لعلمك

لعلمك

إقرأ لي

دخلوا بكليك شمال :D

Blog Archive

الجمعة، أبريل 24، 2009

postheadericon يا فرحتي بيه وهو بيتفرج


تخيل معايا الموقف دا كده :
"مامتك" طلبت منك تخلى بالك من اللبن اللى ع النار ، وانت وقفت قدام اللبن ، وشفته " بيسخن " و " بيسخن اوى " وبعدين " بيغلى " وأخيراً " بيفوووووووور " وبيطلع برا البتاع اللى بتسخنه فيه وانت واقف ساكت وبتتفرج عليه ..
" مامتك " رجعت بتعاتبك وبتقولك انك اهملت اللبن وضيعت الامانة ، وسألتك عملت كده ليه ؟؟
تقوم انت ترد عليها وتقولها " ياماما اهملت ايه بس ؟؟ انا متابع اللبن وهو بيسخن وبيفور وشايفه لما طلع برا البتاع .. انا كنت عارف كل اللى بيحصل له . "

تفتكر دا يتسمى ايه ؟؟

يتسمى ايه انك تكون " بتتفرج " وما بتعملش حاجة رغم ان دى " مسؤليتك " و" أمانة فى رقبتك " ؟؟؟
وبرغم ان بردو فى ايديك تتصرف وتتدخل ، والموضوع مش محتاج بطولة يعنى ..
كل اللى هتعمله " هتتحكم " فى البوتجاز ، اللى هو أصلاً " تحت ايدك " ..
اكتر من كده مش هقول ، .. وسمعنى سلام مصر هى امى تم ترلالم تم تم

28 بوينتس أوف فيو:

Ahmad Badawy يقول...

بطلوا جهل و افترا على الراجل

دى اسمها متابعة و اشراف و اللبن فار بتعليمات سيادته

:)

dr_m.arafa يقول...

رائع .. رائع .. حقيقي رائع

اخوها "محمد درويش" يقول...

والله جديد موضوع سيرش الجوجل عن "سيادة الرئيس " بس الاغرب من ده خبر شدني اوي ان الرئيس اتصل بمذيعه علي احدي الفضائيات كانت مستضيفه محامي الاخوان المسلمين وهناها ان الحلقه ناجحه اشمعنا ما سمعناش انه سمع عن حلقه او اتفرج علي حلقه من بتوع معتز ولا مني الشاذلي ولا غيرهم (مش هنقول عملر اديب لانه ممكن يكون مش قادر علي الاشتراك ومفيش وصله دش عندهم اعذروووه برده خلينا في ابو بلاش )اللي كانوا جايبين مثلا اهالي العباره ولا مشاكل العيش ولا هو بس ما بيطلعش الا في مشاكل الاخوان ومشكله الحضري وازمه الزمالك ومش عارف مين انما البلد تقوم وتقعد والناس تعمل اضرابات ولا هو هنا او ممكن يكون هنا بس بيتابع من بعيد لبعيد عشان محدش يحس بيه وهو بيتابع

heba يقول...

ساره بجد حلوة ..ولقطه ذكيه...وكمان انك تعرفي ان كل حاجه بامر سيادته وان الامن مستتب ونحت السيطره ...ده جانب من العبقريه...ربنا يوفقك

mido يقول...

يا نهار أبيض بتهاجمي الرئيس مبارك :P

mido يقول...

خلاص بقتي معارضة يا أختي :D

ali el king يقول...

ناقص يقول شوفتينى وانا بتفرج ؟؟

اجنن انا وانا بتفرج

mohra يقول...

ههههههههه
حلوه منك ديه

Unique يقول...

انا كمان فرحانة بيه .. في الحقيقة فرحانة بيهم كلهم
حتى تعداد الفيران زاد الايام دي

kafrawy يقول...

هههههههههههههههههههههههههههههههههه
ههههههههههههههههههههههههههههههههه
هههههههههههههههههههههههههههههه


شر البليه ما يضحك

TAREK ELMAHALLAWY يقول...

ده أسمه الا مبالاة

مصعب صلاح يقول...

ههههههههه
حلو البوست صحيح
وبعدين كتر خير الراجل هو فاضي لايه ولا ايه ؟
طب أنا راضي زمتك هو مش كان بيتابع مشاريع كتييييييييير
يبقى طبعا مش فاضي يخلصهم
وبعدين المسئولية صعبة
ربنا يكون ف عونهم
تقبلي مروري

My Hope$ يقول...

