2009-07-19

أخـــوهــــا


أخوها من صغره وهو بيتحملها .. راجل بجد وشايلها جوة عنيه
أخوها لما كانوا يتخانقوا زي أي اخوات كان بيتحمل كلام كتييييييييييير أوي منها
هي نفسها مش عارفة قالته إزاي ..
وكان ينام وهو زعلان منها و لما يصحى من النوم ينسى انه كان مخاصمها وتلاقيه جاي يكلمها ويهزر معاها تاني
أخوها طول عمره حنين عليها ، لما كانوا يضربوا بعض وهم صغيرين كان يعيط علشانها مش عشانه
أخوها كان دايماً ضهرها وسندها .. في المدرسة ، في الشارع ، في البيت .. في الدنيا بحالها
أخوها كان دايماً فخور بيها ، ما كانش بيقولها كده بس هي عرفت بعدين
كان نفسه اوي تجيب مجموع حلو أوووووووي في الثانوية علشان يعمل لها فرررررررح وزيطة وزمبليطة
وكان نفسه أوي تدخل أحسن كلية في مصر علشان عارف 
" إن دماغها حلوة "
أخوها كان دايماً يستفزها علشان تذاكر أكتر وتبقى احسن واحسن
ودلوقتي بيشجعها تكون احسن وتكون زي ما هي عايزة
بيخاف عليها اكتر ما بتخاف هي على نفسها
ودايماً نفسه يشوفها احسن واحدة في الدنيا
دايماً يخليها واثقة في نفسها لأقصى حد
أخوها .... طول عمره بجد .. أخــــــــوهـــــا






محمد انا بجد بحبك اووووووووووي ، يمكن عمري ما قولتلك كده قدامك

وعمري ما حسستك قد ايه انا فخورة بيك وقد ايه بتوحشني والبيت وحش من غيرك

حاجات كتيرة حلوة عملتها لي من ورايا

ولسة بتعمل .. وعايز تعمل ..

دايماً شايل هم الدنيا من فوق كتافي ودايماً مقوي قلبي ومخليني ادوس في الدنيا

أول مرة من زمااااااااان اوي لما دخلت مدونتي وعجبتك كان دا حافز ليا اني اشتغل فيها

ولما عملت كومنت زأطاطت وفررررررررررحت اووي

ولما بتعمل كومنت وتكتب أخوها ببقى لامسة السما

محمد بحبك اوووووووووووي ربنا يحميك ياااااااااااااااارب

ونفسي افرحك اووووووووي ومش عارفة ازاي

ونفسي اشرفك اوووووووي ... وان شاء الله هعملها

هناك 4 تعليقات:

  1. حبيبتى كلامك لمسنى قوى وحسيتة جدا عارفة لية لأن عندى نفس الأخ اللى بيعمل حاجات كتيرة قوى علشانى واللى بيشيل هم الدنيا كلها علشانى ولسة بيعمل وبيعمل وبيعمل

    يارب يخليهم لينا يارب ويكرمهم ونقدر نشرفهم

    ردحذف
  2. الله أكبر
    يحرسكما من كل حاسد
    الاخوة قيمه تشعر الانسان سواء أكان ولد أو بنت بأنه ليس وحيدا فى الحياة
    ليس مهما أنه يستطيع المساعده بل المهم أنه يكون فقط موجود
    أنه شعور يدفىء الانسان يشعره بالامان
    كأنه ملك الملايين
    يكفى أن يكون هناك قلب يحبك لله
    أى نعمة هي هذه الاخوة
    تحياتى له ولكى على أحساسكما
    حفظوا على أخوتكما من تقلبات الحياة
    tp://kalamfekalamm-mohamed.blogspot.com/
    http://informationtoknow-mohamed.blogspot.com
    http://kalamfekalamm.blogspot.com
    http://comentonnews.blogspot.com
    هذه هى مدوناتى الاربعه

    ردحذف
  3. "أخوها طول عمره حنين عليها ، لما كانوا يضربوا بعض وهم صغيرين كان يعيط علشانها مش عشانه" ههههههههههههه، دا طيب جدا :]

    ربنا يخلي لها أخــــــــوهـــــا :]

    ردحذف
  4. ربنا يخليهولك بجد الواحد يتمنى لو كان اخوه كده

    ردحذف

Say something...