2009-07-14

ايه اللي حصل في الجلسة الأدبية ؟؟

ليلة الاثنين ما كنتش عارفة انام ، وطول النهار مش على بعضي

لأني من النوع الخجول بالذات قدام الناس اللي ما عرفهاش

بس لما روحت جراند كافيه ، حسيت ان القعدة كده ( فريندلي ) اوي وجميلة

مش منصة بقى وحوارات وحسيت ان كل الموجودين طيبين كده وماحدش ناوي على شر ههههههههه

كان كتيييييييير من الناس اللي بحبهم معايا فكنت متطمنة اوي

وبدأت الجلسة باكتر حاجة انا فاشلة فيها

( عرفي نفسك يا سارة )

احم .. زماااااااااااان كنت اول ما حد يطلب مني اعرف نفسي

كنت بقول اسمي السباعي ههههههههههههه لكن دلوقتي ما ينفعش

فبقابل مشكلة اني اعرف نفسي ، اولاً لأني المفروض اقول اني صحفية وانا لحد دلوقتي بتكسف اقول كده

لأني بعتبر نفسي لسة كتير على ما ينفع اعرف نفسي كصحفية

ونفس الوضع كمذيعة

وكمدونة ما اعتقدش ان حد بيتكتب له في البطاقة المهنة مدون

م الآخر انا مش بعرف اعرف نفسي ، فطارق عميرة ربنا يكرمه قام بالمهمة دي

بعد كده كان المفروض اقرأ قصة من قصصي ، فطبعاً علشان صوتي مستحيييييييييييييل يسمعه حد خاصة كمان وانا بقرأ قصة

وكمان لأني بتكسف اقرا كتاباتي قدام حد فتفضل أحمد عبد ربه بالمهمة دي

بعدين كملها المدون الجميل محمد ( بجد محمد قرأها باحساس عاااااااااااااااالي جداً ، لو انا هقراها مش هقراها كده )

وقراها تاني المدون اللي بلدياتي أسامة ناصف

و اتناقشنا في القصة كتيييييييير جداً

وبعدين بدأ طارق يطرح اسئلة عن التدوين ومدوناتي وايه اللي اضافه التدوين ليا كانسانة وكصحفية

وبدأ الحضور بسألوا اسئلة مختلفة

و بعدين ناقشنا القصة التانية بتاعتي

وقبل ما نخلص خالص نورنا حد بجد كان مفجأة .. العميد .. الميت .. محمد عادل ، هو أكيد مش جاي عشاني لأنه ما يعرفنيش بس كانت فرصة سعيدة جداً انه نورنا

وفي الآخر كل واحد قال رأيه في الجلسة وفي الحضور وفيا ... قالوا كلام حلو بجد اتمنى يكون دا رأيهم فيا فعلاً :)

طارق عميرة بيقول ان الصالون نجح بتفوق

واحمد منتصر بيقول انه نجح نجاح ساحق

وانا بقول الحمد لله :)

مستنية لسة ردود الأفعال و ان شاء الله اول ما يوصلني اسامي الحضور كاملة هشكرهم نفر نفر

اللي اعرف اساميهم من الحضور

هم : ( البنات اولاً )

د / بسنت << استاذتي اللي بحبها جداً ، الانسانة اللي بجد بتديني دفعة كبيرة جداً اني اكمل

واستمر .. و هي استاذ مساعد في كلية الآداب

روضة >> حبيبة قلبي وملاكي ، والانسانة اللي بتمنى بجد اكون زيها

دعاء راضي >> رفيقة الطريق الجميلة جداً ، بنوتة آخر مجدعة وطيبة

منى اختي >> اختي وحبيبتي اللي ما سابتنيش اكون لوحدي في اليوم دا

علياء احمد >> ان شاء الله تبقى اجدع صيدلانية في الدنيا ، بنوتة بجد زي العسل

وفرحت جداً اني شوفتها بعد ما عرفتها ع النت من حوالي 3 سنين او اربعة

جهاد نجيب >> المدونة الجميلة وصديقتي بردو من الناس اللي انتقلت صداقتنا من صداقة منتدى لصداقة حقيقية

ضحى حلمي << المدونة الجميلة ، صغيرة السن كبيرة الدماغ جداً اللي بجد اول مرة في حياتي كنت اشوفها

