
لؤلؤتي : ههههههههههههههههههههههه
بنوتة لاسعة: ههههههههههههههههههههه
لؤلؤتي : والله ماعرف في ايه مع الرز
لؤلؤتي : هههههههههههههههههه
لؤلؤتي : اليوم اللي بعده
لؤلؤتي : عملت رز
بنوتة لاسعة: انتى مصرررررررة بقى
لؤلؤتي : طلع معجن برضو ومن غير ملح
لؤلؤتي : كان عااااااااااااادب
بنوتة لاسعة: هههههههههههههههههههههه
لؤلؤتي : ههههههههههههههههههههه
بنوتة لاسعة: نفس مشكلة ر زي
لؤلؤتي : كنت بعزب اهل البيت
بنوتة لاسعة: بردو كان عايز ملح
بنوتة لاسعة: هههههههههههههههههه علشان
بنوتة لاسعة: يحرموا يقولوا اطبخي
لؤلؤتي : ههههههههههههههههههههههه
لؤلؤتي : ربنا يستر


(( أكيد طبعاً مفهوم ربنا يستر على مين )) احم احم


(2 ) ما اشربش الشاي .. أشرب جوافة أنا

من كام سنة كده كان اصحاب اختي عندنا

وكانوا هيخرجوا سوا واختى بتلبس بقى ومش فاضي وانا هقدم لهم حاجة

وحيث ان الجو كان حر ولا مش فاكرة ايه ظروفه والله ام هند هم ماكنوش هيشربوا شاي

فرسي المزاد على انهم هيشربوا جوافة

وجنت ع نفسها براكش

اختى وهي بتلبس شرحت لي الخطوات

هتقطعي الجوافة

وتحطيها في الخلاط وتحطي سكر ولبن وكده وبعدين تصفيها

وانا سمعت كلامها بالظببببببببببط

قطعت الجوافة وكان لونها ابيض

بعدين حطيتها في الخلاط وحطيت اللبن اللى هو بردو لونه ابيض

وحطيت السكر ولسة الخليط ابيض

وعصرتها ولسة بيضا

وصفيتها و حطيتها في الكوبيات وقدمتها ووالله كانت بيضا


دخلت بعد شوية لقيت العيال بيبصوا للكوبايات برعب

فقولتلهم مابتشربوش ليه يا جماعة

فضحكوا ضحكة صفرا كده وحاضر هنشرب

وما شربوش

واول لما اختى دخلت قالولها هو ايه دا

قالتلهم جوافة

قالولها اومال هي لونها بنفسجي ليييييييييييييه ؟؟؟؟؟؟؟؟؟

ولسة لحد دلوقتي بسأل نفسي السؤال دا ليه لونها بقى بنفسجي ؟؟

اكيد فكرتها نفس فكرة اللبان السحري
هههههههههههه


(3) فكرة عمل الفيشار

أيام ثانوي وآاااااااه من آيام ثانوي أيام سهر الليالي ..

مش شرط مذاكرة يعني ف الكتب ممكن تذاكر في مجلد ماجد عاااااااااااادي

هههههههههههههه

أيام ثانوي كنت بسهر لوحدي طبعاً اذاكر

ولأن الفضا وحش والشيطان شاطر فكنت كتييييييييييير أوي يوزني شيطاني ادخل المطبخ

وطبعاً بعد الكلام اللي فات دا كله مش محتاجين تعرفوا

ان دخولي المطبخ دا حاجة سهلة

المهم .. زهقت من كتر عمايل القهوة باللبن والنسكافيه والشاي

حسيت اني عايزة اوسع في النشاط

فقولت اعمل فيشار

وحيث اننا ما عندناش البتاعة اللى بتقلي الفيشار دي

فانا ابدعت

اول مرة عملت فيشار كنت هموووووووووووووت واعرف فكرة عمله ايه يعني عايزة

اشوف الفيشاراية وهي بتفتح كده زي الورد

وفعلاً حطيت الفيشار ف الطاسة وولعت عليه

واستناه يفتح مافتحش

افتح ابني خلينا اخلص ما فتحش

قولت شكله بياخد وقت اخليه ع راحته احسن

غطيته ودخلت اعمل نفسي بذاكر وطلعت

لقيته بردو مافتحش

قولت لأ بقى شيلت الغطى

ومش عايزة اقول شوفت ايييييييييه

مش عارفة ازاااااااااااااااااااي ماحدش يقول لي اني المفروض احط زييييييييييييت ؟؟؟؟؟؟؟

