2009-09-19

بأي حال عدت يا عيد ؟؟ ماتروح احسن يا شيخ :D





بتفررس من العالم الكئيبة اللي اول ما العيد يقرب

تلاقيها تقعد بقى ليل ونهار

على الماسنجر وعلى الفيس وكل ما تشوف خلقة حد تقول

" عيد ؟؟ بأي حالٍ عدت يا عيد "

وتقعد بقى تفكرك بمآسي المسلمين من أيام قريش

وازااااااااااااااااي تعيد وهم زعلانين ؟؟


وازااااي تفرح وتاكل وتشرب وتنبسط وهم تعبانين ؟؟

ياسلاااااااااااااام !!

يعني انتوا ما بتفتكروش انهم تعبانين الا في العيد ؟؟

العيد اللي ربنا أمرنا نفرح بيه وننبسط ؟

ونهى عن الكآبة في العيد وعن زيارة المقاابر !!

حاجة تفرس بجد

دا انا كمان بفترض .. بفترض يعني انهم ناس بعملوا باللي بيقولوه

وفعلاً شايلين هم المسلمين

كتير اوي بحس انهم ماشيين بنظام .. خالف تعرف مش اكتر

مش الناس كلها فرحانة ؟؟ احنا بقى زعلانين ومقهورين وهنقهركم معانا

اوك ماشي شيل هم اخواتك في الاسلام

وافتكرهم وادعي لهم

لكن ما تحاولش تقنعني اني لما افتكرهم يوم العيد وانكد على نفسي

وانساهم طول السنة كده هم هيرتاحوا او يستفيدوا

ما علييناااااااااااااااا

ربنا يهديهم يارب


انا بقى عايزة اقولكم كلكم نفر نفر كل سنة وانتم طيبين

يارب يبقى عيد سعيد عليكم كلكم

وعلى كل احبابكم

ويارب يبقى بداية لصفحة جديدة في حياتكم

و يارب حياتكم كلها تبقى زي السكر بتاع الكحك

طعمها مسكر .. وريحتها حلوة .. ونااااااااعمة :)



هناك 9 تعليقات:

  1. انا خايف تكوني انتي اللي بتعارضي الناس من غير ما تديهم فرصه كافية _ أوعي تخلصي مخزونك من الموضوعات اللي تستاهل تتعارض و تدخلي علي الموضوعات اللي مش مستاهله _ في ناس قصدها كويس و توقيت العيد بالذات او اي مناسبة دا توقيت له سبب قوي لأنه بيكثر فيه الغفلة و اللهو و بالمعني دا ممكن نستحملهم لو زودوها شويه زي ما في رمضان نبقعد نقول رمضان مش خيم و مسلسلات ونوم اشمعني يعني رمضان اللي بنقول فيه كدا لان رمضان اتعرف عننا فيه انه موسم للحاجات دي . هما كمان دا بيكون موسم للتذكره بالنسبة لهم. ممكن انتي وقعتي مع ناس من اللي هي بتحب يبدو انها عميقة في تفكيرها عن طريق اسلوب ان المكتئب دايماً فاهم و شايف اكتر و دول كتييييييييير و عموماً كبري دماغك و عيشي العيد لأن اللي فاكر اخوانه مش بإنه قعد يعيط عليهم في العيد و إبقي إسأليه هو عمل إيه عشانهم بجد . و كل سنة و انتي طيبه

    ردحذف
  2. ماتخافيش ماحدش هيقول كدا خاااااالص
    انا هنا عشان اقولك افرحي وكل سنه وانتي طيبه

    ردحذف
  3. ههههههههههههههه
    دول ناس مالهمش فيها

    ردحذف
  4. كل سنة وانتِ بخير
    ربنا يسعد أيامك دايما
    تقبل الله منا ومنكم

    ردحذف
  5. كل عام وانتى بالف خير وصحه وسعاده ياقمر

    ردحذف
  6. تقبل الله منا ومنكم
    كل عام وأنت بخير

    :)

    ردحذف
  7. انا من نوعية الناس اللي بتكون كئيبة في العيد . بس لما بلاقي حد مبسوط مش بحاول احسسه بكدة

    ردحذف
  8. إحم إحم
    إزيك يا سمو الأميره ساره
    كل سنه وانتى طيبه متأخره طبعا شويتين
    أنا من المعجبين جدا بمدوناتك وبحب بوستاتك بس أول مره أعلقلك

    أنا واحده من الناس اللى بيكتبوا الجمله دى على فكره

    أيون

    بس مش لنفس التفسير اللى عرضتيه
    انا عن نفسى كتبتها لأنى حسيت ان السنه عدت من العيد للعيد وأنا مفيش جديد عندى ومفيش أى حاجه حصلت فى حياتى لها صدى من السنه اللى فاتت لحد دلوقتى
    بحس كل حاجه زى ما هيه
    بالتالى الموضوع بالنسبالى شخصى
    وفيه ناس بتكتبها لأسباب تانيه خالص
    فكل واحد بيشوفها من وجهة نظره
    فمش دايما اللى بيكتبوها بيبقوا مكتئبين وحالتهم صعبه
    ده توضيح بس عشان مش نظلم حد

    وإن شاء الله يا ستى السنه الجايه يكون حصل تغيير عندى
    أقل ما فيها هكون خلصت كليتى العتيقه واشتغلت

    يللا بإذن الله نتعرف قريب على بعض

    ردحذف
  9. تيمووووووووووو22 نوفمبر 2009 في 3:10 م

    تيموووووووو
    اولا كل سنه وانتى طيبه وزى القمر
    ثانيا انتى مش هتبطلى تشوفى الناس بعينك انتى وبس انا قولتلك قبل كده
    شوفى الناس بعينهم هما واضح انك ما بتسمعيش الكلام(سورى يعنى)
    المهم حاولى تنزلى الشارع وتتكلمى مع الناس انا عارف ان ده هيكون صعب على بنوته وبالذات لو كانت لاسعه بس انا متاكد انك تقدرى تعملى كده انا مش هابنكرش ان كل مدوناتك عجبتنى مووووووووووووووت بس انزلى وحاولى تحتكى بالناس اكتر من كده علشان تعرفى تكتبى مواضيع عليها القيمه وسيبك بقى من المواضيع الهايفه اللى لا بتقدم ولا بتاخر
    وعلى العموم يا ستى كل سنه وانتى زى القمر وطيبه وبخير وبوصيكى تفرحى فى العيد ده من قلبك الطيب الصغير
    وتنسى اى هموم فى حياتك وان شاء الله هنتعرف قريب
    بااااااااااااااى يا قمر

    ردحذف

Say something...