بس حسيتني اعرفها قبل كده

وكان معاها بنوتة تانية جميلة اوي ولاء اللي فرحتني اوي بانها بتقرا لي


نروح بقى للشباب اللي نوروني

شريف شقارية >> المحرر في بحلقة والسيناريست والمدون والمهندس وحاجات كتييييييييييير

اوي بحسده انه قادر عليهم كلهم ههههههههه واحياناً شاعر كمان يعني مش عاتق :)

نورني والله ولف ياعيني الكرة الارضية علشان يجي امبارح


طارق عميرة << طبعاً صاحب الصالون والفكرة وبجد تسلم دماغه

احمد منتصر << اللي دوخته معايا طباعة ورق ودوخة :)

و كان منور جداً والحمد لله تفضل وتكرم وقال ع قصصي حلوة هههههههههه

أسامة ناصف << المدون الجميل صاحب مدونة شمو نشادر وبلدياتي بلدياتي ، دماغ بجد جامدة جداً

محمد حمدي << الصحفي والمدون النشيط اوي ،

واللي دايماً عارف اني كسولة وقعني في سؤالين بسبب كسلي دا هههههههههههه

أحمد عبد ربه << من منكوبي قسم إعدام :) وحد نشيط جداً وليه نشاط حزبي وثقافي جميل جد

اً عبد الله العباسي << المدون بردو صغير السن كبير الدماغ جداً وتفكيره حلو .. حد هادي جداً وراسي

احمد رحيم << المدون سوبر نوفا بجد انسان دماغه حلوة وشخصية جميلة ،

صريح جداً وبيحب يسمع اوي وبعدين يتكلم


محمد ميرة
: اللي نورنا وبيتابع المدونة من خلال الفيس بوك ، ناقد شاطر جداً ما شاء الله عليه :)


وباقي الناس والله انا فاكراهم جداً بس للأسف ما عرفتش القط الاسامي

ان شاء الله اول ما توصلني الاسامي هشكرهم شكر خاص

حقيقي استمتعت وما كنتش عايزة اروح بس الأوقات الحلوة بتعدي في ثواني :)


آخر حاجة بقى ، عبد الله العباسي كتب رأيه طااااااازة في الصالون الأدبي الطنطاوي امبارح

اقراه من هنا




هناك 5 تعليقات:

  1. عاااااااااااااااااااا
    إنتى ختلينى أعيط إنى مجتش
    بجد شوقتينى لإنى أكون موجود فى اليوم ده
    يلا حصل خير

    ردحذف
  2. :) معلش يا محمد نصيب بقى والله ناس كتير جداً من اللي كان نفسي تيجي حصلت لها ظروف وماجاتش بس ملحوقة ان شاء الله

    ردحذف
  3. انا سعيد جدااااا بشغلكم يا سارة

    100 100

    أحمد بدوى

    ردحذف
  4. احمد منووووووووووور والله ، وانا بجد فرحانة جداً ان حاجة زي دي حصلت في طنطا :)

    ردحذف
  5. انا اسفه انى ماجتش بجد ياساره بس انا رجعت من الكليه الساعه 15و5 وانا كليتى اصلا ف كفر الشيخ يعنى رجعت ميته بس والله وانا ف موقف الاستاد قلت اعدى كده اشوف الجو والنظام والناس خنئه ولا ايه بس ماكنتش قادره اجر رجلى بجد لما قريت اللى حصل قلت ياريتنى كنت جيت ولما عرفت كمان ان علياء واحده من اللى جم قلت اكيد اكيد دى علياء احمد ابوشنب صحبتى لانى عارفه انها بتحب المدونات والحاجات دى بصى انا ماليش خالص ف الكلام ده بس حساكى لذيذه انتى الوحيده اللى بتحفظ باللينك بتاع مواضيعها على الانبوكس ف الفيس بوك وانتى الوحيده اللى بحب اقرى لها الموضوع مره واتنين وتلاته وكان نفسى اشوفك جدا بس للاسف ماكنش ليا نصيب بس حبيت انى اقولك انى بحبك جدا وبحب اقرى لك جدا حتى لو كنت جيت كان بس عشان اقولك كده
    بسنت ناجحه وراحه 4 بيطرى

    ردحذف

Say something...