عامة ماما تاني يوم لما شافت مخلفات الحرب قالتلى

وتاني يوم بردو بالليل دخلت اعمل فيشار حطيت زيت وولعت عليه وقعدت استناه

يفتح وفتح وياااااااااااااااااااريته ما فتح .. حررررررررررب قامت في وشي

وصوووووووووووويت وتنطيط وهووووووووب اذ فجأة القيت أرضية المطبخ كلها مزرعة فيشاااااااار

مش عارفة بردو ا مين وازااااااااااي وليه ما قاليش اني المفروض اغطي الفيشار ؟؟؟؟؟؟؟؟

بعد كده بقى بقيت خبرة بعد كام حريقة حلة

وبعد حريقة فيشار نفسه

بقيت استااااااااذة والله في الفيشار وبعرف احط له ملح كمان وااااااخر تظبيط واهو كله في سبيل العلم
:)


(4 ) ابحث عن الملـــــــــــــــح
ول عمري في سؤال بيلح عليا

ليه الملح ما بيتحطش في التلاجة ؟؟؟؟؟؟؟؟؟

من يوم ما كبرت وبقيت اشيل الأكل في البيت وانا هموت واعرف اجابة السؤال دا

كل يوم لما اجي اشيل الفطار ولا العشا ولا الغدا احط الملح في التلاجة

ممكن انسى احط اي حاجة تانية في التلاجة

لكن كله الا الملح لحد ما حفظوا في البيت لما يغلبوا تدوير ع الملاحة

يسالوا مين شال الأكل ؟؟

سارة

آه يبقى الملح في التلاجة كده ع طول

وبعد ما كنت بحسبني خفيت من الخصلة دي

في الاجازة بتاعة نص السنة اللى فاتت ع طول دي

لما كنت قاعدة مع اخويا

عملت ملح بفلفل اسود وحطيتناه

واحنا بناكل وشيلت الأكل

تاني يوم ادووووووووووووور ع الملح ابو فلفل ما لقيتهوش

قولت مش مهم عملت ملح بكمون


واكلنا منه تاني يوم ادوووووووور ع الملح ابو كمون

ما فيييييييييييش فايدة لحد ما زهقت بقى ما ينفعش كده

طبعاً لقيتهم بعد اسبوع مش هقول فين بقى ;)

23 بوينتس أوف فيو:

mido يقول...

احمممم

مين قالك ان الدستور بتشتم فى الرئيس ؟ هه مين ؟

سؤال :

انت بتشترى الدستور أصلا ؟

:)

بسوووومة يقول...

هههههههههههههههههههه


ههههههههههههههههههه
هههههههههههه
والله عنيا دمعت من الضحك
ايه دة كله
طيب اقولك حاجه بمناسبة الثلاجة والملاحه
اختى لما تحب تعين الريموت بتاع التلفزيون تعينه ف التلاجه واحنا ندور وندور وف الاخر يطلع فى التلاجة

دمك خفبف جدا يا عثووووووله

غروب يقول...

ههههههههه

يخرب عقلك يا ساسو

انا هموت من الضحك والله خصوصا على الفيشار

هههههه

دمك عثثثثثثثثل

mohamed ghalia يقول...

واضح إنك متخصصة فى فنون المطبخ
وبعدين هو فى أميرة بردة بتدخل المطبخ هههههههههههههههههههه
دمتى بكل الود

abdo يقول...

لا بجد مش معقولة
أنا مش قادر أمسك نفسى من الضحك ربنا يكون فى عونك

Alaa El-Shaikh يقول...

هههههههههههههههههههه .. يالهوي على العسل يا سارة .. بس نفسي أعرف .. الجوافة بقت بنفسجس إزاي .. انا قعدت اضحك يا بنتي لغاية ما الجيران اشتكو مني .. ههههههههههههه ولا لما كنتي بتعملي الفيشار .. بقى يا حلوة مستنياه يفتح .. ههههههههههههههه قشطة عليكي يا سوسو .. وربنا انتي عسل ااااخر حاجة .. ربنا يزيدك كمان وكمان .. وعقبال ما اشوفك كدا ست بيت قاااااااد مطابخ الدنيا دي كووووولها

bar2ash يقول...

