لعلمك

لعلمك

إقرأ لي

دخلوا بكليك شمال :D

Blog Archive

الأحد، مايو 24، 2009

postheadericon عزيزة وتلاكيك يونس

انا مش مصدقة .. فعلاً مش مصدقة

بقى كده يا منير تعرف تضحك عليا انا كمااااااااان ؟؟

يرضيكوا كده يا جماعة ؟! بقى انا اللي بسمع منير من صغري ينضحك عليا

واصدق اغنية يونس و مسكنته

بس ظهر الحق وزهق الباطل ولما فكرت شوية عرفت انها تلاكيك ويونس مش غلبان ولا نيلة بالعكس

دا هو بيرفض عزيزة بالزوق .. طب اقنعكوا

أول ما قالتله انها بتحبه قال لها

"جى من البلاد البعيدة
لا زاد ولا ميه
وغربتى صحبتى بتحوم حواليا
وانتى تقوليلى بحبك
يعني م الاخر بيقولها اتنيلي دا وقت حب ؟؟
وبعدين قال يقنعها لحسن كيدهن عظيم
فقال لها انا غلبااااااااااااااااااان وجاي من سفر وما حيلتيش اللضى هتجوزك ازاي ؟؟
فقالت له اكيد مايهمنيش .. خدوهم فقرا يغنيكم الله
 راح قال لها

" تحبى ايه فيا وده حب ايه
ده اللى من غير اى حرية "


دا انا حتى مش حر نفسي .. تحبيني ازاي ومافيش حرية

وقعد يندب بقى ويقول

" يونس فى بلاد الشوق
اه ياولد الهلالى
بتونسنى دموع العين وانا سايب اهالى
اه ياولد الهلالى لعليا ولابيا "

وعاش للبنية ياعيني في دور المظلوم المسكين اللي سايب اهله وقلبه متشحتف عليهم

وبعدين حب يجر ناعم علشان وركين الخروف اللي بتسرب هم له

" ياعزيزة يابنت السلطان لو يتغير الزمان
وقابلتينى فى اى مكان كنت اعشق من غير ماتقولى
يووونس انا يونس "



وهو عارف كويس ان الزمان مش هيتغير ولا المكان وتلاقيه كمان بيقول في نفسه الحمد لله يارب ما يتغير


وبعدين رجع بقى يقولها الكلمتين بتوع اي شاب

انتي الف مين يتمناكي وانا لو ليا جواز مش هتجوز غيرك
لكن انا حالي مايل ومش عايز اميل بختك معايا

" كنت هقول اهو ده المحبوب
ويدوب قلبى قبل ما ادوب
اه ياولد الهلالى لعليا ولابيا
انا يونس ونسيت مين يونس
والدنيا مالت عليا "

وبردو مافيش فايدة البت ماسكة فيه بايديها وسنانها

ماهو ماحدش لاقي دلوقتي ياحسرة

راح قال يعمل ايه ف اللزقة الامريكاني دي فقال لها

" قلبى ضايع مين يلاقيه لى
باينى نسيته حدا اهلى
ينفع احبك من غير قلبى
ماتردوا عليها وعليا
اه ياولد الهلالى لعليا ولابيا "


وأخيراً .. يبدو انه ضحك ع عزيزة زي ما ضحك عليا وكنت مصدقاه

فغنى تحت الياسمينة بقى بس دي فيها كلام تاني

2 بوينتس أوف فيو:

عندما تكون ميمى وحاجات كتير مع بعضها كده يقول...

حكتينى اوى والله ياسارة بجد لا بس وصف تحليلى للاغنيه تمام يعنى مش اى حاجة والبت عزيزة دى تتقل عليه شويه هما مش بيجوا غير كده اصلا

اعقل مجنونه يقول...

انا لو منك مردش على الموبيل واسيبه يرن ومعبروش ولو غنالك بتبعدينى قولي له ربك لما يريد هيقولك طلب السماح قولي له علمونى عناك هيقولك حبه حبه قولي له هون يا ليل

علشان يتعلم يتعامل ازاى مع بنات الناس اللى زيك انت وعزيزه هو فكر انه اول ما يغنى يا سمره حد هيرد عليه

المتابعون

اعتبرها بيتك ♥

وِش القفص

خليك ورايا

دليفري..