لعلمك

لعلمك

إقرأ لي

دخلوا بكليك شمال :D

Blog Archive

الثلاثاء، يونيو 30، 2009

postheadericon أموت بس النظارة تعيش




أي حد من ذوي الأربع عيون زيي أكيد هيحس بالبوست دا أوووووووي

لأننا معشر رباعيي العيون عندنا شعار متفق عليه من غير كلام  " أموت بس النظارة تعيش

نحكي بقى ...

وأنا في رابعة ابتدائي وانت طالع بقى كنا أنا وأخويا لما نتخانق أهم حاجة نحَرَص عليها قبل وبعد وأثناء المعركة ههههههههههههه 
ولو الواحد مننا ناوي على شر بقى تلاقيه يقلع نظارته قبل الخناقة 
والهدف الرئيسي اللي يخليك تنتصر على خصمك هو انك تقلعه نظارته .. بكدة تبقى المعركة اتحسمت لصالحك 

بعد الخناقة بقى لما نبدأ نتفقد خساير الحرب اول حاجة نتطمن عليها النظارة 

ولما كبرت وكنت في ثانوي .. حصل مرة واغمن عليا ، أول حاجة لما فوقت دورت عليها هي نضارتي 
وطلعت الحمد لله سليمة .. بس للأسف بعد أول مرة اتكلمت فيها لما فوقت اكتشفت اني كان لازم ادور على سناني :(( 


من كام سنة بقى كنا في وندر لاند وراكبين السجادة المرعبة دي 
واكمني معصعصة كنت حاسة نفسي بتزحلق من الحزام اللي قافلينه علينا دا
والراجل شعلقنا فوق وثبتنا خمسة كده .. كل دا وعلى رأي الشاعر " ولقد ذكرتك والرماح نواهلٌ مني وبيض الهند تقطر من دمي " 
كانت كل البنات بتصوووووووووووت وانا بفكر في النظارة .. سايبة الحاجز وماسكة في النظارة D

طبيعي يا جماعة يكون شعارنا يكون " أموت بس النظارة تعيش " ماهو الدنيا من غير نظارة ما تتعاش :)



12 بوينتس أوف فيو:

مــحــمـود نــشــــأت يقول...

السلام عليكم

حمد لله على السلامه يا سارة
وبما انى من معشر الاربع عيون فأنا حاسس بالكلام ده جدا

وربنا يستر على النضارات ولا يجبلها تكسير ايام الامتحانات

ahmed tiger يقول...

عندك حق والله :) فاكرتيني بأيام زماااان
بس انا كنت باشيل نضارة استبن معايا احتياطي :) لزوم الخناقات والكورة
وربنا يخليلنا نظارتنا جميعا D:

شباك موارب يقول...

نفس المواقف دي حصلت معايا والله
كنت بقى في دريم لاند وراكبه الشوايه
والراجل بقى قلبنا وسابنا متعلقين شويه
ونسيت خالص النضاره
لقيتها وقعت مني تحت في الميه
ههههههههههههههههه
بعدها خلاص باظ مودي وقعدت اصرخ ونزلوني والناس مفكرين عشان خايفه او دايخه وانا في بالي اني هنزل جري واجيب النضاره.....


تحياتي
منار فايد

bos bos يقول...

هههههههههههههه

حاسة بيكى جدا لانى برضة كده

الشعب كله يا بنتى بقى بنضارات

Sweet Violet يقول...

ههههههههههههههههههههههههههه
الحمدلله انا ماعرفش الشعار ده
اصلى باتنين بس P:
لكن ممكن اتضامن معاكم يعنى
مااحنا جيران بردو فى بلوجر واحد ^_^

7oksha يقول...

بما اني مش من قبيلتكم ، ذوي العيون الأربع ، اسمحوا لي أنشر الاعلان ده :

قصيدتي الجديدة : "بحبك يا ريس"

تمتعوا بقرائتها في مدونتي الغير متواضعة

غير معرف يقول...

nice topic sara
el nadara di aham 7aga f 7ayati, 3eshret 3omr ba2a men 15 sana

المتبهـدلـون فـي الأرض يقول...

وفي وقت الخناقة لما أول حاجة نعملها نقلع النضارة .. وبعد ما تلبسها تتضح إن كل واحد كان بيضرب في نفسه

وميض ابتسامة يقول...

سمو الاميرة سارة

والله انا شايف ان التحذير بتاعك ده جاء متأخر شوية لانى فقدت نظارتى فى حادث اليم ولولا انى احتفظ بواحدة احتياطى كان زمان الواحد احتاس فى دنيا فاقدى النظارات امثالى ...

مواضيعك ظريفة مثلك تماما ...

تحياتى

SuperNova يقول...

i totally agree with that, i have an extra one just in case :)

من اجل عينيك يقول...

والله انت لاسعة فعلا

فكرتيني بايام خناقاتي مع اختي

فعلا كنت باقلع النظارة ف اول المعركة
واحيانا كانت هي اللي بتقلعها ليا عشان نخلص بسرعه

مامة مازن يقول...

ههههههههههههههههههه
المشاهد دى شوفتها فعلا
انا فى طريقى اصلا خلاص وهبقى معاكم فى القبيلة هههههههههه

المتابعون

اعتبرها بيتك ♥

وِش القفص

خليك ورايا

دليفري..