لعلمك

لعلمك

إقرأ لي

دخلوا بكليك شمال :D

Blog Archive

الأحد، أغسطس 30، 2009

postheadericon هم بيتكلموا عن مصر يا ولاد ؟؟


امبارح اتهفيت وفتحت التليفزيون

واتفرجت على حلقة من كل مسلسل من بتوع رمضان
بغض النظر عن ان اللبس في المسلسلات بقى انيل من الافلام
وبغض النظر عن ان الشتايم بقت عاااااااااااااادي جداً ،

شكل التيييييييت عندهم بايظة تقريباً
لاحظت اني مش لاقية مصر في المسلسلات
خاااااااااالص
من اول الديكور اللي غربي اوي ، ومابيديش احساس بالبيت كده

كل الديكورات تقريباً واحدة وكلها تحسسك انه استديو مش بيت  ..

مش بيت مصري ع الأقل
مش قصدي فقر أو غنى .. لأ قصدي روح
مروراً بقى باللبس ، وبالتصرفات والمناسبات وكل حاجة

يعني في مشهد كالآتي
لوسي بنتها راجعة من برة ، نازلة من عربية واجد " صاحبها " وهي مكشرة وضاربة بوز
تقوم مامتها تشخط " ما شخطتش اوي كمان " وتقولها ايه ؟؟
مالك كده مش على بعضك وحالك متشقلب ، الصبح خرجتي مع اسماعيل وراجعة بالليل مع كريم ؟؟؟؟؟
راحت بنتها بصت لها كده ودمعت
راحت النبرة اختلفت خااااااااالص وقالت لها ايه
:
يا حبيبتي يابنتي .. اطلعي خدي حمام واهدي كده

وانا هعدي عليكي في اوضتك نتكلم شوية

!!!
يعني هي ما عندهاش اي مشكلة ان بنتها خارجة مع اسماعيل
،
ولا انها راجعة مع كريم، ولا انها طول النهار برة وانها
راجعة في عربية واحد " صاحبها " هي كل مشكلتها ان بنتها ... راجعة مكلضمة
دول عايشين في مصر !!
:D

آه والله في مصر
وغيرها وغيرها .. دا هي حلقة يتيمة اللي اتفرجت عليها من كل مسلسل واتشليت بجد
وختمت بقى بالبرنامج السخيف الثقيل الوقح بجد اللي اسمه ستار بلس
  
بتاع محسن جابر وعلا رامي وواحد كده من اللي كانوا بيطلعوا في اديني عقلك

3
حشرات قاعدين جنب بعض واسمهم لجنة تحكيم

انا كنت بحب علا رامي لحد امبارح
لما شوفت قلة ذوقها ووقاحتها ما بقتش طايقاها
 ما انكرش ان اللي متقدمين للمسابقة عاهات اساساً وماعندهمش ريحة الموهبة
 
لكن هم اساساً عاملين البرنامج علشان يتيرأوا عليهم
 ويستغلوا انهم حلمهم يبقوا ممثلين او مغنين ويسخروا منهم
بجد حاجة " مقززة " جداً وبعد ما كنت قرفانة من الراديو اكتشفت انه احسن بمراااااااااااااااااااااحل والله

3 بوينتس أوف فيو:

أبو كريم يقول...

فزرهم يخوضوا ويلعبوا حتى يلاقوا يومهم الذى كانوا يوعدون

صدق الله العظيم


مانجلكيش فى مصر لو كان مثقفينا راقصات
ونجومنا ممثلات وعقلائنا مخرجون ومدبرى أمورنا فوق الثمانيين فشربلها حلبه وقولى يا رحمان يارحيم


مستغربه ان لوسى بتقول لبنتها ادخلى خدى دش وبعدين أعدى عليكى ندردش

ههههههههههههههههههههههههههههههههههههههههههههههههههههههههههه

ضحكتينى إنتى أخترتى الشخصيه الغلط عشان تعاتبيها

بتنقط من كلمة نجم ونجمه الى بيطلعوها على اى حد اليومين دول

وعلى رأى بيرم

يا شرق فيك جو منور

والفكر ضلام

وفيك حراره يا خساره

وبرود اجسام

فيك تسعميت مليون زلمه

لكن اغنام

لا بالمسيح عرفوا مقامهم

ولا بالاسلام

هي الشموس بتخلي الروس

كدا هو بدنجان


ياله بلاش حرقه دم سلام يا سمو الأميره

rssamet_algera7 يقول...

هدوول مش ممثلين
هدول شوية حثالة بيطلعو كل سنة عشان يسرحو فينا

شوهو اسم الفن وخربوووه

تحية ليكي

SuperNova يقول...

i totally agree with you, and thats one of the reasons why i dont watch tv.

BTW: Mohsen Gaber is my father's cousin

المتابعون

اعتبرها بيتك ♥

وِش القفص

خليك ورايا

دليفري..