[ 3 ]
[2 ]
[ 1 ]
عربية حلوة معدية على اتنين ماشيين وسايقها راجل شكله محترم بدلة و اخر شياكة
شاورلهم وقال سلامو عليكم
شاورولوا وردوا السلام بصوت عالى
يادوبك العربية عدت من جنبهم
راح الاولانى مصمص شفايفه
وقال للتانى
[2 ]
[ 1 ]
عربية حلوة معدية على اتنين ماشيين وسايقها راجل شكله محترم بدلة و اخر شياكة
شاورلهم وقال سلامو عليكم
شاورولوا وردوا السلام بصوت عالى
يادوبك العربية عدت من جنبهم
راح الاولانى مصمص شفايفه
وقال للتانى
" الله يرحم ايام ماكان ابوه بيبع فجل على ناصية الشارع
اييييييييييييييييييييه زمن شايف راكب عربية عاملة ازاى ؟!! "المشهد بيتكرر باشكال مختلفةوبعبارات مختلفة
" الله يرحم ايام ماكان ابوه شغال عندنا "
" الله يرحم ، دى امها كانت بتشتغل فى البيوت "
" الله يرحم ، ....... إلخ
بجد الموضوع دا بقى مستفز بشكل فظيع
دا انسان محترم تعب وكافح لحد ماوصل
لا سرق ولا ابوه كان حرامى
وكمان لما وصل مابقاش متعالى
ليه الناس شايفه انه مش من حقه يكون انسان كويس ؟!!
كل دا علشان ابوه كان فقير ؟؟!!
طيب ومين فى الدنيا بيفضل على حاله ؟!!
مالازم الدنيا تعمل كده !
طب ماهو لو لازم الفقير يفضل فقير وكحيان طول عمره مهما عمل ماحدش هيشتغل
المصيبة ان الناس بردو مش عاجبهم لو كان واحد غني أباً عن جد معدي من قدامهم
هيقعدوا يمصمصوا في شفايفهم ويقولوا :
" ناس ليها بختاهو اللي قدامك دا مولود وفي بقه معلقة دهبما تعبش ولا شاف التعب "
بصراحة بقى الناس دي ما يتقالهاش غير كلمة واحدة
" قصر ديل يا أزعــــــــــر "
___________________ موضوع تاني خالص _______
دا رابط الحلقة اللي اتذاعت ع البرنامج العام عن المدونة
اسمعها لو عايز
ههههههه هههههههه ههههههههههه
ردحذففكرتينى بواحد صاحبى كل ما يشوف واحد غنى او راكب عربيه موديل غالى شويه يقول عليه حرامى
أعتقد ان دى مرض نفسى او حقد لانه هوا ممكن يكون كان فقير بس اجتهد وربنا وفقه وبقى غنى ودى حاجه كلنا نحترمه عليها انه مستسلشى لظروفه وبالنسبه للى بيقول عليه بقى حرامى او كدذا ده مريض فسةى لانه ضعيف ومفشل انه ينجح ف حياته ويكون زى اللى اجتهد وربنا وفقه وبعدين لازم كمان يؤمن بالنصيب والرزق وان رربنا مش بيظلم حد
عزيزتى
ردحذفمنتظرة ايه من ناس فاضية .. بل منتظرة ايه من ناس نسوا ان المانح هو الله وهو موزع الارزاق سبحانه وتعالى ..
وليس المرء بأصله وفصله ولكن بأفعاله وحب الناس له وحبه للخير ..
زى ماقال استاذ وميض ابتسامة
ردحذفمنتظرة ايه من ناس فاضية او جواها حقد و غل لاى بنى ادم اصلا
لكن مش هننكر ان فى ناس للأسف لما ربنا يعطيها بتنسى اصلها و تتعالى على البشر
و دول افظع من حقد الناس بتوع الله يرحم
v_v
مدونتك حلوة اوي ولاسعة اوي
ردحذفكل الادراجات جميلة جدا
انا ازاي اول مره اشوفها؟؟؟؟؟؟؟؟؟؟؟؟؟
للأسف فيه ناس كتيرة كده ومش هتتغير مهما حصل
ردحذفوزى ما بيتقال ما بيعجبهمش العجب
ازيك يا سارة عاملة ايه
ردحذفربنا سبحانه وتعالى هو مقسم الارزاق والرزق بيتابع صاحبه زى ظله بالظبط
بدل ما يقول كده او يظن انه من حرام
يدعى ربنا يعطيه ويوسع عليه
اللهم اغننا بحلالك عن حرامك وبفضلك عمن سواك
تيمووووووووو
ردحذفساره انتى بجد جواكى كلام كتير حلو
وجواكى مشاعر اى انسان عليز يعيش
نضيف من غير اى دوشه ولا قلق
بجد لازم الناس كلها تسمع صوتك
يمكن يتغيروا بجد ويراجعور نفسهم
بس زى ما قلتلك قبل كده لازم تهدى شويه
علشان انا قربت اخاف عليكى من؟؟؟؟؟
ربنا معاكى