لعلمك

لعلمك

إقرأ لي

دخلوا بكليك شمال :D

Blog Archive

الجمعة، يوليو 31، 2009

postheadericon هل يجيد المصريون اختيار حكامهم ؟؟

أول سؤال سيوجهه إليك من تسأله هذا السؤال هو :

" وهل يختار المصريون حكامهم ؟؟ "

الحقيقة انه نعم .. اتيحت لنا الفرسة حوالي أربع مرات لاختيار حكامنا




الأولى : عام 1805 حين ثار المصريون على الوالي العثماني واختاروا - بأنفسهم - محمد علي حاكماً لهم


والثانية : عام 1953 .. حين اعلن الضباط الاحرار ثورتهم واعلنوا مصر جمهورية ..
تضامن المصريون معهم قلباً وقالباً وكان تضامنهم هذا بمثابة اختيار ..
فلو انهم لا يريدون الضباط الاحرار لوقفوا بجانب الملك وما نجحت الثورة



والثالثة : عام 1967حين تنحى الرئيس جمال عبد الناصر ،

فنزل المصريون الى الشوارع واعلنوا احتجاجهم ورفضوا قراره بالتنحي

وكان هذا بمثابة تفويض من الشعب لـ جمال عبد الناصر واختيارهم له حاكماً



المرة الرابعة : تعتبر شبه فرصة ، في عام 2005 .. في الانتخابات الرئاسية الأخيرة

الكل يعلم انه حتى لو لم يختر المصريون " حسني مبارك " فسوف ينجح في الانتخابات

لكني اقصد هنا من سمعتهم بأذني يعلنون انهم سيختاروا حسني مبارك لأن " اللي نعرفه احسن من اللي ما نعرفهوش "
و لأنه " " خلاص شبع نهب مش هنجيب واحد جديد يبدأ ينهب اكتر "

أي ان المصريون حتى لم يحاولوا تغييره ، او لنقل ..
بعض المصريون
السؤال المنطقي التالي هو .. على أي اساس اختار المصريون حكامهم في هذه المرات القليلة ؟؟
في المرة الأولى .. حين اختاروا محمد علي باشا نجد ان اسبابهم كانت كالتالي :
1 / ضيق المصريين بحكم المماليك وظلمهم
2 / تكرار رفع ومضاعفة الضرائب على المصريين
3 / تودد محمد علي للمصريين و اعجابهم به
وفي المرة الثانية :
1 / انتشار الروائح الكريهة لفضائح الملك واسرته في كل انحاء العالم تقريباً
2 / الظلم الواقع على الفلاحين بسبب الاقطاع
3 / توقعهم ان الضباط الاحرار حكمهم سيكون افضل لأنهم من طينة هذه الأرض
وفي المرة الثالثة :
1 / كاريزما جمال عبد الناصر وبلاغته في الخطابة
2 / احساسهم بالصدمة مضاعفة ، الهزيمة وان تكون البلد بلا رئيس
وفي المرة الرابعة :
الأسباب السباق ذكرها وهي أن : " اللي نعرفه احسن من اللي ما نعرفوش "
" دا نهب وشبع شوية لكن الجديد هيبدأ ينهب من تاني وياخد اكتر "
لو دققنا في اسباب اختياراتهم في المرات الأربع لوجدنا ان المصريون يهربون
من الضغط والظلم والقسوة ويختاروا اول من يجدونه امامهم مرتدياً اجنحة الملائكة و محمل بالوعود ..
لا يدققون ولو للحظة في مدى صدقه في تحقيق ما يعد به ، ولا يطلبون منه حتى مجرد ضمان ...
و هم معذورون فأي اختيار يتم تحت ضغط قوي لا تتوقع كثيراً أن يجانبه الصواب
في تدوينة قادمة سننتقل للسؤال المنطقي التالي .. ماهي تبعات اختيار المصريون ؟؟
وهل يتعلم المصريون من اختياراتهم السابقة ؟؟
وهل يوجد في مصر - الآن - من يصلح حاكماً لمصر ؟؟

7 بوينتس أوف فيو:

محمد سعيد يقول...

كدا هتروحي في داهية يا سارة :]

بس تمام والله

وفي رأيي بقى ترتيب التلاتة في جودة الحكم: محمد علي - محمد نجيب - عبد الناصر

وترتيب التلاتة في الديمقراطية: محمد نجيب - عبد الناصر - محمد علي

وترتيب التلاتة في الغباء السياسي والاقتصادي: عبد الناصر - محمد نجيب - محمد علي

وترتيب حب الشعب: عبد الناصر - محمد علي - محمد نجيب

أما الرابع فكلنا عارفين مكانه طبعا، الكبير كبير بردو. S:

Lamiaa يقول...

