لعلمك

لعلمك

إقرأ لي

دخلوا بكليك شمال :D

Blog Archive

الخميس، مارس 12، 2009

postheadericon هي لو لونها بمبي ماكنتش هتحبها ؟؟

زمااااااااااااان من أيام ابتدائي وهم بيعلمونا في المدرسة

ان اول ماحد يقولك بتحب مصر ليه ؟

تقول علشان سماها صافية ونيلها طعمه حلو وارضها مليانة خير

والجو فيها ربيع طول السنة وعلشان فيها الأهرامات

والفراعنة مدفونين فيها

ودا طبعاً قمة التخلف .. ودا السبب في العدد الرهيب من الشباب اللي دلوقتي بيدعي انه ما بيحبش مصر

أيوة بيدعي لأنه بيحبها بس مش عارف لأنه فاكر انه لما يحبها هيحبها لأن سماها صافية وجوها حلو ونيلها طعمه حلو !!

طب لو فرضاً صحينا الصبح لقيت السما لونها بمبي وماية النيل كلها كخ ووحشة هتكرهها ؟؟

ولو كرهتها هو دا اصلاً يبقى حب ؟؟

لأ طبعاً اللي بيربط أي بني آدم بحب بلده حاجة أكبر من كده بجد

حاجة زي الحبل السري .. بس مش بينقطع

حاجة غصب عنك تخليك تحن للمكان اللي اتولدت فيه

مهما كان .. حتى لو ما كنتش شوفته

حاجة تخلي الحنين جواك يبكيك .. حنين للمكان اللي اتولدت فيه .. للهوا دا .. للسما دي .. مهما كانت بعيوبها ومميزاتها

وانا بقول الكلام دا - اقسم بالله - وانا مجربة

ياااااااااااااااااااريت بقى يبطلوا عبط ويبطلوا يبوظوا في دمغة العيال

ويطلعوا جيل محترم فاهم انه بيحب بلده حتى لو كانت عبارة عن خرابة

مش يحبها وهي حلوة ولو بقت وحشة يدور ع بلد حلوة وبنت ناس ويروح يحبها

الجيل اللي هيطلع متربي على فكرة ان بلده بلده لأنها بلده مش لأن نيلها فحلقي هو اللي هيقدر بجد يصلحها

لأنه بيحبها حب عذري مش حب مبني على المطامع والمصالح وبس

لاااااااااااااااااازم يغيروا المفهوم دا لأن بالاسلوب دا ماحدش هيحب مصر لأن في 100 ألف بلد دلوقتي السما بيصفوها

والتكييف بيظبط جوها ويقدروا ياخدوا ماية النيل - النضيفة - لحد عندهم

______________________

حاجة مالهاش علاقة بالبوست

زي أي عيلة رجعت في كلامي وما قدرتش ما انزلش بوستات لحد ما اظبط المدونة

بس ع الأقل رديت ع تعليقات آخر كام بوست

يعني مش عيلة أوي يعني D:







7 بوينتس أوف فيو:

bosysendrella يقول...

3andek 7a2 ya sara......
w 3ala ra2y elmasal "ma shrebtesh mn nelha " :D
بس بجد والله انا واحدة من الناس اللي بحبها من غير اي اسباب...صحيح ساعات بقول عايزة اسيبها واشوف الدنيا بره
بس من جوايا بيقولي اني مش حقدر ابعد عنها للحظة....للاسف

wafaa يقول...

اكيد هنحبها ، لانها عايشة جوانا
بحس اللى يقول انه كاره مصر انه كاره نفسه .. غصب عننا بنحن لها ونتمنى نشوفها احسن بلد
صحيح قرفنا وتعبنا واتمسح بيا كل الطرق السريعة فيكى يا مصر بس لسه بنحبها ... لانها لسه ما ماتتش جوانا
ولا هتموت

Tamer Diab يقول...

والله لو خرابة زي مبتقولي بحبها برضه
وهي دلوقتي خرابة عامة يعني بس برضه بحبها
انتي عارفة ان علمياً في نبضه معينة بتحصل في الإيد غير النبض العادي لما اي شخص بيسمع سيرة وطنة
ومعلومة اكيدة من طبيب طب نفسي
وبعدين علي راي فيلم مافيا لما كان حسين فهمي بيقول لاحمد الشقا
هو انت بتحب امك ليه
قاله عشان امي
قاله يعني مش عشان هي اجمل واحدة في الدنيا
نفس الموضوع بالظبط والله

زي ما هي حبها
بحلوها ومرها
بص لحبيبتك حسها
وزي ما هي حبها

الأغنية دي بتبكيني رغم انها عادية

BAsMA يقول...

اولا مبروك التشطيبات الجديده

وثانيا مصر هى امى
والله مصر حلوة بس احنا اللى مش شايفنها صح

مخبر قمل دولة يقول...

كلام حضرتك جميل يا لاسعه
كلام الكتب ده لو العيال يطبقوه يبقى على مصر السلام

nehal mokhtar يقول...

بجد عندك حق انا بحب مصر علشان هى مصر بطيبه شعبها وجدعنته وطبته مصر هى جاهين وام كلثوم وعبد الحليم ولو اعدت اكتب مش هاخلص
احيانا بنقول امتا نخرج منها بس كله كلام من وراء القلب

L0vElYGh0sT14 يقول...

مش شرط تحن للبلد الي انولدت فيه , مثلا في ناس اتولدت في بلاد تانية بس هي بالأساس مصرية ماتحنلهاش يعني!!! الواحد مننا لازم يحب بلده علشان تحبه يفكر يعمل فيها حاجة ويفكر تكون احلا واجمل واقوى بلد في العالم , بس هقول اية غير , تعيش الأستلا وسقارة الحشيش وسمعني سلام عظيمة يامصر يا ارض اللوا ورئصني ياقدع

المتابعون

اعتبرها بيتك ♥

وِش القفص

خليك ورايا

دليفري..