السلام عليكم

قريت البوست كلمه كلمه

بس مش عارف ليه لما وصلت الاخر بقيت بتنفس بصعوبه وبنهج جامد

يمكن عشان ريحة الشياط بتاع الرز

هههههههه

بجد دمك شربات والبوست هايل


تحياتي

برقش

مـجـنـووون يقول...

الله يكون في عونه إلي هيكون صاحب القسمة والنصيب ههههههههههه


تقبلي مروري
مجنووون

سمو الأميرة سارة يقول...

ميدو اه والله كنت بشتريه وبعدين بطلت واعمل استفتاء كده ع الفيس بوك ولا حاجة وشوف آراء الناس

سمو الأميرة سارة يقول...

انا كنت هكمل رد ع التعليققات بس ندهولى علشان اكل سلامووووووووووووز دلوقتي

شفقة هانم واحسان بك يقول...

ايه يا سارة ده اللى بتقوليه ده مش معقول
والله موتينى من الضحك على الاكل اللبخة ده
ولا الجوافة اللى بقى لونها بنفسجى طيب ازاى نفسى اعرف
والنبى قوليلى الطريقة علشان اجربها فى احسان

mido يقول...

كل ده بتاكلى :))

Alaa El-Shaikh يقول...

محدش يتريق على الرز بتاعي .. كدا يا براقش مدايق من ريحة شياط الرز ؟؟ ينفع الكلام دا يا سمو الأميرة .. على فكرة يا سارة .. انا كل شوية أدخل أقرا الموضوع السكر دا .. ايه دا يا بنتي .. ربنا يباركلك .. يااااااااااااارب

سمو الأميرة سارة يقول...

بسومة : هههههههههههههههههههههههههههه واهي بالمرة بتشحن الحجارة دي بتعمل فيكوا معروف ع فكرة ههههههههههه نورتيني ياقمر

سمو الأميرة سارة يقول...

غروب : بعد الشررررررررررر يا بنوتة لو جرالك حاجة بس هعزم مين ع فيشار في البيت ؟؟

سمو الأميرة سارة يقول...

محمد غاليا : هههههههههههههههه دا انا بدي كورسات طبيخ

__________________

وبعدين هو فى أميرة بردة بتدخل المطبخ هههههههههههههههههههه
دمتى بكل الود
-------------

ههههههههههههههههههههههه بابا بردو بيقول لي كده بس تواضع بقى اعمل ايه ههههههههههه

سمو الأميرة سارة يقول...

عبدو .. ويكون في عون اللي بالى بالك ههههههههههههه

سمو الأميرة سارة يقول...

لؤلؤتي : وربنا انتي اللى عسل وبعدين انتي ناسية انك انتي اللى الهمتيني الاسم دا ههههههههههههههههههه وبعدين لما ابقى ست بيت قد مطابخ الدنيا هبقى تختوخة اوووووووووى هههههههههههه

سمو الأميرة سارة يقول...

برقش ههههههههههههه غريبة رغم انى فتحت الشفاط بتاع المدونة ههههههههههههههه

نورتني يا باشا

سمو الأميرة سارة يقول...

مجنون ههههههههههههههه هو دا يعني يا مجنون فى مشاعر مرهقة تقولوا يابخته وهنا تقولوا الله يكون في عونه ارسووووووووا ع ب ر هههههههههههههههههههه

سمو الأميرة سارة يقول...

شفشوقتي : هههههههههههههههههههههه هحاول افتكر الوصفة علشان خاطر احسان ههههههههههههههه

سمو الأميرة سارة يقول...

ميدو كحححححح كحححححححححححح اهو اديني شرقت اهو عاجبك كده ؟

سمو الأميرة سارة يقول...

لؤلؤتي ههههههههههههههههههههههههههه مين بس يقدر يتريأ دول غيرانين يا لؤلؤتي سيبك منهم ( احم احم ماحدش يزعل انا بطيب خاطر البنية هههههههه ) ع فكرة يا لؤلؤتي وحشتيني اوووووووى

المتابعون

اعتبرها بيتك ♥

وِش القفص

خليك ورايا

دليفري..