بداية أحييك عزيزتي علي هذه التدوينه.
أما في ما يتعلق باختيارات المصريين .. فدعينا نعترف بأن القاعده العريضه من الشعب المصري لا تهتم بالسياسه بشكل جدي ( يكتفون بالاحاديث التافهه علي المقهي , ويرون فيها درر الحكمه ), لكن لا وعي سياسي علي الاطلاق في الشارع المصري .. لذا نسمع عبارات من نوع " اللي نعرفه أحسن من اللي مانعرفوش " كما أشرت , ولذا أيضا فهم بمجرد أن يتولي من يتوسمون فيه الخير ,يتركون له الجمل بما حمل , اذ ليس لديهم من الوعي -أو حتي الرغبة- ما يكفي لمتابعة ومراقبة أفعاله كما ينبغي .. فيتركوه ليتوحش , وعندما يزداد ظلمه يبدأون التذمر .. لكنه تذمر واهن ,بلا أنياب حقيقية . وقد يستمر هذا التذمر عشرات السنوات .. الي أن تاتيهم فرصه ( غالبا ليست بأيديهم أيضا ) فقط ليعيدوا الكرة

ربنا يستر :)

أحمد فارس يقول...

يا نهار اسوح ....
والله كنت بنت طيبه


هههههه .... نسيبنا من الهزار بقى
تسلمي عالموضوع ده بس لو كنتي دققتي في التاريخ كويس كنت هتلاقي ان اختيار الحكام لم يكن هؤلاء فقط.

ويا محمد على رأيك الكبير كبير ;)

وعلى رأي سعد زغلول ما فيش فايدة

أبو كريم يقول...

انتى دلوقتى بقى...فى قمه اللسعان.. وممكن يعملولك عمليه قطع للسان..فى حد يغلط فى الراجل الكبره الديمقراطى.

إخترناه وبايعناه...
وعلى فلوسنا إستئمناه..
راح سارقنا ياحول الله...
قولنا وقالوا ماطول باله
وقفل للكاتب جرناله
وهيتعذب لو هيكدب
كل كلامه إلى سمعناه
وعشان كده احنا كرهناه



( إثنان يخافان يقظه النائم..اللص والحاكم)

dodoo يقول...

صباح السياسه ياساروره

بس بجد البوست جمييييل جدااااااا

وهقولك حاجه لمستها فى الشعب المصرى بالنسبه للموضوع ده

الشعب المصرى ماشى بمبدأ " احسن الوحشين " وللاسف ده مش بيكون اختيار لان احسن الوحشين معناه انى عارف ان كلهم وحشين بس يعنى نص العمى ولا العمى كله

وده هما مش ليهم ذنب فيه لان للاسف بتبقى الاختيارات محدوده يعنى مفيش اكتر من حد كويس عشان نختار منه

داااااااايما بيبقى فساااد ويطلع واحد يقول وعووود فبالتالى بيتعلقوا بالواحد ده ويقولوا لعله صدق
ده غير طبعا انهم مااتعودوش انهم يتحملوا مع حكامهم مسئولية الحكم او بمعنى اصح المشاركه فى القرارات
فمابيصدقوا يجى واحد يشيل عنهم الحمل ويعمل اللى يعمله بقى حتى لو كان فيها خراب بيوتهم
:::::::::::::::::::::::::::::::

الموضوع انا فعلا شايفاه كبيير وعايز كلام كتير جدا وفى انتظار ياساروره التدوينه التانيه

سلامى لاحلى ساروره

غير معرف يقول...

يا دى الخيبة يا بنتى خافى على نفسك ورا الشمس بعيد قوى ههههههههههه
طب متهونيش اسيبك لوحدك استنى اما اروح معاكى شوفى اللى فات فات المصيبة فى اللى جاى يا اختى كلها كام يوم صغيرين قوى قوى ونلاقى المحروس خد ولاية العهد وقعد على كرسى العرش نظام تدبيس برضه
وبرضه الناس هتفرح وتقولك اللى نعرفه احسن من اللى منعرفوش او دول شبعوا او بتاع
من يصلح الان حاكما لمصر
اقولك
يعملو انتخابات زى بتاعت امريكا سنة واللا حاجة ندرس فى اللى هيترشح ونعرفه
الحكاية لا بالسن ولا المستوى ولا حتى الخبرة
كله بالحكمة ورجاحة العقل بس هى فين الحكمة فين القناعة فين الاخلاص
بعد ما نرجع من ورا ال شمس نبقى ندور عليهم
انا خفت تصدقى احنا هيسنا ولسعنا زيك وربنا يستر هههههههههههههه

Tarkieb يقول...

اولا مين اختار محمد على؟ المصريين ولا شيوخ الازهر وعمرمكرم ورجالته بعد ما ضحك عليهم؟....هي الناس اختارت نجيب؟ ولا فرض عليهم....ولما حبوه اتشال وفرض عليهم ناصر...لما الجماهير اختارت ناصر بعد النكسة في بلد تانية كان اتحاكم.....والسادات ومبارك محدش اتكلم وبكرة جمال يجي...الشعب المصري ايام كافور الاخشيدي .رضي ان يحكمه عبد وخصي وجربان ومفتحش بقه .......تفتكري لو دلوقتي ناصر والسادات قامو وربنا ما حيشمو السلطة والسعب ح ينتخب حسني

المتابعون

اعتبرها بيتك ♥

وِش القفص

خليك ورايا

دليفري..