لعلمك

لعلمك

إقرأ لي

دخلوا بكليك شمال :D

Blog Archive

السبت، مايو 02، 2009

postheadericon شركات المحمول .. الراعي الرسمي للعشاق !!



بالنسبة لي كلمة " عرض " في اعلان لشركة محمول تعني أملاً جديداً في تغيير صورتي المؤسفة لدى اصدقائي
بعد أن اطلقوا علي " سارة كلمني وشكراً " ، ويا حبذا لو لم يعلم أحد بالعرض
ستتغير الصورة 180 درجة وبسرعة البرق
لذلك أنتعش وأتأهب و أسرع لمعرفة العرض الجديد
لكن الفترة الأخيرة شهدت مآساة حقيقية من عروض شركات المحمول
كل الشركات تقدم عروضاً لا تصلح الا لإثنين من الحبيبة
من بعد الثانية عشرة بعد منتصف الليل ، حيث الكل نيام والأمن مستتب !
حتى أني لاحظت مؤخراً انه كلما ارتبط إثنان من معارفي اجد فوراً أحد الطرفين غير رقم هاتفه ليصبح مع حبيبه في نفس الشركة ، كذلك اصبح البعض يلجأ لتغيير رقم هاتفه كوسيلة من وسائل اعلان حبه أو محاولة توصيل مشاعره للطرف الآخر .. لأنه بالطبع أصعب حب هو هذا الحب الذي يحب شخص موبينيل شخص فودافون لأن هذا يكلفهم 40 قرش للدقيقة الواحدة !!

ونظراً لكرمي المعهود والمشهود والمفروغ منه فكرت في حلين لا ثالث لهما لهذه المآساة ..
إما أن يطالب أمثالي ممن لا يتلقون هدايا في عيد الحب وبالطبع لا يستقبلون مكالمات غرامية بعد منتصف الليل - ولا قبله أصلاً - بحملة قومية تراعي فيها شركات المحمول مشاعر أمثالنا من العزاب العزال أحياناً .. وإما تقوم بإلغاء هذا العرض العنصري .. أو تجعله من بعد الثانية عشرة ظهراً وحتى الثانية عشرة ليلاً

وإما أن يطالب أمثالي أيضاُ في حملة قومية شعبية وطنية أصيلة .. بأن يرزقنا الله بمن نفني عليهم رصيدنا و أتخطب بقى !


9 بوينتس أوف فيو:

مامة مازن يقول...

سارة ازيك عاملة ايه
يارب تكونى تمام وبخير
يا بنتى الراجل بتاع عميل عندى متعرفوش حلها خلاص
ويارب يا ختى تتخطبى بس ايه خليكى واعية هو اللى يشحنلك مش تخلصى رصيدك عليه
سلام يا برنسيسة

عرفة فاروق السيوطى يقول...

السلام عليكم

والله انا مظلوم من العروض أكتر منك

بس علشان حبايبى كتير

هههههههههه

انا معاكى فى الحمله

تحيتى

no4denmark يقول...

مش هتفرق معايا كتير
انا معايا خط مجانى مفتوح من فودافون لأى شبكه تانيه :p

Appy يقول...

هى مشكلتك الخطوبه ولا ام نبيل علشان اعرف احلها بس
وحشتينى يا بنوته

blue-wave يقول...

هههههههههههههه
والله فكرة
ولازم تتبنى الفكرة القوميه دى
اشمعنى يعنى؟
او اقولك
كلميهم الساعه 7 الصبح:))

Sonnet يقول...

تحياتى لك و لمدونتك الجميلة
ما شاء الله
ادعوك لزيارة مدونتى
http://shayunbiqalbi.blogspot.com/

SuperNova يقول...

for me, there is no problem. i dont sleep at night and all my friends are with me on the same operator so, i just enjoy any offer. i dont have that many friends

kafrawy يقول...

هههههههههههههههههههههههه


انا موبينيل و الحمد لله
اللى عايزينى يجيلى انا مش بروح لحد

أبو كريم يقول...

يا سارة أنا بقولك إتخطبى وهتنفضى لكل العروض لان خطيبك هو الى هيشحنلك... أقسم بالله أنا خطبت سنتين صرفت فيهم أكثر من 8000 كروت شحن !!!!!


ومراتى كانت بيتبعتلها فلوس 3 جنيه من موبينيل على استقبال المكالمات وانا معرفش!!

المتابعون

اعتبرها بيتك ♥

وِش القفص

خليك ورايا

دليفري..