لعلمك

لعلمك

إقرأ لي

دخلوا بكليك شمال :D

Blog Archive

السبت، أغسطس 29، 2009

postheadericon يابكرة بستناك .. ليك العيون حنوا




ناس كتير أوي بتقعد تقول انها بتحن لزمان

وانها نفسها ايام زمان ترجع تاني ،

وانهم نفسهم يرجعوا صغيرين من تاني ..
لكن انا عمري ما حنيت لزمان ..

مش بفتكر أيام زمان وعنيا بتدمع من الحنين

ولا عمري اتمنيت ارجع طفلة تاني أبداً ..

دا انا يمكن مستعجلة اوووووي على بكرة علشان انا بهرب من امبارح

امبارح ما كانش وحش .. بس بكرة هيبقى أحلى

امبارح كنت طفلة .. قراري مش بإيدي .. حريتي مش في إيدي

لكن كل ما اكبر كل ما امسك خيوط حياتي بقوة أكبر

امبارح ما كنتش انت في حياتي ..

تفتكر دا مش سبب كفاية علشان ما اتمناش أبداً اني ارجع لامبارح ؟؟


وبكرة .. بكرة عندي أمل كبيييييير أوي انه يبقى معاك

يبقى ليك وبين ايديك ..


ودا كفاية اووووووي علشان استنى بكرة بشوق ..



وحشتني أووووووي ... يا بكرة


يابكرة بستناك ..

ليك العيون حنوا






7 بوينتس أوف فيو:

أبو كريم يقول...

Her Royal Highness Princess Sara

سمو الأميره ساره


عندك حق نعيش بالأمل فى بكره( اليوم أو الشخص) (: أحسن ما ما نضيع وقتنا فى يوم عدى وفات

وتذكرى دائما أن الأيام خمسه كما قال القرأن الكريم

• يوم مفقود:
اليوم الذى مضى ولن يعود أبدا

مامن يوم ينشق فجره إلا ينادى قائلا " يابن أدم أنا خلق جديد وعلى عملك شهيد أغتنم منى فأنا لا أعود إلى يوم القيامه"

أتسمع الطيـــر أصاوى الصياح
وقد بدى فى الأفق نور الصباح
مــــــا صاح إلا باكيا ليلة ولت
مــــن العمــــر السريع الرواح

•يوم مشهود:
اليوم الذى نحن فيه
•يوم مورود:
الغد الذى لايعلمه إلا الله
•يوم موعود:
اليوم الذى تصعد فيه الروح إلى الله
•يوم ممدود:
الذى ينادى فيه ملك الملوك لمن الملك اليوم

احمد ماهر يقول...

سامحينى كلامك للاسف غلط تماما ..كلامك غلط وان كان يبدو مقنع
لأن فعلا الطفل ميقدرش يعمل حاجة بنفسه وبيبقى نفسه يكبر علشان يتحكم فى كل حاجة يمتلكها لكن الله اعلم اللى جاى ايه
لأن اللى عدى معروف انما الجاى محدش يعرف فمحدش يضمن ان اللى جاى هيبقى احسن يمكن تلاقيه العكس ....
"لو اطلعتم على الغيب لاخترتم الواقع"
وشكرا.
احمد ماهر

سمو الأميرة سارة يقول...

الله على التحية الملكية دي يا ابو كريم :)

كلامك جميل جداً يا ابو كريم واول مرة اعرف موضوعغ ان الايام خمسة .. شكراً جداً ع المعلومات دي

سمو الأميرة سارة يقول...

احمد ماهر كنت مستنية تعليقك دا

مش قصدي تعليقك انت كـ " احمد ماهر " لكن .. كنت مستنية التعليق اللي يقول لي لو علمتم الغيب لاخترتم الواقع

اقولك ايه اللي ضامن لي ...

ضامن لي اني واثقة اوي في ربنا
والحمد لله حاسة ان ربنا بيحبني

وضامن لي ان رسولي عليه الصلاة والسلام قال لنا تفائلوا بالخير تجدوه

فمتفائلة ببكرة وواثقة في كرم ربنا وانه هيكرمني لأنه عمره ما خذلني :)

Sherif Mesallam يقول...

بصي هو الحنين للماضي ده مش معناه اننا مش حابين ان بكره ييجي و عندنا امل انه يبقى أحلى .. أنا شايف الاتنين حاجتين مختلفتين و ممكن نحس الشعورين في نفس الوقت ..
يعني انا مثلا كل ما افتكر ايام زمان بجد بتوحشني بكل زكرياتها و مواقفها رغم اني ساعتها برضه زي ما كنتي بتقولي كده مش واخد حريتي و لا قراري في ايدي .. و في نفس الوقت برضه حابب بكره جدا و نفسي ييجي و عندي امل كبير اوي يكاد يكون يقين انه هيبقى احلى جدا من دلوقتي .. و من امبارح
باختصار امبارح حلو بس كفايه عليه كده مش عايزه يرجع .. بكره أحلى و مستنيه بفارغ الصبر ..
تحياتي لافكارك سمو الأميره (:

غير معرف يقول...

سمو الاميرة عصاية قصدي سارة ليه نستعجل الايام وندجري بسرعة من امبارح ما يمكن امبارح كان فيه حاجات حلوة مشفنهاش وفي استعجالنا لبكره معشنهاش ولما ييجي بكرة نندم ان احنا معشناش امبارح صح لان امبارح هو ذكرى بكره والانسان بلا ماضي او ذكريات كشجرة بدون جذور عمرها قصير 0

جمال ابراهيم يقول...

ليه دايما نهرب من امبارح ، امبارح ده هو ذكرى النهارده وهو ماضينا بل هو جذورنا واللي ملوش جذور عمره ما يكبر ، فذكرى امبارح على اساسها بنبني النهارده وبكره وبعده واحنا في لهفتنا واستعجالنا لبكره ممكن ندوس حاجات جميله ومنعيشهاش ونرجع نقول يا ريتنا عيشناها ، عيشي امبارح وخدي منه العبره للنهارده وبكره 0

المتابعون

اعتبرها بيتك ♥

وِش القفص

خليك ورايا

دليفري..