هههههههههههه

مبقاش في لبن خلاص
بقي سراميك هههههه

ومبقاش في شعب

بقي جماد

مامة مازن يقول...

يا خراشى عليكى انتى عسل والله بحب انا الحاجات بتاعة الحدق يفهم دى
هههههههههههههه
ربنا يستر لو حد بلغ عن حكاية اللبن دى ما تخافيش وراكى رجالة

سمو الأميرة سارة يقول...

احمد بدوي : صحيح فار بتعليمات سيادته و ( أسياد سيادته ) كمان ;) والله لنروح في داهية ههههههههههههههههه

سمو الأميرة سارة يقول...

د/ محمد عرفة ربنا يكرمك يارب نورتني

سمو الأميرة سارة يقول...

اخويااااااااااااااااااااا انا لو منك في البوست دا بالذات تنكر انك تعرفني ع الأقل الاقي حد يجيبلي الحلاوة ههههههههههه

تصدق فعلاً كان بابا بيكلمني ف الموضوع دا من كام يوم بيقول طب ماهي منى الشاذلي ع نفس القناة ولا تفتكر هو بينام مبكراً علشان يصحو مبكراً ليتابع أحوال الرعية هههههههههه

سمو الأميرة سارة يقول...

هبة
ربنا يخليكي ياقمراية ، يارب اكون دايماً عند حسن ظنك

سمو الأميرة سارة يقول...

ميدو : استغفر الله العظيم يارب مين جاب سيرة فخامة الرئيس يا ميدو اخص عليييييييييييك دا انا بتكلم عن رئيس الوحدة المحلية .. احم :D

سمو الأميرة سارة يقول...

علي : هههههههههههههههه اه صحيح شوفتيني وانا بتفرج منور يا علي

سمو الأميرة سارة يقول...

مهرة : يادي النور يادي الهنا اخيراااااااااااااااا نورتيني من تاني يا قمراية .. بركاااااااااااااتك يا حضرة رئيس الوحدة المحلية هههههههههههه

سمو الأميرة سارة يقول...

يونيك : ياااااااااااااااااااااااااااادي النور يا قمراية من زمان ما نورتينيش .. بالنسبة لتعداد الفيران أكيد زاد علشان الدنيا حررت ههههههههه

سمو الأميرة سارة يقول...

كفراوي : أي والله

سمو الأميرة سارة يقول...

مصعب صلاح هههههههههههههه معاك حق اذا كنا احنا بنتفرج ع التليفزيون مش بنلحق نذاكر هيقطع نفسه ولا يقطع نفسه

سمو الأميرة سارة يقول...

منمن ماي هوبس هههههههههههههه معاكي حق وكله بيطلع ف الغسيل .. غسيل المعدة طبعاً ههههههههه

سمو الأميرة سارة يقول...

مامة مازن وحشتييييييييييييييييييني جداً بقالك كتير ما نورتينيش والله انتي اللي زي السكر وربنا يستر واللي بالي بالك ما يفهموش ههههههههه

غير معرف يقول...

raaaaaaaaaaaaaaaaaaaaaaaaaaa2e3
:)
teslamee

غير معرف يقول...

أولاً بهنيكي علي إختيارك لموضوعات مهمة ثانيأً إسمحيلي أختلف معاكي متابعة الرئيس تختلف تماماً عن مثال اللبن دا يعني دا قياس فاسد لان متابعة الرئيس تعني إشرافه علي القائمين علي غلي اللبن وإنه يسأل اللي واقف قدام اللبن غلي ولا لسه ولو فار يقوله فار ليه ويحاسبه .. لكن الرئيس بنفسه مش بيقف قدام البوتجاز ويلحق اللبن دا شغل الجهات التنفيذية وهو مش منهم .. المأسأة بقي إن الرئيس مش موجود أساساً وأنا أشك في أنه بيتابع أي حاجه وكلمة متابعة الرئيس دي بتكون مجاملة من اي حد شغال في أي حته عشان لازم نردد اليمين الدستوري كله تمام وكل شئ تم حسب تعليمات السيد الرئيس

D007a

المتابعون

اعتبرها بيتك ♥

وِش القفص

خليك ورايا

دليفري..